稻香.茶居 (新都城中心二期)

营业中

休息中

早上經過寶琳新都城「稻香・茶居」，👀到好多人圍住門口等位，於是行去八下 😏，發現11:00前落單、11:30前結算離座，除個別點心外，全部半價 (星期一至六) 👇🏻於是第朝一早去搵位試下啲食物質素如何 🤔👆🏻“傳統煎釀四寶”～火喉煎得唔錯，味道適中😉👆🏻“香麻煎堆仔” (一嚟到👀到咁正，唔記得影就食咗一件 😅)～油溫炸得唔錯，外面脆bobo，內裏芋蓉軟綿綿又唔太甜👍🏻😋😘👆🏻“鹹魚雞粒飯”～有驚喜，雞肉嫩滑鹹魚香，同時啲飯好有咬口👍🏻😋👆🏻“漁香撈拉麵”～漁香夠香味、麵質頗彈牙，加埋少許生菜拌食，味道唔錯 👍🏻😃👆🏻“懷舊豬肚雞扎”～味道就一般…中規中矩啦！👌🏻👇🏻幾款點心，外觀👌🏻，但食落就麻麻哋喇～蒜蓉魷魚粉絲都有啲苦澀味、牛肉及鯪魚球冇味兼太淋(可能番蒸嘅關係)、粉果皮太厚又冇咩餡，如下次再嚟食，都唔會再點囉！😐點心質素平均唔錯，下次再嚟會試下其他點心！😉

打風唔知食咩好，下午茶同屋企人去咗飲茶去咗稻香叫咗八至10個點心食小籠包叉燒酥蝦餃燒賣薄撐雞絲粉皮蘿蔔糕香煎蝦米腸大約食咗$300 賣單，味道一般般都還可以而家點餐全部用QR code落單，洗碗機和沖水機都是用一部機來做晒都唔需要侍應

同屋企人嘅中秋節團圓飯揀咗新都城嘅稻香，分6:00-8:00，8:00-10:00兩個時段。由於限聚令仍然持續，每枱最多六人，今年亦無叫其他親戚，連家姐同姐夫亦無邀請，要分開同爸爸媽媽食。我哋五人點咗五個小菜，不過好似唔係咁飽。法式脆皮蠔，除咗食日本餐廳嘅吉列炸蠔同火鍋外，廣島蠔都未試過裹脆漿炸，夠脆又唔會太厚粉漿，幾好味。豉油皇海蝦，煎得好香，連殼食都無問題。抵食晚巿三寶：馳名沙薑雞(半隻)，無特別，都幾滑。翡翠炒帶子蝦球，西蘭花爽脆，帶子大片，蝦球都大大粒。清蒸花尾龍躉，新鮮又滑，大條多少少會好啲。

話說噚日係中秋佳節，大家食左幾多月餅呢 ?? 我就當然要趁呢個日子同屋企人一齊渡過，一齊食飯做節，大家趁機相聚一下。事前我地已經 BOOK左枱了，但噚日應該太多人都做節關係，我地只能安排 6點幾呢個時段，幸好大家都提早收工，可以趕到。首先入場時果然真係好熱鬧，疫情之下都好耐冇見過咁多人的場面了，咁我地就安排左一張唔細的枱坐低，每張枱都有個水壼連倒水為一體的裝置，職員表示可以將洗碗的倒落去，我覺得呢個做法唔錯，可以減少呼喚職員的次數，值得一讚！💋鮮果咕嚕肉，首先一黎就上左呢碟餸，唔知係咪擺耐左關係，佢溫度唔太夠熱，算係室溫狀態，幸好佢啖啖肉，唔似有D用排骨製作，要吐骨，唔夠優雅，味道方面都幾好，唔會太酸，最有驚喜反而係拌碟的菠蘿，一食首先覺得好冰凍，好特別，食落好甜，甜到好似食緊地X罐頭的程度，但我鐘意XD，小妹好怕食酸野，呢個伴碟反而好似係主角咁成為大家爭奪的目標LOL。💋海味雜菜煲，份量好多，菜菜的款式又豐富，噚日的配搭係娃娃菜，小棠菜，西蘭花同菜心(唔知配搭係咪日日唔同呢) 岩晒我呢D同菜菜做朋友的孩子，佢中間有D粉絲，似有經過加工處理，呈現出啡啡地的顏色，但食落唔太覺，係心理感覺

因為消費卷優惠，所以今晚去稻香打邊爐。之前消費卷一出，朋友就係稻香買左$1000送$500 coupon 。依家夜晚仲有8：30前7折，8：30後半價優惠，coupon都可以照用，講真真係抵到爆炸，唔怪之得，日日都見到排長龍。平到咁，我地今日就諗住叫象拔蚌食，見到枱面放左張優惠券 ：象拔蚌一條+醉雞鍋 $268 。好平喎，如果分開叫 一條象拔蚌$188 ，醉雞鍋$128 。咁緊係叫set啦。(但係原來分開叫，仲抵，點解.....下面計俾大家睇)一黎食左象拔蚌先，就咁刺身食，都有D鮮甜味，不過食耐左，D冰開始溶，都係淥一下 ，穩陣啲，淥一淥鮮味仍然喺度， 仲多咗啲爽口嘅感覺，不錯。再試下D雞，雞肉無咩味，酒味就唔太濃，反而藥材味就重啲，湯底仲有D甜味，可能因為有D紅棗喺度，越滾越出味，用黎打邊爐都幾好。再叫左個滑牛，四寶丸同薯粉，正正常常，一般酒樓既貨色，無咩特別。食飽埋單走人，兩人$442，當時覺得真係好抵。但有小插曲：返到屋企朋友話原來象拔蚌嗰set 係無得再7折，因為一直都話8：30前，所有野食都有7折優惠，如果計返，分開叫7折後 ：象拔蚌 $188=$131.6 ,醉雞鍋 $12

呢排稻香可以用反app 拿位，而且早茶仲有半價點心優惠，所以成為了我同媽媽假日飲茶必去既地方。叉燒菠蘿包皮脆但叉燒餡好少，多d 會更好XO煎蘿蔔糕完全唔辣，蘿蔔糕煎到有脆邊，勁正，但可惜太多粉。金錢肚，鳳爪煮得好淋又入味

好耐冇試過平日去飲早茶，放大假就梗係陪下屋企人去飲茶啦，稻香平日早市全部點心半價，感覺好抵🙆🏻‍♀️❣️原蝦燒賣皇 $15❣️稻香蝦餃皇 $15❣️海蝦肉丸粥 $12❣️醬皇金錢肚 $13❣️懷舊豬肚雞扎 $12❣️濃湯韭菜鴨紅 $13❣️鳳爪排骨飯 $13❣️藥膳蒸鳳爪 $12❣️美斯腐乳通菜 $12❣️人氣鮮蝦腸 $15❣️魚膠灌湯餃 $13點心種類好多，揀嘅時候心大心細，推介食燒賣皇同埋鮮蝦腸，因為真係食到好多隻🦐🦐🦐，但唔推介食雞扎同鴨紅，雞扎用料唔太新鮮，成嚿嘢只有嚿豬肚係好味，鴨紅就全凍而且好硬，唔係平時食鴨血嗰種滑，所以唔推介🙅🏻‍♀️🏦是次消費總額 $192.5（人均消費 $64.2）茶位$10 🍴須加一服務費👅好味度：7.5（10分滿分）點心真係好平，而且選擇起碼超過80種，不過價錢同食物係成正比，味道唔算太好味，而且分量因應價錢而變細左，不過就真係水滾茶靚，可以過下飲茶嘅癮💁🏻‍♀️

當日係平日我們一行四人經過稻香，見到火鍋八點後有半價優惠，由於我們想吃打邊爐，而當時已經7:45 ，於是排隊攞飛等位，職員於八時正開始安排入座。之後我們發現可以優惠價$1，每人叫一隻乳鴿，於是就每人叫咗一隻，乳鴿上枱後，賣相相當不錯，有肉汁，都幾抵食由於每人食咗一隻乳鴿，所以都已經飽咗三分一，所以我哋叫火鍋食材比較少，首先想叫胡椒豬肚湯底，但最後職員說已售罄，所以最後叫魚湯底，湯底不算太濃，但味道幾清甜， 魚有事先煎過，亦有好多枝竹。火鍋配料叫左肥牛、響鈴、水餃雲吞、廣島蠔、金菇、海蝦、墨魚滑，綜合丸，食材都算新鮮，味道不錯。

最近我又食1元乳鴿了稻香酒樓經常都會推出1元優惠最出名就係1元1隻雞，飽到不得了，其實水準一般我反而覺得乳鴿仲好食嗰隻雞今次是1元乳鴿1隻每桌每1人只可叫一隻乳鴿推廣期有限，唔會知道去到幾時入去之前問清楚仲有冇一元優惠先!我以為好細隻，同普通酒樓水準係又乾又鞋想不到水準真不錯，好大隻我吃了1隻已經少少飽肚了那種脆皮就是一咬下會發出響聲的做到真正的皮脆肉嫩，好鮮甜少少鹹其實我覺得唔需要沾鹽，難吃才要當然沒有太多汁如果做到好有汁的水準，要新鮮鴿才多我很懷念以前食正宗石岐乳鴿，新鮮爆汁除了吃乳鴿，我們叫了1款孖寶點解要假叫套餐，因爲抵食一款是大聖子配蝦醬魷魚炒通菜那個新鮮豉椒炒特大聖子又真係幾抵食三成人，每人都分到好幾舊，又爽又惹味抵食過西貢食新鮮海鮮，散叫價錢偏貴！我媽好聰明，吾講吾知可以叫蝦醬通菜少鹹通常一般都鹹到不得了，好唔健康!另散叫蒜茸粉絲蒸紫貝6隻及中湯鮑魚無花果貢梨$28一個湯料多，中湯我、爸和媽，一人一個仲有一粒連穀大新鮮鮑魚好滋補，又鮮甜的雪梨湯，好過自己煲呀埋單要5百元多，因為3大1小食又有茶位，又加一服務費大家記得如果要食就五時多去拿位了，早食好，差不多每桌子也有1元乳

2人晚餐，叫咗孖寶 - 清蒸花尾躉仔+蟹肉扒豆苗（$178），加一碟蒜茸粉絲蒸蟶子（$78）。加兩個白飯，一罐可樂。埋單$360。蟹肉扒豆苗 - 好大碟，算嫩，但完全唔覺有蟹肉，只見金菇同蛋白。蒜茸粉絲蒸蟶子 - 蒜茸粉絲好夠味道，餸飯一流。清蒸花尾躉仔 - 不錯，唔腥。枱旁有自助茶水。茶葉獨立包裝，香片都幾香。總體食物味道ok。食物份量足，三碟餸兩個人食唔晒，菜同魚都有剩。星期日晚，可能疫情關係，竟然都坐唔滿。環境清潔。服務員態度ok。會再幫襯。

酒樓都係我會常日考慮去既地方，首先坐得舒服，又有茶飲！所以間唔時都同屋企人放假飲茶！今次去稻香，覺得佢裝修完貴左、但味道比之前好啲。稻香依家玩電子制，用手機落單，有部茶水車，會自動注水同加熱，都慳返唔少人手😂我唔太鐘意燒賣淨係得蝦，所以佢呢個燒賣我麻麻，但鐘意多蝦嘅人就要叫，一粒兩隻蝦，都彈牙架！我鐘意個薑汁雞肉腸粉，雖然佢唔係我以為咁腸粉廣醬汁有薑，係粒雞有薑味、但食得過，似腸粉加雞扎味道😁另外個紅油抄手都唔錯，佢啲雲吞無蝦的，但味道調得幾好！

食到火鍋一半熄左個火諗住抖下再食，點知個火鍋有成堆黑點浮面，望清楚啲原來係蟲仔!!! 仲要好多隻!!!!叫個經理換番同樣本身個花膠雞鍋，仲要唔肯換，屈得我地話我地叫蜆，可能啲蜆有蟲怪我地唔最後先落，話成日都有客發生!!! 痴線!!!唔認錯仲要怪番個客，同啲蟲仔好明顯唔關啲蜆事！ 最衰佢拎走得太快個煲冇為意冇影成堆蟲果張相，但絕對blacklist !!!!太嘔心!!!😡😡😡😡😡😡冇禮貌又唔衛生!!!!

以往都有去過呢間稻香飲茶，不過基於佢係集團式經營嘅酒樓吧，點心嘅味道、用餐體驗都只是很普通⋯⋯⋯⋯⋯⋯不過，一個星期前，這間稻香酒樓升格為稻香茶居，全新裝修，全新格局，全新體驗，令人有一種耳目一新嘅感覺。尋日朝早9點3喺手機APP攞飛，到現場等咗1個多小時就入座，茶居姐姐畀咗一包茶葉我，之後就入座，原來有茶車，電動煲滾水，自己入茶葉，自己沖茶，第一個新體驗，唔錯到叫點心，整個茶居採用手機點餐，第二個新體驗，先進又環保，不過會考慮到好多公公婆婆都未必識用手機，可能會帶來不便，尚可。到點心上枱了，都是水準以上，特別推介新登場的肉沫鴨紅粥，連埋單棍油條只是17蚊，早餐抵食好食之選。溫馨提示，星期一至五早市11點完結，不過11點半前埋單，仍可享有點心半價優惠！總結：對於少去茶居、茶室飲茶嘅小弟，這是一個非常不錯的全新體驗！