稻香.茶居 (新九龍廣場)

营业中

休息中

沒有服務沒有人給我倒水不要說茶了水都沒有照樣收服務費和茶位問收銀的跟我理直氣壯回答「係啦，自己倒」「係啦依個係服務啦」？牛逼生為香港人真係好自豪稻香倒闭吧我谢谢你

星期六中午到咗大角咀新九龍廣場呢間稻香飲茶，唔知道咩原因會讓一間酒樓變成咁樣，對面嗰間海東軒排隊，呢間卻門口羅雀，當我哋行入去，惡夢就開始⋯今次唔愉快嘅消費體驗，本身諗住想將整個過程詳細寫出嚟，但一想就嚟氣，唔值得我使時間，但又唔吐唔快，簡單總結吓：全程冇招呼，員工冇表情、冇回應、冇禮貌，餐具污糟，出品差，冇下次。筷子係直接掟在桌面，讓我哋自己擺，椅子上有食物殘渣，落單要自己去搵侍應，點心半個冇到，又要自己搵侍應追有好幾年冇到呢間飲茶，以往飲茶和食火鍋嘅首選之地，依家變晒，完全唔係我心目中，

本来想着在冬至佳日去稻香也是一个很不错的选择。一路上菜慢也就算了.可当我们吃完饭单也结了，突然之间他们把送上最后一道菜送上来了。立即找了服务员，服务员推到部长，部长又推了个经理过来。经理过来，更让人气愤，态度极其恶劣，一会说假日人多，要求我们体谅，一会又说人手不够，最让人气愤是我们不应该提早买单，要等他的菜出来，还说送两个橘子给我们套餐，套餐里面是没有的，好像很大的恩赐一样🤬😡为什么老牌的餐饮连鎖的经理连个最基本的道歉也没有一句呢，管理差到这么可怜吗😱😤😡

晚上$9.9 羊腩煲份量都可以，2個等食岩岩好有羊腩 馬蹄 腐竹 魚腐 冬菇 京蔥薑味都幾香味道唔會太咸👍🏻👍🏻係好抵食既特選飲品有優惠啤酒都幾抵飲不過好冷清，得10枱左右服務質素有待改善，加上得1個樓面，人手不足枱面同餐具都唔太乾淨，有污漬🤐🤐加埋茶位，都可以接受

叫咗蒸頭腩全部比哂魚鰭，一D肉都冇，叫侍應，佢同我講係咁㗎啦, 頭腩吖嘛，咪有鰭囉，嘩，唔怪得D人上哂大陸啦。另外，問侍應比D蠔油，竟然話冇，一間中式酒樓冇蠔油，其實用咩嘢煮餸呢？

今午在一間茶居品嚐了午餐中的「躉腩籠仔蒸陳村粉」，這道料理真是令人回味無窮。魚腩和魚鰭的份量足足有八両，還有這條肉絲，絕對不吝嗇於食材。躉腩的膠質豐富，入口即化，散發出誘人的魚香，再搭配上蔥花的點綴，令人垂涎欲滴。更令人驚喜的是，荷葉在蒸籠墊底，為放在籠仔中層的陳村粉注入了獨特的香味，讓陳村粉上下吸收了兩種風味，呈現出豐富的層次感。這道「陳村粉」絕對值得推薦給喜歡品嚐蒸魚美食的朋友們一試。無論口感還是風味，都是絕佳的享受。注意：等候時間比較耐，足足呆了33分鐘；記得吩咐傳菜員姐姐不要加豉油，會影響整道美食的口感。

是但入左一間茶樓，冇睇到後面果間係咪都係茶樓，其實呢間地方睇落幾大，好可惜，人手不足，同埋唔係幾中意佢設計，要自己禁煲水，咁我諗同外賣係屋企食好似冇分別App落單是好的，方便少少🤏但食物質素都一般，叫左5碟，大約$170/兩位種類好少未必再去呢間

晚飯時叫咗3碟餸,當中蒸魚同肉都到咗,但係個菜催咗3次都唔到! 其實已經好難搵到人催,搵到一個阿姐都只係離遠見到我聽我講差一碟菜,然後佢撳個機催就算! 佢根本冇走嚟問過我差咗邊碟菜! 到我飯都食完,都以經嬲到爆就索性叫佢cancel碟菜就算啦. 因為我明知阿姐唔會走埋嚟,我就行到佢面前講. 我都未講完,阿姐就好悔氣問我差咗邊碟"麵"! 我同佢講唔係麵,係菜! 阿姐黑住面話"我幫唔到你㗎喎,你自己同出面收銀講啦!" 對唔住都冇句仲好似係我嘅錯! 人生中未試過咁惡劣嘅服務態度!

位於大角咀新九龍廣場，係疫情期間重新裝修，枱與枱距離有空間，不會太逼。今日點了個午市套餐，有乳鴿二隻，蟹子蛋白炒飯，炒飯粒粒分明，不算肥膩，味道不錯。乳鴿較咸，炸得過火，較鞋。另外有雞絲粉皮，粉皮微暖，加上芝麻醬，味道清新，時菜三星球及燒買不過不失。合格。

籠仔「金蒜艇皇蒸陳村粉」單單是送餐上枱的黃金一刻，已經令你垂涎三尺。籠仔直徑有10吋，海鮮下的陳村粉本身就有一種獨特的口感，蒸製後更加彈牙，且不沾粘，加上籠底的荷葉清香，再加埋鋪在那陳村粉面上海鮮的甜美，上上下下配搭出的味道，真的讓人一口接一口地吃下去。這度午市特式美點，配搭的海鮮不吝嗇且是包羅萬有：帶子丶海蝦丶蟹柳丶珊瑚蚌丶鮮魷丶北寄貝等，豐富程度彷如吃了一碟火煱小拼盆。那二両金蒜及葱花點綴了整體效果，蒜香味令整籠海鮮之鮮甜度一再提升，份量也怡到好處，食到已不能分出那才是點心的主角。另外，茶樓的裝潢也非常精美，獨立自動化水機自己控制份量及水溫，用餐時不受服務員打擾，營造出舒適的用餐氛圍，讓食客亨有更加愉悅更加私隱的時光。

攞完飛但係冇職員去派位俾我哋嘅要我哋自己入去霸位但係好多位食完呢啲都冇職員去收枱所以等咗好耐啲嘢食又比其他稻香難食啲嘢食都冇味嘅 個叉燒腸呢入邊每一舊腸粉係得一粒仔叉燒食物嘅種類又少連叉燒酥/牛仔骨都冇又要收+1又要收茶位但係完全零服務可言

接待處幾位阿姐黑口黑面，無禮貌態度差，有幾個客係門口已經同佢哋嘈咗幾句，好心培訓吓，坐低等咗一個鐘先上雞煲 ，9:30開始食11點關燈 ，即係只係食咗個半鐘，食牛涮鍋90分鐘仲好過佢，好彩叫咗五六碟火鍋料唔太多唔係一定食唔切，想叫多幾碟都放棄咗，即係倒自己米賺少咗。醬料區仲搞笑，好似影緊麥兜劇場，要蒜蓉冇蒜蓉，要辣椒冇辣椒，最緊要嘅醬油碟都冇，見到幾個客一路行一路鬧，結果要自己打開個櫃先攞到醬油碟。一句講晒，免費都唔會再幫襯。

稻香酒樓我哋都算成日去，自從冇咗好多間明星海鮮酒家，依家香港最大型嘅兩個集團，就得返美心，同埋稻香，屋企人比較鍾意去稻香，因為佢有得自己煲熱水，佢哋話飲茶最緊要夠熱喎。今晚我哋就去咗大角咀新九龍廣場，稻香.茶居食晚飯。.🍚鮑魚冬瓜瑤柱燉湯首先來一人一盎燉湯先，可以配冬瓜瑤柱，或者松茸菇，都係$28一盎，講真，自己買材料煲都唔得啦，而且佢個湯真係真材實料，好夠味。.🍚清蒸松葉蟹叫咗兩隻松葉蟹，堂食，8:30之前都係$138一斤，兩大隻都係五斤幾，蟹肉非常新鮮，一疏疏，蟹膏非常鮮甜濃郁，睇住佢啱啱開箱，夠晒新鮮。.🍚龍躉兩味 + 半隻沙礓雞炒龍躉片非常有鑊氣，龍躉腩亦都蒸得啱啱好，半隻沙礓雞就好普通，合格。.🍚豉椒炒蜆蜆肉份量多，炒得好夠鑊氣，豉椒汁唔算太鹹，大家都好滿意嘅一個小菜。.總括然而，作為一間集團式嘅酒樓，食物質素都算控制得咁上下，一家人嚟食飯，會係一個唔錯嘅地方。

來香港第六年了，竟然第一次吃稻香的早茶，本以為連鎖質量會普通，沒想到竟然還挺好吃，櫻花蝦腸粉，裡面的油炸鬼好酥脆，流心馬拉糕小雞胃喜歡！總體點心素質都到位，唯有抄手不夠熱，糯米卷一般好似速凍的雪櫃產品

🐮山竹牛肉球 (中)呢款點心我哋每次都會嗌牛肉質地超級綿超級軟稔加入馬蹄同埋芹菜又增加翻啲爽脆嘅口感特別一提係我哋無加喼汁會食到啲陳皮味道🥟潮州蒸粉果 (中)粉果皮比平時食到嘅厚 無咩味道口感軟糯我個人就偏好比較煙韌嗰種。內餡唔算飽滿但還可以 有豬肉餡沙葛馬蹄肉碎花生同埋芹菜花生大大粒肥嘟嘟食到濃濃嘅芹菜香味 唔會過份油膩🏠家鄉鹹水角 (中)外皮非常出色外層脆卜卜內裏就煙韌軟糯🥢香煎菜肉包 (大)唔單單賣相超級似生煎包就連內餡都似麵包皮煙韌有咬口底部就煎到金黃色香脆香脆裏面嘅餡料剁到好碎口感完全係蓉食到鮮香肥嫩嘅味道🐽鬆軟叉燒包 (中)包體真係名副其實嘅鬆軟！顏色雪白口感蓬鬆軟綿綿裡面嘅叉燒餡調味偏甜有唔少嘅肥豬肉🥄功夫小籠包 (大)外皮夠薄都比較容易穿勝在湯汁好多而且肉餡都幾香🇭🇰懷舊混醬豬腸粉 (大)腸粉比想像中更加滑捋捋！雪白嫩滑嘅腸粉皮配搭麻醬甜醬同埋豉油懷舊簡單得嚟又好味🍚風爪排骨飯 (特)份量都唔少 我哋三個人每人不到幾啖醬汁調得啱啱好 甜甜鹹鹹鳳爪軟糯燜得好入味質素同平時食到嘅差唔多