稻香.茶居 (壹號九龍)

笑死 🙄近排稻香午市攪埋兩餸飯，$40一盒估唔到些餸少到嚇親我😟本來見些餸都好似唔錯，又排晒長龍咁，唸住都試下啦，點知伏爆。排到去賣完既餸冇得再refill，只得6-7個餸未賣晒，想要牛仔骨，阿姐話一舊，我問咩一舊？阿姐話要兩舊的話唔同價錢😨我望住舊骨多過肉的牛仔骨，就改要叉燒，點知得三舊，雞好啲有4舊哇 真係多謝晒其實如果認為賺得少，你可以set價高d，起碼俾返客人應該有的份量，而唔係每個餸數住俾幾多舊咁肉酸，附近其實都多兩餸飯，呢間真係唔會再幫襯。…查看更多

「稻香茶居」位於九龍灣商業區壹號九龍地下。由於地理位置及遠離民居，商業大廈在週末的人流比平日少，為吸引茶客茶樓推出午市套餐優惠，而壹號九龍亦有提供消費泊車優惠。這兩大優惠確實吸引了我們，我們一家大細經常都會在週末駕車到來飲茶。午市套餐的價錢跟平日一樣$268，套餐可選3款點心、2款小食及1款粉、麵、飯、小菜或燒味。點心方面，推介稻香蝦餃皇及蠔皇鮮竹卷。小食方面，我非常推介紫薯地瓜球，顧名思義餡料是由紫薯地瓜蓉搓成小圓球，炸到外皮香脆，口感煙韌、味道唔太甜、溫度微熱，是即叫即整。另外，鹹菜胡椒豬肚湯的湯料足，有整顆胡椒粒，豬肚無騷味。燒味方面，秘製沙姜雞半隻也不錯。茶樓平日目標客源為商務客人，所以裝修雅致，環境整齊清潔，光線充足，冷氣充足。樓面侍應不多，主要因為茶樓配置了自助加水、煲水及倒水系統。總括而言，$268套餐有湯有燒味又有點心，仲要有蝦餃比你揀，夠4-5人食，茶位連加一都只係三百幾蚊，唔洗等位，坐得舒服，又有泊車優惠，性價比高！…查看更多

一號九龍稻香 冇早茶就冇去好耐晚市有優惠 澳龍虾伊麵 $128 抵食吸引 龍躉兩味 $128 抵抵抵 講3次1.翡翠炒龍躉片2.清蒸頭腩預貨不足！？燉湯 $28 沽清❌燒肉墨魚餅 $56 沽清❌蒸乳山大蠔2隻 $50 沽清❌相比下其他菜較高價 炒清菜 $88。。寶貝鮑魚釀豆腐 $98窩上鮑魚肉碎豆腐煎燶黐底 太油膩胡椒黑椒牛仔骨 &108牛仔骨7-8件 醃倒很淋 濃油赤醬咁 油冧冧 太油膩 蒸果皮南非八頭鮑魚 28蚊@ 2隻起個頭唔算大 淋嫩唔硬 但不太鮮…查看更多

有人話食嘢求飽，但係當你俾得一個價錢嘅時候呢，你可能就唔係求飽，因為你可能係求美食嘅滿足感，你會用好多金錢去換呢個滿足感，即係你坐底食飯，你都會揀餸都係想刺激自己嘅感覺一樣嘅，但係經過過去咁多年出去食嘢嘅經驗真係真係好難得好難得今次有依個食嘢嘅一個咁嘅感受！真係估唔到！首先講其中一道餸——紅燒蟹肉翅，正常來講酒樓間間都起碼都有返上下水準，但係我哋食到好激動，因為激動到即刻叫個侍應自己筆一碗自己試吓，咁個侍應都唔夠膽食，佢入去廚房俾返個廚師去試！最後答案係：「冇問題嘅！食得嘅！」呢一句呢真係實在太精彩！我當然知佢係食物係食得啦！但俾成三舊水食啲咁嘅嘢嘅話🙄味道又淡又腥臭，街邊碗仔翅好食過佢！其他餸都只係可接受！冇下次！｜…查看更多

因為$88片皮鴨，所以去了稻香食晚飯，另外還點了金薯牛柳和粒脆皮咕嚕肉！個人覺得環境是光鮮舒服，食物味道都算正正常常，不算差也沒驚喜平。不過人手就嚴重不足，全場的侍應好似只有3至4人，要搵人服務也的唔容易，想叫罐可樂花了差不多10分鐘。片皮鴨只有一位職員在大堂慢慢地片出來，足足等了40分鐘片皮鴨才到，不過另外2味餸我們已差不多食完了！另外，酒店提供了2籠包皮比我們，不過其實比一籠已經足夠了，因片皮鴨的件數也不是很多，有點浪費。…查看更多

今晚跟生意伙伴開會，約左係會公司後面一號九龍既稻香食飯，唔講都唔知依度原來有酒樓，環境亦寬敞朋友揸主意叫左幾味餸，先嚟既脆皮燒雞賣相不錯原隻上，都食嗰陣先知麻煩，要自己用交剪去剪開雞肉，最後索性手撕就算，味道正常但不算多肉汁，雞皮香口但整體太熟有點老，不過不失燒鵝皮脆香口肉味重，但醬汁極重味太鹹，加上碟底有蠟燭有火一路加熱燒鵝，醬汁水入揮發更鹹，食到要加滾水落醬汁度溝稀先食到，成件事出嚟效果不好花膠雞湯一入口以為偏清，點知越飲越鹹，味道不錯但味精感覺好重，飲完好頸渴。金銀蛋莧菜係最好食既一碟餸，莧菜頗粗有咬口，煮得亦剛好不會太硬或太淋，清清地平衡返之前太重味既肉類…查看更多

偶然駕車經過九龍灣 發現了這店 就去試試裝修新穎 空間感舒服 大大的開放式㕑房 沿用自助沖茶機和二維碼下單 相對地少了服務員在穿插 位置在商業區 正常一般工作日客人會多 而星期六日假期就頗清靜 食物價錢和一般的稻香店是一樣 走大眾化路線 味道是及格的今天突然想食酸菜魚 始終不是主打菜 很一般 魚肉偏少 更加上了我最怕的麻辣孜然味 很失望 點心要了南乳豬手和燒賣 不過不失 最開心的竟然有免費泊車另外相隔了兩個星期 一行8人再在這裏吃團年飯 朋友也說不錯 最重要是沒有時間限制 大家可以自由自在地吹水…查看更多

happy Friday決定同同事飲茶，揀咗呢間位於九龍灣最唔起眼既嘅稻香，見唔洗等位，環境都幾舒適，坐得舒服既，自助充水機幾特別，不過充左兩次就唔識郁🤪🤪🤪🤪，叫侍應等咗好耐，明顯人手不足😝😝😝😝🌟籠仔漁村風味炒粉絲🌟幾好味，但份糧少左啲😏😏😏😏🌟 XO醬炒蘿蔔糕🌟又係份糧勁少，係味就執😝🌟豬腩肉陳村粉🌟普普通通🌟蝦餃🌟唔錯，皮薄既👍🏻🌟燒賣🌟上台竟然粒蝦飛左出黎🤔🤔🤔🤔…查看更多

和同事今日飲下午茶，價錢幾抵👍🏻咸水角（$19）雖然好邪惡，不過朋友話要食，就頂硬上。是好味的，熱辣辣又脆，餡料多迷你叉燒飯（$19.8）份量剛好適合下午茶，叉燒都有六塊，而且不會太肥。價性比高，快餐店價錢大酒樓級數👍🏻蝦餃皇（$19）這個蝦餃王熱辣辣，🦐大隻，皮薄，顏色通透，果然是皮皮薄餡靚。其他酒樓好少見蝦餃王咁平，下午茶果然抵食珍珠鷄（$19）味道不差，餡料多今日不是太肚餓，沒有叫到很多點心、但見這間酒樓的點心款式都算多，而且下午茶有特價，同事話下次都要試一試！…查看更多

很久沒去飲茶，今日去嘆一下點心，放鬆一下😀蟹籽鴛鴦燒賣（$12.8）見這個蟹籽鴛鴦燒賣只是優點，價錢抵食，雖然價錢平，但大大粒，燒賣上面隻蝦煲不小呀！燒賣食落不會太多肥豬肉，幾好味，牛肉幾彈牙，調味不錯，不會過鹹懷舊煎釀三寶 （$12.8）煎釀三寶也正正常常，雖然價錢平，但質素也不錯，煎得好好不會過膿，而且豆腐釀的魚肉幾多。當平時街邊的煎釀三寶都要$5 一個，這個點心$12.8有三件，實在抵食蝦餃皇（$19）我至愛蝦餃皇，看過一些營養師專欄原來蝦餃王屬於比較低脂的點心，不算最邪惡！這個蝦餃王抵讚，食點心最緊要熱，一上枱熱辣辣，望落去顏色通透，好明顯皮薄，食落去果然沒有令人失望，蝦大大隻，雪味少，好味…查看更多

一蚊雞好味皮夠脆，有啊很大隻！但可惜叫了孖寶半斤海蝦拼椒鹽白飯魚，特價198，但可惜椒鹽白飯魚啲皮，好似叉燒包咁厚啲白飯魚並不是什麼貴價東西，肉竟然很少，得條骨及肉已經漂到冇乜味！同酒樓職員反映叫佢留意吓，或者可以試吓，冇話叫佢退款及更換！竟然回覆話得我一個係咁樣話！態度冷漠！唯一好似係容易搵位及有免費泊車！假如淨係食一蚊雞就10分抵！另外叫了沙嗲牛肉粉絲煲太鹹！花膠豆腐總算過得去！…查看更多

我地叫左小菜同長腳蟹，點知長腳蟹係原隻蒸，似冇洗（有黑色蟹子物體痴住蟹腳-）+冇拆蟹蓋去「腮」、清洗蓋內，當我地拆開蟹蓋之後，流出綠色液體似青苔，染到成個碟都係，搞到冇人敢食，叫個女經理黎投訴，點知佢既答案係‘咁先原汁原味嘛’’，嚇到我地呆左，又話來貨價幾多錢，想點吖？我地唔係要特價貨，你將價就貨就唔得，我地講都未講完，佢就拎走話幫我地取消，之後啲員工態度開始衰，換碟又掟新碟上枱，總之啲員工態度真係好有問題，有咁既經理就有咁既手下！呢間嘢講明冇下次！垃圾服務！…查看更多

最近見到網上優惠又有一蚊一隻乳鴿，當然一家六個人來試試看，我們喜歡這一間稻香是因為很容易就可以泊到車雖然乳鴿比較鹹，但是一蚊一隻真的不能夠要求那麼多，起碼蝦片是脆的。由於乳鴿比較熱氣，所以我們叫了這個鯪魚球生菜煲，魚湯煲得十分香，鯪魚球識落無骨。由於我們閒日去， 湯也十分抵飲，所以每人叫了一個，起碼真的是有一隻鮑魚在內。重點推介是這個象拔蚌，雖然份量不多，但是過吓口人也是不錯的。這裏有得選擇如何烹調象拔蚌，我們鍾意堂焯…查看更多

疫情前，食物質素好又抵食。疫情後食物質素嚇親。乳鴿1蚊隻，抵，但係鴿好騷，比之前嘅差，炸得唔香。侍應哥哥推介$248孖寶，茄子斑頭腩煲同翠綠炒象拔蚌，斑頭腩煲還可以，個象拔蚌是象拔蚌皮，上枱啡色嘅，完全咬唔開，失望。龍蝦伊面$188仲大鑊，龍蝦一陣怪味，伊面個汁無味一坺嘢。食唔晒又唔好食打包左個龍蝦伊面諗住自己炒香再食，點知龍蝦有黑色野嘅，原來個蝦腮仲係度，連基本食材都未洗乾淨！好恐怖。用嚟打卡係可以但係食物質素同味道，一個字差！…查看更多

平日飲茶，最緊要係水滾茶靚。嚟到稻香茶居，茶靚就未必，但水一定滾。因為佢哋每枱都有自助煲水機，由入水，煲水全自動化，唔駛成日舉手等加水，真好。稻香茶居係「低密度」食肆，枱與枱之間闊落，唔會背貼背，地方舒適，最啱慢慢歎點菜用 Apps 落單，但午市繁忙時間都有啲亂，忙中有錯。我哋最後落完再落，等咗一陣。😅 今日食離職散水飯，所以要食豪啲啲。燒鵝半隻（$228）燒鵝熱辣辣，皮脆肉嫰又Juicy，轉咗一 round，冇咗大半。午市套餐：喇沙海鮮淮山麵湯底椰味香濃，微辣，海鮮超足料，淮山麵口感彈牙又健康。係暫時食過最有水準嘅窩麵。宮廷醃蘿蔔酸酸甜甜帶微辣，幾開胃。蝦餃皮薄餡鮮，蝦肉彈牙。油菜唔知點解乾乾地，啲菜冇揀過，菜葉有啲老。紅油抄手少麻少辣，普通一般。XO 醬炒腸粉XO 醬唔夠而且唔香唔辣，份量少，唔抵食。另加點心：咸水角即叫即炸，外脆內軟糯，餡料偏少。奶皇馬拉糕清蒸版嘅蛋糕卷，奶皇太少唔突出，蛋糕偏甜。豉椒鳳爪排骨有齊鳳爪、豉椒排骨、芋頭底，芋頭夠粉而且好香，鳳爪入味，排骨都好嫰滑燒賣大大粒，蝦肉爽口，豬肉新鮮，合格有餘。整體合格，最適合三五成群聚會。可惜地點位於寫字樓區，超唔就腳，平日應該好難再去咯！😅…查看更多