稻香 (美禧樓)

营业中

休息中

呢間自從搬咗嚟石硤尾之後服務態度超級差囉，樓面咨客好似唔想做你生意咁，樓面問吓野，就好似你搵佢鬧交咁（咁都有啲係好好嘅）到咨客，叫飛機無聲，一唔流神就會過咗號數，就算見到都行唔切過去，已經叫咗下一個人，咁多老人家飲茶，有啲行得慢，見到自己個號碼過咗，佢一急既話仆親點算呀，其實係咪可以等一陣先再轉下一個號碼呢，入到去見到有卡位，問下個咨客，佢就話俾四人坐（我係3個人，見唔多人係門口等位）舊鋪既時候d人有人情味啲，雖然我係間唔中先飲一次，但d人都會同你有講有笑，依家新鋪無囉，搬咗都番嚟飲下茶，都只係想飲下人親味，啲嘢食舊鋪出都慢，但新鋪出聲重慢，幾個字先出到一樣野食，食完第一樣，等唔知幾耐先有第二樣嘢食，冷氣勁凍，有野食既時候還好，不過要食完一樣要等下一樣野食，冷到變雪條，後生都覺得凍更何況d老人家都要著住衫嚟食，

【等位一肚氣】大約 8:00 到達等位，4人枱單號 B001。到八點半，A 號叫到24，B未郁過仲係B000，因為只安排2人入座，2人埋單仍是安排二人入座😡到 8:40有枱。【座位迫】要涉入卡位坐。【自助服務最滿意】自己沖茶，自動添水硬件，唔使搵伙記，好順暢。嗌點心都係 QR code 手機落單，我自己冇網絡接收，但店鋪 wifi OK【服務不知所謂，蒸點心要等 45分鐘】坐落傾吓計唔覺時間過，傾吓、食吓、又加單，才發覺唔對路：0953 落單，1010 未見，問伙記，叫我哋 check 單，印出單據如圖大約1025 再趨單。冇回應。大約 1035 再趨單。當然搵左好耐才有人（因為服務全自助架嘛），仲要唔係個個會理你。（哈 但係有脲務費架喎）我：你們蒸個點要45分鐘嗎？伙記回覆（大意）等一個鐘都會架，唔等就取消單。我就真係接受唔到。【食物質素】食物唔熱☹️，馬拉卷濕糯☹️唔 ok☹️油條脆👌抄手👌餃皮唔得☹️完全唔值個價錢。另外，星期一至六1130 前埋單，個別食物有優惠。記住早啲嗌😂

趁午膳時間，同同事兩個人去左稻香食lunch，原本打算係飲茶食點心🫖，最後發現二人午市優惠套餐十分吸引同抵食😍，就決定試下！午市優惠套餐$138，包括一款主食、濃湯鮮竹浸菜苗、特色雞翼尖、同埋自選兩款點心，真係十分超值。🤩首先黎到嘅係特色雞翼尖，原來係炸㗎，十分香口同入味😋濃湯鮮竹浸菜苗，份量都十分多，菜心都十分新鮮鮮甜，我仲飲左少少湯試下，十分濃味👍🏻跟住就到兩個點心黎到啦，我地揀左醬皇金錢肚，同埋揀左個甜品類嘅擂沙流心湯圓。金錢肚用左黑椒蒸，有豆卜鋪底，食起上黎辣辣地。而擂沙流心湯圓係芝麻餡，4粒都算大粒，我地最後食唔曬將湯圓打包拎走🤣，變左下午茶😂。主食我地揀左排骨蒸陳村粉，等候時間比較耐，黎到個籠大到嚇親左，佔左大半張枱，份量超級無敵多，每人食左滿滿兩碗後仲有剩。有荷葉鋪底，陳村粉同排骨都十分入味，十分驚喜，果然無揀錯。😍

最近有一蚊雞嘅活動，所以就星期五開開心心咁同屋企人去稻香食飯。我地一行五人，禁左B區3-5人飛。等左1個鐘，終於叫到我地飛。但前台嗰姐姐話4人台，5人唔坐得😓😓，叫我地再等等。咁冇辦法啦，我地唯有等。再等多左一個鐘我地先入到去🤬🤬等得又耐，服務態度又唔好，餐具都好污糟，張台仲痴笠笠。下次唔會再黎食👎🏻👎🏻，真係唔知稻香仲有冇面收服務費😡。今餐都唔知係黎食飯定係黎受氣🤬🤬🤬。

屋企人揀嚟呢度晚飯，無得book位，要walk in , 6:15都幾多人，好彩我地早，到咗7點全場爆滿門囗仲勁多人等。檯擺得都幾密，人多有啲困聲，不過樓底幾高，而且都算乾淨企理。有電磁爐長期keep住水温幾好👍，不過服務就麻麻，叫極都無人落單，俾咗茶葉又無茶壺。《鮑魚無花果湯》一人前用個燉盅上，好專業咁，打開好足料🤗，有雞，瘦肉…鮑魚感覺就唔太新鮮嘅😏，不過28蚊嚟講就好抵。《龍躉仔》🐟孖寶中其中一樣，188仲有個菜。一斤多啲，好新鮮，蒸得啱啱好😍，不過豉油麻麻。《莧菜》孖寶另外一樣，上湯浸，有少少爆香咗嘅蒜頭，幾好，清清地。《鮑汁魚唇豆腐》除咗豆腐仲有翠玉瓜同冬菇，個汁好味😋，豆腐好滑。《乳鴿》promote 乳鴿，一蚊一隻😲，所以檯檯都叫，廚房做唔切，上鴿嘅雀籠都無晒，最後用碟上，啱啱上檯，熱辣辣，又香👍，真心抵，不過同樣地服務又真心差，俾咗乳鴿又無俾手套🥱，唯有自己攞😏到埋單係無人嚟埋，要自己出去俾，又要排隊，咁其實我唔明點解要俾10％服務費，因為主要都係自助無乜人服務過我，得一個人收錢，又唔係用張單scan一下就可收錢，見佢仲要㩒好多制🤨，好明顯system係好落後😪。雖然食

(1)妳公司同事話密碼錯誤，為什麼可以過數(2)當值經理當日同我講，當日清機無誤，貴公司從未收到有關款項，Sales正確。請貴公司給本人一個合理解釋，本人會保留追究權力，(未得到授權及本人不知情下，被石硤尾稻香酒樓盜用本人太太銀聯咭自行過數)到最之解釋是我們都不知道😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡所以大家小心D

好耐無來過石硤尾，發覺同好多年前舊式石硤尾邨唔同咗好多。好多樓宇都係新起嘅，亦開咗間新茶樓，路過見到飲茶有早晨優惠，有一日就早少少起身去試吓。去到估唔到依家茶樓先進到連茶壺加水都全自動，仲要係app可以點餐，所以由入單到廚房至送餐都好快就到。叫咗豬肚雞扎、生菜魚皮餃、糯米卷、煎釀四寶、紅油抄手、芝麻芋蓉餅，啲點心都算不過不失，其中最鐘意係紅油抄手，雲吞皮薄而細膩滑嫩，包裹著多汁入味的肉餡，醬汁的蔥蒜辣椒有著辣度剛剛好的辛香和陳醋的酸甜，非常開胃，帶出肉餡的鮮香。今次早茶做緊點心半價相當抵食，兩個人食飽了一百蚊都唔使，呢個真係估佢唔到。

23/11晚上和媽媽到石硤尾稻香吃晚餐，點了羊腩煲，蔬菜籃，乳鴿2隻和一條小沙巴龍疋.先上兩隻乳鴿，夠熱還不錯！到上羊腩煲了，媽媽夾了一塊，表示完全咬不開，未炆好就出餐咁！我找了部長，問係咪要上枱炆多一粒鐘先食得？部長話正常會淋，即時食得，我就叫部長夾舊食下先！部長馬上驚青走咗，我又叫返部長返嚟，問佢點解釋，部長話攞d湯出嚟俾我哋自己試下忟，我唯有試下啦，結果，當然吃完成餐飯，到埋單d羊腩都係未忟好啦！部長仲收返我哋外賣盒膠袋錢，要我哋打包返去再忟下先添🥵⋯⋯然後去廁所經過其他枱，發現好多人都有點羊腩煲，仲枱枱在枱炆炆下，有得睇，冇得食！

屋企附近新開左一間稻香，作為街坊點都要支持下。我同屋企人差吾多8點半左右到，發現8點半後麻麻辣雞煲，古法羊腩煲同埋鮮辣酸湯羊腩煲都有半價，抵食到爆炸，半價後一個煲平均50蚊都吾洗呀。即刻叫左2個，1個系麻麻辣雞煲，一個系古法羊腩煲。麻麻辣雞煲可以自選辣度，因為我吾系好食得辣，所以選擇左微辣。因為微辣，所以食落口吾會太辣，但都會有少少麻。d雞都好滑，好香，可能已經煲左好耐，所以d雞好入味，真系好正。古法羊腩煲真系抵食到爆炸，佢都有10幾舊羊，大大舊，配菜又多，有腐竹，有冬茹，仲有筍。全部都煮到勁入味，特別系腐竹，好味到停吾到。總結，呢2個煲真系好抵食。

最近喺石硤尾新開咗間茶樓，當然去試吓啦。因為同區嘅茶樓好多大部份都已經比較舊式同埋冇乜茶樓選擇，所以今次知道石硤尾開咗間新茶樓就即刻去。一早係app 度攞位，所以都好快就到。今次食咗早茶，而家做緊5折相當抵食，食到飽飽都係百零蚊。例牌叫左兩籠燒賣，啲燒賣都算不過不失。最鐘意係佢有隻蝦餃係頂。食落口感都唔錯。仲有叫咗個雞粥，估唔到個雞粥都幾入味，唔似得出邊食開嗰啲繼續係冇咩雞味呢個真係估佢唔到我諗到下次好早起到身嘅時候都會繼續去呢間度飲早茶，因為有五折嘅點心相當之抵食

稻香 大埔道裝修 請移玉步石硤尾美禧樓地下揾咗1輪 原來上電梯1層門口好濶 取飛登記入座 可揀搭枱/唔搭枱門口有自動探熱機 安心搭枱好快有位 但……大枱無遮無擋 自己小心感覺侍應安排有啲唔係咁警惕剩1個位都安排插入 坐得太貼 担心嘅枱邊有新裝置 自助加熱水 好方便叫茶後 侍應會畀1個茶包 不妨每人一壺 享用唔同茶味水仙茶 唔香 茶淺色 較淡可加茶包 & 侍應會幫撕開口茶位 $10@ 有加一收費電腦落單 早市5折冇顯示 埋單按時段計算點心 早午市價錢底食煎茄子~ 即炸 香口 鯪魚肉鮮爽煎煎青排骨紅尖椒~ 青紅椒過晒火 魚肉鮮盅頭飯 飯底靚餸都多 豉油較甜味 味濃但用膳後 要大量喝水唔舒服

今日放假陪屋企人去飲下午茶 石硤尾稻香搬左去第二個位用定上網app攞定飛先唔洗等咁耐新開依間比較乾淨 地方都好大咁依家好方便有個自助式既煲水器 又可以係側邊洗埋碗筷 自己黎唔洗等 同埋都係用二維碼落單哈由於肚餓關係我地點左12個點心推薦大家食鮮蝦腐皮卷 好脆口同埋隻蝦好大隻 點埋沙律醬好yummy唔會好油膩份量都夠多第二推薦鹹水角 脆卜卜岩哂我中意食脆口野第三蝦餃同燒賣 真材實料 有蝦既點心d蝦真係都幾大隻😂第四珍珠雞 仲突登叫左2碟 咁就知係幾正其他野食就不過不失啦