稻香 (美禧樓)

营业中

休息中

這次在稻香的早茶體驗整體令人滿意，餐廳延續了稻香一貫的經典風格，提供多樣化的點心選擇，且價格合理，尤其早市優惠非常划算。    **推薦菜式**   1. **馬拉糕**：鬆軟香甜，馬蹄的清香與糕體的綿密結合得恰到好處。   2. **蟹子燒賣**：餡料飽滿，蟹子的鮮味提升了整體層次，口感彈牙。   3. **櫻花蝦脆網腸粉**：- 腸粉皮薄而透亮，包裹著酥炸的脆網（類似「炸兩」的油條脆皮），內層夾滿鮮蝦膠與韭黃。對比傳統腸粉的滑嫩，這款因添加脆網而多了層次感，「外軟內脆」的衝突口感非常過癮。     - **鮮蝦韭菜餃**：韭菜味足，但蝦肉的存在感較低，未能完全展現海鮮的鮮味。    ### **優惠與服務**   早市點心6折優惠讓人均消費約$50左右，性價比高。店員態度友善，上菜速度適中。推薦與家人或朋友一同分享多款點心，享受悠閒的飲茶時光！       

好抵食，好多特價嘢食。叫左2個老友記孖寶，仲加多個特價煲仔飯。雞粒煲仔飯：夠熱，夠乾身，比平時其他酒樓嘅盅頭飯好食。鮮蝦香茜餃：幾好食，鍾意芫茜嘅可以試下芥菜肉丸粥：一般

外表就整到好似先進咁，其實根本就虛有其表，上網話落咗單，跟住仲要用電腦通知話仲有十五分鐘就整好，你信佢就傻嘞，原來根本酒樓就冇收過單，你一去到以為未整好就喺度等，等咗差不多一個鐘發覺有啲唔對路就搵喺櫃檯個收錢亞姐問，亞姐話唔知就搵部長，部長話由始至終都冇收過單，原之來佢哋嘅系統係廢嘅，所以呢以後落單唔想麻煩就用最傳統嘅方法就係打電話落單，咁就實冇衰！

今日幾個朋友一齊 過咗石硤尾 稻香 食飯， 地理位置幾方便石硤尾站行三分鐘就到， 一到晚飯時間都幾多人等位， 酒樓地方都大，但係啲枱都擺得幾密所以都幾嘈😅， 我哋叫咗個波士頓龍蝦伊麵， 蠔皇鮑魚炆雞煲， 燒腩仔拼墨魚餅， 爆炒 元貝 雙寶 蔬菜， 雲耳脆瓜炒 藕片， 紅燒北菇豆腐等。波士頓龍蝦伊麵好抵食＄99， 味道偏淡 不過以呢個價錢 都ok嘅， 雲耳脆肉炒藕片 呢個幾好食 清清地藕片爽脆， 燒腩仔拼墨魚餅嘅燒腩 鹹咗啲， 紅燒北菇豆腐正常水準👍

今日嚟到石硤尾同 親友食飯， 因為費事老人家行咁遠所以就喺屋邨酒樓 稻香食， 酒樓好似新裝修， 所以環境 都幾好， 光猛闊落 又新淨， 見佢有啲 晚市優惠 都幾抵食， 所以決定就係呢度食。呢度乜嘢都係自己嚟 ， 側邊有部機 自動煲水， 洗完碗快又可以喺度倒水 唔使行嚟行去， 又唔使嗌極侍應冇人應😅， 我覺得咁樣幾好。我哋叫咗咕嚕肉， 雲耳翠瓜炒藕片， 金沙脆蝦球， 仲有幾隻乳鴿， 不過啲餸菜就有啲失望， 咕嚕肉都幾大舊， 芡汁唔算好多， 外皮都炸得脆 ， 肉質唔會太韌， 我覺得都唔錯， 但係除咗咕嚕肉之外其他都 超級咸， 要一路食一路飲水🤣

係石硤尾想搵間坐得闊落 舒服嘅茶樓就黎呢度點心方面不過不失勝在今年新裝修新開 環境大 光線好 座位都闊落舒服茶水機每張檯都有 自斟自飲 自助服務 唔洗叫靚姐過黎幫手加水加茶 呢點個人覺得幾好

剛收工，剛好8點半，經過稻香，知道打邊爐有優惠，可以慢慢坐，慢慢食。去到唔使等，今日$9.9有海鮮套餐（新菜式），感覺好抵食。坐下即落單，慢慢洗好所有野，等下等下……已有40分鐘，問職員，竟話：等下啦！黎緊！再等已有10分鐘，叫職員再去睇睇！睇完冇回覆，唔知等幾時……😮‍💨😮‍💨😮‍💨2人去食，唔大食既都算好抵。真係唔想貼$買難受😟😟😟最後評語：員工服務差，食品質素一般，完全冇服務😤😤😤

細佬嘅生日飯，本應2月攪，因為老婆連續幾個星期都有好多堂上，所以就延到三月初先食。就返細佬妹都喺揀返石硤尾啲酒樓，費事佢哋咁頻撲，而過去幾年都喺去飯堂「多彩」，今次就改改「稻香」，因為貪佢有「一蚊雞」推廣，哈哈！ 呢間晌全屋邨內嘅「稻香」，裝修方面都喺好傳統嘅港式酒樓，但就勝在地方大，樓底高，夠光猛，而且啲枱櫈排得唔算迫，所以，坐落感覺算幾舒服。我哋被安排坐咗入房，比出面大廳，相對靜侷少少。晌度有好多嘅嘢都喺自助，就好似枱邊呢部機，其實喺自動加水、自動煲水嘅水煲，側邊仲有個位用嚟洗完碗筷後倒水用。所以，由煲水、斟茶、洗杯倒水都喺自己一腳踢 ，其實我覺得幾好架，唔使成日嗌侍應，有時人手少，佢哋都未必好快幫到你。 此外，就算喺酒樓，點菜落單一樣可以自己嚟。枱面嘅餐牌座就有個二維碼，掃一掃自己落單非常方便，而且落咗乜都一清二楚，又減少同侍應嘅言語錯誤，食完嘢亦唔需要叫侍應埋單，就咁直接出門口嘅櫃枱俾錢就搞掂。 菜單方便，一家人嚟都喺吓食晚飯叫啲小炒，呢度有好多優惠孖寶，不過大部分唔喺搭蝦，就龍蝦、鮑魚，呢啲我細佬妹都唔多啱食，所以，我哋都喺嗌番一啲家常小炒同埋睇睇有啲咩優惠咁，之前都講過「一

近日稻香推出加1蚊羊腩煲，就要來試試喇。去到還有15分才到8時半但都有多人在等位。一到時間到就安排入座，其實都好快有位。因有3款配搭就選了最貴的象拔蚌，還加了火煱配料。不久羊腩煲就上枱了，外觀非常不錯，香氣滿溢，但份量就不多，象拔蚌就都很新鲜，這價格就收貨了

我和我的朋友：🤯 阿姐：🤪事源我哋嗌咗蛋白蟹肉炒飯，但係嚟咗呢碟嘢，我當刻打咗個突，心諗呢個唔係福建炒飯咩～ 之後決定嗌個阿姐過嚟🤯：喂阿姐，呢碟咩嚟㗎🤪：呢碟咪福建炒飯囉🤯：吓我哋嗌嘅係蛋白蟹肉炒飯喎，你幫我哋換咗佢啦唔該🤪：呢個咪係蛋白蟹肉炒飯囉🤯：吓，你頭先話係福建炒飯㗎喎🤪：我係話好似蟹肉炒飯嘅福建炒飯🤯：咁你啲蟹肉喺度？🤪：（指住啲瑤柱）呢啲咪係蟹肉囉～🤯：吓，咁啲蛋白呢？🤪：...佢最後都換咗畀我哋返個蛋白蟹肉炒飯畀我哋

這間集團式的酒樓地點不是在大街大道，而是在屋村商場的二樓，所以不容易讓村外的人知道。酒樓面積頗大，而且有幾間房，大枱也不少，每逢假日和午市晚市都坐滿食客。酒樓採用自動加水煲水方式，但我還是喜歡傳統的方式，我和朋友叫了幾款點心，如菜肉包，鳳爪排骨，金錢肚，鹹水角，义燒酥和堆仔等，味道不錯，較特別的是大良鮮奶卷，牛奶味濃，有少少新意，蠔皇鮑魚燒賣的賣點是鮑魚，燒賣味道則普通，漁村蒸陳村粉即是海鮮蒸陳村粉，味道可以。總的來說，集團式經營是人有我有，但沒有一樣使你留下深刻印象。

呢間稻香出哂名黑，早上飲茶想快攞到位一係熟人，一係俾著數。星期六早上08:13去到，3人等入坐，全場「滿座」（一張4人枱坐1-2人果種）。於是企旁等位，企到08:30之間，期間不斷見到有人入去攞到位坐，我提醒服務員我是在等緊位，態度懶理，望都唔望下我。期間聽到有一個剛剛到達嘅茶客，聽到佢話「三大一小」，服務員就帶咗佢去坐。心知知道發生乜嘢事，再等啦。去到08:40，我同服務員講「其實網上都已經講呢間稻香嘅事情，其實呢類事情我都預咗，但都唔好做到咁揚，比兩三個熟客攞咗位之後，都照顧下我呢個生客呀～」。嗰個服務員問我坐唔坐卡位，跟住我問屋企人，佢話如果可以唔搭位就OK。」。家人話OK，於是終於可以坐低。講食物，如果認識嘅，都會知道稻香點心都係於大陸製造之後以冷藏形式運到香港，翻熱上枱。因此建議食一啲要即整的點心，例如腸粉（試問腸粉如何以解凍翻熱形式上枱呢？）。味道中規中矩。有去過稻香都知道，落單是用手機，加水是全自動的，用旁邊那部全自動機器。呢樣嘢是值得加分的。因此亦沒有什麼服務可言。我覺得是OK的。最少加水不求人，自行搞掂便可。其實認識酒樓業，都知道攞位都係咁上下，熟人就當然比較容易，另

不要期望服務，只要食物可以，我就接受這間稻香，好自由式，用水箱煲水，水箱左邊按制加水，煲水，沒有倒水盆，倒在水箱右一邊，對我們年輕人覺得這很新奇，自由點心有些都不錯，佢開在屋村，要老人家手機點餐就不太方便開始用餐糕點，點心，都ok, 生意難做，酒樓各有特別雞肉春券太乾，沒有蔬菜卷入，不是太脆皮，勉強食可以這個炸魚球就差些，外皮太有煙韌，味道偏咸粥鮮美味，好好食盅頭飯好大份，侍應姐姐叫我不要期望太大，好淺碟（裝不多飯）我覺得夠食，都好味啊好享受一個早餐好多人話這間酒樓服務態度差，我問要東西，服務員都好快回應，不覺得服務差，系自由，要拿辣椒油，自己行埋材料檯取啊

我曾經都係稻香集團工作，都十幾年前，係尖沙咀，回想以前工作係忙，但每位同事都會盡心幫客人，但這家稻香既員工質素真係麻麻，好似吾多想理你咁，見到都扮見唔到，仲差過隔離平台大排檔既服務質素，感覺真係貼錢買難受😣，就算你幾平都好，都真係吾會再去，人地譚仔一碗米線都吾貴，人哋既服務真係值得這間稻香既員工學習，如果覺得人工低？點解唔試吓搵過份工呢？🤔，雖然而家好多野都用電子科技取代，但其實好既員工都係公司重要財產，真係需要好好培訓。

呢間自從搬咗嚟石硤尾之後服務態度超級差囉，樓面咨客好似唔想做你生意咁，樓面問吓野，就好似你搵佢鬧交咁（咁都有啲係好好嘅）到咨客，叫飛機無聲，一唔流神就會過咗號數，就算見到都行唔切過去，已經叫咗下一個人，咁多老人家飲茶，有啲行得慢，見到自己個號碼過咗，佢一急既話仆親點算呀，其實係咪可以等一陣先再轉下一個號碼呢，入到去見到有卡位，問下個咨客，佢就話俾四人坐（我係3個人，見唔多人係門口等位）舊鋪既時候d人有人情味啲，雖然我係間唔中先飲一次，但d人都會同你有講有笑，依家新鋪無囉，搬咗都番嚟飲下茶，都只係想飲下人親味，啲嘢食舊鋪出都慢，但新鋪出聲重慢，幾個字先出到一樣野食，食完第一樣，等唔知幾耐先有第二樣嘢食，冷氣勁凍，有野食既時候還好，不過要食完一樣要等下一樣野食，冷到變雪條，後生都覺得凍更何況d老人家都要著住衫嚟食，