稻香 (杏花新城)

营业中

休息中

差到離晒譜，枱布都未鋪sell豆漿，一個拎枱布黎再sell豆漿，吾要，掉低枱布俾第二個人走左去。野食都仲正常，但套餐都可以漏左個春卷。。。想叫另一個套餐裡面既茄子單點，講四次「貴d架」，好，我當你關心我俾太多你公司洗，問你甘即係咩點，冇理我。同一單加叉燒，漏單就算，叫人黎問，好似攞佢副身家甘。。。叫佢補單，等左廿幾分鐘再追，結果都係漏。。。。。6/7個伙記得1個正常。。。。稻香

        試過杏花邨稻香的二人餐，覺得相當抵食，今次豪叫三個餸，但後來看看： 叫了三個煲～哈哈哈！分別是咸魚雞粒豆腐煲、啫啫蝦乾芥蘭煲和蟹籽粉絲煲。咸魚雞粒豆腐煲是一客很濃味的餸，配白飯很好吃。豆腐亦很綿滑！芥蘭吸收左蝦乾的味道，本來不錯，但似乎調味過了火，便覺得略鹹了一點！至於蟹籽粉絲煲是乾身的煮法，味道都給粉絲索入了。我很喜歡吃粉絲，所以便把它當飯吃，沒有食白飯了。雖然整體這餐是濃味的一餐，但其實都頗好味呢！

稻香是一間大集團，遍佈港九。今天我要寫的是位於杏花邨的稻香，兩人叫了一份「抵食好寶月」，有一條紅魚和一個雜菜煲。這個抵食孖寶A餐真的顧名思義，相當抵食。紅魚有大概12-13兩，二人份量剛剛好，而且條魚只是很簡單用鼓油、熟油，再加些蔥去清蒸，已經是一味營養和口感都豐富的家常菜，12兩的魚夠嫩滑，不會粗糙。個雜菜煲份量就比想像大得多，足夠4人食。有白菜、小棠菜、西蘭花和粉絲，湯底亦可以飲；感覺沒有落甚麼味精。

爸爸聽同事講，哩幾日稻香做緊帝王蟹優惠，平時$168/斤嘅帝王蟹，依家$138/斤，襯今日最後一日黎同婆婆一齊試下。晏就打電話黎問，六點開始入座，先到先得，冇得book位，店員都建議大家早d黎排隊。果然超級多人，放工衝去都已經好多人，好在媽媽早d同婆婆到。一坐低就攞飛去揀蟹，魚缸隔離排住長龍，每一台限食一隻，睇黎大家都係為左隻蟹黎。蒸蟹需要大概20分鐘，蟹長有手臂咁長，6隻蟹腳都非常飽滿，每人一隻自己剪成超大蟹柳，舔醋食又另一番風味。望望周圍嘅蟹，大家都冇好多膏，我地好似中獎咁，隻蟹竟然超多膏！多到可以用羹食！蟹肉點落蟹膏度再食，不得了！除左蟹之外，我地仲叫左糯米飯，熱辣辣，花生仲好脆，糯米軟熟，整體唔錯。燒味拼盤有叉燒、燒鵝、雞、木耳、薑。魚香花膠茄子都唔錯，花膠有5-6小塊，都幾入味。婆婆食得開心，好滿足！

🙈隨手按按有時比有計劃的攝拍收獲更多😊。懶功最近又開始浮現出來，快快迫一下！稻香因應市道低迷推出的皇帝蟹大特賣！貨源都是每天新鮮運抵，食客可以自行選擇，又用電子磅計算絕對貨真價實！由半年前每斤320元左右大減至每斤136元。可選擇清蒸及日本冷食兩種。另類煮法如花雕酒蛋白等需另加200元。▪️▫️🎌帝皇蟹產地主要分阿拉斯加、俄羅斯及北海道產三種，價格依次漸貴，風味以北海道產最甘甜清雅。雖然阿拉斯加貨源屬於三種當中最平宜，不過按現時價格只等於同級酒店自助餐的三分之一，吸睛度可想而知。況且以香港的高昂租金而言，北海道活貨早已絕跡市場。當晚因為屬於最早用餐的一批，所以有大量蟹貨可以慢慢選擇。部分朋友表示帝皇蟹都是以偏小的為主，當晚來講感覺還好，足足七斤以上重的都有大概三至四隻，只是光顧的食客較多，八點以後基本上只剩下四斤左右的。吃大隻的建議可先致電預訂或者六時抵達。📝用餐體驗而言，肉質豐實多汁，蟹味香濃。當晚在座享用的蟹公都有超大量蟹膏，質素非常超班。只不過算大胃口的我也只可以吃到三隻多蟹腳，建議兩位用餐的，基本上四斤即可。

今日一家人去食返餐生日飯，但係老人家鍾意傳統，就去咗稻香食中菜。講真本身唔係太餓，所以佢成餐飯嘅印象唔係好多，但最深刻最深刻最深刻就係隻蟹，隻蟹大過個頭，真係好震撼㗎。展開隻蟹腳，好大條蟹棒啊，有好鮮甜嘅肉汁，覺得值回票價其他餸，好似蜜汁叉燒，糯米飯咁，都幾好食嘅，不過因為飽得滯，一陣間仲要再食蛋糕，淺嘗就算啦。

難得這個星期六「偷得浮生半日閒」，所以早早起床和家人到稻香酒家喝個早茶。這間稻香的早茶時段最近正做優惠，於星期六上午11時前離座的話，特、大、中、小點也是半價，比較抵吃。我們這天點了數款點心，鯪魚球肉丸粥份量頗多，肉丸口感彈牙。蒸蝦腸粉內的鮮蝦大大隻，份量足。紅棗糕內亦有很多紅棗茸，並不是一般只用紅棗水蒸製而成，不錯。惟鮮竹卷比較油膩，可能醬汁太濃稠，所以味道較鹹。整體來說，以半價的價錢享用多款點心，實在太棒了！

今晚心血來潮，想同家人一起吃個晚餐，於是到家人附近的杏花邨商場覓食。家人想吃中菜，我看了看商場的樓層指南標示有一間稻香酒家，便決定到那兒吃飯。平日晚上人不太多，侍應讓我們任意選擇想坐下的位置。侍應的服務態度不錯，主動地向我們推介今期的熱賣菜式。我們點了一個「海貝淮香奮鬥雞」，湯底加入了海蜆，所以比較鮮甜，淮山完全吸收了雞及蜆的鮮味，雞肉入口鮮嫩，整體感覺不錯。我們還點了「蟲草花浸時蔬」，這次用上了娃娃菜，娃娃菜吸收了以雜菌及蟲草花煮成湯的精華，所以味道鮮甜。每個餸菜的份量十足，我們點了數樣已很足夠，希望下次能嚐嚐他們其他的特色小菜，如：「滾下滾下龍躉仔」。

今日eatmug9 #53唔講唔知原來今個星期日就係母親節又有個藉口約埋啲屋企人出嚟食餐飯去酒樓一邊飲茶一邊食嘢傾偈 絕對係個好地方一家人聚餐今日就選擇咗稻香嘅晚市佢都有啲母親節嘅promotion 畀大家選擇但係散叫有多啲餸揀所以我地六個人就叫咗-沙薑雞-紅燒豆腐-花膠雜菜煲-薑蔥蒸斑-薑蔥廣島蠔沙薑雞絕對可以推介畀大家雞肉夠嫩滑之餘最緊要就係個醬就好似食麥樂雞點甜酸醬好味程度倍增反而雜菜煲就失色咗啲啲花膠太韌 同啲花菇切同絲咁幼唔係唔好味 只係相比其他餸就爭啲啲咁埋單6百零 價錢都合理作為母親節嘅一餐 當然係作為後輩嘅小弟同呀哥埋單喇

前身超級漁港，差不多整層二樓唯它獨尊裝修後差唔多細左一半但食物水準高了不少服務態度照舊可有可無前枱服務人員態度冷淡好似唔想你入座一樣豬豬包賣相可唔可愛見仁見智味道普通甜的中式包點小朋友或女仔呃like或打卡一流醬蒸金錢肚味道濃夠香金錢肚厚身得黎又夠淋但齋食會咸左DD整體都唔錯鰻魚炒飯係中式酒樓食鰻魚炒飯好似格格不入？飯煙煙韌韌，鰻魚切到細細粒，加埋鰻魚汁炒香香甜甜食落又唔錯最搞笑係落芫茜好彩我係芫茜痴，唔食嘅朋友記得走芫茜脆皮叉燒包本人中式酒樓必點一道“點心”有D酒樓上枱已經凍冰冰呢到上菜快得黎仲係熱辣辣成個包都做得好好包頂個皮夠脆，入面叉燒唔太甜好好味道

新搬來附近住，假日跟家人試試去稻香飲茶，已經下午兩點幾，見到稻香門口寫住下午茶，心諗假期都有下午茶咁抵，坐低後，見到個牌寫住特價是星期一至五，咁咪問問確定一下，點知個侍應態度超差話你自己睇啦，咁我就係睇左同門口見到唔同先問下啫，咁原來「下午茶」意思係冇特價嘅含義其實我唔介意，但回應嘅態度咁差就真係好趕客。食物方面，我期望都唔大，結果係真係好麻麻，有些是正常味道的，包括蝦餃同燒賣，但有些食物很差，整體來說油真是太多，薄撐真的超油，這碟茄子一放上枱已是這個樣，其實放靚少少都應該不難吧，樣子雖差但味道尙算正常，但都係好油。臘腸卷正常。最後侍應叫人埋單的態度也是超差。不會再來。失望。

雖然同樣是稻香，但是這兒的裝潢與青衣的好像挺不同，第一，它的茶壺用不鏽鋼顏色的茶壺，而且內裏有一個茶葉隔，將茶葉隔開。🤔這麼大塊的究竟是榨菜還是什麼🤔，看其紋理以及輕微酸的味道，應該是比較大塊的醃酸蘿蔔，味道不算極之酸，還可以開開胃，味道還好吧😀。這兒的鹽焗雞味道也不錯，至少比起青衣的極為細小一蚊雞好吃，而且味道香濃，香濃得來又不會太鹹。生炒骨的味道亦是正正常常，肉的份量不太多， 菠蘿也只有三數舊，細細碟炒飯反而份量較多，堆積如山，後來吃不完也要拿走。有兩碟粉絲，一碟是乾炒的粉絲煲，干炒的，份量也不少，而且粉絲夠彈牙，但當然沒有汁醬可以吸味，只是吃其鑊氣，味道也不錯。另一碟的金菇肥牛粉絲煲，份量也不少，但是汁醬何其多，啡色的汁醬好像要淹死粉絲，因此吃起上來就只覺得在吃汁醬，即使用煲子呈上，也沒什麼鑊氣。另外就是豆豉雞，亦都因為汁醬較多，因此鑊氣欠奉，雖然雞肉也不少，但是汁醬過多，將雞肉都浸林，因此鑊氣亦都是欠奉。

重臨稻香, 食物質素依舊美好。我哋叫咗好多食物, 首先有青瓜青瓜, 就好大份蒜味。 味道啱啱好. 唔會太辣。有啲紅色嘅紅油但其實係唔辣嘅 我哋加40蚊要咕嚕肉質素唔錯, 佢係冇骨嘅, 只有豬肉。 個口感都幾好 叫咗金錢肚十分之惹味, 因為有黑椒。 同埋呢都好大分, 下面有豆卜, 實在太邪惡啦, 我冇食到。 叫咗個炒飯炒飯十分高質。 炒到粒粒分明。 材料十分之多 魚皮餃生菜 呢個有啲搞笑嘅配搭, 有菜有肉食。 比較健康 叉燒包我冇食到。 唔知質素如何。埋單二百蚊幾300蚊。 三大一細食到十分十分之飽。。。下次可以叫少啲

很久沒有和家人飲茶自從筲箕灣的稻香結業了之後很久沒有在稻香飲茶今天特地來到杏花邨飲茶父親一看到這個就很高興因為這個茶壺很耐熱👍🏻每次吃到這個雖然有點油但都不停encore喜歡他們這裏的腸粉 很滑這個雞札絕對有驚喜現在很多酒樓都是用豬皮居然這個雞札有魚肚😋最後仍然是吃這個招牌燒賣然後再配上這個辣椒油味道很合配

曾經 兒時，覺得在酒樓食飯是消費高，而且不會經常去的地方。茶芥、服務費、花生咸菜費⋯坐底消費動輒每人幾百，在那年代，我們這些平民是舍不得消費。（試過打邊爐後返到屋企碌公仔麵）自從有稻香，去酒樓模式就變得普遍了，因為稻香開始了$1雞、特價火鍋、派$10利是、等等⋯今次是朋友宴請，選擇了稻香，來時並沒有抱什麼期待，但卻帶給我驚喜的晚宴。有幸能參加朋友在稻香這個飯局，相信將來日子聚會更多⋯、更多地選擇這間稻香。