稻香 (新都城中心) (已結業)

又係陪男朋友屋企人飲早茶 每一個星期六/日指定動作😎小食孖寶 （香炸翠豆腐加 芝麻醬雞絲黃瓜拌粉皮） $68 超底食👍🏻👍🏻👍🏻 極度推薦中點 - 酥皮叉燒餐包 👎🏻👎🏻👎🏻 又唔脆皮又多油 入面仲要空心 冇餡料！！！ 尊點 - 原蝦燒賣皇 👍🏻 好食 又大粒 香口中點 - 懷舊滑雞春卷 👍🏻炸到冇油 高級大點 - 鴛鴦雙潮 冇興趣所以冇食到😌中點 - 川汁抄手 冇興趣所以冇食到😌大 - 香茜叉燒腸 普普通通最差係個燒乳鴿 ！ 超大陣酸味又凍！ 好過份 個職員直接幫我地cancel Total $268 /4人冇優惠價 冇乜人排隊食價格合理

稻香又做"一蚊雞", 吸引了很多人來晚餐, 每兩個人便可以吃一隻雞, 我們有八個人, 所以叫了四隻雞雞算是很大隻, 皮很脆, 肉卻不算很嫩滑, $1 真的超超超抵食！我們再叫了其他一些餸, 埋單一千元 😝

2020年五月既最後一個星期六見疲情好小小 又咁耐冇同屋企人飲早茶今朝一早10點起身 就同男朋友屋企人開車洛寶琳飲茶一行7人 今日去稻香唔洗等位 衛生唔錯枱與枱之間都寛鬆 姨姨一坐低起手係咁點又叫 酥皮叉燒包 蝦餃 燒賣 牛肉球 小籠包叉燒腸 炸大雲吞 春卷 炸豆腐粒 荷葉飯 齋腐皮卷金錢肚 紅油抄手 煎炸蘿蔔糕 多到花多眼亂 稻香唔係間間都好食 寶琳喱間整體質素唔錯 服務都好好 係同老人家 屋企人飲茶既好地方 最緊要就坐得舒服 😌 最後食晒d野唔 冇做大晒鬼 yeah❕

一蚊雞回歸😂稻香的一蚊雞又返來啦。今次唔同上次，呢次原隻雞上的，再附上交剪和即棄手套，都幾特別😄好玩，雞皮脆脆的都幾香口👍再叫多份晚飯孖寶再加多個汽鍋海中寶，2個人食剛好

早前因為貪平去咗稻香食半價火鍋, 換來一肚氣，今日我又因為貪平去左飲半價點心茶...人類，總要重複同樣的錯...😅😅點心總類是正正常常的...但一入去，第一個感覺亦係我對稻香三大不解之迷其一🤨...用具既整潔程度!! 的確，飲茶前洗碗杯係集體回憶，但點解啲碗筷係會油淋淋🥵，油到一個點! ok, 換過隻，自己去換，點知一大盤碗筷左簡右簡，唔係有食物跡就係油...有一刻懷疑果盤碗筷係咪已使用...將標準降低，簡左一個無咁油既同時同員工講左聲，佢哦一聲就算數，戲都唔做下，大佬臨記都要有演員道德吖...ok, 自己用滾水淥下佢，浸下佢...🤓到簡點心，e...我張點心紙呢? 哦，原來自己唔小心跌左落地，仲比姐姐踩左一腳😒，咁正常人都唔想飯枱有張比人踩過既點心卡，咁就想叫姐姐換過張點心卡，講完又係哦一聲，拜拜你條尾，我真係咁既樣😧😧😧，標準再下降一層...先講正常ok既點心，重點係後面...芋餅: 正常好味，夠熱夠香😬鳳爪: 比正常硬，但反而我喜歡，夠入味夠咬口😬牛肚: 夠味好食😬脆皮叉燒包: 以係墨西哥包果隻皮，原來係菠蘿包皮...重點來了，有條毛? 線? 頭髮? embid左係個皮入面，注意

又來嘅一年一度壹蚊食到隻雞，一蚊買唔到隻龜，本來都無諗住食但見啱開始埋去再試下，叫咗個孖寶餐嘅白菜仔及個茄子斑腩煲，味道一般，白菜仔無咩味，斑腩都係普通貨仔，只係隻燒雞好食，夠入味及好大隻，但唔好係酒樓唔會同你切到一件件，係成隻畀你自己去剪，小菜散叫都貴，其實係用一蚊雞去吸引你去食，食過一次都可以，其他菜式就無咩特別。

疫情開始冷卻，好多香港人都禁不住外出食飯，包括我，見成個月無打過邊爐就唔理顏色去打個一心以為穩陣既邊爐~稻香。行過見到做緊優惠，有半價...照理岩岩開番夜市，用料應該新鮮同靚貨，貪心一試點知奶嘢...其實，稻香任食邊爐都食過好幾次，普遍質素正常，起碼唔會太伏，今次逐碟叫應該無死啦...先叫醉雞湯底(包半隻雞)~$128(唔夠酒味，有半隻雞算係咁，但啲雞連內臟血肺都未清好，有點兒那個)田園菜籃~$68(正常蔬菜，但你老鼠食到尾先見到隻強仔)脆骨腩~$64(夠肥夠脆👍)韭菜餃併芹菜餃~各3粒~$48(普通肥豬肉餃，大家要小心睇單，第一次落單幫我落左韭菜餃併芹菜餃共2碟，叫左姐姐改更正幾次都話改左，去到埋單check單仲未取消，我明稻香姐姐唔會坤人，忙中有錯乃正常事，但3次都cancel唔到有啲接受不了)鴨血~$58(某程度係因為鴨血先入黎食，當然比不上台灣，但鴨血始終要配濃味湯底先出色)響聆~$29茶錢，自助吧各13，14...埋單3舊水有找，我明白物價貴，一分錢一分貨但呢個價錢話貴唔貴平又唔係平，總而言之，呢間無下次

叫左個粥+油炸鬼食曬個粥,黎埋點心都未黎催佢就話就算套餐都唔係一齊上粥我知係整定,咁油炸鬼整完先拎碗粥都得姐如果唔係有粥送就唔會食條油炸鬼大大隻字寫28cm 長油炸鬼但係炸完都唔係原條上,而且係翻炸勁硬催左佢三次先話而家炸緊即係頭先根本無人整第二樣叫既係豬肚雞札散開左都算,佢話蒸完散左但打開果塊豬皮有好多條黑色既毛我諗無人會食,仲要打開曬都照拎出黎俾人好彩叫佢整都會整過,不過就等勁耐

中秋想嚟打個邊爐，叫咗啲蜆啦，一落過咗唔夠30秒，湯底開始黑黑地，之後愈來愈黑，仲要好臭好臭好臭...叫個職員換，話好好好，好完又唔理，再叫佢，黑晒面咁講：你都見我忙緊㗎......來食個飯姐...喺你地個湯底又黑又臭呀...成個坑渠味咁...點頂呀...終於等到嚟拎走個湯底啦，個職員講：你地喺皮蛋湯底呀....我苦笑講：唔喺呀，喺清湯呀...因為啲蜆將個湯底變成好似皮蛋湯底咋真喺日後不了......

今日難得triple dating 大家又就我過黎將軍澳食飯 就試試呢間稻香打邊爐其實都知八點半有任飲任食 但我肚餓晤想等 七點照入去😆😆😆叫左一個海鮮set 大概$400 有七樣item揀 有海鮮有菜有餃子有肉個啲 不過海鮮六款選擇 得兩款有貨 😪😪湯底係個set有包 普通的 沙嗲晤夠味 出面拎沙嗲醬落去調味都晤好食 最後放棄左另外有呢啲特價孖寶叫 每碟around $40都扺既 可以試多幾款食物幾新鮮 每位加$14蚊有任飲非酒精飲品佢有鴻福堂同無糖茶 岩哂想健康少少既我😆😆😆 仲有甜品同雪糕 埋單六位$1500 晤算好平 最奇怪係要收茶錢 明明已經加左$14蚊飲品 呢點我覺得晤係幾好 明搶既

早兩日賭馬贏咗幾千蚊，同班手鐲一齊去開心吓。呢個晚市邊爐都係收緊$138+1星期五六日148+1，抵！配料好齊全，落單之後上菜都好快，自助服務，成班麻甩佬之選！

稻香無咩特別好講啦，啲點心係喺工廠做嘅，唔需要有任何期待啦。期待下啲小菜好過啦。呢個腸粉唔使講啦，一睇都知道入面嗰啲肉餡係好少，又平又扁。味道普普通通，冇咩特別，不值一提。但係有一點我又覺得幾驚訝㗎喎。佢呢個雞絲涼皮，我竟然覺得好好食。酸酸甜甜咁， 食落口好清涼，夏天食真係覺得好爽。估唔到稻香集團呢啲工廠式嘅酒樓居然有驚喜。。。呢個炸雞翼可以煮得熱少少，上菜上到嚟都已經唔熱，何必呢？下面啲cereal唔知想點.

之前食過食稻香嘅任食火鍋，覺得好抵，今次去第二間再試，我哋8:05分排隊，8:15㩒飛仔，8:30依次序入座。呢間比同區另一間無咁逼無咁多人，但自助區就比較混亂，糖水經常無但無職員Refill，自助區亦只提供一啲有窿嘅籃提比客人拎菜，粉麵，呢啲有水份嘅食物，導致成枱水。有少少漏單情況，不過職員禮貌同服務係唔錯，另外比上次多咗其他食物，價錢都係抵。刪除咗嘅食物都係自取。芫茜皮蛋鍋。自取食物，餐肉好味。魚類，都幾新鮮，無腥味，魚雲係最好。白鱔片好薄好少，廣島蠔都唔錯。肉類正常。墨魚仔有怪味，另外有啲新嘅食物。魚皮夠脆夠新鮮。另外仲有其他飲品，啤酒要問職員拎。芝麻糊經常要無。雪糕呢間得雲呢嗱味，另外有兩款雪條。

稻香夜晚8:30就會開始任食火鍋，$138一位。睇佢既poster都幾吸引，海鮮又有海蝦、有廣島蠔、又話有蜆。睇落都覺得抵食！好快就拎到位啦，佢晚市火鍋唔算多人食可能因為係星期二，我哋三個大人一個BB佢都比到張六人枱我哋。揀完湯底就出去自助bar拎嘢飲加配料同埋拎菜。佢嘅飲有勁多選擇啤酒汽水豆漿仲有熱嘅維他奶。自己任拎出前一丁同埋烏冬。除咗依兩樣佢喺蔬菜嗰度仲有粉絲同埋薯粉。佢仲有糖水可以自己拎黎飲。又有一啲小食。總括嚟講嘢食選擇都算好多，服務就一般啦一般酒樓水準。

阿媽生日飯，我地全家人都喜愛食長腳蟹，見稻香九百幾一隻，以為好抵，再加上新都城中心食飯基本上免費泊車，所以就打電話訂枱。黎到就後悔啦！首先泊車行出黎就係另一間酒樓，長腳蟹188一斤咋。因為屋企人係稻香已開茶，諗著可能果邊一隻蟹五六斤重呢！去到當然叫阿姐俾隻大蟹啦！秤起黎4斤4兩，都已經覺得咁細隻。點知阿姐話要補4兩既錢，每兩$15。嘩！輸打贏要，酒樓最多俾4斤蟹，輕左食客你 蝕底，重左食客俾錢。真係第一次見咁既遊戲規則。即係一斤$250＋。無下次。😤