影片
今次系稻香早茶时段饮茶，洗茶杯时我发现茶杯滑潺潺，应该系洗洁精未过干净☠️，仲惨过油淋淋⋯叫左虾饺啲皮蒸得太耐溶晒一patpat 咁🤮，药膳凤爪炆得唔够淋同唔入味，好似白灼咁，重点系服务态度同做生意手法真系不敢恭维😓，我10:38落第一转单，等20分钟好不容易叫到侍应check下（啲侍应会扮睇唔到你），佢就check都唔check立即回我就话⋯哦，黎紧⋯我心谂好敷衍下啰⋯咁就不了了之⋯最后佢地拖延到11:05分，等左近半粒钟先有第一笼食物既出现😰，之后11:15再加单食物，之后冇耐就出去埋单，点知女经理大大声咁讲话要11:30前埋单及离台先可以计早茶点心优惠，如果系咁又未过11:30，咁我先生话啱啱第二转加既食物就取消，因为食物未到又啱啱落单，但女经理唔俾，咁算啦⋯咁我地话唔取消啦，未黎既食物我地照打包并立即离台埋单啦，但女经理又唔俾，最后女经理坚持话我地冇左早茶点心优惠，结果就硬食全单正价⋯个女经理系度拖延时间⋯根本系不良营商手法一样⋯我地系想11:30前离枱埋单，女经理诸多为难我地，今次心知中伏，经过今次很不愉快既饮茶经历，我俾佢地呃一次钱就够，我永远都唔敢再去稻香喇，加上女经理服务态度极差，食到一肚火，稻香真系越做越差⋯😮💨
继续阅读
夜晚落楼下稻香食饭，拎咗枱号行入去，啲侍应个个企晒系到都唔识过黎带枱，要个客自己系到揾。一行七人坐底先叫咗五个𩠌（最后叫咗七个𩠌+一蚊鸡），然后叫咗个一蚊鸡，个部长语气好差咁话，今一无一蚊鸡卖38蚊，我地都知你六日卖38蚊，咁佢个餐牌写个𩠌名系一蚊鸡丫嘛，我唔系讲一蚊鸡咁点讲？一系你转餐牌写38蚊鸡，咁我未叫38蚊鸡啰，而家都只系叫得佢一只鸡，又唔系叫晒一蚊鸡无叫送系到坐。后尾黎咗只鸡，原只上，放底咗把普通交剪，唔紧要38蚊都预佢无服务，但系把交剪系剪唔到骨，我好声好气问呀姐有无剪骨交剪，佢好不屑咁话无，系得呢啲，我话都剪唔到咁叫啲客点剪，佢话我点知你点剪，之后就走咗，啲态度差到咁。叫咗乳鸽又系成只上，唔通内地茶楼啲客兴好似野人咁成只食嘅？唔怪得星期六晚市都无乜人，呢间大陆茶楼真系快啲折埋比下手啦。
继续阅读
二人可以食一只一蚊鸡，我地一行四人就食左两只鸡！基本食完两只鸡已经好饱！ 鸡皮烧到好脆！肉质鲜嫩！整体系好食既！ 28蚊一碗汤都好足料！但98蚊既蒜蓉开边虾得9只就不用叫了！
继续阅读
𩠌菜上得慢 员工态度恶劣 羊腩煲 非常之硬食唔到 龙趸未蒸好已经畀人食 菠萝咕噜肉 冇味 猪手硬到连后生仔都拗唔到 云耳可以酸到吓死人 如果大家有得拣千祈唔好去 以前嘅服务态度都唔系咁其实都系针对紧服务 佢哋不停咁迫你嗌套餐 举晒手都冇人过嚟帮你 谂住做节同屋企人轻轻松松唔使煮出嚟食个饭点知食到一肚火 竟然可以将一条龙趸系完全夹唔到出嚟畀人食 咕噜肉竟然系完全冇味 可以觉得系出去嗌一盒两𩠌饭畀佢仲更加好食 烧味部完全冇理会堂食嘅客人一路有得佢哋等
继续阅读
稻香做到今时今日，做冬前得一半客都无，系唔系应该检讨下？就讲呢个沙嗲肥牛煲，收108元。我以为我食紧牙菜牛肉汤粉丝，吾要求有牛味，都应该有沙嗲味，煲仔菜无香味无热度。价格吾系贵，但出品对得住自己个招牌，对得住个客人。老板钟生应该落舖试下菜比个comment，讲得出呢啲出品系拎得上枱。稻香都叫香港品牌，愈做愈差，20年前晩晚旺场，到今日晚晚有位。吾系得我一个系咁讲，身边朋友个个同一评价。真系非常可惜。
继续阅读