影片
营业时间
今日营业
07:00 - 16:00
17:30 - 23:00
星期一至日
07:00 - 16:00
17:30 - 23:00
以上资料只供参考，请与餐厅确认详情
之前去过佐敦同铜锣湾分店，第一次同妈咪到呢间食，估唔到咁新，卡位仲好大。先讲环境，新装修，靓仔，企理；第二，伙记-服务态度正常冇乜嘢晦气。只是冇记性，又顾住执枱同喉住啲客冇乜点食又剩咗炸蚝。至于火锅食物，叫醉鸡锅另外加安格斯牛，羊，滑牛，虾滑，蔬菜蓝，都新鲜好食，尤其系云吞，水饺，韮菜饺👍🏻👍🏻👍🏻😆👍🏻🌮🍦🍣。另叫了豆浆同蓝妹都够冻！佢又做推广-$9.9 茶木鸡，但系阿伙记唔记得落单，等咗好耐，近55分钟。但卖相好，也脆皮好食🙏🏻👍🏻👌🌮
继续阅读
一行8人即兴walk in去酒楼食饭，点知对面海x唔book位系冇得食嘅😱于是走来稻香睇吓有冇位，柜台姐姐睇咗好耐有一张枱，原来星期六系咁旺。一坐低10分钟左右有个侍应阿叔走过来Sell话：半只避风塘长脚蟹+半只鸡三百几蚊。 本来都觉得几吸引，但系我哋同佢讲话谂谂先，佢就话得返最后一份，要就快啲落单喇，即刻觉得伏😨啱啱夜市先开始，就话得返最后一份，摆到明系死蟹先用避风塘整😂😂😂梗系死都话唔要啦😂😂最抵食系$9.9一只乳鸽同$28炖汤👍🏻👍🏻，生蚝猪手蚬煲好似馊水咁😂其他都普普通通。
继续阅读
原本今晚同墨丸米去海x食长脚蟹，但已经加到208斤，后来得知稻香做紧长脚蟹198蚊斤，横掂就在对面就立即转场这间稻香新搬来的，我也是第一次食，估不到地方都很大。我们2人被安排坐6人枱，所以坐得好舒适寛落而且没有用餐时限，也没有好似海x分2轮时段，所以食得好轻松。后来人渐渐多，全场爆满，好多都为长脚蟹而来我们当然必点长脚蟹，由侍应姐姐带我们去海鲜区拣蟹，每只蟹都好生猛，还上演逃狱戏码最后我们拣了一只3斤半左右的长脚蟹清蒸$693还点了孖宝餐$188，有： 脆皮乳鸽两只 ～ 香口肉厚，好和味 椒盐虾 ～ 虾炸得好香脆，连壳都食得， 椒盐好惹味，不错长脚蟹 ～ 卖相超吸引打卡一流！长脚蟹肉质鲜甜多肉，好正食得超满足另有每人15蚊茶位及加一收费。
继续阅读
真系，真系，真系，好难食。其实，瑶柱蛋白炒饭同埋炸子鸡都OK。当上汤龙虾伊面上枱之后，就好唔对路。你可以想像下，龙虾韧而无味，伊面沟水，仲难食过乜都唔加。我谂去街市买返嚟自己慢慢煮都煮唔到佢咁嘅水准。系咪今日个大厨唔喺度啊？就算系都唔使咁㗎。其实我真系唔写食评，但系忍唔住。喺柜台比茶包自己斟水仲要加人头再加一。其实你俾杯茶我自己攞得㗎啦。如果人头再加一不如你帮我斟茶啦。其实我个人冇乜嘢，好易话为㗎咋。我都系食返茶记或者北上好啦。心碎。而家斟杯茶定下惊先。
继续阅读
搬咗之后，虽然环境好似好咗，嘢食系平，帮衬咗4次，次次都漏单，等成个钟都未齐肯定话整紧其实漏单。嘢食好似系平过其他酒楼，不过质素一般般，碗具污糟洗唔干净，冲茶个壶好污糟。早茶搭台一台要搭够三围台起码冇位剩先心熄，仲要共用热水壶话冇多比你，真系离谱。你就系出面等餐死，眼白白见到有几条友话识得边个边个就立即有位。有次晚饭去到最尾等个糖水等成粒钟，佢先同你讲话雪柜刚攞出黎未煮局你转寿包。以后都唔会再帮衬！
继续阅读