影片
以上资料只供参考，请与餐厅确认详情
本来星期六，日打算食餐好，净系食左早餐无食到午饭,留肚等待食晚饭外卖， 见最近有特价98蚊外卖，打算试下好野。有个冬冬鲍鱼海鲜烩试过都叫ok忯食。原本我满怀兴奋 想试下个 海皇烩拉面，食左两啖已经失望到心中流泪。个面底劲淋，好似食糊仔咁，啲𩠌系几好，几丰富。2，3条蟹柳 食落有蟹味，有3只虾球，真系几好食，3只大大粒带子但唔熟😅中间仲见到生生地，希望我食紧系刺身级啦！墨鱼片有2，3块可以入口，2片冬菇，3旧西兰花。见到啲𩠌果下都好开心。但一切都系幻觉，事关个面同汁呀！最后一样大败笔系个汁呀！洁塔塔～我估系海鲜汁，但我真系唔识欣赏啦！似系啲海鲜融雪水加粉水做汁😭其实你俾蚝油汁我配米线加原来果啲𩠌 我谂一定好食过依家个配搭。今个星期光顾左3次虽然唔系同一间但都系稻香，真系够了够了。除左 38蚊叉烧／油鸡饭 配炖汤 我觉得系最满意，算忯食但系𩠌少左啲，98蚊冬冬鲍鱼海鲜烩 可以试1次过下口瘾。我系强调呼吁大家唔好食呢1个海皇烩拉面。试其他啦！
继续阅读
你到九龙湾淘大稻香喺淘大商场搭lift上2楼就到门口 好方便谂唔到食咩好 同长辈一齐经过附近 就入呢间餐厅食 见到呢个好似都几啱食 几吸引 我哋三个人叫咗三个𩠌 食咗饱到上心口每一份嘅份量都好大 绝对唔马虎上汤海虾烩拉面🍜 好多只虾 个味道好香 面条软硬度适中 食完想食多一碗 食唔停冬冬鲍鱼海鲜烩 原来系冬阴功汤底咁解 长辈惊好辣食唔到 但其实怕辣嘅人都可以食得到 泰国香料嘅香茅都放咗好多 呢个超级抵食 特大份量 有四只鲍鱼 仲有好多不同嘅海鲜 蔬菜 莲藕片 仲有粉条 食呢个都饱我见隔离枱好多人都叫咗呢个豉汁粉皮蒸白鳝 食完觉得好满足最后仲叫咗呢一个蛋白炖燕窝都系超级抵食 已经食到好饱嘅我哋 叫一个大家分享都已经好足够
继续阅读
之前一排因疫情受影响长期休市最近几日开返,推出左好多款式优惠外卖自取8折,黑松露叉烧饭配炖汤 原条叉烧切比你,份量系好多既,偏瘦,无咩肥肉,真系斩料都无咁多叉烧比你包汤同饭一个个饭偏干身,可能放耐左啦,配埋个汤饮还好啦叉烧份量非常多,水准算唔错,健康版,亦都烧得够香口,黑松露就食唔到了,个香气几乎系无搭多2条菜比你,平衡下唔好净食肉炖汤有鸡脚同鸡件,个味都炖得几浓,系油腻左少少,但味道系够既另外每件碗收1蚊,共收3蚊,当系比佢收多一成加一36蚊,呢口价,平过唔少餐外卖会唔会再食?又未必会
继续阅读
今次唔系$1 鸡，系$1 乳鸽。虽然只鸽个外观麻麻，但食落系好食嘅。我最欣赏系佢地好有heart, 有腌过D 乳鸽先拎去炸，所以好够味同好香口。我地仲叫左个椒丝腐乳通菜炒牛肉，碟菜系无腐乳味嘅牛色就正常啦。而个干扁四季豆都好好食，好够味，同埋无渣唔老。
继续阅读
同屋企人开心去食1蚊鸡，食物好食和超值，但短发姓梁女经理态度恶劣，到处骂人👎👎👎。客人多职员少，我们明白员工辛苦。唯有攞热水壶呀，收碟都自己黎，本来想去自助酱料吧度攞少少豉油和辣酱，点知短发黑面姓梁女经理见到我立即破口大骂，"大声喝问我坐边张枱，酱料每碟收费$5,话我攞左2碟要收$10蚊。"我系稻香食左好多年都未听过自助酱料吧要收钱(除左攞饮品糖水要收钱外，但我冇攞过)。我亦见唔到餐牌及酱料吧有写价钱，真系唔知系咪女经理唔想人攞就随口乱up！如果咁贵不如去抢，鸡先1蚊，原来酱料要每款$5! 我最后冇攞，一肚气返回自己枱，见其他客都系自己攞酱，都冇人骂⚠另外，听到隔离枱几个老人家叫左套餐，再叫1蚊鸡，食唔哂d鸡问侍应可否带走，同样被大声恶骂，大声到隔几张枱都听到，侍应骂佢地："唔可以带走，一定要食哂佢，有闭路电视影住你地架！"吓到婆婆眼红红，惊到食唔落都隔硬吞！我们明白1蚊鸡系只限堂食，但大可细声善意告知，唔洗当众虾老人家！总结，客观讲1蚊鸡同其他小菜都好食同性价比高，但员工态度恶劣，食到一肚气👎
继续阅读