稻香 (已結業)

不得不評論下了，之前都經常食稻香的，以前不鬧去淘大果間食火鍋放題，今次咁岩行緊MegaBox的宜家，行到好肚餓之餘就唸住呢到都有間稻香就準備黎食啦，以往都食開的，念住都係一樣啦，點只去到，我地都係食火鍋放題，叫左十樣送，上得兩碟送，蝦靜係上得一碟，以往食開我地都係叫兩碟的，同埋叫左好多送都無黎，問侍應啦，距就答話無嗮，真係一肚氣，我地隔離台仲慘，叫左半個鐘都無野上，人地都係鬧鬧霸霸咁，本身我地都係好孬，但係見到人地仲慘過我地果時就覺得好好笑，總結，以後不會再黎呢間，服務又 差，

今日返公司開完會，落去Mega box 食Lunch 想飲茶，見個個人上到13樓都入曬去御苑皇宴，我地因為要等位就去左對面嘅稻香酒樓，入到去見到大把位，我地個個都好肚餓就坐低左，但點知原來中左伏，我地13:06入單，等左半個中一樣野都未到，後面果枱遲過我地都食緊，搵左個阿姐追單，態度勁差，話"坐陣啦，唔坐就走啦"😡😡，未見過甘差嘅樓面😡😡😡😡，最後係等左40分鐘先有野食。建議大家真係唔好來呢間，費事食到一肚氣

星期日中午同屋企人飲茶，屋企人話唔使等位就入咗去，見到咁少人嘅?都驚有伏。點左叉燒酥丶燒鵝飯丶蔥花金網卷等點心，全部都唔熱既😆燒鵝飯啲飯竟然係凍嘅，燒鵝又乾，應該係放咗好耐。其實好唔好食已經係其次，凍嘅食物真係唔合格囉。問個侍應蔥花金網卷係咪即係炸両?個侍應話類似囉，但嚟度就根本係另一樣野。當日雖然係午市，但冇乜客人，我哋叫侍應落單佢哋見到仍然扮見唔到，然後行開。咁嘅服務同食物質素，呢間一定冇下次。

剛剛打電話預約食火鍋放題，接電話個亞姐勁串，唔接受預約兼唔想做生意咁，問佢walk in要等幾耐，好似趕客咁答唔到我，串串哄，一間有名的酒家應該要捉呢啲員工再training,什麼叫Customer mind service

Sometimes this Chinese dim sum restaurant had new dim sum style. Today was a cute bun. It was with nuts, lucky the nuts not too hard. The bun was in brown colour, taste a bit sweet.  Dumpling a little bit dry. Chicken feet were juicy. A bit spicy but I loved a lot. 

本身夜咗收工，特登揸車去megabox食下宵夜火鍋放題。8點40分去到門口個呀姐勁串咁話，我地好多野冇曬喎。咁我就叫佢舉例有咩冇啦，佢話牛啦蝦啦咩都冇。我唔知呀姐係嫌我夜想趕客定係點，有乜可能放題時間開始咗十分鐘就話乜都冇。一間咁大既餐廳居然可以未到9點已經乜都冇得食，不如你直頭9點好閂舖啦。奉勸各位如果想食宵夜放題你千祈唔好黎呢間分店，你只能失望而回。

今日去食TEA叫左蔥花金網腸,螺片肉丸粥,馬拉盞肉絲炒河蔥花金網腸-都算滑既而入面料就唔太夠了螺片肉丸粥-肉丸就唔算多不過粥底都唔錯馬拉盞肉絲炒河--都唔算好油,都OK既

由19:35等到20:20先有嘢食到，同個侍應講，又係個句黎緊喇，明明無咩人，點解可以慢到咁？隔離檯遲我地半個鐘到，咩都黎曬，打邊爐D料咁難執？搵經理又話無經理，咁想點，仲限時2個半鐘要走，等都等左1個鐘，又要等嘢熟，咁算點？

入到黎坐低，侍應其實都好恩勤問我地飲咩茶嘅但無奈食物質素和速度。。。。真的要給一個劣評首先，點心紙如下。。。暫停供應、暫停供應、暫停供應其實我都不過是1點鐘去飲個茶姐，咁多野賣清?!其次，我足足等左20mins先有野食。。。請原諒我也不好意思叫朋友讓手機先吃第三，食物仲要係唔熱架！個蠔仔泡飯又勁腥(隻蠔大隻有鬼用！)埋單$386, 價錢其實都算實惠，侍應服務態度也很好，有求必應。但真係出菜太慢又唔熱喇

天口涼就更加有心情打邊爐，早前黎mega box 食開野經過呢間稻香有火煱放題，食過之後發現性價比高，唔駛等好耐之餘，宵夜時段又再平少少，所以同老公想打中式邊爐就諗起呢度喇😋宵夜放題火煱由8點半開始，星期五六日價錢係$148，會比星期一至四貴$10。黎過幾次8點半就有得入，唔駛等👍🏻呢期promotion 仲做緊每五送一，計人數再送靚牛一碟，我地兩個人就送一碟😋普通叫到o既牛都唔錯嫁，唔會多肥膏到唔想放入口。其實仲有好多日式邊爐放題選擇，但呢d酒樓式邊爐可以揀o既食物就同日式果邊有分別，中式酒樓你可以揀炸魚皮啊，魚皮餃，山根啊，響玲啊，出前一丁啊等⋯⋯日式邊爐就無呢d ，各有選擇。豆漿、汽水、雀巢雪糕雪條都有，而比較特別係呢度仲有兩款糖水，兩款都好香好濃，絕對無因為係放題而比出面食到的差呢😋👍🏻

雖然係放題任食火鍋，但我哋只係可以任剔食物，佢哋唔會一照單出足夠食物俾你；我哋只係接收到第一輪剔選的小量食物，廚房無嘅不會向你交代；之後再加單咩，唔會再睬你囉，只係間中出一碟敷衍你一下。其間有超過半小時要關火，因為他們亦不會為你加水，一定會煲乾。呢個場亦不是任飲，他們不會添加雪櫃內的飲料，櫃内只淨大量啤酒。樓面伙記個個黑面，你追單就鬧你自己寫錯，轉頭又會攞一兩碟問係咪你呢枱㗎？！不知所謂！下次想食平價放題火鍋，一定去番旺角，呢度太伏！

相信大家都知道（稻香）打邊爐係十分抵食，每間分店午市到晚市，甚至到下午茶都好多人，特別而家進入秋冬的時候，分分鐘要排成個鐘頭先有位，我哋今日諗住不食火鍋，改食中式小菜，点知到都係咁一樣多人，都係要等好内時間，原來食個飯要用咁多時間去等位，冇辦法啦因他的價錢都合理，餸菜都可以，9点後仲有特價潻，就是這樣我哋食完餐飯都己經11点了，好彩明天不用返工，都冇所謂啦！座位比較迫而且都好嘈，除咗平我再諗唔到用乜嘢理由來這裡食飯。拼盤好多樣，都好好味，而且價錢又抵食。

平日夜晚打邊爐係任飲任食，食物種類好多選擇，肥牛，白鱔，鯇魚片，午餐肉，鮮蝦，青口， 響鈴，炸魚皮……菜類都有好多款， 唐生菜，油麥菜，白菜仔，蕃茄，南瓜片，冬瓜片……價錢算平，值得一試

CP值爆燈嘅稻香火鍋放題（$138）👀👀八點半後入座就可以用呢個價錢食足兩個半鐘😛今次揀咗椰子滑雞鍋做湯底，雖然雞唔滑但湯底都幾香幾夠味。·食物選擇都幾多，基本肥牛、黑毛豬、雞肉，丸類、菜類等等都好齊，不過上菜速度奇慢😷每次order起碼等半個鐘先到，見到隔離檯坐咗好耐都無嘢食忍唔住同職員嘈😂。·除咗火鍋之外，仲有雀巢雪糕、芝麻糊同杏仁糊係任攞嘅。呢個價錢嚟講，撇除上菜速度慢以外都沒什麼好挑剔了🤓！

解釋，因為早茶係有特價嘅關係，所以所有食物食唔晒都唔可以攞走，但你可以唔食埋單走人，keep住浪費食物就冇問題嘅……我真係從來未試過一間咁大酒樓係唔可以將食淨食物拎走 ，而且我唔係食緊任食或限時嘅情況下，每個員工仲要好似有一張唔願服務客人嘅咀臉，仲講話咁大集團，錯晒😡