稻香超級漁港 (已結業)

之前周不時夜晚都會黎打邊爐，多數晚飯時段都係要等位，但今次竟然唔洗入到去發現重有好多吉位tim~見到正價時段有優惠，湯底加3款指定野食只係98蚊所以叫咗豬骨煲+蠔+脆鯇片+油麥菜=$98先講豬骨煲仍然keep到之前水準，有3大舊豬筒骨，少少粟米，腐竹，木耳，羅白筒骨內有隨骨髓，雖然勁肥，但超香～～然後係蠔黎到嗰時已經有點出水，灰灰地色唔新鮮都算食嗰時非常腥. . .差得離譜雪花蚌新野，之前未食過衣個比較新鮮，味道還可以淥一陣食得，爽口，但鮮味不足肥牛同牛丁方兩樣都比之前肥好多，肥牛第一碟黎到有3分2係脂肪，叫佢換過！E碟係第2碟比較好少少，但超薄！甘既野都要成50蚊碟！丁方有啲太肥，一咬落去. . 全口油. . .不過丁方比肥牛香脆鯇片比較好少少，幾大片，皮脆肉嫩，但有骨響鈴響鈴就比上次好，大舊反少少，無甘易碎另外自助吧由原價8蚊加到9蚊但最令人氣憤係所有糖水都稀晒，試過晒芝麻糊，杏仁茶，馬蹄露同紅豆沙前兩者由有少許糊狀變到水甘之前紫米露變咗用極少馬蹄既馬蹄水取代只有紅豆沙比較好少少下次一定去第2間唔會再黎！ …查看更多

每年稻香推出1$1隻雞既雙推廣優惠於是就約埋一班朋友去屠雞。5：30pm拎左飛，6：00pm開始叫飛。首先葵芳稻香面積都真頗大，酒樓分為2面，外面主要提供火鍋服務，入面主要是提供晚飯小菜。一開始我地6行人叫左3碟雞先，然後每人一碗白飯（10$一碗真係有d唔抵仲要加2服務費，不過見係1$雞就算啦）等候時間真係唔知做咩好，見到周圍都坐滿哂人，要等都係應該吧。值得一讚既係隻雞比預期大，開始仲以為係得半隻tim 。隻雞都好滑，而且吾會係擺太耐而變老左，最重要係負責上菜的姐姐好好人，更加會同我地講笑，'後生仔食多幾隻都冇問題啦整體服務態度像不像其他食評描寫，那樣不佳。其次，我地再點了自助吧服務，懂任飲飲料和糖水。其中最為令我滿意既係杏仁芝麻常糊，雖然都係用粉開既，但係都好重芝麻糊味其他橙汁（偏甜），豆漿（不過不失），利賓納（味道偏淡）總捨而言，我地都好滿意今次既推廣優惠，都會再次光顧😬…查看更多

想不到時至春分，天氣還特然轉冷，就不如趁機來一頓火鍋，怕了人龍店，在附近剛有稻香，就快快手來一餐。豬骨煲，$18-正在做特價，就選了這個，內有兩大舊豬骨、腐竹、雲耳、紅蘿白、白蘿白。但味道實在是超咸，其他配料還可以，一到後段的烏東和菜，就出現過咸的情況。而且味精應非常勁，之後成晚飲了大量水還解決不了口喝的問題。安格斯牛肉，$88算是大碟，肉質都淰滑，有肉味，如果可以厚一點，口感會更好。雲吞併水餃: 兩者質素都不錯，餡料足，虾肉爽彈，有肉香。牛肉粒: 滾一會便縮到很細粒，而且略肥，一般。三秒腐皮: 好鬆散，比坊間的縮水，$10/4條都顯不值。炸墨魚角: 新炸上枱，可以即食，熱辣辣，好香口，彈牙爽口，有墨魚味，唔會粉。稻庭烏冬: 好滑，盡吸湯底，但可惜湯底太咸，浪費了。西洋菜: 新鮮，洗得乾淨。椰汁紫米露: 唔甜，又椰汁味，紫米有咬口。降火雪糕~~~~…查看更多

這篇將不大幅度去談食物而主要想講講它那十年如一日的爛服務其實一向來這酒樓吃東西已覺得就算去唔同分店但侍應們大多數也是粗聲粗氣黑面服務態度麻麻與很困難才可叫到她們從而得到服務、而且食物也只是一般. 所以近來去的次數廖廖可數, 而經過今次直頭給一向儲落的『壞印象』作個完美句號!!* * * * * * * * * * * * * * * * * * * * * * * * * * * * * * * * * * * * * * * * * * * * * * * * 好了入正題, 今次主要有兩大點: * * * * * * * * * * * * * * * * * * * * * * * * * * * * * * * * * * * * * * * * * * * * * * * (1) 入座前櫃台已說有需要時要搭枱 ~ 雖然唔喜歡今時今日飲茶仍要搭枱, 但 ok, 這是貴酒樓一向也鍾意的做法, 那麼要吃便接受吧當日大約 2:45pm 入座, 坐下已看見場內其實不太多人附近還有數張吉枱 但坐下不到三分鐘帶位呀姐已經另外帶著一對年輕情侶坐下來, 初時我還嘗試接受當看不見那些吉枱, 但沒多久那對情侶玩得太開心不但聲浪擾人而且因太興奮而令坐在他們對面的我倆也不停感受到枱的震動, 實在很騷擾於是我找個呀 A 姐來要求調位, A 姐甚麼也沒表示一句走開了 (-__-!!) 而之後她便叫來另一位看似應是話得事的呀 B 姐來; B 姐從遠處行過來時已經緊鄒著眉頭衝向我然後粗聲氣地問為何要調位? ............ 見她應是『有多事煩著又應很趕時間』 所以我沒有多講只是示範給她看張枱很容易搖晃; 之後 B 姐有點不情願但也安排了隔離張枱給我倆 ~ 但也拋下一句 "如有需要可能要搭枱" *** 先不談那對情侶全不顧他人感受; 就這事、在這酒樓不是繁忙時間內發生的其實也並不難去妥善安排, 有需要出這樣的咀臉與態度嗎?*** 而且旁邊就已經有三張吉枱了* * * * * * * * * * * * * * * * * * * * * * * * * * * * * * * * * * * * * * * * * * * * * * * (2) 沒有太被剛才的事影響但也想快點吃完快點離開, 點過食物等了一大輪後看見隔離其他食客與我們差不多時間落單但他們已有食物但我們仍然未有, 於是見呀 C 姐經過便找她替我們跟跟已落的單, C 姐如這酒樓員工一貫的粗聲和冷冷的態度快速地拋下一句 "落單後要等廿分鐘的", 我便說已等了很久而且鄰桌已有東西吃, 著她也去廚房跟跟那些單吧, 於是她便帶著不情願的表情行開了*** 當下我看看手錶見距離那廿分鐘只有不足兩三分鐘時間 *** 既然她有時間行去櫃檯去印出這張紙仔, 怎麼不用同樣的時間去做更有意義的事呢?*** 可能這兒的廚房真的很惡, 但有甚麼比以客為先重要呢? (而且就算她行開後甚麼也不做其實我們也不會知道的, 但為何要印那張紙仔出來 "白紙黑字" 令客人深深地親身感受貴酒樓的爛服務呢?)*** 而且隔離枱已經有得食, 即是那 "廿分鐘等待時間" 其實也不是一定?* * * * * * * * * * * * * * * * * * * * * * * * * * * * * * * * * * * * * * * * * * * * * * * 沒多久食物終於來到了, 但已吃了一肚子氣, 加上這兒的東西只是一般 ~ 什麼也彌補不了- 炸雲吞: 皮厚了點而餡內的蝦並不新鮮, 不過炸物始終脆口吸引的- 蒸芋頭糕: 吃到有少許的芋頭粒, 不過糕底太少粉太多了, 於是蒸完亦太腍彷如在吃一堆粉團- 燒賣: 蝦仁頗大隻不過同樣不夠新鮮- 珍珠雞: 這個不過不失味道唔錯- 蝦餃: 這個收特點價錢但卻連小點的質素也沒有 ~ 蝦餃皮厚放耐點便已經變硬了, 而且內裡除蝦仁外便沒有甚麼味道- 鮮肉菠菜餃: 這個餡料太油了…查看更多

稻香集團嘅菜式，每一間嘅分店都大同小異，但係每一間分店嘅食品水準同埋服務水平都唔一樣。服務方面，由知客同帶位嘅講起，帶位嘅木無表情，唔跟從知客寫嘅枱號，隨便帶去搭其它枱，客人要求其它枱，帶位就話唔得，要客人返出去搵知客從新排，我懷疑帶位點解唔用對講機通知知客呢？反而為難客人！無論知客也好，帶位也罷，應該符合要求，如相貌、身高、身形、笑容、等等，冇可能全部唔合要求，兼且兇神惡煞樣貌呱！？集團亦應該要進行Training ，哩啲係集團嘅形像，要重視！:(樓面服務方面，每間分店都差唔多，當客人透明，以紅衫嘅樓面為甚。…查看更多

白灼蝦，足秤中等身型，都可以啦!化皮乳豬，餐前小吃份量唔多過下口癮，皮脆唔係咁肥。頭抽雞，豉油幾甜幾好味。蒸杉斑，新鮮包無衰。海鮮粟米羹，無乜海鮮味道都OK啦!…查看更多

22-5-2013(三)是日，補習過後，來到新都會廣場與媽媽會合，一起在 稻香 吃下午茶。上次在青衣分店吃過數碟 $3 點心，是次轉場來到葵芳店，媽媽繼續主攻 $3 點心。$3 一碟，真的不宜太過挑剔其賣相或味道，份量雖明顯較小，但每碟的味道也尚算稱職：流沙奶皇包的流沙程度令人滿意，外皮鬆軟，內有濃郁的奶皇味；餃子餡料豐盈，茨汁亦很入味；QQ麻糬包口感夠唒煙煙靱靱！另外叫了一碟叉燒腸（大點），外皮很厚，但勝在叉燒份量多，內裡還有翠肉瓜，很爽脆可口。在香港，真的平有平食，貴有貴的！$3 點心，合格有餘，真的收貨！埋單也只需 $42，比在快餐店吃個下午茶餐還便宜呢！…查看更多

稻香$1雞又再出場，每次都一定會吸引好多人去...當然，我地都係一樣好彩，我有個好爸爸~佢一早就去拎左籌等我地收工唔駛等太耐。爸爸等左大約一個鐘就有位啦~我地一共4個人，所以就叫左2隻雞，5分鐘後再決定叫多碟翠玉瓜雜菌炒斑球。等左5鐘後，碟斑球就黎啦~睇個樣都唔錯...我地又再叫左3個飯....再等到10分鐘後，爸爸有D唔耐煩就問侍應會唔會忘記左落單....侍應就答﹕落左架啦，等多陣啦~兩個師傅切唔切呀(語氣其實有唔多好)最後再等到10分鐘，兩碟雞終於都黎啦，但係碟斑球已經凍左兩碟雞都唔算太細隻，但係一食落口就.....嘩~我終於知道咩叫做﹕雞無雞味:(好明顯係雪藏雞呀!!!)，好辛苦咁食左幾舊都唔係好想食啦....惟有轉食碟斑球，斑球啖啖肉，但係我覺得有D腥(唔知係咪因為等得太耐凍左)...成餐飯最好味反而係D雜菌...囉!!!雖然埋單只係需要$145，但係真係食得好唔開心....真係唔會再黎食$1呀!!!…查看更多

想不到週末可以找到個地方不太迫人, 不用等位, 結果是晚一個'稻邊'稻香邊爐, 記得不前在另一家稻香火鍋過, 對食物的印象很好, 所以今次有點兒放心地開始滚了個人覺得在枱上的電磁爐比夾硬加上的gas爐好一點, 因為整晚不用吊起手, 能舒適地滚即管一次加$1的一碟肥牛, 份量很多, 都算薄片, 不過不是很雪花, 肥的部份都多, 一分錢一分貨呢:)又再一次成為我的最愛, 流心芝士很香很美味, 芝士漏下碗中, 我繼續以其點其也的食物吃, 真是一流享受!這家稻香的服務不錯, 很容易有職員在附近, 有問有答, 讚!…查看更多

黎到葵芳揾野食，實在太多選擇多到唔知食乜好所以就求其打過邊爐吧…連同兩個朋友，就求其揀咗～稻香，因爲細間嘅食肆又驚唔穩陣，始終有名氣嘅好D入到去，入坐率都有七成，時間係七點零鐘。對正入口有個自助調味、飲品吧，望落去幾整齊兼衞生:)一坐低就馬上點料，做得話事人，當然要揀適合大衆而又稳陣嘅野啦湯底，就要鴛鸯鍋(即清湯&沙嗲)，然後—氣過點咗廣島蠔$42、四寶丸$52、珊瑚蚌$68、雲吞拼水餃$48、美國肥牛$38、黃金脆竹卷$20、魚腐$18、鮮時菜籃$38、駝烏肉$48、炸魚皮(唔記得)特別推介位位加$8蚊，汔水、糖水、2款生果思樂冰仼飲，三個人食，夠La啩點解?????廣島蠔:硬如冰粒，面帶雪水花，即退四寶丸:索性叫四丸算喇就連深圳嘅分店都不如，真係極之難食雲吞拼水餃:無香味，無鮮味，粒粒肥膏，只有花生味，肯定所有原材料都係冰鮮嘅肥牛:超溥，份量少到以爲係安格斯肥牛片($78):(脆竹卷:要—淥即食魚腐:食落口感就似無鮮味嘅魚肉加咗大量嘅水，唉…菜籃:菜同菇類都係新蘚嘅，可惜嘅係用内地ga平價粟米，而唔用超甜嘅……駝烏肉:用疏打粉醃到無晒肉味…湯底:係最大問題嘅，沙爹湯，係用平價嘅沙茶醬，無香味，只有花生昩;清湯就=清水～白烚，，太差…成餐飯，就只係食菜加魚皮(都係叫貨翻黎嘅):(，本人食完呢餐後，對稻香真係留下極度深刻嘅印象，唔通香港人既專注力真係唔及深圳嘅!!!深圳稻香己鋞推出咗隻好特则好好味嘅咸水角，係用黎原隻生渌架，超好食:(，請貴總管管理—下吧，真係唔想杳港嘅人才被牝實嘅運作模式框住，找～係一個百份百支持本港嘅有心人！！！<(｀^´)<(｀^´)><(｀^´)>埋單$556.5:(…查看更多

一年一度稻香一蚊雞, 作為fans當然要捧場, 4月頭同一地點食左一次, 回味無窮, 趁月尾落幕前當然要把握時機, 再接再厲放工就去等位, 唔知點解, 閒日都等左半個中有多...(打邊邊的人較多)2丁友開左茶, 叫左3樣野, 1隻雞1份"特價孖寶","特價孖寶"就係$108有炒蟶子皇+雞湯菜苗等左咁耐位口都乾, 一坐低我就係咁飲茶, 飲左大半杯, 望下個杯, 駭然發現茶葉有異物飄浮心理上, 我係想嘔的; 理智上, 我算了, 反正酒樓的茶櫃都是很OPEN的...:(雞湯菜苗菜苗先上, 是白菜加什菌, 菜和湯底不錯, 什菌有點乾...等左好耐蟶子同雞都未到, 唯有食住菜先...我地發現呢碟菜最與別特別之處就係愈食愈多發泡膠...最尾頂唔順同阿姐姐講, 姐姐幫我換左佢:(炒蟶子皇又等左10分鐘, 蟶子皇終於由遙遠的蘇格蘭抵步...冇呃人架真係大大隻蟶子, 炒得香濃惹味, 可惜過火,太韌了 :(呢個時候已經等左大半個中, 一蚊雞仲未見影, 碗飯又唔黎, 個人已經忟憎...追問之下, 原來阿姐姐漏單...................唉。一蚊雞當我表達完不滿之後, 一蚊雞終於送到, 脂肪唔算太厚,大部份位置都好滑有雞味, 一蚊價錢咁大隻雞真係抵食又好味, 但略欠調味, 只可靠豉油幫忙:(最後, 又等左10分鐘, 雞湯菜苗回來我身邊了...卻仍是一身發泡膠....連阿姐姐自己都講"哇mud咁多ga".....唉cancel了。:(…查看更多

飲廣東茶食泰國點心芒果糯米飯 $21.80...弄成壽司狀, 外形夠煞食, 不知道已经謀殺了在座不少相機的儲相容量兼臉書的位置 味道都讚, 因为芒果香甜, 椰醬厚實, 黑糯米煙韌, 全粒啪入口最正就是椰醬包勻黑糯米飯的香及芒果甜, 只吃一粒就真是嫌太少了, 每人一碟便算得過來榴蓮蕉葉卷 $13.80榴蓮餡是用榴蓮糕並不是用新鲜的榴蓮肉, 失色不少而且餡量不多, 榴蓮味不能衝口而出；幸好用蕉葉包裹, 黑糯米也吸了些蕉葉香氣, 搶回點點分數。…查看更多

上次在荃灣食過,今次決定到葵芳一試.一到六點,我們已到達攞位,但原來這裡是自己按機取飛的,真是大郷里,好彩我們早的關係,都有梳化位坐,否則便坐在中央位置,比較迫.湯底叫了係薯仔蕃茄湯,感覺像罐頭清雞湯加幾舊蕃茄薯仔.白蟮片 -- 很鮮味,亦夠爽.雙丸(蝦丸,墨魚丸) -- 幾爽口.手切肥牛 -- 很有牛味,浸淋了亦不靱.羊肉片 -- 有羊味,可惜肥膏偏多.白菜仔 -- 一般水準,不算太鮮甜,但亦不是太老.…查看更多

預先包裝的义燒包蒸熱後與茶樓吃到的都一樣$9成分等資料都一目了然, 原來點心由東莞生產蜜汁與义燒都塞滿包包, 包身鬆軟竹笙碗仔翅$5配料豐富包括有豬肉絲、金華火腿、竹笙、木耳、香菇、粉絲等等, 好有酒樓魚翅湯的風味 唔洗比茶芥加一都食到稻香出品, 不過食完晒都覺幾口乾, 應該有增味劑之類的化學品。…查看更多

:(今日諗唔到去邊到食晚餐，所以就去稻香食家常菜，見到個四人套餐就叫左，仲驚唔夠食，所以再特別推介系例:四位餐- 上湯虎蝦伊麵- XO醬貢片象拔蚌- 海皇冬瓜盅湯- 脆皮咕嚕肉- 鮮菌魚腐泡翡翠- 沙薑穗香雞(半隻)原價 $598星期一至五 優惠價 $428星期六、日及假期特恵價 $468九時後入座尊享超值價 $368(*如冬瓜盅售罄，轉為瑤柱栗米羹)叫多個蒜香白菜苗過左6分鐘...就有得食雞啦 沙薑穗香雞 - 個樣都唔錯既，好容易可以將個雞皮同肉分開，而且個鹼度都ok，但係我覺得佢肥左d，d肥膏&雞油好多:(海皇冬瓜盅湯 - 個賣相又係唔錯...服務都唔錯，幫我地"不"，每碗都有一樣既海鮮&冬瓜:)，當我呀媽想再整多碗個陣，個個人黎幫佢"不"，幾好，我試過係某d餐廳係要自己"不"，所以稻香e到算唔錯架啦:)海皇冬瓜盅湯 - 雖然有好多料 - 冬瓜(太大舊= =)、蝦(一兩粒)、瑤柱絲(幾條)、瘦肉(幾粒)&帶子(一片)，但係冇乜鮮味，而且個冬瓜唔夠淋，唔入味，仲有一陣菜青味:(脆皮咕嚕肉 - e個好味，配料有青椒(夠爽)&新鮮既菠蘿(仲甜過罐頭菠蘿)，個咕嚕肉個size岩岩好，一淡就食左，唔洗咬幾下先吞到^^，同瑪真係好似佢地咁講....脆皮....上湯虎蝦伊麵 - 好味，首先個湯底係上湯再加左d芝士，不過又唔會太濃，good，虎蝦夠脆，肉同殼好易整開，d伊麵都唔錯，佢好似長壽麵咁，好長...................讚，但係好難夾蒜香白菜苗 - 散叫既，都唔錯，d蒜子係切左一粒粒，食落去好味，夠蒜，而d菜我覺得有少少硬左d&冇切去個根部&少少油:(XO醬貢片象拔蚌 - XO醬佢真係勁啦，我第一次食個陣係唔幾HOT既，之後我再食多一次就覺得HOT既感覺黎啦....係喉嚨揮發....翠玉瓜淋得黎又有D硬，特別....象拔蚌就唔係幾掂，好細片，唔夠爽，而且有D係黑色:(仲有其他配料...有雲耳&蓮藕片(夠爽)鮮菌魚腐泡翡翠- D杏鮑茹好味，有D手打魚蛋，正(彈牙)，都係白菜= =我以為係翡翠苗TIM，都係一般其實我唔係幾覺得四人套餐係夠四人食囉，價錢都唔合理，但服務、衛生&環境方面都唔錯既....…查看更多