秘密花園1981咖啡店

係荃灣大會堂聽完下午既音樂會，係時候搵野食，散場見佢仲有下午茶就入左去。不過最後都係食左晚餐，因為下午茶係少份量。叫左個三文魚野菌長通粉加山茶花茶。野飲係跟餐半價，有好多唔同選擇，山茶花茶第一次見，好香好特別。長通粉既份量好足，個忌廉汁剛剛好掛到落去長通粉，個忌廉汁有落芝士，有甜甜地既味，配上雜菇，口感好好。三文魚就無咩特別，不過都算係成個粉既點綴。價錢唔算好貴，碟同杯都好優雅，成件事好靚，食完心情特別好。完全感受到佢既誠意，會期待下次再黎試其他野食…查看更多

星期日要搵一個坐得舒服寧靜嘅環境適下午茶真係唔容易荃灣大會堂呢度我覺得唔錯因為唔係好肚餓所以兩個人淨係叫咗兩杯嘢飲同一個tea set呢個窩夫已經食過好多次都保持水準窩夫外皮脆裏面軟雪糕唔係最cheap嗰種雲呢拿好食蘋果擺盤又靚焦糖亦都唔膩職員亦有幫我哋斟水唔使自己斟行街行佬攰坐下休息下幾好唔使喺荃灣廣場入面同人迫…查看更多

晚上大約七時到達，問門口收銀姐姐叫啲乜嘢比較好，因為七時半要入場睇表演。收銀姐姐話小食都可以，於是便叫了兩份小食，加2杯飲品，叫佢用外賣杯裝，因為驚食唔切。樓面男侍應知之後，發咗癲。以問罪嘅口氣話我外賣都冇比錢，又話我叫小食根本冇可能出得切。我同佢講我已經問咗門口收銀姐姐佢話可以。結果佢態度實在太差。可能佢知道自己理虧，因為係佢哋員工溝通不足，搞咗一輪我哋冇食過嘢，佢最後退返錢俾我。唉… 今時今日咁嘅服務態度真係唔OK ☹️…查看更多

同朋友睇音樂劇前嚟食飯，簡單叫個J餐三文魚凱撒沙律83蚊唔包嘢飲，三文魚得3塊仔，啲菜唔新鮮好乾身仲切得好大塊，有啲仲好苦食唔落口。凱撒沙律得芝士粉做topping，出面同樣價錢可能會落兩種醬同麵包碎，同埋至少會飽。但呢個沙律啲醬好少，啲菜只係大塊，其實分量好少，我一個女仔食完都只係半飽。嘢飲跟餐要半價，其實都要20蚊左右，覺得唔抵就要自己斟水飲。但部水機好殘舊，出水位有好多水垢，啲水飲落有啲鏽及泥味。雖然一齊食嘅朋友們覺得還可以，但我下次絕對唔會再幫襯呢間又貴質素又差嘅餐廳。…查看更多

素食早午餐（i）（$86）呢個all day breakfast係素可以見到雖然係偏平，但分量少得滯😂😅攞個細啲嘅碟唔好嗎 笑死味道就冇得彈嘅，真係唔錯啲菇細細粒但係好惹味香濃👍🏼蕃茄仔微暖 都好食🎀秋葵唔嚡🟩多士正正常常👌🏻炒滑蛋就唔夠滑（上面黑松露頗多）仲有個南瓜定唔記得係番薯餅，炸得都好，可以望到佢啲顏色都ok笑死人不可不提要講嘅係個年輕女waitress啲古怪騎呢服務😂得啖笑🏳️呢個素食all day breakfast Menu話係有個素餃子嘅大家見到張相就知我個餐冇，呢位騎呢嘅女waitress一嚟就hea答話「冇素餃子」咁結果佢睇完menu confirm係有素餃子，佢亦同時同其他同事討論左有😂咁佢就好古怪地 比個menu我睇，「呢個係menu」😂😂？？？？？但係冇交代啲咩😂 成頭都係問號心諗 咁又點呢 係咪溝通能力有問題其實我都估到應該係冇咗餃子轉咗做炸芝士棒😶你咪講返咪得囉😂咩料呀💨最後再走多過嚟一轉 竟然話：「已經冇咗素餃子好耐」係咪笑死人 仲要話「好耐」即係你menu一世都唔renew冇用心😂 搞唔掂🙌🏼🙌🏼餐飲及餐湯（$38）問阿Waitress今日係咩湯細聲話「.蘑蓉湯.」聽死我一直都以為菜湯 霧蓉湯？？唔明😂但turn out個湯係👍🏼👍🏼嘅蘑菇蓉粉粉好香濃。…查看更多

之前喺網上見到呢間餐廳，見d人comment話靜靜地野食ok，所以都有興趣試下，佢喺大會堂入面，如果大會堂冇乜event就ok，但有event分分鐘嘈過街市今日應該冇event，所以都幾清靜，加上過左午飯時間，唔洗等就即刻可以入座午餐同下午茶都可以揀，不過驚唔夠飽，所以都係揀午餐揀左個all day breakfast,雖然份量唔算好大，但望落去都幾豐富，味道正常另一個揀左鮮忌廉野菌帆立貝意粉，呢個個份量都唔大呀，不過幾香，鮮忌廉汁又唔會太膩，帆立貝有2隻，都幾大隻同煎得香，味道唔錯飲品揀左杯iced latte同熱flat white，兩杯都ok，滿意…查看更多

尋日同舊朋友相約此餐廳傾八卦，下午茶餐抵食，48至58蚊，不收加一，大會堂餐廳，環境幽靜，可同朋友詳所欲言，不會被人打擾。待應待人有禮，有問必答，送餐速度快，今次叫左三個set 豬扒包，雞扒包，三文魚蛋包，飲品係桃味冰茶。食物水準Good, 可以encore.推介給大家。。。。聊八卦十大推介餐廳…查看更多

✨特別寧靜的地方～ 🐷炙燒荷蘭汁豬肉排 $68-又食呢個😂，無計🙈啖啖軟軟既肉真係好岩我呢個食肉獸🥳。D醬多到呢😲不過醬味道淡，食到既係煎到好香既孜然味。(我想佢D汁係芝士多D😮‍💨！） 🍝卡邦尼長通粉 $62-好香呀🤍，啖啖都咬到菇同煙肉，配長通粉亦冇意粉咁易膩。 🥗煙三文魚沙律 $68-酸酸地既凱撒沙律汁好好味😋，呢個沙律難得令我對🥬咁有興趣🤣！ 🍕千島海鮮PIZZA $118-薄薄的批底好似餅咁脆口，可以食N塊😋。千島醬甜甜地，😶芝士得好少唔太食得出，蝦大大粒爽滑，如果配料再多D食落會豐富好多！ 野飲就比較一般般: 🥤蜜桃YOGURT $48-正常味道，呢個價錢黎講冇咩驚喜😳。 🍹蘋果蜜桃鮮打冰茶 $44-有少少蘋果渣，應該真係鮮打，但飲出黎個味似x師父個D🤣🙈。…查看更多

荃灣多美食大家都知，但係最近我喜歡咗呢一間「秘密花園」！嚟到荃灣做嘢，放飯一定要嚟呢度，佢係荃灣大會堂入面，環境乾乾淨淨，都坐得舒舒服服！平日嚟食就唔使等位，喺荃灣lunch time好多都要等位，呢到就可以滿足到唔想等位嘅你！Lunch set 有9款選擇，都算多！Tea set 都有11款，下次可以嚟試吓Tea set今次叫咗個「三文魚子和風蜆肉意大利粉」配美式凍檸茶！檸檬唔苦、茶底唔澀，好飲「三文魚子和風蜆肉意大利粉」好足料、味道又剛剛好，正！平日係包飲品，都算抵食…查看更多

網上見到個環境就想試吓！環境OK靜靜哋可以享受午餐，平日唔多人😆可能个位置冇咁明顯啲人感覺唔就腳去過一次就知都唔係唔就腳嘅賣相幾好，用左花邊碟唔識得欣賞，可能會話老土！如果唔係過高要求味道還好，雖然唔係超好!人手唔夠服務唔可以要求過高自己攞杯攞水佢又無收加一豬扒包最好味其他就略為唔夠味道。個豬扒包同炸薯仔熱辣辣幾好味。個醬料就冇乜味！個人覺得咖啡冇乜味或者話淡淡哋味唔知係唔係我唔識欣賞下次食就嗌其他有藍梅芝士蛋糕同埋朱古力焦糖芝士蛋糕，揀咗朱古力嗰款，個樣正正常常但係唔夠芝士味又唔夠朱古力味上菜少少慢但慢慢嘆唔急都OK唔需要下下趕趕趕今歺$96埋單略為高左少少…查看更多

今日第一次黎呢度食野，成日經過荃灣大會堂但都唔知呢度有餐廳，上openrice無意中見到餐牌食物幾吸引，價錢都OK，一於今日黎試下餐廳裝修同枱櫈都幾靚，落單同拎水都係自助形式，餐點就係職員送黎，唔洗收加一侍應女仔好nice好有禮貌，抵讚😼👍試過去過一間cafe都係自助落單同拎水 ，罐裝餐飲都係要自己拎但竟然都要加一，個次真係有啲唔開心，唔係太合理藍莓芝士餅（是日精選甜品跟餐+$28）芝士餅唔太甜，岩我口味😋🫐果醬多，粒粒🫐果肉好好味拿破崙🍅野菌本菇意大利粉（素）Lunch Set $58意粉份量唔太多，但呢個價錢對呢個份量都合理，菇菌量多，意粉彈牙👍…查看更多

星期日夜晚去，都係得大概5檯客，環境安靜。兩個人食dinner，總共order咗兩個main courses，有一個本來係飯，但因為嗰晚冇飯轉咗意粉，另一個係番茄意粉，份量都足夠。仲order咗個芝士黑松露薯條，芝士同黑松露醬係分開上，味道正常。飲品方面就order咗一杯水果茶同埋蘋果蜜桃鮮打果茶，甜度適中👍🏽最後埋單總共$250，dinner嚟講真係性價比不錯，食得飽！…查看更多

午餐種類多，偏向西式，座位寬闊舒適，綜合而言可謂性價比高。1️⃣黑椒牛柳粒配香煎魚柳珍珠飯 $68牛柳粒、魚柳、珍珠飯份量充足，相信男女生吃完都幾滿足。好驚喜，魚柳雖然薄，但粉少啖啖都係嫩肉，煎得唔錯。牛柳粒肉質好鬆軟嫩滑，有咬口但唔會痴牙難咬，加埋黑椒汁都真係一種享受😚珍珠飯就煮得比常見嘅更黏口，稍為乾身啲會比較好，不過都係個人口味，都有人鍾意比較黏既飯😊2️⃣黑咖啡 （假日套餐半價）比較苦既Americano, 主要都係比較欣賞個杯😍🥰🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸呢間嘢真夠「秘密」，人流唔多，唔洗好似出面咁到處同人逼，坐得咁舒服，食物又咁好味，真係有一刻諗住唔寫上黎同大家分享😌但另一方面，又想表達佢既好，希望佢經營下去，繼續維持高質素食物😏有冇人知道呢類大會堂既餐廳經營，租約會唔會特別長架呢？.另外，設計呢啲嘢，我識條鐵咩😚不過呢到既餐具同環境設計，行西日式風格，完全營造到休閒靜態既感覺比顧客，呢一餐，抵呀!🥰…查看更多

話說原來荃灣大會堂入面有間黃店💛仲要係牧羊少年咖啡館嘅姊妹店 唔怪之得兩間杯水果茶一模一樣🤣Hidden Garden隱身喺大會堂樓梯底 唔好睇佢咁隱敝 平日人流都幾旺下🤯-佢哋Lunch set嘅選擇都好啱我口味☺️最特別就係意大利包 都係第一次試 分別有豬扒同雞扒揀 平日仲有餐飲送😆-🥙厚切豬扒意大利包配芝士薯角 $68意大利包個底烘得好脆 食落比想像中軟😌餡料有肉有蕃茄有菜 同三文治差唔多 豬扒偏硬 但係又未到咬唔開🤔而且可以再juicy啲 加咗啲芥辣沙律醬蕃茄已經煮熟腍哂 酸酸地同豬扒幾夾🤤伴碟薯角唔會炸到好油 配芝士醬好邪惡 薯角我都係鍾意配茄汁食多啲🤪-🍹Iced Fruit Tea (跟餐)水果茶就同上次去牧羊少年一樣味-如果平日冇乜人 都幾啱嚟呢間cafe做野🤓…查看更多

裝修後第一次來人不多⋯座位很舒服，兩個人吃了一個多小時(*´ω`*)叫了一個煙三文魚沙律、意大利粉、一個薄餅及一杯飲品女生來講很滿足，男生的話可能要再叫一個小食才夠..(ﾟ∀ﾟ)下次會再來！！…查看更多