秋香 (康景花園)

营业中

休息中

屯門人黎講都好多人唔個呢間店，可能因為佢係置樂個頭，好多人都冇專登去。但其實我已經係第二次去，第一次去食係下午茶時間食唔到太多野，但食完個白鱔煲仔飯有種好驚喜嘅感覺，所以介紹朋友一齊食。裝飾好得，個bar 枱好有feel 😂唐伯虎點秋香呀談心必備嘅酒，今次叫左清酒，佢屬於比較易入口嘅。就連個酒杯都好得！😂今次就試下其他煲仔飯，秘製牛肋條煲仔飯，牛肋條烤得好香，個汁流落飯到好香。仲有佢嘅飯焦脆卜卜，好香口，完全食上癮！免治雞肉捧 裡面除左雞肉仲加左雞軟骨，真心好得，比一般出面雞肉棒出色好多！白鱔偏爽嘅口感，有少量嘅骨，但烤得好逼左多餘嘅油出黎，肥而不膩🤤烤大啡菇就係普通做法冇加任何芝士，味道簡單，反而食到菇本身嘅香味。香蒜辣辣墨魚仔嘅辣味比較突出，可惜比較乾身整體食物水準都幾高，特別鐘意食煲仔飯😍裝飾又靚，唔係得個樣，會再encore🤤

《秋香》 #食在屯門📍屯門青善街38號康景花園地下26-27號舖-最近成日都去置樂呢邊食飯 上次食完聚福樓 呢間原來係同一個老闆開 於是就黎試下 不過朋友要揸車就無飲到酒啦🔹黑糖枝豆 $30黑糖珍奶你地就飲得多啦 黑糖枝豆又食過未呢？好多人都會嗌一碗 當小食食又得 用黎送酒亦得原本無咩味嘅枝豆 加埋黑糖煮過 又幾夾喎件事🔹燒雞皮 $20燒雞皮唔係間間都有 但有嘅話通常都會嗌黎試下有d會燒到太脆 有d又燒得太短時間 呢個就黎適中 脆得黎仲有d雞皮味🔹唐楊池魚 $46呢碟野食落口有小小似多春魚，但無多春魚嘅感覺，但炸得幾香酥可口，食完又唔會覺得口乾，如果飲酒作樂，小食叫佢都算係一絕🔹炒雜菜 $68入面有 紫椰菜、蘆筍、鮮菇、珍珠筍、粟米仔、枝豆肉菇同菜永遠都係我嘅最愛 呢個用鐵鍋裝住可以keep住佢熱 仲要有咁多款 有d蒜味有d薑味 唔錯🔹豬腩肉煲仔飯 $128幾可飲酒會有煲仔飯食 一於試下佢一上枱影完相就即刻撈埋d蔥同雞蛋個煲夠熱 好快就有飯焦啦 估唔到入秋第一個煲仔飯會係呢到食😂個飯真係幾好味 但我覺得豬腩肉老左小小 下次可以試下三文魚或者牛肋條嘅煲仔飯🔹柚子青檸氣泡水 $48飲品黎講

朋友一直都話想試呢間居酒屋，因為鋪外既裝修非常之吸引，所以今次就陪佢嚟試下鋪內唔算大，裝修都好似日本既燒肉店而呢個吧枱非常喜歡餐牌嘢食種類都算多有時仲會有特別推介本人非常喜歡佢嘅筷子匙羹粟米沙律$68（佢哋將一條圓形嘅粟米，切開變做長形，加埋沙律醬上面又有芝士碎，非常之好食）串燒（大啡菇好多汁牛粒串燒到中間夾深紅色非常之好味雞翼會唔會燒到太老都係好）免治雞肉卷（打勻隻蛋加埋醬汁一齊點黎食，好好食）牛肉鍋飯（搞勻左成個飯食既時候有少少飯焦好好食牛都好正）呢個啤酒不得不講一次，佢間鋪有好多唔同既啤酒，我呢支係朱古力啤酒味道非常特別想試下唔同味既啤酒可以黎試下呀

屯門人當然要支持番屯門食店今日同屋企人食飯 特意搵左間Fusion 菜秋香設計特別 係轉角位與眾不同入面Bar台設計 清酒啤酒烈酒排得密密麻麻 坐係旁邊 有點似睇緊日本漫畫咁 😀店主一定係好喜歡唐伯虎😆😆試一試House sake 仲有酒杯選擇tim~Sake帶辛口 米味中帶酒香 值得一試粟米沙津非常特別 起哂粟米心 仲加埋沙津醬 粟米好清新又開胃免治雞肉棒 😍呢樣極有驚喜 雞肉味濃 加埋特製醬汁 烈不得了😀燒茄子 茄子燒得好容易 旁邊更有誠意地配上不同既香料 櫻花蝦 七味粉 想要咩味都可以泰式柚子肉碎 煮既時候已經有加柚子上菜時仲另上一杯柚子 可以再加柚子柚子配上肉碎 減低油膩感😀白鱔煲仔飯 簡直是今日之重點即叫即做 熱辣辣 又多蔥花 望落已經非常吸引加上白鱔份量多 仲大大隻 咬落非常彈牙 配上清酒 勁夾！擺多一陣 煲低仲有飯焦tim~ 又搵多間食堂😍

康景花園小小一個圈，好密集嘅餐廳，新餐廳亦唔少... 馬路邊就有間睇唔到門口，好似好神秘嘅餐廳，但係向裏面望又好靚喎...粟米沙律好特別，係鋪滿芝士，加沙律醬嘅原條燒粟米... 有少少辣味嘅沙律醬配粟米，從未食過嘅層次、口感... 食得出廚師嘅心思～免治雞肉棒配醬油蛋，廚師特製，本已比一般免治雞肉棒滑，再點埋醬油蛋更滑、更香～燒香嘅茄子配埋調味粉、櫻花蝦一齊食，肥肥大大嘅茄子軟綿綿、好好味... 🍆炸雞粒粒，外脆內軟，好juicy~🍗雞肉串、大啡菇、雞中翼串... 燒得香口～😋白鱔煲仔飯，白鱔肥大肉厚，無骨，配窩蛋飯，又香又滑～食香口嘢，嘆日本米酒🍶... 絶配～☺️

住在屯門經常經過呢一間小店想試試好耐但一直未有時間今晚放工收早終於可以一試10滿分我會比9.9分先來一個芥末八爪魚賣相夠靚食落都好好味極力大力推介免治雞肉棒 中間有d雞軟骨 配上雞蛋 口感一流 一定要食栗米沙律🥗賣相靚 食落口好香叫左一堆燒物白鱔一定要食 另外大啡菇 好香甜 整體上比9.9 分最原因 係香港店鋪未能用炭火燒呢間食店非常有心體貼每件餐具都配得好好 店員會為你介紹餸菜配合美酒 茄子旁邊仲配左四種調味 有櫻花蝦 tim 呀我地仲叫左個牛肋條煲仔飯 有飯焦架 牛肋條軟硬適中忍不住叫多杯18年威士忌 品嚐下 整餐飯近乎完美食到咁有心製作食物的餐廳心情都愉快最重要做到尊重食物仲食左個豆沙窩餅 外脆皮薄個雪糕有些爆炸糖 好驚喜

屯門小店系列第二彈都係康景。店名很文青裝潢卻型格有特色。收工帶大西北朋友來小酌兩杯，再來點串燒小食，享受慢時光。-🍺本地手工啤 $68選了桃味Monkey King Amber Ale，看樽身介紹是孫悟空猴子偷桃之意，哈有趣。桃味淡但麥味濃，略苦。-配酒叫了一堆小食串燒，質素不錯。🐙芥辣八爪魚 $38-咸辣前菜開胃惹味。🐟唐揚池魚 $46-炸魚仔香口配酒不錯。🍗免治雞肉棒 $42雞肉撈雞軟骨，口感爽脆，沾上燒汁生雞蛋，juicy🍗雞中翼串 $32-穩陣之選，惹味肉滑。🍖波板糖五花腩 $28-不是邪惡爆油花，質感比想像中鞋，有點失望。🐂牛舌 $34-三片幾大，爽脆有口感。🍠日本小甜薯 $18-好甜好粉，好味。🍄大啡菇 $26-菇控表示醬汁燒菇無可抵抗。🌱蘆筍 $28-有處理過沒渣，清新又解膩。-兩個人分著吃，沒多久全KO，但還意猶未盡，查了一下openrice，先發現招牌未叫，果斷下單。-🍲白鱔煲仔飯 $168一上檯聞到睇到就知掂喇！白鱔厚肉起骨，大大片鋪於飯上，魚肉很多一啖魚一啖飯軟嫩滑溜。大量蔥花櫻花蝦生雞蛋增加層次，米飯飯焦拌蛋汁醬汁蔥蝦超惹味，明明飽了不小心吃呀吃竟吃完了。-整體

屯門真係好大，要搵到好嘢食都唔係易事，畢竟屯門市中心已經比遊客同連鎖餐廳佔據咗😭係屯門市中心一個隧道之隔，就可以去到一個小店林立嘅小社區——置樂。置樂有咩嘢食？有小曼谷、屯門咖哩屋、娘惹菜，最近仲開咗依間fushion嘅居酒屋😌依間居酒屋裝修都幾特別，仲叫咗個好有中國特色嘅名——秋香✒️我哋首先嗌咗幾款小食先🤤粟米沙律係推薦菜，同平時食嘅好唔同，熱辣辣加上勁甜嘅粟米，有埋沙律醬同芝士，小小辣🌽牛舌同波板糖五花腩，牛舌燒得幾香，不過略韌，五花腩調味香口，油脂四溢🤤免治雞肉棒，有得點生雞蛋醬油，雞肉棒入面有軟骨，食到佢有少少爽脆嘅口感。燒秋刀魚配上柚子粉、七味粉、鹽同櫻花蝦，秋刀魚燒得夠乾身🐟肉唔算好多，不過夠香😻豬肉碎同洋蔥炒香用生菜包住，搽上柚子醬又幾特別🐖白鱔煲仔飯同牛肋骨煲仔飯，有飯焦，撈埋啲生雞蛋落飯度，加上新鮮嘅蔥😋份量都幾多，出色❤️入嚟屯門值得一試🤤🤤

是日約了屯門住的同事待我返娘家後到附近食晚餐，還記得以前呢度好靜沒想到現在食肆多了，而平日最愛享受的同事就帶我感受吓特色的地方順便食晚餐~~~呢間店雖然細細間，但倒有點特色，呢個係水吧~~~而最吸晴當然係呢個唐伯父的金句~~~呢間餐館最方便泊車人士，店外有咪錶泊位處，還讓一些抽煙的食客方便抖氣~~~一開始上日本清酒，沒想到同事的酒量那麼強，我飲了兩口已經覺得太強而放棄😂😂😂粟米沙律算幾大份，粟米係熱上，唐揚池魚俾我感覺外見6內軟，感覺好好食~~~茄子感覺都ok，不過我不及同事那麼懂得欣賞~~~免治雞肉捧，感覺有些雞軟骨夾雜在其中，口感好特別~~~香蒜辣辣墨魚仔和牛粒，呢兩個味道不錯，但我主要食牛~~~白膳煲仔飯，如果喜歡燶底飯可以食，味道不錯~~~雖然呢間小店食物係ok，但我比較喜歡同一老闆的另一間店－聚福樓 (/^▽^)/

屯市多數都係連鎖餐廳食到厭倦於是行去至樂搵食結果就比秋香獨特嘅裝潢設計同埋風格吸引左入去栗米沙律粟米香甜；垂直切開之後配搭牛油烤焗；沙律醬微酸加上牛油濃香幾夾；最後撒上芝士同埋七味粉調味鹹香之中略帶辛辣牛舌串燒/波板糖五花腩鹽燒牛舌厚切而且肉味香濃；五花腩捲成柱體定型之後切片加上竹籤燒烤形狀的確好似波板糖；肉質緊實油脂甘香配上燒烤醬汁惹味好正免治雞肉棒免治雞肉混合豬軟骨碎初成棒狀之後加上日式照燒汁燒烤口感豐富；蘸醬用左醬油以及流心蛋黃拌勻製成鹹中帶有蛋香秋刀魚魚肉嫩滑唔會燒得太乾秋香柚子豬免治豬肉加上洋蔥爆炒提味；用生菜包裹配搭柚子醬味道清新秘製牛肋條煲仔飯牛肋條軟腍而且肉汁豐富; 煲底飯焦香脆白鱔煲仔飯白鱔肉質彈牙味道鮮甜略帶脂香但係唔腥

好久都沒有與屯門老朋友吃餐飯，屯門廣場附近都沒有特色西餐廳，屯門朋友推介這間名為(秋香)食店，地點比較偏遠，要屯門地膽帶領才找尋到這間餐廳，適逢又是中秋節後，餐廳環境清靜，設計幽雅而柔和輕音樂伴食，與舊友知幾，暢所欲言，放鬆心情去享受美食，置身感覺份外逍遙快樂，而其裝潢有些中式書法及古筝，配以酒吧形式的枱椅，像是中西合璧，有新穎特色感！我們來一些小食，香味清濃的粟米沙拉，濃味芝土口味都突出，再來串燒豬柳都肉香滑膩，而烤黑蘑菇夠甜夠軟，都是不錯的味道！泰式生菜包配上微一酸辣味的肉碎都很醒胃開胃，份量足夠，大快肚皮！而個雞肉餅就比較濃烈焦香，點上秘製黑醬油，加強雞肉的味道，最後來個白鱔煲仔飯，油膩透過飯焦，更惹味魚香脂肪飯内，好味絕配！飽餐一頓後與舊友重遊舊地，談天漫步，一樂也！正是明見幾時有，與友共聚秋香店！

繼上次食完聚福樓，今次我同另一位朋友食呢間秋香，因為呢間同上次嗰間好似有關系，所以應該有保證！喺間店舖門口前有個叫《黑暗中進餐》，雖然唔多知係乜嘢，但見都佢寫住有10%收入會捐去無國界醫生，而且$150/2人...幾有意義！我地今次叫咗個白鱔煲仔飯，波波糖五花腩，燒茄子，炸薯條，同埋一個特色甜品！燒茄子有唔同嘅調味粉放喺碟旁俾你自己再調味，而且有櫻花蝦灑上面，唔夠自己可以再加，而且茄子有足夠嘅醬汁喺上面，唔會燒到好乾身，另外，薯條十分粗身，而且配咗芥末醬，好濃味，另類食法！至於個白鱔煲仔飯，主角當然唔會差，飯身夠乾爽，白鱔好鮮甜，味道一定唔會茶餐廳水準，貴得有道理，而且環境氣氛好似喺西餐廳！最後最值得一讚嘅係個甜品！好有特色，佢係好似反沙芋，但係佢裏面應該係甜番薯，再點白砂糖，伴碟有爆爆糖同紅桑莓，點起上嚟有另一種口感！

成日都去元朗食野，朋友話要轉轉地頭，於是帶咗我去呢一間位於屯門康景花園嘅「秋香」，呢邊個地點係有點偏僻，所以難免有少少難搵，開定地圖搜尋，行到最入嘅角落就會見到。裝修可見非常花心思，歐陸得泥又帶少少地中海感覺，令人坐得十分舒心。一切食乜飲乜由朋友發板，分別柯打咗招牌菜嘅煲仔飯、各款串燒等等，當然唔少得促膝長談要有嘅酒水同送酒枝豆！坐咗陣最先到嘅係「黑糖枝豆」，之前只食過柚子鹽味枝豆，估唔到黑糖味又別有風味，份量都多，黑糖味比較濃同甜，特別係送酒時真係一流。另外店主推介下，我地柯打咗清酒，仲講笑「飲唔哂唔准酒」。清酒帶濃郁酵米味，入口先苦澀後帶甜，酒精濃度高，入喉有暖意，對我呢種唔太識飲嘅人而言，忌飲得太快。接住陸續到嘅係串燒，有波板糖五花腩、蘆荀，免治雞肉棒，以及牛粒同牛舌串燒，全部都係即叫即燒，夠哂熱辣辣。個人最鐘意免治雞肉棒，原因係口感唔同一般常食開嘅雞肉棒，碎肉之中仲會有一啲細細嘅軟骨，口感層次多咗，再配合埋個蛋黃醬汁，不俗！而其次既牛粒熟透度岩岩好，唔會太熟太老，易嚼之餘肉汁豐富。牛舌更加唔洗講，個人覺得係串燒必食，外面有少少爽脆，內裡肉質軟林林，絕不錯過。其次到嘅係「白鱔煲仔

朋友剛剛過了生日，我還未跟她慶祝，我問朋友想去那吃生日飯，她說家附近就可，壽星女最大，都依她的，最後我們去了秋香輕輕鬆鬆的慶生。這裡粟米沙律非常特別，不是一般的沙律醬拌粟米，而是在粟米上淋上熱熔芝士及芝士絲，芝味十足，粟米本身天然的鮮甜亦相當討好。免治雞肉棒百分百用新鮮雞肉混合雞軟骨手打及搓成，厚實的雞肉棒嫩中帶爽脆，再沾上混搭蛋黃的醬汁，更為香滑美味。白鱔煲仔飯光看已讓我們口水直流，中間半熟的蛋黃，將底下白鱔，蔥花，蝦乾趁熱攪拌食用。白鱔烤得香脆彈牙，濃濃的魚鮮韻味也融進飯中，蔥花，蝦米讓煲仔飯的獨特魅力表露無遺。原條茄子也撒上大量蔥花點綴，並烤得恰到好處，沒有過於軟爛，鮮度無可挑剔。茄子旁邊有四款調味任君選擇，鹹的，辣的均各有風味。五花腩真的不容錯過，烤得焦脆不膩味，肉味齒頰留香。香蒜辣辣墨魚仔非一般的香辣滋味，爽口的墨魚仔在嘴裡跳躍。大啡菇飽滿肥美，菇汁滿瀉，簡單卻好吃。

早前聽朋友介紹屯門有間餐廳叫秋香，名字好特別，以為喺中菜廳，原來喺fusion 菜，有中式、日式及泰式料理等餐廳細細間，座位不多，牆上掛左一幅唐伯虎詩詞，另一邊擺放著唔同類型既酒，好多選擇最鐘意㨂酒杯呢個環節淸酒唔太dry, 甜甜地，容易入口粟米沙律滿滿芝士碎喺粟米上面，賣相吸引粟米十分juicy, 爽脆，芝士唔膩，好惹味柚子豬豬肉碎用生菜包住，加小小柚子醬一起進食，味道十分清新牛肋條煲仔飯牛肋條份量多，大件，咬落唔靭，牛味濃，飯一粒粒，乾身，口感唔錯，食到最後重有香脆飯蕉