影片
戴头盔先，我唔知正宗系点，但系买过袋装螺蛳粉煮，试过即食杯装，又试过其他区嘅螺蛳丝，都系觉得呢间最好味麻辣君话未食过，于是同佢嚟新铺，佢入到铺头都话气味好重😂，坐左阵臭觉适应左啦好在佢都ok螺蛳粉，我今次都系中辣，但系辣味好似唔够之前食咁劲，仲点左鸭脚同豆笋，鸭脚好够淋，豆笋原来系豆筋，我地仲以为系笋🤭，甜甜地带辣味，都几好味由落单到传菜，老板都好殷勤，我见有几位外卖员嚟攞单，老板对佢地好客气，因为好多时我见其他食肆都会对外卖员呼喝食食下，有几位小学生入嚟，其实大厅都有枱够佢地坐，但系佢地冲左入偏厅，然后老板好好，并无叫返佢地坐大厅，佢地坐低之后，老板就默默地去拎摇控开冷气注：我估𠮶位男士系老板卦
继续阅读
葵广名店 👉 装修别树一格但臭味令人怕怕! 搬到现址, 臭味依旧，铺面装修简结。终鼓起勇气挑战呢股臭味💪今日试食烧肉螺蛳粉 + 牛腱螺蛳粉不消十分钟，老板已端上两碗食材经细心摆放，赏心悦目，热气腾腾*无臭味*既螺蛳粉🍲 👍米粉入口爽滑，配菜酸笋; 酸豆角; 木耳; 花生; 豆皮等。材料新鲜，花生无油溢味，汤头鲜味，辣味任客人选择👏，臭味源头 👉酸笋，入口爽脆🈚臭味，酸豆角够酸兼开胃🤟烧肉皮脆肉质唔硬🥩，牛腱入味量多✌️定必会再来，一试难忘👍
继续阅读
屋企人接受唔到螺狮粉，唔可以响屋企煮，咁唯有出街食啦！问题系香港嘅螺狮粉店少之又少。好彩仲有秋香。之前响葵广成日俾人话，咁𠮶边通风又确实唔好嘅。而家转咗地铺就乜问题都冇啦！ 店内装修简洁干净。几张4人枱，坐得好舒服。价钱同之前一样，仲多咗啲小食套餐。炸蛋螺狮粉（$46）食螺狮粉就一定要配炸蛋（我话嘅），炸蛋吸饱汤汁，等到最后食就真系滋味无穷。螺狮粉比米线Q弹，加埋啲配菜（豆角、酸笋、炸腐竹、花生），唔驶加𩠌都好丰富喇！豆笋套餐（$20）套餐包一罐饮品，一碟小食。豆笋就似凉拌腐皮，唔辣嘅，好清爽。终于食到心心念念嘅螺狮粉喇！好满足。下次再去帮衬。
继续阅读
葵涌广场 "臭名远播" 嘅螺丝粉一直反应两极，有人唔钟意阵味，有人则一试爱上，而我就系后者，一直都系佢嘅 big fan ❤️ 早排佢地搬咗舖去葵广外面，葵广一楼有条天桥延伸落去高芳街，行前几步转右入荣芳路就见到。店舖空间大咗，以前张 bar 枱都有保留返放咗喺较入面嘅位置，仲请多咗个姐姐做楼面~~今次食个感觉同以前都有分别，炸豆皮我一般都会叫佢分开上，口感比以前更脆口。炸蛋水准都仲系会有少少飘忽，有时可以做到内里都好松好似海绵咁吸哂d汤，但有时会有少少内馅变咗奄列咁，就唔吸汤，今次系比较好，但都有少少奄列馅，希望之后可以改善到。唔知系咪厨都转咗，汤明显比之前辣咗，BB辣变咗小辣咁，听到隔离枱个姐姐都系咁话好辣 🤣🤣 以前 $8 嘅糯香柠檬茶我觉得如果以前俾人知道咁平，出面d手打柠檬茶应该冇得斗 (你冇得同我架FC斗呀呀呀呀呀!!)，而家加咗价要 $14，都仲系好平! 今次个糯香柠檬茶好似走甜咁，但糯香就前所未有咁香浓，有好有唔好 🙈香港嘅螺丝粉我都试过几间，暂时都仲系呢间最高质，而且最神奇嘅系，佢其实系最唔大阵臭味果间，喺门口外面基本上系闻唔到任何臭味，对唔钟意阵味嘅人嚟讲亦都影响最少。如果未试过螺丝粉，而又接受到阵味嘅话，我诚意推介你去试一试，话唔定会一试就返唔到转头 🤤🤤🤤
继续阅读
螺丝粉只在大陆尝试过，在香港就第一次食，在葵芳屋企附近新开咗一间秋香螺丝粉小店，所以就到来试一试，店内环境不大，设计简约，座位不多，应该最多大约可以坐 20人，我们点选了一个招牌炸蛋螺丝粉及一个秘制牛腱螺丝粉，另外一杯糯香青柠檬茶及一个$20套餐，包一个饮品及一个小食，我选了青瓜及豆浆， 先讲炸蛋螺丝粉，真的几特别，炸蛋吸收了汤汁，几好味道，而另外牛腱就几软林几入味，如果下次再来就想试猪脚及鸭肾，我觉得这间螺丝粉的𩠌菜选择比较多及特别， 整体都颇满意。
继续阅读