私房御約

营业中

休息中

今晚係第2次去 次次去都無失禮我屋企人同朋友所以決定第一次寫個食評支持下 唔寫到太details啦 鍾意食粥底海鮮去一次就一定知幾好食環境舒適 4人枱大 唔洗逼埋一齊 連茶都精心炮製 甜甜地好好飲 我地連啤酒都唔洗叫 3個人都飲左3壺茶海鮮超級新鮮又大大隻 重有專人幫你細心煮埋 無吹單趕客趕埋單 食物時間處理啱啱好 活生蝦即場同你蒸 扇貝拳頭咁大 龍躉鮮甜又大大片 最後個粥 米軟硬度真係啱啱好 湯又鮮甜吸曬所有日月精華 Perfect👍👍👍服務當然100分 唔洗講唔明點解周未都唔爆場？3個人食1000蚊唔洗PS 無相 太過專心食野

‼️去食呢間既話 事前最好要先預約 同埋只接受現金/FPS因為餐廳啲食材係當天預備同買 walkin 既話有可能有啲食材會無貨架‼️每張枱都會奉送三碟小菜 有土豆絲 花生同埋醃蘿蔔仲有一大壺養生茶 餐廳仲會免費添飲既‼️餐廳會負責serve蒸海鮮同埋分海鮮 最重要係佢唔會好chur 咁樣要你趕頭趕命咁食 坐位又坐得舒服 同朋友慢慢食住傾計好適合‼️佢有兩個套餐可以揀 唔夠仲可以加啲時令海鮮今次就揀左個龍躉元貝餐食🍽️龍躉元貝餐 $298包左以下海鮮同粥底🐚肥嘟嘟花甲每隻都好新鮮 隻隻蒸完都開哂口 好鮮甜有肉🦐扎扎跳海蝦蝦肉彈牙 夠哂新鮮🐟深海龍躉腩龍躉肉厚 而且跟埋魚皮 魚皮夠哂煙韌有咬口 滿滿既骨膠原 配埋餐廳既豉油 好好味🐚肥美元貝元貝夠哂大粒 雖然個粉絲本身無比底味 但係元貝既鮮味同埋加返少少豉油點綴 就變得岩岩好🦑自家手打墨魚滑墨魚滑入面加左馬蹄 所以彈牙既墨魚滑咬落有啲爽口既馬蹄 就豐富左個層次🐷日本宮崎黑豚豬大塊既黑豚豬本身醃左入味 醬汁少少帶甜 🐔蟲草花冬菇紅棗雞雞肉夠哂滑 蒸到岩岩好 冬菇夠香 仲有雲耳 椰菜係底食完呢味就到粥底🍲南瓜粟米粥南瓜粟米夠哂香甜 加埋一開波所有海鮮既精

有親友自遠方來，想帶佢地嘗鮮。幾年前開始興起蒸氣火鍋，我都去過不同餐廳食過，可惜好食的不多，有啲又已結業。響openrice搵到呢間，見到咁多好評，一於試試。要留意的是舖位門口設在文苑街，非文蔚街。有菊花杞子茶招呼，茶味香甜，令人不禁一杯接一杯。前菜有花生，薯仔絲和蘿蔔青瓜，薯仔絲鹹香，蘿蔔青瓜酸甜消滯，吸引人密密食。我地揀左龍蝦肥牛餐。花甲，海蝦，龍躉，帶子，墨魚滑，牛肉，龍蝦，蟲草花冬菇紅棗雞樣樣新鮮美味。基本全部是食食物鮮味的！龍蝦肉本身冇調味，略淡味，但肉質彈牙，有蝦膏，連蝦腳都開了邊方便食，抵讚。最後的鍋底南瓜排骨粥吸收晒‘日月精華’，要打包拎走埋。侍應們服侍周到，準備和分配食物，加茶水等。人均消費462元，抵食！希望下次去時，都保持到如此水平！

香港食蒸氣鍋的執得一間得一間，真係唔易做，聽同事介紹今次來到這間近柯士甸站的蒸氣鍋，竟然帶來驚喜！只有兩個餐供應就是298和430，貴的多了龍蝦，和肥牛，而平的就是黑豚肉，但今次我們也轉了牛肉，是內地的陳村牛。選了龍躉元貝餐，食材都很新鮮，首先花甲一粒沙也沒有，帶子也蒸得剛好不會過熟，店員會調校時間，蒸好了店員就會過來分給客人。蒸氣海鮮鍋最主要就是食他的食材原本的鮮味，同時也有將由辣椒蔥蒜等調味。前菜冷盤香辣土豆絲，也有葉青瓜和酸蘿蔔，茶匙紅棗杞子桂圓菊花茶非常入味。最後我們為了不飽到上心口轉了瑤柱蝦米排骨粥，但是吃了兩碗也停手了實在太飽，也要打包。留意前菜茶介等要收錢的，埋單每人360 ，這個品質簡直是超值。

店舖服務貼心周到，坐低先飲杯茶已非常足料，杞子龍眼胎菊茶；由前菜開始，醃製蘿蔔👍🏻👍🏻，海鮮開始上枱，由甜美花甲做頭陣，跟著大大隻甜美海蝦，滿滿骨膠原龍躉肉，肥美粉絲帶子（灑上小小鹽花），非常好味，然後自家打制的墨魚滑，美味雪花肥牛，什菜有鮮甜的南瓜和粟米配以滑滑的蟲草花蒸雞，我已飽飽的，最後的主菜是多膏的龍蝦，我們一行五人食得好滿足，進食期間跟亞濤不斷講飲講食，大家滿満食經，勁開心；這一餐看似完滿時，最後奉上一碗所有海鮮和肉類的精髓的南瓜粟米排骨粥，我們已經傾到和滿足到不得了。在此多謝亞濤的熱心招待和分享不同美食的心得；這是一間用心制作和挑選食材的食肆，值得推介🥰🥰🥰。

▫️ 私房御約油麻地文苑街34號文耀樓地下 「私房御約」絕對是蒸氣粥底海鮮的世一！餐廳位於柯士甸與油麻地中間，離地鐵站有一段距離，但以海鮮的質素與性價比來説，極力推薦大家一試！他們有兩款海鮮套餐選擇，分別是龍躉元見餐 ($298)和龍蝦肥牛餐 ($420)，配一款菜粥底，有南瓜粟米排骨粥、芋頭排骨粥、以及瑤柱蝦米排骨粥選擇。我們選擇了較貴的龍蝦肥牛餐，正式上第一道海鮮前，老闆先為我們準備三道開胃小菜，配上杞子龍眼紅棗茶，有助我們稍後消滯，非常貼心！套餐共有10款海鮮與時蔬，每一款海鮮都有專人落鑊，蒸熟之後更會主動幫食客夾上碟，服務一流，完全不用擔心海鮮未熟的問題，我們只需要專心享受美食就可以了。🍽️ 肥嘟嘟花甲無沙厚肉，鮮甜入味。🍽️ 扎扎跳海蝦落鑊蒸的時候依然生猛，大大隻，蝦肉彈牙爽口。🍽️ 深海龍躉腩龍躉腩好厚身，肉感嫩滑，表皮更有豐富的骨膠原。🍽️ 肥美元貝元貝超級大隻，好滑好有咬勁，仲有大大粒的瑤柱，粉絲完全吸收了元貝的精華。🍽️ 鮑魚鮑魚都幾大隻，爽口彈牙，鮮而不韌。🍽️ 手切肥牛肥牛有很香的油脂味，牛肉表脂肪分佈均勻，絕對是高級肥牛。🍽️ 蟲草花冬菇紅棗雞雞件啖啖肉，用蟲草花冬菇紅棗蒸，好

如果同朋友想食蒸海鮮大家第一時間一定會諗起呢度幾年前誤打誤撞試咗第一次一試愛上，因為食物新鮮質素高價錢亦都非常合理從此呢度就差唔多可以話係變咗我哋嘅飯堂揀咗龍蝦肥牛餐$420係比以前貴咗少少，不過都合理因為我唔食牛，店舖嘅哥哥幫我轉做豚肉⬇️肥嘟嘟花甲🤤🤤🤤無沙厚肉鮮味，當中有一兩隻無開口但店舖都會好好咁再蒸返兩隻比我哋⬇️扎扎跳海蝦🤩🤩🤩真係名副其實扎扎跳，好生猛每隻蝦都大細差唔多，肉質彈牙👍🏻⬇️深海龍躉腩😍😍😍😍😍😍呢個係我嘅Top3，龍躉肉質嫩滑層皮骨膠原滿滿，夾埋啲薑蔥食真係好正🤤🤤🤤🤤⬇️肥美元具呢個比起以前嚟食有少少無咁正以前食落真係刺身級嘅元具今次比以前無咁滑，可能來貨問題粉絲吸晒啲精華，超惹味⬇️自家手打墨魚滑👍🏻👍🏻👍🏻👍🏻佢哋嘅墨魚滑超彈牙感覺唔會話撈埋好多粉，真材實料⬇️蟲草花冬菇紅棗雞🫶🏼🫶🏼🫶🏼🫶🏼呢個天係不之了，用紅棗蒸雞啲雞好香好滑，墊底嘅有吸收晒啲雞油南瓜同粟米都好甜，真係好好味⬇️龍蝦🦞🦞🦞🦞🦞🦞跟住係戲肉「龍蝦」🤍🤍🤍大大啖肉，好鮮味仲有蝦頭啲膏，真係超好食⬇️蟶子🤤🤤🤤🤤呢個Menu上面冇嘅但每次都會整多一款俾我哋蒸得啱啱好，唔會過晒火喉⬇️粥底全部精華落晒去煲粥

每一樣都好好味🤤🤤🤤🤤🤤好驚喜呢個價錢食到咁高質既海鮮，好抵食🤤🤤🤤🤤🤤除左海鮮，肥牛同粥都好好味呀😍😍😍😍😍食過咁多間蒸海鮮，呢間係最好食😍😍😍😍😍

海鮮蒸鍋呢🍲第一次係香港食海鮮蒸鍋💛仲要係Happy Friday🥳我稱呢餐為海鮮Omakase 完全唔知下一個海鮮係咩😂講落你想食咩 唔食咩就得🤟🏻記得要預約呀 一開始以為食海鮮蒸鍋會好貴 食完大家都飽到上心口 估可能要位位$600呢 最後埋單每人唔洗$500🙌🏻性價比合理🤓有12款海鮮同肉😋每樣份量少少 少食多滋味☺️但都飽到傻！仲有專人服侍你 幫每個人夾到碟上面🙌🏻所有海鮮都會有人幫你蒸同起 下面會稱呢個人為專人🤣個人喜愛三甲係雞🐥蟹🦀海鮮粥💯以下係順住食既次序去講😚啲相唔太靚 因為冇特登排靚啲先影 一起蓋 勁多蒸氣 又趕住食🤣🌈蜆🌈蝦🦐蜆同蝦我唔多講啦 都係好鮮甜 做一開頭既海鮮 係唔錯 開左個靚頭 之後既先係重頭戲🤓唯一提大家嘅就係 啲海鮮真係啱啱蒸出嚟 小心熱😂我自己鍾意食熱辣辣嘅 所以我會好快手就搣殼 小心手啦😆🌈墨魚滑呢個會係我五甲之選 腍得嚟又彈彈地 我好鍾意墨魚滑入邊有馬蹄 食落去個口感更豐富 索索聲 不過友人就不太好 個人口味嚟嘅🤣🌈鮑魚專人放落去既時候 已經幫大家一開二 起埋殼落去蒸 去到呢碟嘅時候已經可以直接放入口 鮑魚鮮而不靭 🌈蟶子Aiiiii我果隻好大 好

之前book咗呢間餐廳同屋企人食生日飯，我哋去到先發覺餐廳原來俾人包咗場，我哋被安排到一間所謂嘅「房」用膳，呢個就係惡夢嘅開始 😩間「房」同出面其實只係用布簾間開，完全冇隔音，出面包場班人唱歌、大叫、猜枚我哋都完全聽到晒，成餐飯只係聽到佢哋嘈，連同隔離位傾計都差啲聽唔到，仲有幾下俾佢哋啲大叫嚇親 😩間「房」嘅隔離就係廁所，同樣只係用布簾間開，當出面包場班人開始飲醉，佢哋開始不斷出入廁所，勁大力bang廁所門，仲聽到佢哋講邊個邊個嘔，但我哋同佢哋只係隔一個布簾，感覺超級嘔心 🤮雖然餐廳事後都有同我哋道歉，同free咗每人一隻鮑魚同兩隻餃子俾我哋食，但講真如果佢一早講明佢有人包咗場，我哋係一定唔會嚟食，屋企人生日飯一年得一次，搞到咁，成家人都勁失望 😩

今日嚟食呢個海鮮蒸鍋，地方都比較闊落，一嚟到見到枱面有杞子龍眼紅棗等等材料嘅茶係到，唔知係咪怕啲人熱氣呢？但係覺得好貼心💕我哋叫咗$388呢個套餐，有蜆、元貝、肥牛，龍蝦、龍躉腩、蝦、墨魚滑、冬蟲草冬菇雞、時菜。啲海鮮好新鮮而且每一道菜都要有服務生幫我地整埋🙈啱晒我呢啲懶人我覺得比較特別嘅係元貝真係好大粒啊😆龍蝦仲識郁㗎..雖然落咗鍋後覺得有啲殘忍..服務員仲會處理埋個鉗比我地享用💕同埋佢哋個爐都好得意有埋計時器⏳開頭我食嘅時候都會好擔心好似平時出邊嗰啲食極都唔飽😄（可能我比較大食😆）不過最尾佢上冬蟲草冬菇雞時菜，食食吓我都好飽🙈最尾個粥喎梗係冇得頂啦😆啲海鮮咁新鮮🦞食緊嘅時候已經send訊息✉️同朋友仔講呢到正，會介紹朋友再同我去🤤🤤🤤

今晚同長輩食飯揀咗蒸鍋，見食評咁好就試吓！人頭計唔使$400一個，由第一樣花甲開始已經味蕾精神咗，真係特別鮮甜，我姑姐話呢隻貴花甲嚟㗎，大大隻蝦、扇貝、龍蝦….全部都出色好新鮮，兩老人平時胃口一般，今日食到落尾仲大贊長輩唔鐘意人食飯玩電話，所以一張相都冇影過

Family dinner organised by my brother, which came highly recommended by his friend. Everything was steamed, preserving the juice, which seemed to be better than hotpot. All the seafood was very sweet and fresh. We had: Small clamsShrimpsFish balls ScallopsLobster Big clams- so big and juicyRazor clamsFish- texture just right. Not hard at all.Local beef- very tender, not chewy at all.Sweet corn ribs congee- we were so full by then but still couldn’t help finishing at least 1 bowl of congee each.

老闆出名嘴刁，見佢不斷同guest大推，作為小秘書心動地約左班朋友去試下，早一日打電話book, lunch時間都有得book路線：路痴由柯士甸站A出口，穿同行人隧道，上路面行5分鐘左右我地5個人都叫左388龍蝦套餐，當日係包場咁，仲有兩位職員幫我地蒸海鮮同分食物俾我地，keep住全程服務(最好預約，老闆要當日去買新鮮海鮮，要時間準備)花甲：新鮮，乾淨，有海水味，每人都分到4到5隻蝦：蒸嗰陣仲生猛的，肉幾爽，好似食左3隻龍躉肉：夾埋薑蔥好好食，厚厚一舊li個好好食，但我唔知叫咩名，每人得一隻，都大隻的扇貝必食，真係要讚佢，新鮮得來處理得好乾淨，仲要享受粉絲加少少豉油嘅感動墨魚膠，都好食，似個break，但之前已經食左咁多好嘢，佢就冇咁突出牛：好嫩滑，蒸嘅時間岩岩好，有肉食係會感覺好豐富大佬龍蝦幾大隻，好正丫d肉好爽口，仲分開左d鉗等我地易d食我地得人數係單數，正常係每人包半隻，所以俾多左少少錢食埋另外嗰半隻仲有個蒸雞雲耳冬菇粟米嘅菜類，現實嘅我唔記得左影…最重要嘅精華：li個粥就係所有海鮮嘅精華，係我最期待嘅，揀左南瓜排骨粥底，好味同好大煲，多到食唔哂成餐飯冇一樣嘢唔好食，唯一有個小建

一行6人經朋友介紹來到私房御約😀晚上七時半到餐廳🍴經追問原來朋友打電話📲來時老闆做緊嘢😄忘記咗落Booking🤦🏻‍♀️不過老闆同我哋講唔好意思🤪即時set反枱比我地👏坐低後經大家一番討論決定要$298個餐同南瓜粟米🌽排骨粥第一時間上枱的是花甲，size 一般，食落還可以！跟著上是虾🦐同龍躉魚🐟虾彈牙有蝦味😋但龍躉魚唔新鮮🙃好失望🤦🏻‍♀️好彩老板走過來同我地講因龍躉魚🐟唔新鮮同元貝缺貨，所以改龍蝦同鮑魚俾我哋👏先講鮑魚爽脆彈牙新鮮👍再講青龍蝦🦞雖然吾算大隻但新鮮實肉👍所有海鮮烹調得恰到好處👏👏絕冇過生和過熟的情況食過海鮮後就到墨魚🦑滑同黑豚豬🐖2样同样出色，豬肉🐖食落口唔會太過肥膩👏入口軟綿🤪平日最怕肥膩的我都讚不絕口食到里個時候大家都已經有點飽☺️心諗仲再留肚食粥🥣等了一陣老板拎左一大盤蟲草花蒸雞🐓過來蒸心諗嘩甘多點食阿點知一蒸完食左舊雞🐓嘩出奇地滑雞味十足加上特製醬汁非常之嘢味說時遲那時快已清碟🤷‍♀️又話飽的😂最後食埋個粥真系非常滿足😁飽到幾乎行唔郁😂加上老闆好好人，成晚有講有笑😄服務一流👍真系十分滿足的一晚