秀樺廚房 x The Edible Projects (T.E.P.)

上月去深水埗，經過呢間門口嘅時候，見到座位都幾寬敞，就諗住入去試吓。坐低咗先至係社企嘅餐廳，俾自閉嘅青年喺度工作。我哋叫咗個全日早餐同香草雞肉螺絲粉，上碟都熱辣辣，味道真係唔錯，份量亦夠飽肚。最重要係呢間社企餐廳讓自閉嘅青年有工作嘅機會，等佢哋可以嘗試融入社會，十分有意義！…查看更多

原本打算去的Cafe full 晒, 要排隊,就轉移隔離這社企Cafe. 沒有期望,但意外地食物出奇好味道,coffee 也唔錯, 坐位寬敞,還可以細看青年人的畫作,很有意思的cafe, 會再光顧的Cafe…查看更多

有緣的一天！今日Happy Friday約好友專程去深水埗 找一間社企Cafe 「T E P-秀樺廚房」，出發前冇留意營業時間，原來係星期五至星期一（星期三 … 精選午餐日 - 須預訂）！Cafe門一滑開已經有員工歡迎，環境係整潔、寬敞，周圍都佈置咗本港藝術家嘅獨特香港畫作。菜單唔係好複雜，但足夠讓我哋猶豫不決！ 結果感謝服務員Jeffrey嘅幫助介紹咗幾欵用料不同嘅餐俾我哋。佢仲好細心問我哋是否會share, 特別set 多2套碟、餐具。食物評分未算天花頂級，但食得出有用心去煮嘅味道！ 肯定味道比得過香港嘅酒店cafe! 特別要提服務咁好，都冇收加一服務費。餐廳主力由自閉症朋友及導師用心經營管理。透過工作機會，佢哋不僅獲得工作經驗，而且在與陌生人溝通時也變得更有自信！ 所以一定會支持，下次會預訂佢哋星期三嘅精選午市套餐！…查看更多

踏入期待而久的秀樺廚房，完全想像不到是由一班自閉症的朋友用心經營，取名The Edible Project，餐廳內的佈置及壁畫，輕輕帶出一點年青活力的風格，令人期待今天與朋友相聚於此共進午膳的美味佳餚。The Edible Project逢星期五至一均開放予公眾，今次星期三是需提早預訂，亦因此可以嘗試星期三的專屬餐單。星期三的專屬餐單會定期更新，今次前菜是春卷及田園沙律，兩者都是自家制出品，春卷鬆脆爽口，入口回味，而自家制沙律菜鮮甜無比，原來逢星期二是他們自家農場的收割日，收割完的蔬菜會直送到餐廳，並且可直送到預先訂購顧客的家中。主菜三選一，我們選了慢煮雞胸及慢煮牛面肉，原來慢煮雞胸是他們一位學員的創新菜，配以芝士磨菇醬及椰菜花蓉，感覺清新，椰菜花蓉貌似薯蓉，但比薯蓉更健康及沒有飽脹感，令人一嚐愛上，而慢煮雞胸絕對是考驗主廚的烹飪實力，雞胸入口嫩滑，配以芝士磨菇醬，完全將雞胸帶入另一個層次。另一主菜慢煮牛面肉，牛肉味香，入口有嚼勁而不堅韌，令人能夠品嚐牛肉的原始風味。當看見並品嚐到如此高質的菜式後，已經令人完全忘記所有菜式均出自自閉症朋友之手，絕對稱得上色香味俱全。最後奉上他們自家制的甜品Choco-misu,對，是Choco-misu,以朱古力加入椰奶制作，比Tiramisu更有口感，朱古力味濃厚，甜度適中，整份甜品帶有淡淡椰香，令人回味無窮。忘記了，忘記了，他們還有黑白咖啡，在此提提各位，一定要試試熱的白咖啡，因為可以欣賞到他們用心精緻的拉花。餐後有店員自我介紹環節，每位店員都會介紹自己，看到他們每位都勇於站出來，大聲而有信心地自我介紹的神情，絕對感受到導師們對他們的適心裁培及耐心教導。The Edible Project是由非牟利機構LoveXpress建立經營，餐廳專門負責給予自閉症的朋友實踐服務社會的機會，令他們能夠從中學習餐飲知識，從而裝備自己，應付將來踏入社會大學這一大家庭,在此感謝他們對自閉症朋友的默默付出及支持。無論在餐廳的主旨或是在食物質素上，The Edible Project絕對是值得令人支持的社企餐廳，在此給予最高評價及肯定。…查看更多

店員好有禮貌，用心。一入到去已經同我哋打招呼，問我哋堂食定外賣。然後幫我哋清潔乾淨好張枱。杯宇治抹茶鮮奶簡直係細一，未飲已經聞到濃濃嘅抹茶香味！春卷真係自家製作，入邊好多餡，$48有四條性價比極高，唔使熱辣辣企喺街邊食嘢！之後再試埋佢個蛋糕-chocomisu 好有新鮮感，唔會太甜！呢度環境企理空間感極大，如果行行下深水埗小店攰攰地，不妨入去飲杯嘢～～真係值得一試！$124有兩杯嘢飲仲有個小食，去邊度揾❤️🤘🏻…查看更多

簡單舒服的一間社企cafe, 食物種類吾算多，唯有膽粗粗揀左All day breakfast, 好耐無食all day breakfast, 大部份時間都覺得貴同吾好食。等左好耐都未有得食仲以為漏單、一追就岩岩到。睇樣就係好普通的All day breakfast, 估吾到好味又夠飽肚。食物上菜時都係熱架牛角包焗完微熱及脆；有特色的煎蛋餅、味道偏淡但好味、賣相不錯；薯條外脆內鬆化、鹹左小小但配上茄汁又好夾、滿分💯；…查看更多

其實經開好多次，都係撞正滿座包場今日星期六嚟到竟然有位就立即試叫咗幾樣嘢（一）小食拼盤：個長長嘅春卷推薦，香口足料、炸魚手指唔會太乾身夠熱仲有汁嘅、炸雞同雞翼就還好。（二）雨衣甘藍豬肉餃子：個湯頭竟然無求其調味！味同香都好夠，配煮熟咗嘅雨衣甘藍（少少甘味）同豬肉餃子🥟就好好（三）柚子紅茶：幾好，但我叫熱佢份量足飲得慢，可能有得坐熱住更好（四）Choco-Misu:用椰奶代替芝士做嘅Tiramisu ，一來無咁滯、又夠滑身、甜味適中。好👍嗱，慢工出細貨，店家佢哋有心機做，大家真係唔好心急趕趕趕，放空下個人再食好嘢，一樂事也。…查看更多

無諗過一間社企cafe, 由自閉症小朋友做既食物，服務可以甘高質，甘有水準，甘有heart, 估唔到有一間cafe可以幫助到佢地做出甘好既水準，真係好感動，值得一試，加油✨💪🏻…查看更多

行過經過見到，食物好味，地方闊落推介同朋友過嚟傾偈吹水，係度過左個好開心的tea time,環境令人好relax，下次會再嚟食咖啡好飲，甜品又好味，比啲機會有需要的人…查看更多

賓至如歸的感覺，甜品好好食,All day breakfast 抵食行行吓深水埗經過依間Cafe ，社企餐廳，工作和整嘢食的都是SEN青年。老實講，香港第一次去一間Cafe啲員工係咁認真工作，好專業有禮貌無人玩緊電話🤣流心巴斯克芝士蛋糕 $48一向好喜歡食芝士蛋糕，這款流心帶少少whisky 味道好清甜 ，暫時係我食過最喜歡嘅芝士蛋糕🍰all day breakfast $118 包一杯飲品真係好大份量,我同朋友三個人一齊share食杯flat white 都沖得好好飲，咖啡豆係淡淡的果香fruity 味。朱古力米蘇凍餅$48多謝店主請我食咗一個朱古力米蘇凍餅，第一次食依種帶有椰子奶味嘅凍餅！因為我好怕食啲好甜好甜嘅甜品，這一款不太甜，只有椰子嘅清香味🥰 底層仲有一層脆脆，我會願意為咗呢一個凍餅返來再吃 ，因為在其他地方冇見過這一類凍餅😍😍意外收穫就係見到好多SEN青年畫嘅畫，見到有一張係畫香港18區，睇到好有感覺呀！我同朋友一邊坐左成個下晝，員工都不停加水俾我，真係覺得好感動🥲 感受到每個人都好用心工作，好敬業樂業。我見到深水埗鴨寮街有好多間Cafe喺左右，競爭一定好大，但係我覺得好值得俾機會這類型cafe 🥰…查看更多

為迎接母親節，家庭樂聚用餐在「秀樺廚房」。全日早餐~最特色是個蛋餅，其他都不賴啊！自家農場有機沙律~蔬菜勝在夠新鮮。自家種植羽衣金蘭上湯豬肉餃~住家的味道，好吃！ 自家製鮮蝦肉碎春捲配甜酸醬~香脆鮮味！香草雞肉螺絲粉~色澤很吸引，味道也得宜。小食拼盤~熱氣騰騰，口感最佳！我們的飲品鮮奶咖啡肉桂鮮奶咖啡宇治抹茶鮮奶純香朱古力鮮奶巴斯克焦香芝士蛋糕~芝士帶點兒鹹香，這份甜品是免費，因為消費滿$500儲印仔所贈送。朱古力米蘇凍餅~有椰子香味，朱古力也很美味。牛油蘇窩夫配雪糕~蘇窩夫很巧手，香、酥、脆！人均消費$144秀樺廚房社企餐廳，要幫助基層家庭及提供就要機會給特殊人士。店內打造成Cafe，大部分都是自家製！不時更會舉辦工作坊，有興趣了解詳盡資訊，請分享以下連結：…查看更多

參觀活動時試菜，雖然無樣樣食，但同行嘅人都有讚食物有水準，比預期好。自己試了小食(有腸仔、炸雞等）、中式炖湯同柚子茶都不錯。目測同行朋友嘅沙律菜🥬🥒好新鮮，據講是社企自己種植，算自給自足，所以比較新鮮，而且份量好足。同行朋友都話雞肉意粉份量都大，如果女仔可以share，雞肉不鞋身幾滑，同咖啡甜品都幾好。可惜聽講好多人唔知係餐廳，以為得派飯所以少人食。同餐廳員工都好專業有禮，雖然位置比較偏僻，但覺得值得推廣支持👍🏻…查看更多

這間餐廳裝修整潔而簡單，給人舒適的感覺。內裡更是一個很有意思的地方。咖啡及食物也是用心製作，只要你慢慢品嘗，便好食到當中的美味。當日試了All Day Breakfast及雞肉螺絲粉。 每種食品也很美味。 咖啡很香，入口甘美。店員也很用心招待，感覺很真誠及細心。…查看更多