禾牛薈火煱館 (南角道) (已結業)

今次杀到九龙城南角道嘅「禾牛荟」一入座就俾佢个【寒天翅瓜滑鸡锅🍲】震撼到！成只鸡原只上枱，汤底滚紧已经闻到超浓鸡香，仲见到浮面嘅花胶同鱼翅丝，用料豪到吓亲人😱饮啖汤——哇！清甜到不得了，完全冇味精嘅死咸味，冬瓜吸晒鸡油精华又keep住爽口，鸡肉滑到夹唔稳，连皮食都唔腻，我同朋友饮汤饮到「干塘」先肯落料🤤【封门柳🥩 】红白雪花纹靓到似艺术品❄️，阿姐仲好自豪话系「晨早㓥，晏昼到」嘅本地牛渌10秒拎起，肉质嫩到弹牙，牛味浓到撞上心口🐂点埋佢哋秘制XO酱咸香带微辣，真系食到拍枱叫encore🔥▪️ 自家制鹅肝虾丸：🦐虾肉爽甜中间酿咗粒鹅肝▪️ 手打墨鱼丸 ：墨鱼粒多到「咬口有声」，弹牙度十足十乒乓球🏓🥬 杂菜篮食到尾声叫个杂菜篮清清味蕾西洋菜吸晒鸡汤精华超正！最后梗系要落 出前一丁 面饼索尽鸡汤+牛肉精华，挂满金黄汤汁一口汤一口面邪恶到连汤汁都啜干先安乐💯…查看更多

突然间好想打边炉，所以就试一试呢间价钱就真系相对比较贵嘅，不过食物质素真系唔错好开心有得食脆鲩腩，因为其实唔多地方可以鱼头汤底啲料都好足，饮咗两大碗先开始打边炉…查看更多

几个月前 第一次黎呢间铺头打边炉 食物都唔错 叫左一个猪骨汤底 真材实条 猪骨大大件好多肉 汤底加左黑胡椒 令到汤底带点微辣 有冲击到味蕾食物（8/10）可能运气上唔系咁好 位置上有啲差 虽然比左卡位我地 可以睇电视 但冷气机唔知系未坏左 吹出黎嘅系热风 吹住热风打边炉 真系第一次 睇番温度计 成30度 我朋友就黎拎把刀出黎劈我？环境（3/10）好热盆盆盆盆不过整体食物 员工质素唔差 仲好好服务添下次再黎 希望整返好部冷气先可以再提一提油麦菜同乌冬加埋个汤底好好食…查看更多

打边炉一定要冷气够大，呢度系做得好好😋😋去九龙城揾食咗咁多次，第一次食呢一间边炉，原来佢喺尖沙咀都有分店。今次同细佬两个人一齐食，唔需要等位，好快就有卡位，每个卡位都有一部小电视可以一边食嘢，一边睇电视，好开心😆呢度最推荐佢系佢嘅一Tang而且佢有好多唔同牛肉部位，如果钟意食牛嘅朋友一定好开心！（包括我细佬）另外佢哋都有一啲刺身，同埋自家制嘅小食。刺身都几新鲜，自家制小食可以一试👍整体食物质素都几好，不过就觉得有啲单品比较贵，或者份量比较少，但系食得出系好质素嘅食物🙈 侍应都好亲切，会帮手。嘢饮方面，我哋嗌咗自家制嘅蜂蜜芦荟，然后再加梳打水。正人均大概$800左右…查看更多

麻甩之夜就去打边炉，个餐前小食鸭舌啲汁教得唔系咁好味。好彩佢鱼蛋角够蛋呀有冇腥味。跟住我哋叫咗𠮶张红鱼刺身同埋虾刺身。刺身未到，d头头尾尾已经炸咗俾我哋，椒盐都几香口又多肉。𠮶章红鱼终于到啦，久违嘅鲜味同埋弹牙。不过个生虾就冇乜特别，反而佢个酱就够辣劲抢喉。嗌咗个本地手切肥牛，肉质系嫩嘅，但牛味唔算。台山蚝觉得好好食，唔知点解街市𠮶啲台山蚝冇火锅店咁正，最后encore左一碟。另外水饺啲虾肉都好爆。但虾丸里便啲鹅肝，个味就唔系好出。跟住姐姐介绍叫份蚬，我觉得似沙白。但系佢话系澳洲钻石蚬，都$90一份唔算特别。食完饭有个椰青糕做饭后甜品，清清地讲吓火都唔错。…查看更多