影片
这个价钱，食到咁既质素食物，算不错。但提醒大家，如果想个粥底够清，够甜就尽量不要加太多不同种类的肉类放上面蒸。因为我底上次就系同朋友咩都放系面蒸，又鸡肉，又牛肉，又海鲜，又蔬菜，搞到最后食个粥底时，味道有点奇怪，不似纯海鲜粥。但如果你唔介意呢个情况，又或者都唔会食个粥底，都可以照蒸任何食物既👍🏻
继续阅读
好味抵食, 又有煎野, 酱都唔少, 130蚊2小时, 其实都唔会赶人走, 真系平靓正既选择, 人数又唔算多, 唔会赶人走, 姐姐都好热心教你煎野食, 好好呀观塘区, 九龙湾平二之选
继续阅读
今日同一大班朋友去食蒸气火锅，因为之前未试过都觉得几新奇，蒸气火锅较为健康。因为系用蒸气去蒸熟啲食物，但味道就要靠浆料去搭救。仲蒸气火锅个仔系有粥，当你食到最后嘅时候就可以食啲粥，啲粥就会吸晒之前所有食物嘅鲜味。食物嘅种类都有好多种，仲系自助任食所以唔会怕唔够饱。佢除咗蒸气火锅之外，佢仲有一般嘅火锅同铁板烧，但铁板烧就要排队轮候。每人都系131蚊，佢嘢食都算新鲜，饮品任饮，所以真系几低。
继续阅读
天气冻定热都系咁钟意打边炉，朋友介绍下今次健康少少，试下蒸气锅。港纸一百头食到蒸气锅好平，但要试下个味道先知抵唔抵食，地铁行去mega box 方向就去到，都算易揾，地方都算阔大，光亮清洁，任食肉有猪牛鱼、鹅肠等等，菜蔬有栗米、翠肉瓜、菜、南瓜、茄子，款式都算多同埋新鲜，间唔中仲有小食例如炸软骨、或者糖水可以自己拎，饮品都系包埋。所以性价比系高既，平得黎食得健康d少d油，仍然加上打边炉大量蒜、葱、辣椒，都好好味，但建议3人以上用中间d炉，火力较大，快煮快食到，2人卡位既炉比较慢。
继续阅读
话说约朋友系九龙湾食饭，真心唔知有咩好食，天气凉，更加想烚下烚下。传统酒楼嘅火锅又贵又唔系特别抵，朋友揾到呢间，就食下。要有锅蒸锅，粥底又要好味，呢间真心有惊喜！我地系平日夜晚去，仲要6点半已经开始食，都有几枱人。（影相避开人啦当然）我地当然拣一个近攞食物嘅一张枱，我地6个饿到一个点。有教你蒸咩要几多分钟，一目了然。（虽然我地无睇，大概知道同睇食物颜色）多嘢拣，呢啲料全部任攞，菜类肉类丸类乜都有。无论对蒸锅定火锅，都系多选择。有一个位可以强推一下，有个铁板烧位，客人可以自己烧嘢食。我地系劲玩呢个位，牛肉包金菇是非常正（自创分狂加）。职员推介鲩鱼（应该系），放啲豆豉上去蒸，真系好好味！放系碟上，系唔想啲豆鼓跌左落去粥度。海鲜系好正！一人一只鲍鱼，一人食到几只中虾，仲有一堆蚬，质素系唔差！佢呢个粥底唔系讲笑，一人一定有两碗，而且系鲜甜。佢个锅系有「翻滚」，下面有喷水出黎，唔会痴底。饮品选择算系多。一人140元唔驶，享受快乐时光，食物质素不错，蒸锅铁板都得，环境舒服，强力推介（身上有阵边炉味都系出到街先发现）。
继续阅读