禮記美食中心 (已結業)

又到午飯時間，九龍灣周圍都好多人，想搵間慢慢食坐到一個鍾，食完唔會趕你走既茶餐廳都唔係咁易。呢間禮記雖然都多人，但係唔會趕住收台叫你埋單。服務都唔錯，價錢都抵食，味道都唔差。今日咁熱唔想食飯，叫左個越式海鮮湯河粉配火腿炒蛋多士，呢碗粉份量都幾多，餸有兩隻鮮蝦，三片素鮑魚片，4件豆腐卜同埋少量芽菜。個湯底好好飲，幾濃有少少辣，岩晒咁熱既天氣冇咩胃口時食，火腿炒蛋都唔錯冇overcook ，加埋凍檸茶都係49蚊，好抵食

一向九龍灣信和入面都有好多食店，我最常食都係禮記，因為價錢親民，又平又抵食，佢地2餸飯都係34蚊，仲有例湯同汽水送。今日又叫2餸飯外賣，叫咗麵豉蒸魚同椒鹽豬排，d蒸魚幾新鮮，有鮮甜味，而椒鹽豬排辣辣地幾惹味，呢間係打工仔食lunch之選。

食得茶餐廳都係想食抵啲，依間絶對係超超抵，趕時間叫外賣，兩送飯只係$32，重點仲係要包罐汽水，盒飯超大，2個女仔share 都得，去邊搵。不過因為多人外賣，遲咗去就會冇甘多款餸揀。

一日之計在於晨，所以早餐非常重要，我差不多每天都會食嘅早餐就係禮記嘅即叫既蒸嘅腸粉，今天我叫咗叉燒腸粉，叫完阿姐就會即刻整，佢係台山嘅櫃桶式腸粉，大約等幾分鐘就整好，攞到番公司食仲係熱辣辣嫁，佢啲鼓油都係自家制仲要係暖暖地，再配埋佢嘅辣椒油，真係超級好食，腸粉又滑，叉燒都算多，食一份都好夠飽，13元一份係超抵，所以好多人幫襯。佢仲有粟米肉碎腸粉，牛肉腸粉，牛腩蒸腸粉等，仲有粥，燒賣魚旦可以叫，都好抵食嫁

其實九龍灣食一個午餐價錢都唔算平, 如果想選擇價格廉宜的話, 唔理質素的話, 下午茶我可是一個首選, 尤其去九龍灣工廈的飯堂, 因為價錢由20蚊到既既只係三四十蚊, 對慳錢的我嚟講, 絕對是你一個不錯嘅選擇!禮記美食中心, 係工廈茶餐廳, 佢嘅下午茶都是由20蚊開始, 我叫咗個沙爹牛肉麵再加餐肉, 另外下午茶再包埋一塊多士, 同埋凍飲, 加埋都係 三十蚊非常之抵食 沙爹牛肉麵 ,沙嗲汁幾惹味, 牛肉嫩滑, 但是公仔麵的麵質就比較淋另外再配塊多士, 夠香脆, 再配埋杯凍檸茶, 都只係三十蚊, 超級抵食!

放工想食個tea經過呢度見d野食唔貴又多選擇於是走左入去試試 叫左叉燒燒鴨瀨粉 熱飲加兩蚊呢度係快餐店型式食野先買飛，之後等叫no.出去攞餐 叉燒够厚 食落好入味! 燒鴨 個皮燒得好香，肉質嫩滑，非常美味。

上次食過在常悅道的「禮記」美味吉列豬扒早餐，猶想起上次在信和工業大廈，看到禮記的分店，而且價錢好像更便宜！其實禮記一直沒有外賣餐牌，每每要點食物，均需直接進店查詢。原來店內每日都有十多款預先製作的不同餸菜配飯的午餐，放在水吧，由食客挑選，真有「工廈食堂」的感覺。點過午餐，在等候途中，見到店鋪環境比起「雙喜食堂」更似食堂，但最大問題是……連食過的托盤，餐具，全部都放在某一個角落，疊得挺高的！說真的，這般不衛生，會惹來不少小動物的！幸好這一次是外賣，因為環境實在太差。今日食的是芙蓉蛋飯（$31），簡簡單單，希望不會像先前幾次般吃到平價中伏的午餐吧…幸而沒有。芙蓉蛋煎得燶，但不脆，反而蛋老了一點，算不上香。至於餸菜方面都是火腿、叉燒、洋蔥等等，惟獨欠缺蝦仁！芙蓉蛋怎可欠缺蝦呢？叉燒都比較韌，是瘦叉燒但不是極瘦那裏。調味一般，吃不到有味精。飯是香口、軟熟的。幸好這一次的工廈平價午餐沒有中伏呢！不過還是較喜歡於常悅道的舊店，至少那兒真的較企理和衛生！