影片
星期六晚 , 教友聚餐 , 为方便不良于行的老教友 , 我们相约在他屋企附近的酒家用膳 ~Menu ~烧鹅半只 $ 228 : 皮脆 , 肉嫩多汁 , 烧鹅肉质鲜嫩肉味浓郁叫人再三回味 ~芝士焗波士顿龙虾 (乌冬底) $ 248 : 乌冬的份量多 , 比较腍身却没有吸太多油；波士顿龙虾的肉质爽弹 , 美道鲜美 ；芝士汁的稀杰适中 , 味道浓香 , 整体来说水准不俗 ~总括来说 , 食物的味道不俗 , 但员工的服务态度实在有需要改善 ~ 本篇完 ~
继续阅读
已经系上年11月，是晚9点后先到，只有约6抬客，员工都好得闲。向一名男员工下单，分别点了『啫啫芥兰煲』及『粉丝煲』。因太太不吃辣，所以要求啫啫煲少辣。该员工一听面露不悦，话：『唔系好辣喳埚，无得走辣。』我话：『你帮我写少辣啦。』佢开始负气：『唔辣又点少辣呀？』我听完都有哟庆：『你照写啦。』佢转身走开，留低一句：『是但，尽做啦』 菜上后，一食，不得了，好辣，再望清楚，成碟菜好多辣椒，即刻攞张单来睇，竟然写住『加辣』． 叫部长来投诉，𠮶位天才员工仲走过来问：『你唔系要加辣咩？』讲完就走开。 虽然部长话帮我换，但惊第2次唔只加辣， 当然拒绝。该员工好玩唔玩，玩食物，浪费食物，其实好折堕。 讲番嘢食，加辣后只有2个字，. 『难食』.
继续阅读
平时食海鲜都系去三圣或者流浮山，一来住得近，二来算系比较扺食同有质素，但坐得比较逼同限时。今次同九龙朋友食饭包左一围12位，仲有得包埋房，坐得舒服，食物好味，又唔贵。我地之前订左个餐：冰镇鲍鱼、长脚蟹两味、蒸鱼、豉油皇虾、炒花甲、烧鹅、上汤西洋菜、啫啫芥兰。全部𩠌都好味，食到饱晒，冰镇鲍鱼即系醉鲍鱼，蟹盖蒸蛋白超鲜甜。最正系免开瓶费，可以自己带酒黎慢慢饮。但比起一般酒楼早关门（大概十点已经执晒枱）埋单$6580！
继续阅读
有日行开大角咀, 好耐未去过酒楼食小菜, 所以就去左呢间福门, 当日人流唔多, 好快就有位。点左个鸡煲, 几香, 辣度可以落单个阵拣, D料几足! 同出面任食鸡煲个D好唔同, 香好多。仲叫左个烧鹅, 老婆想食, haha, 睇落好油, 食落又唔系太油, 烧得几靓架都。呢两只蛏子皇, 我就唔舍得叫黎食, 见到呢度唔系贵, $88/两只, 叫黎试下, 哗无缩水WO, 同佢餐单张图一模一样, 食落好鲜, 一定系游水先有既味。呢个系蟹肉炒鲜奶, 麻麻地, 我就嫌佢炒得太实, 不过份量够多, 味道系无问题的。我得两个人但都食左4样野, 饱到想死, 不过又发现到呢间酒楼D野又几好食, 下次行开大角咀一定会再黎。
继续阅读
123突然间挑起条瘾好想食鸡煲，但又唔想要任食个种，所以行远少少黎呢间福门。之前同屋企人食饭黎过一次，啲中式菜都唔错，大大碟又几好味，今次食埋个鸡煲都好正，睇黎可以叫屋企人黎多次，老人家就食小菜，后生仔可以食鸡煲。叫左小辣，不过呢间辣味唔劲，下次可以直接食大辣。个鸡煲都几香，上枱就闻到香味，啲汁黏度刚好可以包住鸡肉，入口啖啖有汁有肉。鸡肉唔系切得好大件，所以睇落有好多，食落几嫩滑，就算煮，到最尾都唔会太硬，几好。另外叫多只烧鸭脾，真心觉得不得了！外皮烧到卜卜脆，肉质多汁够鲜嫩，重点系唔会太肥腻，又唔会腌到无哂肉味，正呀！最后追加两只粉丝蒸蛏子皇，有手掌咁大只，入口鲜甜爽脆，蒸得刚刚好，为今晚做完美Ending。
继续阅读