福禧越南泰國餐廳 (已結業)

今晚收工搵食無意中發現呢間越南餐廳，見價錢唔貴入去試下。點知好驚喜，份量大份又好食我叫左個豬扒雞翼撈檬粉，全部即炸新鮮鬆脆。跟餐仲有越式春卷，炸札肉卷同埋鮮蝦粉卷，仲有銀耳露同埋芒果糯米飯，超值。

厚福街有好多嘢食大家都知道，但呢一間越南泰國餐廳fusions菜係一種打工仔嘅勝地。有不同種類嘅午餐、撈檬類、河粉類，最緊要係凍飲跟餐都係加三蚊咋。 唔洗另外+$6 +$8 ，呢個位係最吸引。

約左朋友夜晚係The One 睇戲，開場前梗係去醫下個肚先食野啦~已經好耐無去出尖沙咀食飯，諗諗下不如去厚福街睇下有無咩好野食，畢竟厚福街餐廳多又集中，覓食佳點。窮L一族嘅我梗係搵間平靚正架啦~ 所以今次就揀左呢間舖頭，舖面是舊式茶餐廳格局，食物係越泰個邊嘅野食，晚餐套餐價五、六十蚊就有交易，依家物價騰飛嘅年代，係尖沙咀竟然可以食到呢個價錢嘅晚餐，簡直係非常驚喜，重點係味道非常正常不俗。泰式海南雞油飯 💰62😋⭐️⭐️⭐️⭐️味道不錯，性比高，醬汁惹味，米飯偏硬，非常啱我👍🏻招牌無骨豬手飯 💰56😋⭐️⭐️⭐️⭐️朋友叫嘅，豬手入味亦非常腍，醬汁都好好味，但鐘意食飯腍啲嘅佢，就覺得硬左少少

又唔知食乜好，經過這間店，聽人講幾好抵食，於是一試。選了二人晚餐。冬陰功蝦湯，蝦十分彈牙，豆卜，蕃茄，魚片，草菇，同菜十分足料。豬頸肉通菜都足料，海南雞就十分嫩滑。$298二人餐，包餐飲無加一，3人食都夠，算性價比高，值得一試。

響尖東做完嘢同朋友搵嘢食，行吓行吓就過咗去尖沙咀，跟住諗起好耐冇去過厚福街，就過去睇吓有乜嘢食，結果去咗記憶裏面都係開咗一段時間同埋性價比好高嘅越南嘢，環境方面就係好家庭式嘅小店感覺，地點方面始終都係厚福街就係方便。套餐價錢實在好抵，先嚟咗個越南新鮮牛肉河，雖然牛肉會比較熟咗少少，但係份量都算係好夠，洋蔥都唔錯，香菜好似見唔到，湯嘅味道都可以接受，當然我都係會自己加魚露落去令到佢香味多啲。跟住叫咗一杯好耐冇飲過嘅珍多冰，珍多冰真心唔識評論，主要係覺得飲落去好睇好開心就已經足夠。仲有當然就係佢哋個餐嘅配菜份量實在超級足夠，越南春卷，泰國雞卷，鮮蝦米紙卷，三款嘅味道都唔錯，真心冇乜嘢挑剔，仲要有糖水同芒果糯米飯！份量仲唔係少添！性價比實在高到一個點！

尖沙咀諗唔到食咩，我通常都會去厚福街，貪佢多選擇而且價錢又唔會太貴！有一間以前已經成日食，不過聽講佢轉咗老闆又改咗名，冇錯就係福禧👄一入到去啦，就發現佢座位闊落咗啦，而且餐牌都好明顯唔同晒，等我試吓味道有冇唔一樣先冬陰功海南雞湯粉以前呢每次都係叫呢個嘅，湯底都一樣好濃肉，份量超大，雞肉都算嫩滑嘅，如果啲速食嚟講算係唔錯但係佢撈檬更加出色，今次點了三拼，有扎肉豬扒和豬頸肉！豬扒和豬頸肉非常多汁，而且很香脆，配上撈檬非常開胃強烈推介

尖沙咀區返工要搵間好食又抵食嘅真係唔容易，商場入面閒閒地都洗一百幾十蚊一個午餐。好彩搵到呢間厚福街開店多年嘅鋪頭仲有抵食嘅午餐。中午時段11點半去到唔洗等位，啲枱櫈乾淨。可能未到繁忙時段，一個人坐卡位都無問題。一坐低就有姐姐黎招呼，揀好野食唔洗十分鐘就出到餐，啱晒我呢啲返工人士要快靚正。菠蘿海鮮炒飯鑊氣足，海鮮料多，啲肉鬆有畫龍點晴之效。原來仲有做外賣電話落單，唔洗經啲網上平台捱貴menu。總結： 呢間野有驚喜，會再返頭食。

翻office成日要係公司食Lunch周圍都差唔多試過曬無意中係open rice發現左呢間平價泰國野就決左試下佢個香茅豬扒飯豬扒又大塊又香 飯既份量都非常足夠！大家Lunch可以一試！

喺尖沙咀有事情要辦，搞掂之後，因為想食海南雞飯，見到呢間越泰餐廳有得食就走咗入去了。當時時間尚未，6點幾，除咗我，得一枱客坐低後望完餐牌，我叫咗個海南雞飯要少飯，一個酸辣無骨鳳爪，加一杯紅豆冰海南雞飯少飯都仲咁大碟好抵食味道一般，不過不失。而酸辣無骨鳳爪就唔夠辣，淨係酸味，或者係酸味太重？蓋過哂辣味。至於紅豆冰就完全唔得，紅豆太少無紅豆味，又唔係重奶味、椰汁味，成杯好似淡奶水咁。食物一般，衛生程度同侍應態度ok

今日行過厚褔街，見到越南餐廳，行入去試吓，店舖好細，不是太多枱，環境一般。最後決定外賣，今日叫了香茅豬扒河粉，凍檸茶，成為$56元，凍飲加$3 ，外賣有九折，再加一個膠袋費用一蚊，全單$54元。打開食物，比我預期中理想，可能沒有太大期望，本身餐廳外表不是太吸引，所以沒有期待，但事實話俾我聽，不能夠單睇外表。豬扒和河粉分隔兩層，同湯分開，豬扒炸得好靚，多汁，唔硬。檸檬茶茶底香。成個外賣過程，唔使10分鐘就完成，阿姐好快手，有心製作。湯底唔會太鹹，用咁嘅價錢，仲有杯嘢飲，我覺得非常超值。所以都要喺OpenRice寫好評。

招牌牛油雞翼🐔推介佢👍🏻👍🏻👍🏻熱辣辣，牛油味非常濃烈，果然係招牌菜馬拉盞炒通菜🥬通菜好梅，好老好🤢未食過咁難食嘅泰燒雞脾金邊粉燒雞脾好香酥，略嫌個湯底唔夠味，冇乜味道

諗住去厚福街覓食 唔想排隊見呢間冇乜人就入咗去叫左個2人set $248 包兩個pho一個小食 同6隻牛油雞翼 兩個飲品 dinner黎講都幾抵食香茅豬扒 pho ⭐️⭐️豬扒有香茅香 但冇分開上 所以食個時淋左啲啲生牛肉pho⭐️⭐️⭐️上到枱其實啲牛肉已經熟哂🤣但牛肉都算滑 唔會硬 湯底唔算濃但有牛味適合淡口味人士 炸蝦餅⭐️⭐️⭐️⭐️個皮好脆 食既時候仲熱辣辣 幾推牛油雞翼（6隻)⭐️⭐️⭐️⭐️炸得好乾爽 唔會油淋淋 炸粉好薄 外脆內軟Overall呢個價錢有呢個質素都幾唔錯Lunch time 可以trytry🥰

呢間鋪頭係厚福街已經好多年 , 裝修就一定舊小小 不過錦多年都重係到,一係間錦係自己概一係就係好食 ,試試佢係咪好食先叫左個招牌生鮮牛肉湯粉~招牌生鮮牛肉湯粉$56生牛肉夠鮮味而且睇到紅色真係生牛肉黎,湯底都OK有味概~不過我加咗辣椒搞到個湯底好辣,最後要挑返辣椒出黎先可以繼續食到只能夠講一般般,抵又唔算抵,好食又談唔上,環境就更加可以用舊黎形容,都唔係好明點解可以係厚福街錦多年?福禧越南泰國餐廳地址: 尖沙咀厚福街5-6號地舖 電話號碼23693108營業時間:星期一至日11:00 - 23:00

今日一個人嚟到尖沙咀厚福街搵嘢食🤩本身諗住食台灣🇹🇼嘢但台灣餐廳冇位見到對面間泰國🇹🇭餐廳茶餐廳格局但都幾多人，剛有人走可以即時有位，即管試吓鍾意食辣嘅我點左個冬陰功切雞河粉（$61）跟餐有熱飲，加$3有杯凍飲，加$8有特飲我就點咗杯凍檸水下下火切雞湯粉大大碗，大約有六件切雞雖然應該都係冰鮮雞，但估唔到又整得幾嫩滑冬陰功微辣，幾惹味，配上蘑菇及蕃茄仔有少少肚餓嘅我，好快就食完啦⋯⋯有相為證除咗越式湯河，呢度仲有各式午餐任君選擇😉作為平民午市之選不錯福禧越南泰國餐廳 (尖沙咀)尖沙咀厚福街5-6號地舖#foodie #foodlover #foodblogger #尖沙咀 #tstfood #美食推介 #有相為證 #tsimshatsui

This used to be our favorite restaurant down this street for the fabulous shredded chicken rice.However not having been for a while due to covid we found that the restaurant layout had changed. However we ordered our usual “shredded chicken rice” for takeaway.We took to our car nearby and ate in the car…However … it was disgusting….The chicken was tasteless and cold. Not cold, but had ice inside. Frozen.And it was so bland. No flavour whatsoever.And it was smelly….This was such a surprise and a