影片
今晚收工揾食无意中发现呢间越南餐厅，见价钱唔贵入去试下。点知好惊喜，份量大份又好食我叫左个猪扒鸡翼捞檬粉，全部即炸新鲜松脆。跟餐仲有越式春卷，炸札肉卷同埋鲜虾粉卷，仲有银耳露同埋芒果糯米饭，超值。
继续阅读
厚福街有好多嘢食大家都知道，但呢一间越南泰国餐厅fusions菜系一种打工仔嘅胜地。有不同种类嘅午餐、捞檬类、河粉类，最紧要系冻饮跟餐都系加三蚊咋。 唔洗另外+$6 +$8 ，呢个位系最吸引。
继续阅读
约左朋友夜晚系The One 睇戏，开场前梗系去医下个肚先食野啦~已经好耐无去出尖沙咀食饭，谂谂下不如去厚福街睇下有无咩好野食，毕竟厚福街餐厅多又集中，觅食佳点。穷L一族嘅我梗系揾间平靓正架啦~ 所以今次就拣左呢间舖头，舖面是旧式茶餐厅格局，食物系越泰个边嘅野食，晚餐套餐价五、六十蚊就有交易，依家物价腾飞嘅年代，系尖沙咀竟然可以食到呢个价钱嘅晚餐，简直系非常惊喜，重点系味道非常正常不俗。泰式海南鸡油饭 💰62😋⭐️⭐️⭐️⭐️味道不错，性比高，酱汁惹味，米饭偏硬，非常啱我👍🏻招牌无骨猪手饭 💰56😋⭐️⭐️⭐️⭐️朋友叫嘅，猪手入味亦非常腍，酱汁都好好味，但钟意食饭腍啲嘅佢，就觉得硬左少少
继续阅读
又唔知食乜好，经过这间店，听人讲几好抵食，于是一试。选了二人晚餐。冬阴功虾汤，虾十分弹牙，豆卜，蕃茄，鱼片，草菇，同菜十分足料。猪颈肉通菜都足料，海南鸡就十分嫩滑。$298二人餐，包餐饮无加一，3人食都够，算性价比高，值得一试。
继续阅读
响尖东做完嘢同朋友揾嘢食，行吓行吓就过咗去尖沙咀，跟住谂起好耐冇去过厚福街，就过去睇吓有乜嘢食，结果去咗记忆里面都系开咗一段时间同埋性价比好高嘅越南嘢，环境方面就系好家庭式嘅小店感觉，地点方面始终都系厚福街就系方便。套餐价钱实在好抵，先嚟咗个越南新鲜牛肉河，虽然牛肉会比较熟咗少少，但系份量都算系好够，洋葱都唔错，香菜好似见唔到，汤嘅味道都可以接受，当然我都系会自己加鱼露落去令到佢香味多啲。跟住叫咗一杯好耐冇饮过嘅珍多冰，珍多冰真心唔识评论，主要系觉得饮落去好睇好开心就已经足够。仲有当然就系佢哋个餐嘅配菜份量实在超级足够，越南春卷，泰国鸡卷，鲜虾米纸卷，三款嘅味道都唔错，真心冇乜嘢挑剔，仲要有糖水同芒果糯米饭！份量仲唔系少添！性价比实在高到一个点！
继续阅读