福源冰室 (已結業)

星期六中午落深水埗睇電話卡行到攰攰地原來已經2:00肚子餓但周圍人頭湧湧無意間發現依間冰室有湯麵下午茶立即入去食返碗我返工同住開香港區嘅平時食晏坐底五六十蚊就算下午茶都要50所以$40樓下我覺得好平平都唔係最重要最重要係碗米線都幾好食下次再去深水埗我會再去食多次

諗住近近地喺附近食個lunch，入咗呢間冰室⋯⋯見到有魚食好似好正⋯⋯於是就叫咗個珍珠斑套餐，要咗杯熱檸水！熱檸水個杯係污糟嘅，有一舊啡色嘅漬。魚到了，，，點知⋯⋯幫我食咗一啖，覺得好聲腥好雪味後⋯⋯仲要俾我望到有隻細嘅曱甴呀!!!!!!😓😓😓😓蒸魚都有曱甴 🪳即刻冇晒信心，但係店員話俾我換左其他餐，我就求其揀咗個金銀蛋浸時菜（諗住穩陣啲）。簡簡單單，就係一個浸時菜鹹鹹地。真係冇晒信心⋯⋯

職員態度極差 冇禮貌 叫外賣成日話冇人送，咁不如你取消外賣生意 已經日日幫襯二間食店 職員打工皇帝態度 完全唔優做 好似成個深水埗得佢一間食店 希望老闆跟進 😡再係咁態度佢生意只會越來越差

今日工作在深水埗，之前都會喺呢條街揾食，貪佢選擇多；佢隔幾間鋪嗰間就食過幾次，呢間未試過，今日試一下先＂魚控＂嘅我，想食原條嘅魚做午餐，正揀緊之際抬頭望～燕星兩隻字～仲係古法蒸，即係冇得揀箒。。。等咗四個字左右，碟魚到了；好明顯落單先蒸賣相唔錯，古法落好多料～冬菇、瘦肉片、薄切腩肉，鋪滿開咗邊嘅魚身，條魚雖不似燕但明顯係紅星，目測應該有十両，性價比好高咁多魚汁，梗係撈勻碗飯先啦！翻起魚脊肉，白𠽌𠽌、一梳梳，跟住全程食、食、食。。。美中不足係蒸得老咗啲啲，魚肉有少少嚡口，肉質似斑多過似星，但輕輕沙皮搭夠；魚味也不夠濃，但個豉油較得好好味，同條魚好夾；這價位，去街市淨係條魚都買唔到，仲想點！仲有，跟餐杯杯凍啡用即磨咖啡沖，好好飲，都只係加兩蚊，抵到爛啦！好唔好食？睇下隻碟、望下啲⻣啦！＃行到邊食到邊＃經常獨食但又肥嘅阿伯

一早行完山到深水埗買些濕碎嘢，記得之前去過汝州街的南昌咖啡，地方不大但坐得舒舒服服，買完嘢行去食午餐，原來改了名為福源，可能汝州街相隔不遠處有間南昌餐室，改名避免混淆啦，裡面舖頭和之前一模一樣。午餐叫咗個梅菜蒸黃花魚，先來杯檸茶和西洋菜例湯，味道算ok啦，不是死鹹。魚來了，兩條黃花舖上梅菜和葱花，再淋上蒸魚豉油和熟油，放在一隻方碟上枱，蒸得恰到好處，唔腥有魚味，送得落飯，味道唔錯，煮得好有心機。走時順便買咗個羊腩煲$130，看到個盒的料也不少，都夠4位用。最後一提，姐姐伙計招呼週到，態度非常好不像其他港式茶餐廳伙計的粗聲粗氣，抵讚