影片
食家推介
周未一个走到太安楼行经福冈定食选择多鱼生刺生套餐好吸引更多一人前都系98已有啤酒主食小食一坐底 有杯好香嘅茶，好少有好饮嘅茶三文鱼头带子锅定食鱼头煎香过 巨峰葡萄有气特饮煎饺子🥟
继续阅读
黎过两次食晚饭，贪佢价钱够平民。既然一分钱 一分货，质素当然唔可以强求。今次叫左5款左右寿司同个捞乌冬仲有两串串烧。讲真寿司真系普通，唔算好新鲜，中等质素，但胜在价钱够平。火炙三文鱼寿司有惊喜，烧到d鱼油出晒黎，加埋芝士，入口即溶，正！亲子捞乌冬即系亲子丼 饭变乌冬，乌冬仲有跟个中华沙律同面豉汤，个乌冬黎到以为系干身，点知出哂水。鸡肉同住家煮嘅亦都冇乜分别。牛舌串烧唔差，唔会烧得过熟，咬唔烂。相反鸡软骨就唔得啦，炸到干晒水，痴住晒支竹签，咬都要唔甩！好嘅系店员非常好服务，食得舒服，平民价钱啱哂长期粮尾嘅朋友。
继续阅读
每当月尾就系最穷困嘅时候，但系饭都要照食，于是就喺太安楼揾左间日式料理。由于Lunch多人，舖头一早坐满哂人，staff问我同同事介唔介意坐后门(其实后门即系喺太安楼入面嘅走廊位)，话会送饮品俾我地。我地觉得冇咩所谓，咁就去左后面啦。食物真系好平，Lunch set多数都系喺$3x-$5x，而且款式好多，每日黎食一款一个月都食唔哂佢成个menu。我叫左滑蛋鳗鱼饭，同事就叫左鸡扒拉面。啲食物都几快黎到，味道都ok，个饭好蛋滑蛋我好钟意。睇黎以后粮尾都要靠佢！
继续阅读
今日同妈妈去左西湾河,原本食 越南餐厅, 但太多人,妈妈肚饿, 就食旁边的日本野。帮妈妈叫左个手打 乌冬, 加$5 猪骨汤底。 碗嘢一放落嚟, 我已经嗅到劲重嘅味精味, 妈妈食左一口 ,佢话好"鲜" ,顶唔顺。 我试咗一口, 好咸, 劲。。。。。。。重味精。于是我同妈妈交换咗我碗饭, 我食咗佢碗 面。 一路食, 一路劲嬲, 因为当时last call, 下午落场, 有两个 疑似 厨师嘅出嚟, 坐喺我隔离, 系咁讲粗口, 拍台话输钱。 忍住啖气食饱就走, 呢间野以前试过2次, 都正正常常。 一个sunday lunch 食到咁唔开心, 今次之后, 我唔会再嚟。
继续阅读
上完堂, 行过西湾河谂住食中午饭, 点知好多都未开, 系门口系咁易望下个MENU, 明明未开门, 位员工竟然比我地入去坐住先! 唔使大热天时系出门呆等, 值得加分!打开个MENU, 实在太多野拣, 都唔知拣咩好, 今次两个人食, 就一人拣个拉面配加洲卷, 另一个拣鱼生饭配鸟冬! 仲有面豉汤/ 餐饮拣! 就咁睇都几多野食由于间野其实仲系准备中, 我地都等左一轮先有野食..不过间野都好快就坐满左了间野话系用日本拉面...食落其实都系同街市买果D 差唔多, 唔算好弹牙, 不过好就好在又有叉烧, 又有呜门卷, 又有紫菜栗米之类,乌冬都足料O既, 不过汤底有D 咸,加洲卷入面D 沙津酱好足, 面头D鱼子都好脆, 不过得两旧, 意犹未尽!系个鱼生饭D 鱼生部位唔系太好...
继续阅读