福元湯圓

营业中

休息中

呢間湯丸我久唔久都會幫襯😎今日係附近上完堂，就拉埋兩個同學來了😏來到舖頭時剛好十點鐘~舖頭細細，得幾張枱仔，但都坐滿晒🤦‍♀️見出面開左張枱仔，有幾個人坐緊~因為唔想等位，見門口仲有張枱仔未開，入去問過老細，就自己開枱坐出面長凳😂開好張枱，睇好食乜，就入去搵老細落單了~我偏好杏仁類產品，所以就叫左杏仁茶湯丸了~🥜熱杏仁茶 + 花生湯丸 ($34)o岩o岩上枱第一下以為佢俾漏左湯丸，用匙羹了一了先知原來湯丸係底🙈呢度嘅湯丸有2隻味一芝麻、花生~因為覺得芝麻湯丸比較膩，就叫左花生了😏🥜湯丸有3粒，皮薄煙韌，唔黏牙，花生餡豐富😋稍為失色係，之前食過花生餡會流出來，但今次冇左呢個效果😢🍵杏仁茶幾重杏仁味~質感唔會水汪汪，都唔會好甜，食得出有杏仁粒粒👍配花生湯丸o岩o岩好😎坐低食個陣，越來越多人等位，食完惟有急急腳走人🤦‍♀️一碗糖水 $34~食物幾高質嘅，同學都話湯丸好正，臨走買左盒生湯丸聽日食😂不過舖頭服務欠奉，同埋因為係自己拉枱坐出面，所以環境上會比坐舖頭入面差少少~

之前都聽聞過呢個北角名物，一直都心心念念想去食，個日咁啱係附近食飯所以就黎試下！其實間舖頭有好多唔同款式既中式糖水，但係第一次當然就要試下佢既招牌鴛鴦湯圓（花生+芝麻），雖然個皮唔算係好薄，但勝在每粒都大大粒，好多餡，而且亦唔會好甜，啱啱好，食曬5粒都唔覺膩👍🏻其實湯圓呢個甜品做法簡單，真係好難會做到有好大差別，但呢間幾有屋企既味道，加上唔會死甜，所以隔一排又會想再去食😉下次再試埋其他款式！

杏仁茶+3粒芝麻湯圓 熱$34 推推⭕️芝麻湯圓出色過花生！芝麻泥好香 有流心果種！比平時湯圓既size大 糯米皮係偏mochi 果種 仲識食到一粒粒嘅芝麻好香！杏仁茶幾香濃 唔會好稀 結結地果隻 揀依個配搭同湯圓幾夾 會想再食！冬天食應該幾正！綠豆沙+3粒芝麻湯圓 熱 $22+$9 推推⭕️綠豆沙好搞笑 係冇嗰啲送嘅 冇晒綠豆 得返好濃嘅汁🤣可以讚既野係佢唔會好甜！都幾特別 走果時買左湯圓番屋企煮 唔冚蓋煮5分鐘 仲係咁好食！花生味就正常發揮 個人鐘意芝麻多啲 香口啲

💛福元湯圓 (北角-炮台山)🫶🏻薑糖水黑芝麻湯圓(五粒) $28湯圓皮煙靭軟糯✨芝麻餡爆漿香滑🤩薑糖水夠辣唔甜👍🏻📸30.12.2021.💁🏻‍♀️大愛既湯圓糖水店😋💛差唔多次次去都大隊長龍🕺🏻舖頭細細，一位難求呀🙌🏻.已經食過幾次連我唔鐘意食湯圓既朋友都大讚～正呀👍🏻.下次我醒啦🤣外賣拎走坐係出邊去長櫈到食😋💛💛💛💛💛💛💛💛💛💛💛💛💛💛💛

店名: 福元湯圓地址: 北角炮台山福元街7號利都樓地下I-1舖炮台山站B出口，行2分鐘環境: 3/5價錢: 5/5味道: 5/5鴛鴦湯圓 (薑糖水五粒)❤️❤️❤️❤️❤️$28皮薄而煙韌，但有咬口得黎唔會話太硬，鴛鴦口味有芝麻同花生🥜，兩款都唔會話太甜入面嘅餡係流心，配上唔會太甜同太辣嘅薑糖水，味道啱啱好佢哋仲有生湯圓買，大家可以買翻屋企自己煮黎食🤩#stitchfoodie北角 #stitchfoodie炮台山#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #中式甜品 #甜品 #香港台灣菜 #珍奶 #吃貨

小店出名好食同抵食，所以嚟親都要排一陣隊，今次點咗兩個合桃糊加花生湯圓同芝麻糊加芝麻湯圓兩款糊都好濃合桃同芝麻味，唔會太甜，又夠滑，味道啱啱好，湯圓非常煙韌好咬，餡又多又好味，一樣都唔會太甜，如果喺附近住，一定會食得好密

成日都聽人講呢間湯圓好好味，好多人推介～佢哋有芝麻/花生湯圓，我哋叫咗芝麻糊+湯圓，燉蛋，同糖不甩。店務員服務一般😪個人覺得佢啲甜品其實質素一般，燉蛋唔夠香味，但勝在大份。但湯圓真係有驚喜，每一粒都大大粒，外皮簿且煙韌，芝麻餡好香濃好滑，唔係出面死甜個隻味，超值得一試！見佢地仲有得買急凍湯圓$42@10粒，以呢個質素來講絕對係物超所值。糖不甩外皮煙韌，但原來有分湯圓糖不甩定普通糖不甩🥺如果過黎食既話試湯圓就夠，真係好好味😆，其他甜品質素一般可以唔使嘗試。

早排男朋友見到有人推介 大讚呢間湯圓🥇今日食開檔糖水又無開 唯有山長水遠 都要專登揸車🚗🚗🚗過去試食呢條龍真係唔簡單.....🚶🏻‍♀️🚶🏻🚶🏻‍♂️🕺🏼老實講 鋪頭位置 真係街坊先會識食🤭但係竟然吸引到咁多人 專程過嚟試食 呢間湯圓鋪真係好成功🉐排左40分鐘左右 終於到我鋪頭只有一張枱堂食 而且位置有點兒窄湯圓只有芝麻同花生🥜 兩個選擇每碗五粒🖐🏻選擇困難症者 可以揀兩溝上車即刻急不及待開餐👅👅糖水好夠薑味 但又唔會太辣 帶有少少甜味 又唔會搶左湯圓既風頭湯圓口感煙韌 但又唔會痴牙粒粒都超流心 🍴芝麻餡超滑 啖啖芝麻香 🍴花生餡帶有微粒花生 增加左口感 一次可以食兩碗排隊係值得嘅😋😋

▪️生 磨 棗 香 合 桃 露 拼 湯 圓 $37𝑾𝒂𝒍𝒏𝒖𝒕 𝑷𝒂𝒔𝒕𝒆 𝒘𝒊𝒕𝒉 𝑻𝒂𝒏𝒈𝒚𝒖𝒂𝒏 👍🏽.Whenever ppl talk about Tangyuan in HK, we would all immediately think of either 利川 or 福元. As I grew up with eating 利川, and tbh I think it's really good already with such price, I couldn't quite imagine how exceptionally good Tangyuan can be. Here I finally tried it and be able to confirm 福元 actually made the top-notch ones. The really aromatic black sesame paste would run out once you take a bite of that soft glutinous outer layer. However,

團團圓圓，食福元湯圓；元宵無食到湯圓，過咗幾日過嚟補返 。雖然而家有好多鋪頭，都有買福元湯圓嘅急凍版，但係偶爾嚟吓正鋪，食吓有糖水嘅version都唔錯！。『腐竹薏米糖水加芝麻湯圓』$31『芝麻糊加芝麻湯圓』$34⋯⋯雖然每碗糖水，都無想像中咁thick，但係甜度適中，同埋上枱時，仲係熱辣辣；湯圓皮薄煙靭，仲有滿滿嘅流心餡，相信好味程度我都唔需要再講。📍 福元湯圓 (北角)北角炮台山福元街7號利都樓地下I-1舖。好味指數：🌕🌕🌕🌕🌕回味指數：🌕🌕🌕🌕🌕

在2021年上榜米芝蓮的北角湯圓小店，有近30年歷史，是一間老字號，以手工製足料爆漿湯圓聞名，終於有機會試。📍位置：近炮台山站 B 出口，我們由麥記美食步行約十分鐘就到了。🏠環境：簡單的門面，室內空間較狹小，只可容納八個人，後方就是下單位和廚房，付款後繼續等待湯圓上手，所以步步小心，畢竟環境太小又人多。🤵🏻服務：當晚不到九時已經滿座，而且還有一條長龍，伯伯開摺枱讓我們就座，並提醒我們吃完就離開，避免罰錢，很貼心☺️。另外有生湯圓外賣服務，吃完真是想再買，可惜當晚不方便。🍡宵夜：提供多款中式糖水，其招牌是黑芝麻和花生湯圓。🥣花生湯圓糖薑水(五粒) $28 每粒湯圓大小一致，粒粒皮薄軟韌，咬開更有流沙餡料流出🥰，而花生味道很濃郁香甜，立刻榮升心中第一😍！🥣黑芝麻糊湯圓 $32芝麻糊也足料😍，口感很順滑濃稠，芝麻湯圓較花生少甜不膩🥰，難怪是招牌！🥣桂花酒釀湯圓(五粒) $32湯水較清香🥰，底層有粒粒米酒，配合湯圓吃都一流，大滿足😍！

✨鴛鴦湯圓一碗有五粒 冇指定的話會係三粒芝麻 兩粒花生芝麻湯圓 皮滑軟糯 芝麻味唔算濃 唔夠香 勝在有流沙口感 花生湯圓 皮偏厚餡少 花生餡唔夠香 有花生粒 但冇左以前流沙口感 薑糖水 清淡帶微辣 唔太甜✨芝麻糊+湯圓芝麻糊 清淡唔夠香 甜度低一樣加左鴛鴦湯圓 會有三粒總結：多年冇黎 差左好多湯圓每粒都幾參差 餡料大細都不一環景好一般 三張細枱 坐得好迫服務差劣 當時坐滿客人 我地企喺出面等位到有位有個遲過我地去嘅女士直接坐低店員望下我地 完全冇意思叫佢排隊或起身只係叫我地一齊坐低搭枱 攞兩張凳比我地如果可以搭枱一早就應該叫我地坐低啦價錢一般 整體而言各方面都差左以前仲係上一代主理嘅時候真係好食但而家係兩回事 短期內應該都唔會去

米芝蓮湯圓～要芝麻定花生～定全部都要？最近有意發掘東區美食，所以當日行完灣仔及銅鑼灣之後就決定坐電車隨意去東區走走。坐車到北角時候突然記起附近有油街，自從中學去過一次之後就沒再去了，然後就去那邊參觀一下。當時大概2點多，小編與友人經過福元湯圓，但當時仍未開店，咱們都不以為意。直至回程找東西吃的時候就發現小店外面已經排滿了人。小編跟友人都是為了食物，不介意等很久（朋友：excuse me???）的耐性人，所以也加入了排隊隊伍。小編跟友人分別叫了鴛鴦湯圓配薑糖水（共5顆：芝麻湯圓x3 花生湯圓x2及桂花酒釀湯圓（花生湯圓x5），然後外賣打包去油街裡面找座位吃，蠻推薦這個地方喔，因為凳子上面會有一個小臺，可以放東西～然後很適合在黃昏時間在那邊靜靜的吃湯圓～鴛鴦湯圓薑糖水甜度跟辣度都調配得剛好，不會辣到狂出汗，也不會很甜，不會覺得口渴。湯圓的話，小編比較喜歡芝麻口味，甜度適中，有炒的芝麻香味但是不會很濃烈，反而口感比較豐富，微微沙沙的感覺。挺值得一讚，芝麻湯圓的糯米皮比較薄，所以咬一小口，裡面的餡料就會爆出來😂。這間的糯米皮比較軟綿，沒鮮芋仙的煙韌，不過煮的挺好，不會過硬或過爛。花生湯圓的皮比

冬至家庭聚餐必食！流心黑芝麻湯圓，有外賣家庭裝，分別有花生或黑芝麻餡料，$43/10粒裝！湯圓皮厚薄適中，不會過分厚皮，煙韌度十分，咬一口，澎湃的流心黑芝麻餡料已洶湧而岀，黑芝麻味相當濃郁，齒頰留香，令人回味無窮！咬一小口，餡料已火山爆發，流岀黑芝麻流心來，甜度適中，無可挑剔！

▫️黑芝麻湯圓 糖薑水五粒($28)金黃色嘅薑糖水配粒粒飽滿嘅湯圓, 每一粒湯圓都係人手搓成,口感軟綿,一口咬落去有流心爆漿嘅效果,滿滿芝麻香, 芝麻味非常濃郁😋另外小店有急凍湯圓,可以買返屋企隨時隨地都食到▫️芒果冰花雪耳($33)芒果入口超甜, 再加埋雪耳有一種養生嘅感覺夏天食一碗超清爽, 喜歡健康養生既女仔可以一試