影片
以上资料只供参考，请与餐厅确认详情
招牌菜
福来上海面. 2月尾结业. 香车街街市二楼熟食市场. 点解结业, 因为老板娘话老了, 人少. 净系开中午, 同星期二休息. 菜肉云吞牛腩面 $50云吞有五只, 每日新鲜包. 皮薄馅靓, 菜剁得好细. 有少少肉. 牛腩, 汤头是台湾红烧牛肉的味道. 酱汁好惹味. 牛腩是腍, 但不是太腍, 保留少少烟韧口感.鸡翼猪扒面$53鸡翼和猪扒都是鲜炸.猪扒有少少脆粒, 有少少腌过, 跟牛腩一样, 不是太腍, 保留少少烟韧口感. 炸云吞 $36炸云吞即叫即炸, 汤云吞会好味少少.冻柠茶$8唔太甜, 几好味.
继续阅读
得闲经过就去左香车街街市上层嘅上海面食野，不过夏天真系唔建议去，因为冇冷气真系好热。炸翼云吞上海面炸鸡翼即叫即炸，炸得酥香，炸完将肉汁锁实，食到唔到口。云吞馅料足料，上海面幼身又滑，配埋上海咸菜，胃口大开。冻柠茶茶底香浓，最啱一路食面一路饮。
继续阅读
我自细食到大，呢间已经系系同一位置嘅第三间舖同样叫「福耒上海面」。我自己认为呢度D雪菜云吞上海面真系好食到冇朋友，价钱又大众化，云吞皮薄，上海面软硬度适中；如果要额外加雪菜，一大汤匙只系$2 /$3，（因为我次次都加，冇问实价钱），我之前食过另一间屋邨铺就要加$8。就算而家我已经搬出九龙，又食遍港九新界上海云吞面，因为想揾间近而家屋企或office 的，但吾系云吞皮厚/硬/太多肉，就系D面吾掂。我始终觉得呢度系最好味，所以我久唔久都会搭车返去食够2碗先走人。老板两夫妇又好人又亲切，而家已经好难再揾到呢D令我食得开心，又俾＄俾得条气顺的食肆了！
继续阅读
👍🏻猪扒面 $36猪扒即叫即炸，炸得岩岩好，唔会太薄身，脆卜卜又有肉汁👍🏻🤤推荐落少少淮盐，更加香口😋上海面煮得岩岩好，唔会过淋每碗配有既雪菜系老板预先调理过，有淡淡雪菜咸香，同上海面好夹👍🏻不过汤底就清左少少，但饮落无乜味精味道：8/10性价比：8/10-👍🏻牛腩面 $32牛腩同牛筋都炆得好入味，五香味好浓郁🤪牛筋入口即溶，牛腩亦唔韧，炆得好淋👍🏻加埋腩汁汤底就好食好多😋味道：8/10性价比：8/10-📍#福来上海面荃湾福来邨香车街街市1楼注：下午3点左右就会关铺，逢星期二休息#hkfoodie #foodiehk #hkfood #foodhk #hkeat #hkrestaurant #美食 #香港美食 #外卖 #平食 #穷游 #打卡 #香港打卡 #情侣好去处 #拍拖好去处 #荃湾 #荃湾美食 #荃湾小食 #荃湾打卡 #荃竹湾好去处 #港式 #怀旧 #大排档 #牛腩 #香车街街市 #猪扒 #上海面 #福来 #福来邨
继续阅读
转了新工一星期，今日行远d，跟同事去香车街街市楼上的熟食中心食lunch。大排档，地方一眼望晒。要了酥炸猪排上海面，猪扒用碟上，不怕浸林。味道 ... ok la上海面，腌菜放在匙上，份量 ... 好在唔系男士，否则真系怕唔够饱。酥炸云吞，热辣辣新鲜炸起，但 ... 无乜味。
继续阅读