祥香園餐廳

营业中

休息中

📝 星期六一早去到，冇乜人排隊，店舖用咗自動落單系統，落單兼俾錢一氣呵成，真係方便又快捷。🍽️ 雖然係新開，但保留咗上一間餐廳嘅裝修風格，懷舊味濃，木紋枱椅加上光猛燈光，整體感覺乾淨企理，坐得舒服。🥢 沙嗲牛肉通，牛肉沙嗲味香濃，通粉配埋清甜嘅雜菜湯，平衡咗整體味道，食完唔會覺得膩。🍞 丹麥多士配司華力腸加漢堡扒 多士外脆內軟，牛油味香濃；司華力腸鹹香十足，漢堡扒肉汁豐富，好有滿足感。🧋 凍奶茶茶味夠濃。🍫KitKat 脆脆朱古力蛋撻，朱古力味濃郁，面頭仲有KitKat碎粒，食落有層次感，甜而不膩！

下午茶時段！本來想去食沙嗲牛肉麵，沽清！最後選擇了咖喱吉列豬扒飯及蕃茄湯五香肉丁麵。記得上一次，是平日3 pm 後去，又係食唔到沙爹牛。今日星期六又係無！ 好多都沽清！ 點解唔好可以準備多d? 茶餐廳有沙爹牛係基本！ 食物可以，但真係想食乜無乜！又要電子落單，比埋錢先有野食！餐廳網絡收得唔好！係有wifi, 落個單又要入wifi 入密碼。如果人手落，唔駛30秒就落好！ 希望餐廳改善！香港經濟唔好！ 如果餐廳老闆可以做好d , 生意一定會好d ! 食物出品其實唔錯，最後食咗一個吉列豬扒咖喱飯及蕃茄湯五香肉丁麵！。 蕃茄湯好味，個麵夠爽！真係要考慮吓一次仲去唔去。員工態度都冇問題，因為落單同埋單都係自己用手機處理！

我幾鍾意食上一手茶記既早餐，一來食到12點，二來湯麵類可以揀羅宋湯底祥香園跟返上一手咁，有羅宋湯可以揀，但味就差dd,比較淡口，米粉麵轉左唔係茶記一般既（我就麻麻地）我都有試過通粉公仔麵，通粉都可以唔好食，湯底又係差少少，未叫難食但一定唔叫好，茶記黎講我覺得唔合格。只係贏在餐包/配送選擇多。 之前早/下午茶做八折先覺得還可以，收正價既我覺得同個質量差太遠，係咁既價錢有好多好既選擇。加上服務態度好睇d姐姐個日心情，我見過有次好心情就態度好，客要換過碗都笑笑口。唔好心情就問多句都黑面串串貢，補餐具大大力發脾四咁。同埋我食緊既途中，走黎叫我縮腳再拖地，一大陣消毒藥水味，唔係有人會早d開門攪到哂先開始做生意？我未夠9點去食早餐喎，未多人到咁快再拖多次呀？！ （ps 唔好怪清潔姐姐，應該唔係佢問題，佢都係收order做野）

入座之後，因玻璃枱內介紹特別菠蘿包個餐牌，擺放位置不方便閱讀，就舉手請教店員阿姐查詢點樣升級做餐， 佢只黑口黑面講句：‘’你去電話掃code 會了解倒。‘’ 佢完全唔想解答。當時我電話就係無電，唯有直接去問收銀。店舖宣傳聲稱總店喺港島區老店，點樣出名法事實我唔多清楚，但新開張大概兩個月已經請啲倒米侍應，都好唔休做，休想有好口碑。本身特色菠蘿包係$65可以變成餐，係有埋個瑞士中翼撈公仔麵+飲品，但三點就話賣晒雞翼，開咗成1-2月，都預唔好份量？你個包咁貴都明知食客大多會叫餐，又要宣傳又預唔夠份量，即係焗人單點。家人試咗花生醬菠蘿包，唔平，約$35一個， 試過就算。另叫咗蔥油豬扒撈麵，蔥油還蔥油，無滲到落個麵，個麵自己另有一個奇怪酸汁，過多幾條街焯記好食過佢。琴日33度，去到店舖體感有28度，暖氣十足😂，不想久留。食物乏善可陳，服務不值再試。

本人是茶餐廳的忠實fans，喜歡去香港周圍的茶餐廳幫襯。期待已久，在公司附近的祥香園終於開張。一心本想，等了很久的蓮蓉雞尾包可以有得食。但可惜原來這店是沒有麵包出爐的，實在有點失望。這餐廳最出名的就是蓮蓉雞尾包，蛋撻。之前我還專登去灣仔幫襯，覺得非常好味。只可惜在荔枝角店沒有麵包食，實在有點失望。希望老闆多加考慮，加設買麵包，才會有競爭力。因為在荔枝角開茶餐廳，競爭實在好大，如果你沒有，吸引人客的賣點，實在難以生存落去。

尋日同事話試新野，咁就去左依間新開既茶餐廳，等左一陣就有位，坐底自已落order俾埋錢一條龍服務非常好，揀左一輪終於決定食韓式雞扒炒辛辣麵，點知就中伏，1:03落單俾埋錢，點知等到1:23都仲未黎，我同事食個咖喱飯食左大半，咁就問下阿姐點解咁耐都未黎，阿姐一句就問等下先，睇住隔離枱坐底無耐d野都食緊，等多5分鐘忍唔住問另一個阿姐，答我話炒辛辣麵係咁耐，我話等左半個鐘喎，阿姐無黎我就走左，之後隔左5分鐘碟麵就到左，擺明就落漏單，d野食又一般，不過就一肚氣