祥興記上海生煎包 (已結業)

今日返工途中見到祥興記實在十分驚喜，因為租金上漲位於元朗分店被迫結業後已經很久無食呢度嘅生煎包，今日機會難逢一定要食睇返店舖雖然話有堂食但主要做外賣，而且店面不設座位就算堂食都都要企起度祥興記之前因為得到米芝蓮推介而令到租金上升，都唔知好事定壞事主要買生煎包嘅祥興記都有一些粉麵小食等等，但主角還是生煎包，但鮮蝦生煎包和黑松露生煎包之前好似無，可能係新出品穩陣起見叫咗個雙色生煎(招牌+黑松露)招牌生煎和以前一樣，香脆外皮加上熱辣辣湯汁令人恨不得一啖吞落肚(但唔好咁做,湯汁好熱)至於黑松露豐富了層次，比招牌生煎多了份香氣，但我還是比較鍾意招牌生煎。評分:👍評語:雖然無咩服務，但味道壓倒性勝利忍唔住好評

聞說此店在荃灣起家，後來元朗有分店，仲有團購添，所以在元朗食過幾次，當時有套餐及堂座，但後來，結業了。。。今次，荃灣店新裝修重開，滿以為可以懷緬一下，點知原來無堂座，只得三四張高凳吧台位，又沒有套餐，一下子嚇窒了。。。。不過一埸來到，照食可也~~先來個生煎包。 食過的就知味道，保持水準。皮底香脆，餡料多肉汁，不能一口吞之，一定要先咬一小口，倒出肉汁，飲後再食，可是三十大元有四小粒，抵唔抵就大家決定。另外點了雙當，是粉絲底，加面筋或豆腐皮包豬肉餡，味道一般，價錢是二十九大元。這一餐就五十五元埋單，問心有點貴兼唔飽添。生煎包多了款式，可試試作小吃，但如果想當飯餐或堂座，就不建議。坐得一d都唔舒服，是一間外賣店。。。

未成為米芝連食店之前喺老店已光顧過好幾次，生煎包確實出色，皮肉份量剛剛好，好juicy湊巧喺荃灣，即刻同友人行去新店試吓。 新舖唔大，都幾多員工，不過大部份人都係喺一個類似包餃子嘅station埋頭苦幹，只係得一個好親切嘅先生落order. 叫咗一個麵，一個粉絲湯，一份生煎包加兩枝豆漿。 生煎包煎得恰到好處，入面好多汁，友人一咬個包，噴到我一身都係汁😅 熱騰騰，好好吃。 麵同粉絲非常一般，淡而無味，麵餸腐皮卷同餃又酸又咸，完全放棄，可能係唔合我口味吧！下次來還是會再吃生煎包的！

自從米芝蓮既光環打落去某d 小店，出左名，有時人多左 水準反而下降，再唔係就比業主狂加租。有時有米芝蓮既眷顧都唔知係好事定壞事。荃灣祥興記就係後者，得到呢個光榮之後就比業主加租加到做唔到落去。令我地荃灣人少左間咁有水準既生煎包。果日見到有個小巴車身既廣告知道祥興記終於回歸荃灣, 我終於唔使出到尖沙咀先食到佢。果日收工拿拿聲去探下佢。去到佢招牌仲貼住紅字，仲未正左營業，貼左張紙，寫住試業。食生煎包我好簡單，原味就已經係最好食!買左飛，等左10分鐘左右先有得食。始終仲係試業，各個店員都仲未係好熟習d 流程。包外賣袋都有d 雞手鴨腳。我外賣返屋企食，路程唔遠。返到去仲暖，都冇焗到淋哂。生煎包一如既往咁多汁，我一早已經預備好紙巾都招架唔住🙈🙈 噴到成枱都係汁，如果堂食既朋友真係要小心。係街到食，仲要入面d 汁咁熱，真係會好輪盡。 入面多汁，出面都仲係咁脆，加埋少少黑白芝麻，正!睇個餐牌，好似選擇比以為多左。好感動!😭祥興記終於返黎喇🤣🤣🤣🤣