影片
以上资料只供参考，请与餐厅确认详情
招牌菜
用传统屋邨旧式茶餐厅来形容呢间茶记绝对非常适合，旧式卡位加面包西饼玻璃柜再加埋纸皮石地下。下午茶餐时段2:30开始早5分钟已经俾你叫我唔会阿吱阿咗真系难得。喺呢啲地方梗系要食返啲旧式嘢，于是就叫咗干炒牛河加杯冻奶茶少甜少冰。老实讲，味道就一般，不过有一种怀旧风情令到成个气氛唔同晒，有机会会来试埋佢个西多士，希望仲系用旧式太古糖浆啦。
继续阅读
牛头角最伏茶餐厅1. 服务态度差, 似住自己老茶记挂我估2. 环境卫生个地下同台黐立立, 餐具又有污渍, 啲共同加嘅调味料污糟邋遢, 仲要比杯唔热嘅水洗餐具? 叫个阿姐抹下台仲要比面色仲要hea抹两下粗粗鲁鲁咗将台面垃圾扫落人度。 成个餐厅地板墙上面都起哂渍咁3. 只收现金? 而家仲有啲起市区但咁落后嘅收钱方法? 野食：今日叫咗个焗饭, 呢啲基本上好难会难食嘅颓饭, 居然可以整到成个餐冇味, 「利申：平时食开清淡而今日食前只饮过水，第一餐」，居然都食唔出有咩味，垃圾。
继续阅读
旧式茶餐厅☕️咁先系香港嘅味道咖嘛首先一定要坐木板卡位硬板座位 偏窄坐嘅 系回忆🙈🐂黑椒汁牛扒焗饭- 即叫即焗- 焗饭唔似煲仔饭 唔会有饭焦（正好我唔钟意食饭焦）但系就有㶶边 边边位突出黎嘅饭粒 会脆卜卜🤤- 饭系炒底 有蛋香- 牛扒 虽然唔系入口即化嘅日本和牛 但系唔硬 有𡁻头 绝对唔系落松肉粉落到软烂果啲- 有用拉丝芝士焗 芝士味好香又唔会㶶$52 配埋例汤同热饮冻饮+$3都算几抵食不过呢间只系收现金记得㩒左机先黎食呀
继续阅读
地板仲系铺纸皮石嘅几十年街坊店。杯奶茶系高水平，面包用料都几好，不过唔系用电炉暖住，上台冻冰冰，嘥咗。早餐沙嗲牛肉面，上枱外貌平凡，但牛肉肉质同埋味道都煮得几好味。可惜佢用大光明面，拉低左整体水平。
继续阅读
牛头角呢间冰室历史悠久，餐厅门口贴咗好多宣传poster声称借咗畀好多套电影做拍摄场地，而餐厅亦自设饼房，每日新鲜制造唔同种类嘅面包西饼同蛋糕👍今日就试左个港式经典茶记早餐👉沙爹牛通粉配午餐肉火腿菠萝包，热斋啡 ($34)呢度既沙爹牛味道偏清淡，冇乜花生香味，反而带少少辣牛肉较厚身，肉质嫩滑👍午餐肉同火腿个样似系就咁切完拎出黎煎都无煎过😂 所以食落味道比较plain唔多茶餐厅早餐可以并菠萝包，佢既菠萝包属于迷你size，冻冰冰完全唔脆的😅 但佢既口感完全系同我自己整既一样！超实净😱😱 感觉真系每日新鲜制造兼无乜添加👍 我从来无试过系街买菠萝包系呢个口感，好特别！😯😮斋啡都几浓，口感偏苦涩唔会太酸～买少见少嘅传统自设饼房冰室，好多老街坊熟客，充满香港特色，值得支持👍
继续阅读