影片
如标题所讲，我的最爱公司绘意粉。懒得落街，又想食公司会意粉，呢一间茶餐厅做得到。佢哋可以买满$100就会送外卖送上门，啱晒𠮶啲懒人。爆满茄汁酸酸地，再加埋杂锦𩠌，好味😋
继续阅读
今日落雨，近近地就去咗祥景茶餐厅食 lunch，我叫咗星洲炒米同热奶茶。啱啱上嚟嘅时候，见到个炒米色泽鲜艳，好吸引人啊！佢嘅味道好香浓，仲有啲微辣嘅味道，但唔太辣，味道几好！另外，佢入面嘅虾同鸡肉都煮得好啱口，唔算太烂，不过整体太多油。炒米份量亦都够多，一份食落去就已经好饱啦。朋友叫常餐，味道都ok至于热奶茶，味道都好香浓，奶味非常浓郁，但甜度啱啱好，唔会太甜。个杯仔都够大，够饮一阵子。服务方面都几好，啱啱坐低就有人黎迎接，就算好多人都几快咁搞掂。总括而言，祥景茶餐厅个星洲炒米同热奶茶都好好味，加埋啱啱嘅服务，真系一个唔错嘅选择。如果你想食啲好味又唔贵嘅茶餐厅嘢，就可以黎试下啦！
继续阅读
今日自己系屋企，唔想煮又唔想特等戴口罩出街买，谂住求其叫个外卖算，落完order差唔多10分钟就有得食都算快，乌冬都ok，就系鸡扒比较油，如果下次炸完隔一隔先会好d。同埋日式面餐多数都系吉列炸的，希望之后可以多d选择。不过最意外都系杯斋啡⋯⋯本来唔见糖包谂住可能侍应唔记得，加上自己饮斋啡都唔落糖，所以冇咩所谓，点知饮一啖之后发现杯斋啡甜到腻🤢🤢🤢冇谂过斋啡会系甜的，仲列甜到呢种地步⋯⋯我本身就唔仲意太甜，饮一啖就好似直接吞左一大啖砂糖咁⋯⋯结果因为接受唔到甜度，杯饮野成杯倒左⋯⋯
继续阅读
呢间野 区内都出名难食 系无对手先开到咁耐本人系该村居民 平时多数都系食大X活 前几日肚饿 打电话叫左个外卖牛河超多油 返开个底D油浸住...无论牛 河都好重猪油味 ,劲难食又跌钱
继续阅读
焗㶶肉酱意粉！因为真系好很肚饿，求其揾间茶记食晚饭，点知中伏！叫咗个焗肉酱意粉谂住稳阵啦，5分钟整好送到嚟，睇个样无咩问题，见到啲意粉好似饮筒咁粗都算，食第一啖觉得有啲香口，唔错啦！不过食多两啖发觉，越食越浓味，原来成个面嘅芝士基本上都原来都㶶九晒，只系再系个面洒多层芝士粉遮住。本身食肉酱意粉都唔预会系健康，但觉得食咗呢兜野真系死得....好似食焗癌细胞咁
继续阅读