影片
以上资料只供参考，请与餐厅确认详情
招牌菜
食记 (32)
天气凉凉哋，见到呢间餐厅门口黐住热辣辣煲仔饭，个套餐只系$65！ 😳😳咁平😳😳见到入边都好多人食，就行入去试吓，一行入去就闻到好香嘅煲仔饭味😋我地四个，夜晚七点几唔使等位，即刻叫咗三个，等大约10几分钟就有得食，我哋叫左腊味饭，窝蛋牛肉，北菇鸡，好味道，份量充足，我地四个女人食，啱啱好！ 呢个价，质素好，超抵食！
继续阅读
（过程各人温和，无大声无争驳，俾足钱沉默走）早前晚上7点多返到太和，问明收银无咁快收舖，一家就坐底系卡位叫𩠌食饭，刚有人饮左一啖饮品饮饭𩠌就到，刚食左一两啖就嘭一声有水珠弹过嚟，时间就停顿左系挟𩠌，发现系清洁阿姐系隔离张枱附近打泻成桶水，d水弹到枱面身上都有水点，地下有水流过嚟，我哋边清理嘅时候怀疑桶咩水，清洁阿姐听到过几秒就话桶水干净未用嘅（楼面有干净桶装干净水🤔），男待应话无问题嘅，叫我地继续食慢慢食，唔阻阿姐收工佢地未，我哋清醒d就同佢讲周围都弹到水，食物入口嘅唔食啦，岩岩厨房师父行出黎睇吓刚才发生咩事，就问要唔要整过，男待应对佢讲话唔驶收工咩，咁我地起身攞单行去收银，收银问咁快食完，我话弹到所有嘢身上都有水唔食啦，男待应大声话食左少少，我话杯野好似未饮过㖭，收钱就话最多收少$10，我话枱面d嘢真系唔食架啦，最后跟单俾足钱，一家人安静咁离开，大人话咁卫生，样样都干净无问题，决定唔再帮衬.
继续阅读
今日谂住嚟食个下午茶，净系叫个炸薯条餐都等女25分钟。成15分钟先上到一杯嘢饮，一直问佢，一直话整紧，极夸张。成班人完全就系悠闲人生，完全无谂过要整你嘅餐。餐厅5个客人都无，可以催嚟催去都唔整。我去百佳买个薯仔，削好再炸埋都快过你。食下午茶原因系肚饿，但可以等咁耐以为去咗隔离法国餐厅，虽然隔离餐厅可能快过佢。强烈建议肚饿或者等唔到25分钟以上嘅人都唔好嚟食。因为佢哋真系好慢，又唔系特别好食，仲有一副唔理你嘅样。
继续阅读
冬至一支公天寒地冻周围揾一人前羊腩煲可惜行咗好多间都徒劳无功不过皇天不负有心人竟然比我喺呢个转角位揾到呢间茶餐厅。入去坐低本身谂住$168嘅细羊腩煲都照杀，点知俾我见到$88嘅羊腩饭，于是就叫咗。开头以为羊腩饭就系一碟白饭上边求其比几旧羊腩，点知羊腩原来系煲仔上而且份量都唔少，碗白饭系巨型装，仲跟埋碗例汤同埋冻饮唔使加钱，咁嘅阵容$88真系好抵。羊腩都算林而且唔系一味得个肥字，又有几多枝竹，同埋佢系生菜垫底，所以真系几丰富。
继续阅读
食早餐又睇到车系列～一朝早食番个扒餐人都精神啲！叫咗个煎牛扒配肠仔煎蛋，仲有茄汁焗豆同埋炸薯饼。个煎牛扒上面嘅汁好好味，牛扒虽然有啲筋，但系唔算太肥，厚薄适中。香肠嫌佢煎得唔够㶶，薯饼就有啲油腻，冇隔油先放上碟。不过整体$38算系唔错。
继续阅读