祥囍煲仔小廚

营业中

休息中

室內的大排檔，坐位比較逼，呢間有名係煲仔飯，必叫，試過係可以再encore，叫滑蛋牛肉飯，多飯焦，正，仲叫了d小菜，炸魷魚就可以skip，暖笠笠下食煲仔飯必有一番風味，會再回來哦😋😋

今日相約朋友去行街，所謂的行街是由筲箕灣沿着海旁行去中環方向，正所謂三軍未動糧草先行，我哋相約左喺筲箕灣食過煲仔飯先至出發。朋友之前食過呢一間佢話好好食，所以我哋今日就來會一會佢，我選擇咗臘味煲仔飯，因為我不食潤腸，所以變咗係臘腸和臘肉雙拼，大約等咗15分鐘上枱，上枱時已經聞到好香的飯香，熱力十分澎湃，一打開煲蓋，香味即刻源源不絕湧上來，之後加咗少少的豉油，感覺即刻源源不絕湧上來。臘腸有少少燒酒的味道，而臘肉就比較大件，要食就比較辛苦，如果切細一啲就會好啲，方便咀嚼。煲仔飯下面嘅白飯，由於滲透臘味的油分，再加上一個特製嘅豉油 ，其實就咁食已經好好食，曾經聽人講過，筲箕灣去食煲仔飯嘅天堂，下次有機會我一定會食埋另外果兩間，睇吓邊個先至係筲箕灣冧巴溫！

蝦乾臘味煲仔飯，有大量蝦乾、潤腸粒、臘腸粒、冬菇粒、臘肉粒等，一打開煲蓋，脹卜卜的，基本飯量已到達煲邊，上面有很多的蝦乾、臘味粒，粗畧量一量，淨飯已有差不多4中碗呢！基本上料飯都足，可就是下單不到10分鐘左右就上抬，開蓋時煙都無，不是凍的，卻也並非熱騰騰的，少了熱騰騰的作用，感覺蝦乾臘味都較硬，而飯中亦缺少了臘味的油香。飯粒亦由煮熱到脹卜卜時轉為已漸降溫下逐步趨向乾硬，飯焦咬下亦只有一大片依韌感。黃金墨魚餅，有8片之多，鹹蛋黃造成的黃金汁包住每一塊彈牙的墨魚餅，鹹到適中。而且吃到豐富的墨魚肉，吃不停。菜乾豬肺湯，菜乾、新鮮的白菜、杏仁、雞腳、豬肺、豬骨煲成，奶白色的湯汁中帶有菜乾的香味，感覺已經很滋潤了。湯雖濃，喝起來卻很清甜。

秋風起，食臘味。雖然作為年輕新一代，但對於呢個懷舊嘅傳統，係天氣開始涼涼地時不期然會想起。今次同男朋友去到筲箕灣煲仔飯名店 - 祥囍煲仔小廚試試佢。說來慚愧，作為一個東區人，呢間排隊旺店我竟然係出發前30分鐘先知道。地點極度不起眼。如果不幸地無訂位，就要係後巷度開餐，成件事其實幾有佬味，但如果有潔癖嘅朋友，就強烈唔建議你地去喇。臘味蝦乾煲仔飯 $92，價錢相當怡人，而且飯同配料基本係1:1嘅配搭，一打開蓋已經見到滿滿蝦乾、臘腸、潤腸同冬菇。除左煲仔飯之外，另一個必食就係椒鹽墨魚餅$98，呢個真係意外驚喜。墨魚餅做得非常厚身，咬落去完全係啖啖肉，仲會食到粒粒墨魚碎，非常彈牙。飲啖啤酒，再食一口墨魚餅，成件事好夾呢。唯一不足，面頭灑左d椒鹽，即使重口味如我，但依然鹹到我要撥開所有椒鹽粉先食得落口。啫啫生菜煲 $75 可以話係呢餐飯嘅敗筆。叫啫啫生菜煲而唔係蒜蓉炒生菜，就係想生得香口同乾身d，點知完全大失所望。敗筆有三。第一，生菜已經煮到極軟身，完全唔爽口；第二，煲底全部都係水，好唔乾身；第三，生菜煲竟然有椒鹽味道………….. 結論，下次只係叫煲仔飯同墨魚餅就足夠。

上年食完一次諗諗不忘，於是涼涼地再去食過，呢次4點幾去食完全唔使等位，叫左2個煲仔飯3個餸，可能每次水準不同掛？第二次無第一次咁好食呢次食既煲仔飯有啲濕，個飯焦都完美。希望下次會好返蝦乾鮮甜，臘味切粒，每啖飯都食到臘味，係好滿足！但食到一半，牙齒咬到好攰需休息下哈哈哈😄粉絲帶子都好新鮮，一隻係唔夠下次要叫2隻。豉椒炒蜆就一般，通常都有沙，所以預左鮮魷都唔錯，爽脆彈牙

黃金墨魚餅，鹹蛋皮夠薄，味道適中唔會搶走墨魚的味，而且墨魚肉夠厚，食落非常滿足，送啤酒一流！另外叫咗椒鹽九肚魚，外脆內軟，非常香口。臘味煲仔飯料足，臘味佈滿整個飯面，飯亦香，完全無偷工減料。

最近天氣轉涼，好想食煲仔飯，就係openrice上面搵到呢一間。我係中午時間去，所以唔洗等都有位。食既期間聽到不斷有人打電話去book檯，即日夜晚已經冇得book添。原來之前都有唔少出名youtuber介紹過呢度小炒同煲仔飯。食過之後覺得真係冇推薦錯。但臘味比排骨好食好多，臘味份量都好足夠，好惹味，排骨就比較普通，我覺得飲茶啲排骨飯仲好食。其實一個飯夠2個人食，最後食唔曬就打包翻屋企。一個煲仔飯七十幾蚊同其他地方差唔多，唔係特別貴又唔係特別平，但食物水準高，飯粒粒分明，焗多陣就有飯焦。醬汁味道剛剛好，唔會太過鹹，仲可以叫多蔥添!

星期六晚，2045 walk in, 滿場，留低左電話，話有位call返我地。大概2130有位，餐廳有啲細，由於我地2人坐6人枱，要同個1人的食客搭枱。咁啱隔離大枱的人玩啤牌大大聲，好嘈，個環境感覺都幾差下。但食物方面係幾好食，叫左三樣食物+兩罐可樂⭐️蠟味蝦乾煲仔飯蠟味同蝦乾多到不得了，豉油唔會太咸，加啲豉油再焗一焗先食，每啖飯都有臘味👍🏻食到底的飯蕉更正！⭐️椒鹽魷魚分量充足，勁多炸蒜，炸粉唔算太厚⭐️黃金墨魚餅好好味，外層包住咸蛋黃醬，入面咬到粒粒的墨魚，好足料兩個人食，又叫得太多喇，要打包墨魚餅😂埋單三百頭

夜晚同朋友黎咗祥囍食飯，價錢都幾親民我地嗌咗椒鹽九肚魚，依加越黎越少餐廳有呢一個餸，份量都算多，外脆內軟，幾好食！我地仲嗌咗一個白鱔煲仔飯加臘腸，覺得臘腸唔係特別多汁，不過白鱔都幾肥美，都有飯焦，好味

煲仔飯做得不錯，有飯焦，又唔燶，味道好好，飯質好食，臘腸蝦乾夠嘢味，豉油白鱔夠軟滑。杏汁菜乾豬肺湯奶白色，濃郁，味道剛好，白菜軟淋。啫啫通菜煲極之嘢味，不過少油更好

疫情緩和，個個都出哂街食飯！好在之前訂左位，全場爆滿！我地叫左梅菜肉餅煲仔飯，好好味，仲有刮得起又咬得爛既飯焦，唔會太硬，好滿足！另外仲有黃金墨魚餅，次次都會叫，一客有八件。炸子雞叫左一隻，好夠味唔駛點准鹽。最後薑蔥炒蟹好抵食！二百幾蚊，有成兩隻蟹，抵呀！

如果沒有朋友的帶領，我們也不知道原來筲箕灣某條隱蔽的後巷中有間人氣大排檔，大家都專程為煲仔飯和鑊氣小炒而來。我們點了一客臘味蝦乾煲仔飯，打開蓋子一看，蝦乾和臘肉鋪滿飯面，真的非常足料呢！煲仔飯每口都充滿油香，但入口絕不油膩，吃到底還有我最愛吃的香脆飯焦。冬天吃過煲仔飯後全身都會變得暖笠笠，難怪成為這裡其中一款受歡迎的食物。第二款是椒鹽九肚魚，九肚魚外層粉漿又薄又脆，包着中間嫩滑的魚肉，外脆內軟的口感不禁令人一口接一口。美中不足是炸蒜粒粗糙鞋口，灑在炸魚上的椒鹽也不夠平均。最後是胡椒豬肚湯底雞煲，胡椒豬肚湯的味道甜甜地，有別於一般餐廳的味道，加上胡椒味不算濃烈，所以比較容易入口。雞件肉質滑嫩無雪藏味，不過比較瘦削沒有太多肉吃。我還是比較喜歡這裡的煲仔飯，不過謹記吃飯前要先訂位，不然有排等位。

少有黎到港島東既地方閒逛，見天氣涼涼地想食個煲仔飯，就去左之前有人介紹既祥囍。祥囍係位於筲箕灣既窄巷之中，當晚去到已經坐到出門口，不過我地都好快入座。因為我地得兩個人所以只係叫左個排骨滑雞煲仔飯同椒鹽鮮魷。煲仔飯最重要既係飯焦，祥囍成功做到了，飯既份量足夠兩個人食，味道亦都非常好。另外我地叫左個小菜椒鹽鮮魷，佢地做到個炸皮唔會好厚，而入面D肉亦都好大舊，唔會好似其他餐廳得條魷魚鬚，而已佢配埋炸蒜，食落特別惹味。期待下次可以叫多D人黎試下佢其他小菜、炒蜆炒蟹同雞煲。

去完石澳行山 出返去已經係食晚飯時間 成日見好多人話筲箕灣有間煲仔飯好食㗎今日就試下佢啱唔啱口味啦🤪•我地得兩個人既關係 有好多野都想食不過只能叫2樣去食 唔想做大晒鬼•真係有好多唔同種類嘅嘢食有得食雞煲，打邊爐同埋小炒我好想飲個胡椒豬肚湯鍋 望一望隔離太大兜放棄左🤨•我地叫左個🥢排骨滑雞+臘腸煲仔飯睇落唔多特別咁 但佢個飯焦控制得好好一啲都冇燶度 出面有好多火候控制得唔好個底全部都係黑色食唔到 🥢椒鹽鮮魷呢度菜去到每一間小炒店都係必點嘅鮮魷好大嚿 咬落好爽 仲有大量我最鍾意食嘅炸蒜 撈埋同煲仔飯一齊食絕配呀

環境地方一般，坐位較窄枱之間距離唔大，服務員態度服務正常，等入坐時間大約15分鐘，繁忙時間最好預約嚟到呢度最出名嘅煲仔飯店，梗係唔少得要試吓煲仔飯啦！叫咗兩款煲仔飯，分別係白鱔同窩蛋牛肉，飯上枱夠熱，好香同埋真係有飯焦，對比廟街出名要排長龍個幾間好好多，窩蛋牛肉飯啲牛肉好嫩滑，唔會太老，不過隻窩蛋就熟多咗少少，配合埋煲仔飯豉油味道啱啱好，每一啖飯都有飯香，仲食到有好好味嘅飯焦，白鱔就正常，揀臘味應該更香。大家可以試下！😋豬肺湯清甜足料，燙料有好多，豬肺，菜乾，雞腳，瘦肉熱辣辣飲完好潤仲唔會口乾，證明冇落味精，豬肺洗得好乾淨。👍🏼豉椒炒蜆，味道濃烈，夠晒入味，蜆肉洗得幾乾淨冇沙，又有鮮味。冰鎮梅子骨有啲特別，佢哋個碗底加冰再加保鮮紙然後上面放梅子骨，味道酸酸甜甜，味道尚可不過佢哋個名叫冰鎮其實唔係好凍，純粹係個名特別花巧嘢為主仲叫左咗小炒必食系列，椒鹽鮮魷同白飯魚，加蒜粒埋一齊炒好香好香，白飯魚同魷魚又冇炒到好乾身，入口仲食到有少少嘅水份，外皮香脆，火候控制得幾好👍🏼豆苗雖然炒得好香之不過因為材料本身唔太靚所以有少少草青味，食落口口感比較老總括嚟講雖然有啲好有啲唔好，但係都值得一試，尤其