影片
今日中午喺元朗仲未谂到食乜， 就试下乱咁行睇下钟意边间就入边间。 突然畀我哋见到呢间“神农氏 “，点解好似之前未见过嘅， 定系平时冇留意呢 。见系食西餐又好似几企理 ，里面都坐满八成，咁不如试下啦 。入到去得番吧枱嘅位置，都ok嘅。 我哋叫咗一个牛扒跟意粉同一个羊架跟意粉， 饮品就叫咗热茶 。每人大概六十蚊左右。嘢食嚟到原来系用纸碟装住 ，只碟唔系好大，食嘅时候有啲论尽 ，而且好唔环保 ，全部餐具系即弃嘅。不过食物味道几好 ，牛扒同羊架调味都入味，煎得几香食落几好食 ，都JUICY，而意粉都算弹牙有咬感 。成碟食物感觉落咗好多橄榄油落去 ，如果成碟嘢再少啲油就更加好啦。另外佢本身有急冻嘅扒卖， 我哋买咗一包牛扒有两块， 百几蚊左右， 返去简简单单咁煎都几好食。
继续阅读
老板经过呢间小店，就入去试下。铺头空间较小。入去只有3张枱，刚好撞佢维修冷气。。系今曰咁热天气我地只好用自己带黎嘅风扇仔帮手。。我地3个人先叫左3款食物试试。因为小店中午得一个人老细煮食。所以出餐会较耐。2人餐有龙虾生果沙律，沙律入面真系有龙虾肉碎，生果新鲜美味。蕃茄青口意粉，好浓厚嘅茄汁意粉配上青口。好食。2人餐要嘅牛扒意粉就冇乜特别就唔影。另点左个鳕鱼意粉，意粉有惊喜。用酒煮意粉好香，意粉幼身爽口，鳕鱼就比较细件冇咩特别，反而旁边配菜有黄瓜青瓜佢用香草炒过特别可口唔干身。隔离带子煎得好香口新鲜。唔错因为我地比较大食。所以再叫左个羊扒配薯菜。羊扒有惊喜唔骚味有肉汁正。薯条即炸。因为带子好食再叫一份带子（4粒）放埋一齐。不过小店冇人清洁餐具，用即弃胶杯胶叉胶刀纸碟。。呢方面比较唔环保。另外因为佢地开放式厨房。。 油烟好浓加上遇到佢整冷气。。所以食完出黎由头到脚都一阵油烟咪。午餐价钱我觉得都算贵，不过老板好有心煮嘅同埋都好食所以都ok.
继续阅读
系屋企hea足全日唔想落街，但又想食steak㖞，唯有叫归家中既另一半帮手外卖啦！之前都系呢间食过几次外卖steak，知道佢地制作时间需要20分钟，我预岩时间打电话去order左份烤安格斯肉眼扒配杂菜及薯条 ($139)，另一半去到就岩岩好啦可能另一半迟左去到餐厅，店员将份外卖加热先交俾我另一半，怕唔够热味道会无咁好，真系好贴心🥰外卖交到我手上都仲热，味道方面：steak都不错，大大块又肉味重，但唔算好厚身；杂菜用调味料炒过，所以都好惹味；而薯条俾外卖盒焗住既情况下竟然都仲香脆，食唔停口以食物既质素及价钱，呢间会系我食平steak既不二之选😆
继续阅读
猪肋骨太生、有血....同咗店员讲，但完全无补救措施，由得你🤮羊架超级无敌肥...无肉食牛系好食嘅， 算系今餐最好嘅肉类生蚝中规中矩，不算特别。龙虾沙律好食，但都无下次了.
继续阅读
有朋友同我讲呢度嘅龙虾沙律好好食所以一心过嚟试吓。可惜佢嘅龙虾沙律系好似冇得散叫嘅只系有二人餐入边先有得食，所以焗住叫𠮶个餐。个餐入边除咗龙虾沙律仲有生蚝牛扒同埋羊架，加精选嘅甜品。龙虾沙律的确几好食，至于生蚝味道一般，我自己就唔食羊嘅但系牛扒都好食。至于甜品就系一球朱古力味嘅雪糕咋。不过整体来讲人均消费$200又有龙虾又有生蚝又有牛扒，过下口瘾平平哋都几抵呀。
继续阅读