神燈海鮮酒家 (V Point)

营业中

休息中

很多朋友都推介，今次終於訂到位可以一試! 星期六晚訂枱，竟然訂到今晚 (星期日)，為免夜啲多人，所以我 book 6pm。 準時到達，發現已經有幾枱人食緊。坐低有碟前菜 (蜜糖合桃)，好食 👍🏻👍🏻，打開菜牌發覺都唔算平，而我哋一家三口就叫咗個二人餐，再加 1/4 隻黑松露燒鵝同海皇豆腐煲，埋單 $1,2xx。上菜：竟然係燒鵝最快 (額外叫嘅)，呢個有少少失望，唔熱，叫做暖，我覺得太肥，冇乜肉，同埋好細碟。 套餐:-濃湯浸菜加花膠，呢個唔錯，夠熱 👍🏻👍🏻 椒鹽豬手，佢話係招牌菜其中之一，但本人覺得麻麻炸蟹鉗，呢個正，又大隻，又脆 👍🏻👍🏻👍🏻粉絲蒸蟶子，過火咗，有沙菌、蓮藕炒四季豆，一般，冇特別炒飯，正常發揮奶黃包 及 桂花糕，正常發揮額外叫嘅:-海皇豆腐煲，唔太差大致覺得：枱與枱之間都有少少空位，唔算太迫，招呼都幾好，但偏貴，食過一次就算

尋日晏晝，約埋三五知己去咗銅鑼灣嘅神燈海鮮酒家，嘆返個精緻嗆早午市點心。聽聞佢哋嘅海鮮菜式做得出色，今次就專登嚟試嚇佢哋嘅點心水準，睇嚇係咪名副其實。🥢 黑松露燒鵝腸粉：香氣撲鼻 🥢第一道上嘅係黑松露燒鵝腸粉，一上枱就聞到陣陣黑松露嘅香氣，真是令人食指大動！燒鵝嗆鹹香同黑松露嘅獨特香味完美融合，腸粉皮薄而滑，入口即化，真係令人回味無窮！ 😋🍤 富貴瀨尿蝦餃：鮮味十足 🍤跟住就到富貴瀨尿蝦餃，晶瑩剔透嘅餃皮包裹住飽滿嗆蝦肉餡料，睇落就已經好吸引！一啖咬落去，蝦肉爽口彈牙，鮮味十足！ 🤤🐟 蜜汁脆燒鱔：外脆內嫩 🐟蜜汁脆燒鱔亦都值得一讚，鱔肉炸得金黃酥脆，外脆內嫩，配上香甜嘅蜜汁，真是令人停不到口！ 👍 雖然有人覺得蜜汁可以再濃鬱啲，但我覺得呢個甜度啱啱好，不會太膩。🍚 櫻花蝦叉燒粒炒飯：粒粒分明 🍚最後我唙仲叫咗個櫻花蝦叉燒粒炒飯，炒飯粒粒分明，乾身不油膩，櫻花蝦嗆香味同叉燒嘅鹹香互相輝映，真係好惹味！每一個都充滿驚喜，絕對是必點之選！ 💯🥟 其他點心：各有千秋 🥟除咗以上幾款之外，我前仲叫咗市橋白賣同紅油抄手。市橋白賣皮薄餡靚，肉汁豐富；紅油抄手辣度適中，麻香四溢，都算係不錯嗆選擇。💰

收工去咗銅鑼灣嘅神燈海鮮酒家食晚飯，真係超滿足！試咗蟹粉玻璃蝦球，蝦球夠彈牙，蟹粉嘅香味一流，每一口都好夠滋味！跟住試嘅蟹粉扒豆苗都好正，豆苗清甜嫩滑，加上濃郁嘅蟹粉醬，好夾！即燒乳豬就係一大亮點，皮脆得嚟唔會太油膩，食落又香又滑，簡直係經典粵菜！仲有黑松露玻璃燒鵝，真係不得了，燒鵝肉質啖啖嫩滑，表皮脆卜卜，再加埋黑松露嘅香氣，成個感覺好高級。整體嚟講，呢餐晚飯真係好滿意，無論味道定係環境都好出色，絕對會再嚟試其他菜色！推薦俾鍾意海鮮或者燒味嘅朋友嚟試下！☺️☺️☺️

餐廳的裝修很有格調，旁邊的卡位以艇仔的設計，別具特色～蜜汁脆燒鱔～燒得相當香脆，外脆內嫩，蜜汁甜甜的，令鱔的味道更可口～香濃雞湯蟹肉灌湯餃～超大的餃子，內裡都釀得滿滿的肉餡，很滿足～黑松露燒鵝腸粉～這個很特別，用上香嫩而油香的燒鵝肉，味道油潤好吃～鮑魚燒賣皇～鮑魚入味而冧軟，燒賣厚實而足料～鮮蝦炸春卷～炸得很香脆，不太油膩，內裡也是滿滿的蝦肉餡～陳皮牛肉球～又大又多肉汁，去茶樓是必吃項目～蜜汁叉燒腸粉～腸粉皮相當嫩滑，叉燒餡料也多，味道不錯～百味豆腐～外脆內嫩，豆腐很滑嫩，好吃～嗜嗜石鍋爆生腸～生腸份量足，口感帶點爽脆的，味道惹味～

黑松露玻璃燒鵝1/4隻伊比利亞叉燒王星洲麥皮蝦一品炒飯🔸呢間係我最鍾意嘅中菜之一，呢款將黑松露注入傳統嘅脆皮燒鵝，令到成隻燒鵝充滿住黑松露嘅香氣，皮脆肉嫩真係視覺同味覺嘅雙重享受！超級大推介❤️🔸想食肉？極品伊比利亞叉燒王絕對係你嘅最佳之選！以伊比利亞豬製成，肉質鮮嫩多汁，油花分佈均勻，入口即溶！🔸而星洲麥皮蝦真心係香口首選，用上新鮮彈牙嘅大虎蝦，配搭香脆麥皮完美提升層次！🦐🔸最後仲有招牌一品炒飯，用上頂級食材精心炒製，粒粒分明，勁多雞肉同蝦仁！香噴噴嘅鑊氣令人食指大動

知道神燈海鮮酒家最近在銅鑼灣登龍街開咗間分店，今日特登同朋友過嚟試菜。 呢間分店位置很容易找，就在V Point地庫。🥢 即燒乳豬 1/4隻燒乳豬的味道層次非常豐富，色澤金黃嘅豬皮非常酥脆，而內里嘅肉香和醬汁的香甜，令到每一口都充滿咗驚喜。🥢 伊比利亞叉燒皇伊比利亞叉燒皇採用咗西班牙伊比利亞黑豬肉嚟做，外皮烤到帶有一種淡淡的炭火香，而裡面嘅肉香，經過咗秘制醬汁嘅醃制和精心烤制後更加濃郁。🥢 星洲麥皮蝦6隻有6隻超大嘅老虎蝦，每隻都包裹著厚厚麥片，炸到甘香酥脆，蝦肉非常鮮嫩Q彈，麥片又夠乾身兼且味道夠晒清甜酥脆。🥢 蜜椒金薯牛肝連牛肝連嘅鮮嫩和金薯嘅香甜軟糯完美融合而成，再配上蜜椒嘅香甜和秘製嘅蜜糖黑椒醬汁，極之yummy。

「神燈海鮮酒家」菜式一向有保證😉最近發現原來銅鑼灣都有分店👀.⚠️此餐廳收取10%服務費💰.星洲麥皮蝦🦐單點$268💰麥皮蝦炸得金黃✨被脆卜卜嘅麥皮包裏住，蝦肉大隻爽口😆.即燒伊比利亞叉燒皇🥩單點$258💰伊比利亞叉燒半肥瘦😍厚切且燒到濃邊🔥加上香甜蜜汁，好味道🤤.即燒乳豬（1/4隻）🐖單點$258💰乳豬外皮燒得香脆😗肉質軟嫩帶油香😋沾上海鮮醬同砂糖又係另一番味道👍🏻.南乳脆香骨🐷單點$138💰外酥內嫩，鹹香入味😬.滷水乳鴿🐥單點$78💰微甜滷水味😌.前菜🥢$25💰炸白飯魚🐟.陳皮紅豆沙🫘單點$0💰.3.6牛奶布甸🍮單點$0💰.茗茶及滾水(2位)🫖單點$30💰玄米綠茶🍵

神燈海鮮酒家（V- Point）餐廳由新界將軍澳調景嶺小神燈搬到銅鑼灣登龍街18號V-Point地牢神燈海鮮酒家,餐廳裝修比調景嶺高級,餐廳主打粵菜海鮮酒家,服務員招呼態度殷勤有禮。手拍青瓜前菜手拍青瓜配料有蒜蓉,香茜,香蔥,辣椒,口感酸酸地增加食慾。鼓油王銀芽炒麵炒麵配料有紫洋蔥,芽菜,蛋絲,芝麻香蔥和芫茜,廚師炒得夠乾身不膩,炒麵口感爽口彈牙。星洲麥皮蝦餐廳採用麥皮炒蝦,麥皮脆而不膩,廚師炒得夠鑊氣,大大隻鮮蝦口感香脆鮮甜又彈牙。即燒伊比利亞叉燒皇餐廳選用伊比利亞豬做义燒,上桌熱辣辣,口感外脆內嫩,鹹甜適中,帶有煙薰香味。即燒乳豬（例）配有砂糖和乳豬醬,金黃色乳豬皮燒到脆卜卜,肉質仍保持多汁嫩滑。紅豆沙糖水晚飯餐廳送贈,紅豆沙內有陳皮甘味,微甜起沙,熱食好暖胃。

呢度嘅位置既方便 格局企理得嚟價錢公道之前嚟食過糯米炒膏蟹 念念不忘今次再嚟試埋其他招牌菜先～首先上檯嘅係琥珀合桃 脆口又香甜❣️即燒伊比利亞叉燒皇叉燒色澤紅潤 蜜汁光亮欲滴 肥瘦相間嘅肉質食落鹹甜交替嘅香氣配搭鬆軟口感絕對係上乘嘅廣東名菜❣️即燒乳豬一份係1/4隻 乳豬一上枱外皮金黃入口果然炭香味十足 名不虛傳外皮薄薄一層好香脆 師傅已經將多餘嘅肥膏去掉 油脂唔多乳豬肉部份輕輕燒過 香口又有肉汁配埋乳豬醬同砂糖 鹹鹹甜甜好好味❣️星洲麥皮蝦總廚嚴選優質麥皮 加埋炸蒜未有殼海蝦超大隻 炸煮至金黃 外殼好脆口 蝦肉多汁彈牙 也滲入了麥皮的甜香 重點係仲配埋炸過嘅九層塔 真係好似返咗新加坡咁❣️金湯海皇豆腐原來係用鹹蛋黃醬 豆腐重豆香好滑溜配埋粒粒嘅魚肉、帶子、蝦肉 撈飯食一流

早排搭Uber🚖，同個司機傾起食嘢，佢就介紹我食呢間好特別嘅黑松露燒鵝🦆，話隻鵝係黑色嘅，真係好特別。同佢傾完偈之後我都心思思咗一陣，終於尋晚有機會嚟朝聖。果然冇推介錯，真係超好食，其他食物嘅水準都好高✨，十分之有驚喜！—————————————————🔹 黑松露玻璃燒鵝 1/4隻 $238 黑色的燒鵝真的好特別，燒鵝皮脆肉嫩，黑松露味喺脆皮度爆出嚟，真係必點之選！
🔹 即燒伊比利亞叉燒皇 $258 叉燒皇外邊燒到脆脆地，入面又滑又腍，蜜糖同炭燒味夾到冇得頂，每一啖都係享受。🔹 星洲麥皮蝦 $268 麥皮同蝦一齊煮，甜中帶鹹。有六隻大蝦，肉質鮮嫩，好高質。
🔹 香汁鴨舌 $88 鴨舌入晒味，香香地，口感好正。
🔹 滷水豬生腸 $158 滷水味好出，豬生腸好彈好爽口，食落去真係大滿足。
🔹 3.6牛奶布甸 $32 牛奶布甸滑到漏，奶香濃，甜度啱啱好，好好食。
🔹 芒椰爽爽 $32 甜得嚟又解渴，芒果🥭同椰子🥥好夾。
🔹 15年新會陳皮紅豆沙 $36 紅豆沙煮到起沙，陳皮味好濃厚，食落去有種懷舊feel。
🔹 小食 $25 琥珀合桃 合桃脆卜卜，甜甜地，做小食啱晒。
🔹 茶介 $15 一位

我想吃粵菜滿足上一輩，又想有創意菜式滿足年輕人，服務也要好！神燈一次滿足我三個願望！🐷即燒伊比利亞叉燒皇$258.00- 西班牙🇪🇸進口的最高質腩叉，入口即化，五層腩層層相間油香滿溢！🪿黑松露玻璃燒鵝1/4隻$238.00- 不要被呈黑色的外皮騙到！- 一咬下去黑松露香氣爆發，外脆內嫩！十個讚！🦐星洲麥皮蝦（6隻）$268.00- 以麥皮作裹粉烤焗，纖維甚多又健康，甜中帶蝦鮮，不會過油，讚！🐠金沙脆香魚皮$98.00- 魚皮份量相當多，鹹蛋黃毫不吝嗇！🦀蟹肉菠菜豆腐盒$128.00- 極不平凡的賣相，外貌先取分數！在脆炸豆腐釀入波菜，再加上適量蟹籽調味，清淡之選🌰前菜（琥珀合桃）$25.00- 前菜也要提？這琥珀合桃裹上焦糖，入口爽脆又甜美，份量也不少，$25其實有賺！🫘紅豆沙（送贈）- 紅豆煮至起沙，入口不太甜，果皮味香，讚！

銅鑼灣V Point地庫有間老字號中菜館，喺佐敦屹立多年，中午主要提供點心，夜晚改為懷舊特色小菜。店內設有貴賓房亦有卡位，座位闊落，空間感十足，平日晚上都有八成滿，建議預先留枱，適合約一大班朋友嚟聚餐。黑松露玻璃燒鵝賣相一流，外層炭黑色，皮薄，帶一層邪惡嘅脂肪，肉嫩，吸滿醬汁，味濃，入口有淡淡黑松露香氣，點埋旁邊嘅燒鵝汁同酸梅汁更加開胃。即燒伊比利亞叉燒皇油脂分布平均，半肥瘦，帶油香，加埋蜜汁可增添味道。星洲麥皮蝦堆到成座山咁高，大蝦炸得乾身，大粒紮實，表面灑上脆脆麥皮，好似Mami麵咁越食越上癮。金磚豆腐粒份量比想像中多，外層炸至金黃酥脆，豆腐滑嘟嘟，值得一試。唔夠飽嘅建議要瑤柱金菇炆伊麵，麵條軟硬程度適中，口味偏淡，感覺健康，食完飽飽。

黑松露玻璃燒鵝，1/4隻分量剛好，外皮酥脆，肉質鮮嫩，黑松露的香氣更是為這道經典菜式增添了一份獨特的奢華感。接著是星洲麥皮蝦（6隻），蝦肉彈牙，麥皮香脆，每一口都讓人回味無窮。此外，我還嘗試了即燒伊比利亞又燒皇，這道菜不僅賣相精緻，味道更是一絕。伊比利亞火腿的鹹香與燒皇的嫩滑完美結合，每一口都是味蕾的享受。素菜方面，雲耳百合炒鮮准山讓我印象深刻。准山清甜爽口，雲耳和百合則增添了豐富的口感，這道菜式清淡卻不失風味。最後的大富豪炒飯也不容錯過，粒粒分明的米飯拌上豐富的配料，香氣撲鼻，讓人吃得津津有味。

朋友話好耐冇食中菜，係銅鑼灣搵到間神燈，我之前食過佐敦店質素都幾好，今次就去銅鑼灣新店試吓菜式選擇都幾多，對於選擇障礙嘅我就點了幾個餐廳嘅招牌菜每枱都有一小碟琥珀合桃作為餐前小吃，味道唔算好甜，香脆又美味✨黑松露玻璃燒鵝本店嘅招牌菜之一，來個中西合璧，燒鵝肥瘦比例均勻，燒鵝皮燒得香脆可口，更有黑松露香味，鵝肉嫩滑，做到外脆內嫩，沾一點酸梅醬汁，酸酸甜甜更美味✨星洲麥皮蝦 麥皮蝦是一道新加坡著名菜式，麥皮蝦炸得金黃香脆，蝦肉爽口搭配鹹蛋黃，面層嘅麥皮散發出煉奶嘅微甜香氣，甜中帶點脆口，味道都唔錯✨即燒伊比利亞叉燒皇 叉燒肥瘦比例均勻，食落軟腍鬆化，配上香甜嘅蜜汁，好味到停唔到口✨豉椒炒蟶子王（4隻）蟶子王好大隻，食落口感爽脆，味道鮮甜，搭配豉椒嘅醬汁，香口又惹味最後更有甜品贈送，可選擇陳皮紅豆沙或3.6牛乳布甸作結尾無論佐敦店或銅鑼灣新店，都仍然保持到水準，值得支持

總分：5.83🐑金沙脆香魚皮-炸得幾脆，但太多油-5.5🐑神燈小炒皇-偏甜，用甜醬炒，未必人人啱口味-5.5🐑生炸黃油雞-雞幾滑，鹽味夠-7🐑杏片炸蝦丸-炸得幾脆，但太多油-5.5🐑啫啫芥蘭煲-芥蘭淥得太腍，幾香，但食到尾鹹咗啲-6🐑炒新竹米粉-好味嘅，但係都係偏油-5.5🐑