神戶屋日韓放題

营业中

休息中

今次來到神戶屋，真係被這個日韓自助餐驚艷到！🥢🍣  餐單上有大閘蟹、魚生、炸物，小菜等。 魚生厚切有三文魚，還有新鮮的吞拿魚、八爪魚、劍魚腩等，令人一試成主顧！🤤 C 餐還有生豪提供，鮮味非常，一口接一口吃😚特別推介創作壽司，口味獨特，吃一口就停不下來！除了壽司，還有油炸年糕和炸榴槤，絕對是味蕾的雙重享受！🎉 自助區的半邊爐配料選擇豐富，隨心所欲地搭配，還有多款飲品可選，讓你在吃的時候不斷驚喜！🥤  最後，甜品雪糕環節也不能忽略，讓你圓滿。服務態度超好💛，收碟速度快，讓我無需擔心，專心享受美食！✨ 神戶屋是個適合聚會和慶祝的地方，值得一試！

一行四人去walk - in 食晚餐，點了放題，食物中以火鍋好D, 刺身就一般。炸物推介榴槤炸彈。甜點都ok, 但當中點的吞拿魚壽司就出事，咖喱湯麵不熱的，無咖喱味，很伏。

一入到門口，迎面而來嘅係怖置得靚靚嘅聖誕裝飾，瞬間感受到節日嘅氛圍一坐低首先品嚐左新鮮嘅刺身先，種類繁多，包括帶子、三文魚、希靈魚、象拔蚌、甜蝦同我最喜愛嘅魷魚跟住係日式和牛壽喜燒，湯底濃郁，令我驚喜嘅係牛肉嘅彈性，好煙韌，除左呢啲主菜，仲可以出去拎啲菜、丸等等，選擇多到令人眼花撩亂熱盤方面都有心思嘅，例如羊架、牛柳粒、炒烏冬同人參雞湯，每一樣都好好食，而且上菜速度好快，食都食唔切。最後食埋雪糕就好完滿啦

朋友話神戶屋日韓放題超好食，要再encore去滿足下，食物出得快，又好食，選擇又多，仲有好多稀有食物，好回味既松葉蟹腳，磯煮冷鮑魚，生蠔，雞泡魚乾.刺身好吸晴，好豪華，打卡一流，有生蠔，松葉蟹腳，磯煮冷鮑魚，三文魚，每樣都好新鮮，鮮甜.驚喜有大閘蟹，蟹膏味道非常濃郁，質地綿滑濃稠，蟹肉鮮甜.壽司一樣好豪華有龍蝦沙律軍艦，黑松露珍寶帶子壽司，海膽壽司，真係高級，好鮮美，超好食.海老天婦羅，松葉蟹棒天婦羅，外脆內軟.榴槤炸彈，爆槳，榴槤味好重，好好味.燒牛舌，牛舌軟熟，牛味濃，好味!

朋友生日梗係要去食放題啦，又有日式，又有韓式既放題真係好少有，就同朋友去食神戶屋日韓放題，仲要有大閘蟹，真係好有驚喜!刺身好奢華，竟然有生蠔，松葉蟹腳，磯煮冷鮑魚，生蠔好creamy，肥美，濃郁海水既鹹鮮味，正! 松葉蟹腳，肉質細緻鮮甜，鮑魚好爽口，新鮮，三文魚好肥美，油脂豐富，全部刺身都好新鮮，好味.醬油蝦好鮮美，唔鹹，超有雞泡魚乾，好惹味.大閘蟹，爆晒膏，蟹膏甘香味濃，蟹肉肉質細膩，味道鮮甜.炸物必食，榴槤炸彈，日本香芋丸，外脆内軟.鹹蛋黃金蝦，每隻蝦都有鹹蛋味，外皮酥脆，蝦肉爽嫩，蛋黃濃厚.龍蝦沙律軍艦，一啖過真係令人好滿足龍蝦沙律，好足料，好鮮甜.黑松露珍寶帶子壽司，黑松露味道濃郁，帶子渾厚肥嫩，超豪華.韓國甜辣炸雞，酥脆香辣，好惹味!仲有壽喜燒，打邊爐，飲品，甜品，雪糕任食，真係超滿足!

天氣轉冷，老婆鐘意食壽司刺身，我又想食熱辣辣野，係旺角兜左個圈….食咩好啦，宜家好多都舖食嘅野差唔多咁，由於要老婆想法優先，所以簡左壽司放題，因為半年前黎過呢度，覺得正常唔差，所以同老婆大人提議番去神戶屋，難得老婆無ban我！7點幾係兆萬估唔到咁少人，以前都叫排住隊等電梯上去樓上果幾間食肆食野，家下直行直入，位都唔洗等，坐好點餐，由於刺身優先原則，老婆自己叫，雖然呢度係食刺身放題，其實佢都有打邊爐啊！想食熱食嘅我就叫左一堆熱食加邊爐。開頭上檯嘅牛肉都係唔差，食完仲可以係出面自己拎，但應該係唔同款牛肉，仲有少少丸類，菜等，湯底係壽喜燒，一路滾一路食非常夠味，仲有其他小食好似小龍蝦，一口牛（食落唔硬剛剛好），炒烏冬都唔係整定，我估都係即叫即做，未叫有鑊氣，但以一間食刺身嘅店黎講都算係咁，係個人參雞湯失色左啲，上到檯我都唔知係咩😂！最後食埋甜品豆腐花，雪糕雪條，就咁用左2個鐘就走嚕。

旺角兆萬中心神戶屋💃🏻放題價錢都幾親民，仲可以坐好耐😌 飲品都已經有好多款比人揀！🥰 有韓國品牌飲品，有本地品牌都有罐裝同紙包裝🧃亦都有啤酒添🍻先黎頭盤刺身，賣相100分！😻😻三文魚係厚切，仲有大大隻生蠔，鮑魚，生蝦等等都好新鮮！🦐呢個季節仲有大閘蟹食添🦀我再揀左呢個海鮮蒸鍋，上層蒸海鮮，下層可以係出面自助吧夾丸打邊爐🍲蒜蓉粉絲扇貝真係好惹味👍 扇貝肉質鮮嫩，粉絲夠哂滑，兩者結合有唔同口感層次，蒜蓉夠多夠香！炸物方面我最喜歡雞軟骨🙌🏼 新鮮即叫即炸🫶🏻整體黎講飲品同食物總類有好多野揀，好多款✌🏻最後仲有韓國雪條食添！

餐廳卡位充足，與朋友悠閒地品嚐美食、聊天，實在係一件快樂嘅事。而家正值大閘蟹季節，每人都會送一隻清蒸大閘蟹，即叫即蒸，上到枱仲係熱騰騰，目測大約有三兩半至四兩重，仲係蟹公添，配備齊全工具和蟹醋，黃色蟹膏和白膏都很飽滿，入口甘香，實在令人滿足。大大盤刺身拼盤每一片都很厚切，現點現做，冰冷口感很新鮮，個人最愛拖羅，油脂分怖平均，入口油脂即刻化開，很驚艷！牡丹蝦都唔錯，又滑又爽口，仲有凍鮑魚、鯛魚片等，都係我哋主攻目標😄來一場海鮮盛宴，我哋早到，可以選擇了蒸海鮮組合，蒜蓉焗生蠔、蒜蓉粉絲蒸扇貝、開邊海蝦、青口、東風螺、清蒸嘅方式完美可以保留了海鮮鮮味，款款都滑潤可口，份量也相當驚人！

希望大家可以用少少時間睇一下🙇🏻‍♀️ 因為太嬲所以寫咗好多😂亦都希望對你哋有幫助難得快聖誕+屋企人生日咁就約咗出嚟慶祝啦呢間嘢打廣告又打得咁勁睇落去又真係好多人食咁樣咁咪諗住試下囉🫠點知試下試下嚇你一驚❗️💢直接畀我列入黑名單🚫1)價錢💰咁我哋就兩個人去食飯，5:30入坐一個人$300多少少仲有加一服務費(冇計額外加嘅嘢食)一餐飯咁就$626其實呢個價錢都真係還好，但係我唔覺得佢呢個價錢對得起我食嗰啲嘢😮‍💨廣告就話二百幾樣嘢可以任食啦，實質上佢有啲嘢都係要額外加錢先可以任食/加錢叫一份(例如: 生蠔、大閘蟹、海膽...)咁就唔好講到全部嘢都任食啦😅你第一次落嘢食佢會畀張紙你叫你寫喺張紙上面先(一張係刺身另外一張係壽喜燒/蒸氣火鍋...)食完之後先再用手機落單。點解要咁樣分開落？就係因為佢將紙上面嘅刺身款式係比手機落嘅款式多🙃又話任食，我發現嘅時候真係笑死2小時任食，甚至乎都未到時間我哋就走咗💢(因為真係太過份完全冇心情食，詳情可以睇第2段)咁嘅價錢就唔該畀返少少質素😅2)上菜時間+數量⏱️第一次用紙手寫落嗰張會好快就上畀你，但係注意❗️之後嗰啲差唔多都要等15-20分鐘(炸物串燒 佢有寫明

整體嚟講唔係太好嘅體驗之前都食過但係 今次相比起好幾年前落差實在太大先埋位嘅時候 上一個嘅垃圾其實都冇清理好不過呢個都冇出聲 過咗幾分鐘之後有兩碟前菜嘅嘢然後嗰個螺肉 質感同香口膠差唔多刺身-上面類似玉子嘅飾物 食落去有浸臭味清酒煮蜆-有浸酸餿味 乾噌噌 試咗兩三隻都係咁 同咗店員反映話佢了解一下之後就不了了之雖然三百幾蚊食放題 都唔係話真係太大要求但係起碼希望食嘅嘢係新鮮或者唔係臭先希望店鋪可以多加注意有所改善。

呢度全部都係卡位，同朋友休閒地食吓嘢傾偈都真係幾好坐。餐廳位於旺角兆萬，交通方便，容易搵。刺身拼盤款款都很厚切，即叫即整，入口凍冰冰，無雪味，我哋專攻嘅就係呢個set配備嘅生蠔，連殼嘅生蠔賣相通常誘人，帶有自然光澤，size不算大，係屬於爽口嗰類，帶有淡淡咸味，很有海水味。我哋揀咗 蒸海鮮蒜蓉粉絲蒸扇貝、蒜蓉焗生蠔、海蝦、青口、東風螺，清蒸能完好保留海鮮味，不需要過多調味，已很鮮甜。仲有至愛嘅海膽軍艦，新鮮嘅海膽入口很滑潤，份量大大份添！而家大閘蟹季節仲會一人附送一隻大閘蟹，目測大約四兩重，工具蟹醋一應俱全，蟹膏很澎湃，入口甘香，很不錯呢！

埋單食咗HKD1499 ， 3個人， d 嘢食唔新鮮， 特別係生豪同魚生，d 豪係腥嘅，長腳蟹好乾又鞋， 壽司係爭鮮都好過佢，魚生都係唔新鮮，超級超級垃圾真心唔好嚟食， 中咗伏一次都嫌多， 生日飯如果特登嚟食真係不了，垃圾食物唔怪得d 人唔留香消費， 無一樣嘢食值得推介，好嬲呀！ 1499蚊我可以俾多少少去第二間食好D, 花錢請打手唱好不如認真做好啲食物， d打手寫到天上地下無咁， 第一次留差評！！！500夠我去酒店食自助餐啦！

「神戶屋」這間任食放題餐廳，食物款式選擇多樣，食物質素上乘，最近更可品嚐大閘蟹，讓人垂涎欲滴，十分超值！刺身方面非常新鮮，口感鮮嫩，保留原汁原味。其他海鮮如扇貝、青口和大蝦等，經過簡單的蒸煮，保留了最原始的鮮味，風味出色。而大閘蟹更有很多蟹羔，令人回味！放題食物選擇很多，除了刺身海鮮，亦有鐵板串燒美食！肉串肉質鮮嫩，調味入味，肉類和海鮮拼盤在鐵板上快速烹調後，保持原汁原味。而炸物甜品更是不可錯過！炸日式炸蝦外脆內嫩，搭配的醬汁增添了風味；而韓式炸雞則是外酥內嫩，醬汁香甜可口。餐廳的雪糕雪條種類繁多，清新滑順，令人回味無窮。水果拼盤更讓豐盛的晚餐完美收尾。

用朋友黎神戶屋食日式放題，咁啱仲做緊大閘蟹放題，簡直雙重享受!放題食物種類真係有多好，海鮮、壽司、刺身、串燒、燒物，仲加埋火鍋，加上啤酒氣水都係放題任飲，最啱一大班朋友黎聚會。刺身拼盤 / 壽司刺身有帶子、墨魚、三文魚腩、甜蝦、北寄貝、油甘魚、磯煮鮑魚，仲有生蠔、醬油蝦同埋好大隻既蟹腳，海膽軍艦都非常鮮甜。雞煲雞煲味道好入味，唔會太辣，而且有好多配料，丸類、餃類、響鈴，同各款蔬菜。燒物燒物就試咗羊架、雞泡魚干、鰻魚、燒蠔等，同埋榴槤炸彈、炸芋丸、燒菠蘿。大閘蟹大閘蟹品覱唔錯，蟹膏都算多。飲品 / 甜品啤酒氣水雪糕全部都係自助任飲任食。

最近我造訪了位於兆萬中心的「神戶屋」，這家餐廳的任食放題選擇豐富多樣，尤其在大閘蟹季節，提供的美味大閘蟹更是讓我印象深刻。在刺身方面，鮮度令人驚喜，肉質鮮甜，搭配特製醬汁，增添了風味。除了常見的鮭魚，還有奴扇貝、青口和大蝦等海鮮，經過蒸焗處理，不僅保留了原汁原味，淋上蒜蓉醬後，更加美味可口。接下來是燒烤類，這部分的表現也頗具亮點。餐廳的豬肉、牛肉和雞肉串，肉質鮮嫩，燒烤火候掌握得宜，外焦內嫩。特製燒烤醬為肉串增添了香氣和風味，每一串都散發著誘人的香味，讓人忍不住多點幾串，享受那種炭火烤制的獨特魅力。在鐵板燒的選擇上，餐廳提供了和牛粒、羊架、三文魚腩骨和菠蘿等新鮮食材。這些食材保持了原味，搭配橄欖油和海鹽簡單調味，口感鮮脆，讓人十分滿意。炸物方面，日式年糕非常軟糯，口感獨特，而韓式炸雞的外皮則酥脆，內裡多汁，搭配的醬汁更是為其增加了豐富的層次感。最後是甜品，這部分同樣不可忽視。冰淇淋的口味多樣，特別是抹茶和芒果味，滑順可口，令人回味無窮。水果拼盤則色彩繽紛，提供了清新的口感，為這頓豐盛的大餐畫上完美的句號。總體來說，「神戶屋」的食物選擇豐富，質量上乘，特別是在海鮮和燒烤方面表現突出。這是