神廚館 (已結業)

Chef God Kitchen神廚館was first found in Taikoktsui opposite HSBCbuilding. It was then relocated to Ivy Street near Cosmopolitan Estate but soonmoved to 61 Tai Kok Tsui Road now re-named as “MUGS”. The renowned cuisine isFried Squid Cake served with sunshine egg and rice sprinkled with seaweedstrips. It now costs HK$55 with free drink. The price is a bit above the averageof lunch set in the vicinity. However, if you appreciate the flavor of Fried Squid Cake like I do, it is well worth theprice. Not

「神廚館」我又尼啦！招牌墨魚餅係我最愛就當然架啦 上次已經介紹左大家而事實上尼度亦都有豬小姐嘅第二至愛 就係美極香煎薄牛飯啦！飯一上枱 美極豉油香味一湧而上 薄牛有成四五塊 滿滿的醬汁方面主要當然係美極啦 同時亦加入令香味更濃更提升嘅蒜蓉同蔥粒 用尼送飯真係一流！底下有爽脆嘅椰菜 名符其實係有肉有菜講下主角薄牛啦！薄牛厚度大概5cm左右甚至更薄 薄薄的牛肉口感鬆軟夠哂腍 原來有時唔一定要厚切先得到滿足醬汁打芡黏稠程度剛好 黏住每塊牛肉 確實惹味無得輸而招牌墨魚餅一如既往煎得金黃 圓碌碌嘅佢足料味美 每口都係彈牙嘅墨魚同健康嘅蘿蔔粒加埋太陽蛋嘅蛋黃精華 誇張啲講 發現墨魚餅係枱枱食客必點的 豬小姐會再試下其他菜式 食過番尋味嘅再介紹比大家啦

响大角咀食咗咁多次quick lunch, 終於可以俾個笑笑好評。今個星期黎到這間個名改到霸氣十足的小店叫 - 神廚館，相信老闆一定好有信心，否則不會取一個咁"神"的名。墨魚餅是神廚的招牌菜, 當然要試啦! 墨魚餅炸到金黃色, 咬落去很爽口彈牙, 外脆內軟, 而且有啖啖墨魚肉, 真不愧為鎮店之寶, 配上煎蛋真係神來之筆, 再落埋甜甜地的豉油响白飯到真係好夾。但如果個墨魚餅可以厚多少少就更perfect啦! 至於泰式酸甜汁豬扒飯的豬扒很淋, 但個飯整體黎講就唔太特別。

午餐搵食，黎到大角咀，的確令人花多眼亂，短短三幾條街，食市多達幾十間。今日專程黎一試墨魚餅🤔目標就在眼前，即試墨魚餅，新鮮炸起，脆邊👍內有墨魚肉，煙靱👍👍有少連墨魚鮮味👍👍調味剛好，唔咸👍煎蛋，即煎，美中不足，無脆邊👌加少許鼓油係蛋上，又可變奏成鼓油煎蛋飯😂😂😁淡而無茶味👇比奶茶好，有少許檸檬香，可惜敗筆之處，茶杯滿佈「茶漬」清潔度大跌😩整體黎講，主食墨魚餅係要讚既，期待下次再試👍

出名的墨魚餅又怎會不吃？成個餐廳都係叫這款食物！我叫了墨魚餅米線，朋友叫了飯，兩個都有荷包蛋在上面，個餅的確香又夠大件又彈牙，也是煎得剛好。雖然店員叫我們將蛋在墨魚餅上撈好，我自己並不覺得這樣會令墨魚餅好吃點。其他的都很平凡，米線無味。

今天經過大角咀，專程來試試呢間嘅墨魚餅，以前係HSBC 中心樓下，不過現在搬左去埃華街。叫左個墨魚餅拼煎蛋飯，塊墨色餅同蛋都煎出來熱辣辣，程金黃色，個蛋就普通啦，不過墨魚餅就好出色，金黃爽口，裏面有墨魚肉，正啊啊，配埋豉油汁都幾夾。 另外叫左杯凍奶茶，不過普普通通啦。 墨魚餅不錯，值得再來！

朋友推介這裡的墨魚餅，於是，決定要試試這裡的招牌菜 - 海苔墨魚餅飯。侍應先送上咖啡，一嚐，味道很淡。=.= 可是，今次的重點不是餐飲，不要緊。海苔墨魚餅飯終於送上。一來，已聞到很香的氣味，迫不及待一試。墨魚餅外皮脆，裡面的肉卻十分彈牙。可惜整個組合：飯，海苔，墨魚餅和煎蛋也是乾的，吃起來真的很乾。=.= 如果飯可以加點醬汁就更開胃。平時口味清淡的我，甚少另外加調味醬料，今次，我最後是自己落了甜豉油送飯。同行友人則叫了相同的菜色，只不過是米線，不是飯。據她所述，米線有點煮糊了，湯底亦有點咸。總體而言，整個菜色最有睇頭的真的只有墨魚餅。^^"

叫咗個招牌墨魚盒，即叫即整，為求上枱熱辣辣。墨魚餅真係彈牙，又有咬感，如果厚返D，就爆哂分。個魚骨紫菜湯好鮮味，加埋D胡椒吊味，好特別，但我覺得咸咗少少。值得推介大家一試。

这里墨魚并反非常弹牙好食，白反上面隻荷包蛋也好正，加埋枱面既甜豉油，冰凍薏米水有薑味，我好鈡意，叫了兩杯，炸云呑用墨魚做材料也值得—讚，唯独盐酥鳮就可以不点了。总括來说，值得推介既小店，服务也很好

大角咀嘅神廚館 已經有兩三年無去過了特別掛住佢嘅美極牛扒飯 墨魚餅 同埋紫菜白胡椒魚骨湯可惜可惜 今次食嘅感覺完全唔同 完全跌曬watt先講美極牛扒 個美極汁刀都keep到上面嘅蔥蒜同美極融合 非常惹味但係個牛扒就極道令人失望好多筋 好靭 咬極都咬唔斷個墨魚餅比起以前難食左好多雖然都有一粒粒墨魚 不過真係溝咗好多粉食落有點糊口估唔到冇食幾年就跌咗咁多watt神廚館真係要加把勁唔好令其他支持者失望

「神廚館」係我同豬先生間唔時嘅晚餐落腳點 點解？因為為左佢嘅墨魚餅而尼囉 自家製嘅紫菜魚上骨湯同樣令人飲過番尋味架 今晚叫左海苔窩燒墨魚餅配米粉 平時配開靚仔嘅 但天口咁熱 食粉濕濕口先 老闆娘一如既往會問太陽蛋好唔好？ 當然好另外加個紫菜方魚肉碎泡飯！本身餐飲想叫兩個湯嘅 但老闆娘話湯飯嘅湯底同樣係魚上骨湯 只係淡啲 既然係咁 一個飲湯 一個整杯凍檸茶吧靚湯先上！名堂紫菜白胡濃魚上骨湯飯碗size 湯熱辣辣 白胡椒味相當濃郁 飲落去個種胡椒辣啃啃地好鬼過癮 紫菜蔥花係重要嘅陪襯 增強好感 飲得出湯無味精 自家餚製 的確不得了皇牌墨魚餅登場！太陽蛋煎得好靚 蛋白邊位煎至微焦 而蛋黃旁邊嘅蛋白依然水漾 咇出尼嘅蛋汁加豉油如果用尼撈飯簡直一流 不過今次豬先生成個蛋黃啜 yummy yeah主角墨魚餅係金黃色嘅圓餅狀 賣相十分吸引 墨魚餅煎至乾身 唔會油膩 同紫菜條一齊食相當夾！更可口！切開後會發現入面除左墨魚粒仲有蘿蔔粒 食落香口十足 啖啖都充滿彈牙爽口嘅墨魚 除左墨魚粒 其餘部分應該係墨魚膠 用料充足難怪如此爽彈 紫菜方魚肉碎泡飯驚喜不大 湯底的確較淡同清 豬小姐自己加左啲胡椒粉調味 如

大概一年前，已嚐過這裡有名的墨魚餅飯，當時已感覺驚艷，幾年前再路過大角咀，遂心血來潮，再來一嚐。這次點的，依然是墨魚餅飯。照片中清晰可見，太陽蛋煎得很「靚」，無可批評。至於「主角」墨魚餅，炸的很脆，值得一讚。口感非常彈牙，墨魚的味道也非常突出。以五十多塊的價錢而言，此可謂上乘之作。順帶一提，服務員的態度也非常親切。服務員與食客的交流，令人感受到濃濃的人情味。

放左工返到大角咀, 未諗到食咩好, 係條街行左個圈, 行到神廚館門口, 諗起都有一段時間無食神廚館的墨魚餅飯, 就入去回味下.海苔窩燒墨魚餅飯: 墨魚餅外脆內彈, 有墨魚粒, 但味道比較寡; 太陽蛋熟度剛剛好, 蛋黃同蛋白都好滑, 有蛋香: 白飯夠軟綿, 另墨魚餅下有椰菜, 椰菜爽甜. 凍檸檬茶, 夠茶味, 甜度適中, 有檸檬甜酸香埋單價$52+2, 整體味道合格有餘, 雖不算突出, 但可以一試! 

很久很久以前 (真的很久, 差不多已有五六年) 已經想吃神廚館的墨魚餅飯, 但就是一直沒機會, 多得要好的中學同學搬新家, 見面時她就順便帶我一起去吃餐廳是典型茶餐廳格局, 可容納大概二十多人, 小店來說算蠻大的 (但忘了拍)一打開餐牌就是名物墨魚餅飯, 也有不少碟頭飯, 但沒有多想, 直接就點了海苔窩燒墨魚餅飯 ($50)很快就到了, 墨魚餅上有海苔點綴一下, 更有煎蛋可以伴飯吃墨魚餅外脆內煙韌彈牙, 調味剛好又充滿墨魚香, 配上煎蛋和甜豉油就是簡單又好吃, 不用十五分鍾便把整個飯給消滅了墨魚餅側拍, 看起來有點薄, 如果可以再厚一點就更好了墨魚餅味道不錯, 雖然價錢有點小貴, 但也絕對明白小店經營的難處, 剛好經過的話應該也會再吃, 多支持小店嘛~

大角咀，是很多出名小店的發祥地，多得我的半主場之利，無論返屋企或番工，大角咀也是我工作經常出入的地方。這些年，車品品，英記，金船長等等曾經也在openrice 風雲一時，當中，最喜歡的就是以前在我公司的對面的神廚館。從前在匯豐對面小小的舖，雖然坐得不舒適，但流露是小店的自然，客人就算坐得迫也不會覺得感覺怪怪，就像回到家一樣，可能是我習慣了小小的家，小小的溫暖，而且在香港寸金尺土的地方，加辣加辣再加辣下，余均益都用完，樓價商舖價也是日日繼續上，我的家還是只有小小的，換大樓，想想也沒能力，大概我想辣到條脷冇左知覺，落哂全香港既余均益，應該都不會有好結果。成功需苦幹，一道墨魚餅，令神廚館的名字，活躍於貪食如我的人心目中，明星來光顧，食家來朝聖，大角咀的龍頭大概也離不開一二。突然有一天，上班經過這裡發現關門了，還在擔心是否另一名店被香港的地產主義迫害的時候，誰知，原來係洗盡鉛華，修成正果，搬到埃華街大舖去。搬左咁耐，我發久佢好似真係好似唔洗做咁，一次，兩次，三次，都冇開門，我還奇怪是否要在埃華街立足就要有性格過車品品，要成為呢條街最有風格既食肆。今晚，吃完飯後經過，我發現神秘的神廚館竟然開左門