神川日本料理 (已結業)

我好耐無見的澳洲中學同學同佢老婆同4歲多的可愛仔仔返香港幾日，話想食特別既野，我更系要帶佢地黎食呢度既 signature 瀨尿蝦🤩！佢地食完都話好特別同好驚喜，澳洲食唔到😎！澳洲出名海鮮平靚正，但佢地話呢度 既象拔蚌係好鮮甜，貝類真系我最愛！其他所有刺身都好有味道，唔似我出面食開，無乜味道既刺身！主菜系燒蝦，上面系好復雜既菇醬 (我當然秒忘師傅講咩🤣)。我唔知原來朋友會帶埋仔仔黎，師傅立刻煮左關東煮同蛋餅俾小朋友，小食家清曬！只可惜呢度放得12張相，仲有幾張好想post 啊！餐 lunch 食左4個鐘因為太耐冇見我friend 所以狂吹水， 師傅都好有人情味情願唔落場，都冇催我哋走。真系好欣賞呢啲咁有♥ 嘅小店，值得擁有更多支持！…Read More

價錢平係平，但就係一堆比較差嘅食材大堆頭堆埋一齊，presentation 都幾肉酸，唔知叫抵定唔抵，千幾蚊位食啲咁嘅嘢。 feel到師傅好有熱誠好有heart去做，但講就好似犀利，食落手勢係差啲，唔係嗰回事。 姨姨服務好熱情。 千祈唔好望佢個廚房。 不過又未到難食嘅，符合佢個定位：平價omakase…Read More

由於朋友唔係咁鍾意食生，所以佢無去過omakase。這天慶祝她的生日，我們就來試一下食生野🤭 前兩日師傅主動同我哋溝通好，知道大家的喜好同埋預算。好欣賞師傅好努力咁整到啲野食易入口🤩 唔鍾意食生嘅人食落都唔會覺得腥😚我哋揀咗人均$600嘅budget，冇諗過呢個價錢都可以食omakase，而且係好好食！☺️ 師傅精選咗時令而又易入口嘅食材，每道食物都有介紹產地、食法、烹調方法，例如有啲食物係要用手食，師傅準備好消毒紙巾俾我哋，仲提我哋抹完酒精唔好即刻食野，因為酒精有苦味要等佢揮發晒先，成餐飯食得好輕鬆放心💕食飽飯師傅仲有同我哋傾偈，讚我朋友肯試晒各款食物，又有問我我哋最鍾意邊道菜，我嘅話最鍾意頭盤嗰隻蟹仔，好似硬少少嘅薯片咁，真係好好食！🤩不過師傅話可以食呢隻蟹嘅時間好短，大概只當造一個幾月🤣 整體嚟講好推薦大家嚟呢度試吓☺️…Read More

今次去咗西營盤一間喺區內幾出名嘅日本餐廳～見到佢嘅omakase係可以自己定價錢就忍唔住去咗試喇🤣全部食物都好新鮮，服務一流~我哋去之前會打電話同我哋傾我哋想食啲乜嘢，只要講得自己鍾意食啲乜，佢都會盡量幫你安排好細心嘅服務~嚟緊朋友生日都會再去完全係值得一試生蠔勁大隻好鮮甜～…Read More

同朋友嚟食晚飯。唔係第一次嚟呢度但每次都好有新鮮感，當然亦好好味。今次試吓$600 Menu，我冇諗過有咁多道菜。Chef 一如既往很用心地解釋每一道菜嘅製作，同埋嚴選嘅食材。呢個價錢好少可以有咁高級既親切嘅體驗。再加埋坐外面張枱，對住內街人邊食一邊同朋友傾偈，個feel簡直一流。正！…Read More

今日多謝師傅為我哋準備餐豐富有特色嘅廚師發辦晚餐，有幸試到招牌菜糖心賴尿蝦，真心好味有創意，所有菜式令人回味無窮。🥰😍非常感激師傅今天不放假,為我哋準備美味嘅菜式。…Read More

不嬲都好想去食呢間嘅溏心賴尿蝦🥹嗰日lunch嘅時候去咗食，每人埋單$750，都食咗八款刺身，全部好高質同埋好食🦪師傅都好好人，好詳細咁樣解釋每一道菜🍤而且同坊間omakase唔同唔會咁多壽司🍣主要刺身同熱食。結果嗰日都係返唔到賴尿蝦，不過其他刺身都好好食。一開始前菜嘅螢光魷魚好鮮味，味道調校得好好🦑刺身係熟成味道比較濃郁，個人比較重口味，同埋鍾意油分重啲嘅刺身🤣最鍾意係食左口魚同埋秋刀魚🤤嗰日值得一讚嘅，仲有個海膽好鮮味✨熱身有可以生食嘅雞扒，師傅知道香港人唔係好接受到山雞肉嘅質感(包括我)煎到五六成熟口感好滑🍗最後師傅請咗我哋食一碗海鮮粥，粥底係四年來嘅海鮮精華，超濃郁🧡環境好chill，係traditional日本居酒屋feel🍢夜晚來氣氛應該會更好，一定會再去🍡…Read More

前菜三品，由左至右：海綿豆腐- 連昆布浸左一晚鏗魚汁果然名不虛傳海膽布丁- 感恩師傅勇敢訂落$1800/板嘅海膽，好好味呀🤩加上自家醃製魚子，mix and match，想encore呀🤤胺康魚肝- 面頭嘅蘿蔔蓉同香蔥都不及中層嘅焦糖搶眼🤩焦糖脆香，魚肝軟綿，口感豐富🤩芥末- 靜崗縣嘅芥末加蘿蔔加強辣味，連wasabi都唔可以睇少👁️👁️八角魚- 師傅介紹佢係超醜樣嘅魚，成隻史前生物咁🤣但口感異常爽口清甜；返貨難，要800g以上油脂才充足，感恩我有幸試到🥰長崎縣深海池魚- 魚頸部分，超厚切，超鮮甜呀🤭真正嘅北寄貝- 原來平時食嘅紅色北寄貝係加拿大北極貝，真正嘅北寄貝無紅色架🤪新鮮5:45pm到，爽甜creamy集於一身，幸福💋平時食爽就爽，creamy就creamy，呢個口感真係第一次🤩長崎縣嘅竹籤魚- 條魚本身無咩味，即場炭燒灑海鹽，yummy🙌只有秋冬至好食嘅魚，因為佢哋唔洗忙住產卵/ 游來游去😌長崎縣野生鰤魚- 即回流嘅油甘魚：熟成十日配柚子鹽：野生的比養殖的更大條，油脂更豐富，更鮮甜😙熟成十日，軟化左筋，更帶出魚味，正🧡鯖魚- 紫魚包住，口感層次豐富：先係紫菜脆香，然後醋酸，再黎鯖魚味；少卻平時日式餐廳嘅過酸同過濃嘅魚味，老公全晚盛讚🥰🥰🥰北海道網走銀鱈魚- 入口味道一般，但後勁凌厲，魚味濃郁香甜😍魷魚配紫蘇葉、海膽- 海膽味固之然無得彈🙌紫蘇味配魷魚，延長左紫蘇嘅味道- 由濃到淡，然後海膽味又慢慢浮番上面；雖然師傅介紹可以點少少豉油wasabi，但我都覺得我咩都唔點係明智架😎吞拿魚蛇腹- 愈多油脂嘅地方愈多筋，師傅做左十日熟成，軟化d筋，食落雖然仲有一條筋仔，但愈𡁻魚味愈濃，額外驚喜🥳招牌菜：印尼斑馬賴尿蝦- 流心蝦膏，濃郁賴尿蝦味💋師傅特意烚到半生不熟嘅程度，保住賴尿蝦嘅鮮味，上水即過冷河，令蝦膏呈流心蛋黃嘅狀態，滿有藝術嘅美食😋大根沙律- 生蘿蔔本來帶有辣味，但師傅用冰水浸走左辣味；為配合不同人不同口味，亦為了令食物口感更豐富，沙律除左有秘撈醬汁，仲有木魚絲灑面，厭唔夠味嘅可加醬/ 加辣炸蒜。個人認為太多嘅調味都阻礙左食到食材嘅原本味道，直至我後來發現原來內有芝麻，配埋大根實在太好味☺️☺️☺️吉列炸波- 師傅搞氣氛唔講有咩內涵，要我地食完估下😝我同老公好努力都估中一半架😎開估！內有薯仔、芝士、奶、煙肉、冬菇、雞蛋、皮蛋、洋蔥。美食之所以美味，係因為唔同嘅食材放埋一齊而做到共融，所以分唔出有咩內涵都唔洗太過灰心嘅😉但聽師傅介紹就知，要設計一個新作品，實在唔易，要令食材相互配搭實在要有好大嘅智慧🧠芝士令內心半溶，牛奶令薯蓉滑溜，煙肉冬菇洋蔥豐富味道，雞蛋白蛋黃、皮蛋白蛋黃豐富口感，一串炸波立時升級成一件藝術品🤩燒鰤魚骹- 師傅話本來預備左牛俾我，但岩先傾計我話佢知我喜歡鰤魚，佢就割愛燒埋個魚骹俾我😆魚骹油脂豐厚，多食會膩，配酸汁就可以完美KO佢😈精華粥- 師傅上檯嘅固然係最鮮最美味嘅部分，但剩下嘅其實都係高質嘅食材，將佢熬成湯，再煮粥，味道多層美味😋柚子芝士蛋糕- 上檯一刻吉一件，濃郁柚子味；攤耐少少再食，芝士味融和得更好😊嵐山豆腐雪糕- 老公至愛🧡柚子雪芭- 師傅話我生日，特別贈送架🫶🏽柚子皮嘅澀香未必人人受到，但我同老公都大愛，睇嚟我地都有d歷練呀下😏店舖另有銅鑼灣分店，但老公堅持返黎原店，因為呢邊氣氛更好，有別於商業化左嘅omakase，呢度師傅唔響你前面展示咩刀工，反而用口仔細講述每一道菜嘅背後嘅神奇配搭，而且席間不停update客人嘅喜好，從而再refine之後嘅菜式，令客人有更貼心嘅嘗試🙂師傅嘅passion感染到我地食客，食得開心，一定會再回歸🧡(其實師傅嘅現場介紹更有驚喜，但我記性唔好，盡左力架喇😅）…Read More

佢既omakase比起出邊嘅餐廳啲菜式比較特別佢每道菜都會介紹產地同埋食法啲刺身全部都好新鮮 好鮮甜佢個日本生蠔好大隻同埋好Creamy個秋刀魚刺身真係好有驚喜 一啲都唔腥 好鮮甜 而且咬落去啖啖肉個象拔蚌刺身好鮮甜 好爽口個魚蓉刺身灼燒咗 再加佢哋自己鹽漬嘅魚子配多士 味道一流 仲有個海鮮粥，佢哋用咗唔同嘅魚類加賴尿蝦蝦頭去熬製而成 雖然個賣相唔吸引，但係個味道真係好有驚喜 好正個和牛燒得啱啱好 入口好香 再配上佢地特調嘅薯蓉呢餐omakase 好滿足 好飽…Read More

已經食左呢間好多次既我，520甘sweet既日子我再一次揀左黎呢度慶祝。今日坐鎮西環分店既系有別於平時我食開灣仔分店既師傅，師傅同樣地系健談幽默，今日仲見到新請既同事。前菜同刺身都系味道特別濃郁，前菜中既熒光魷魚配秘制miso sauce真系我食過甘多間oma 最有味道既一間。刺身方面，好喜歡佢地熟成左5日既深海池魚。唯獨膠魚稍微燒過左火，皮有少少overcooked既味道。鯖魚卷依舊系one of my favourite。去到沙律方面，今日師傅特別為我準備左青瓜蟹柳菠菜卷配和風汁。呢個真系好特別好好食！好清新！系我今晚既number 1。估唔到食左神川甘多次既我，依舊有開心驚喜既感覺。接下來既蛋黃炒軟殼蟹配蟹子，好味道到不能用文字形容，可能我比較誇張，但真系好岩我口味。蟹同蛋黃超得融為一體。體貼既師傅系上主菜前再上多個清煎茄子，作為清一清口中濃郁既蟹味。十分清甜。到主菜燒拖羅魚餃，實在充滿油份，食完可能會覺得膩。最後著名既秘制海鮮粥就唔需要多講，大家食過都知道有幾好味。甜品方面，文采好好既師傅用五二零一三一四題左首詩，寫系碟，再配上紅豆pancake加雪柚子sorbet系絕配既配搭。全餐飯充滿驚喜，飽到差d反肚。Sake方面，師傅根據我口味揀左幾支甘口既俾我，老公話比起我自己帶黎既酒，呢度既sake好飲好多。好喜歡呢度居酒屋既風格，有別於其他傳統oma，有人會中意，有人未必中意。另外見到返左幾日工既新同事好努力甘介紹每碟菜式既名，產地，烹調方法，有好多進步空間，希望佢努力。睇得出呢間店上上下下都好有heart。…Read More

太太四月中旬生日，不能打針嘅佢，本來疊埋心水諗住喺屋企煎牛扒。點知一個月前中咗肺炎，當佢知道佢免打針可以堂食，就點都話要食Omakase！隔離14日後計起，只有一星期時間，心諗邊有可能book到。搵下同路人，睇到神川，就打去試下，竟然book到位上天待我不薄。叫埋電話入邊負責人好詳細咁問我哋幾錢budget，想食乜嘢，有咩唔食得，有咩好怕食等等，問足5分鐘，非常細心。西營盤神川個位置由地鐵B1出口行去要5-7分鐘，google map都未update街景，去到先睇到門口係咩樣。一行入去，負責人已經同我哋講，今日係我哋包場。我嗰下有啲愕然，「到底係嗰市靜到咁定係咩事」，原來灣仔嗰邊滿晒Booking，所以先叫我哋去西環，但係其實我本來就係諗住嚟西環。一坐低，佢就送上熱茶，再同我哋傾吓計熱下身。同我之前兩次食Omakase個感覺好唔同，出面好多時都係吧枱，廚師唔會同你傾閑偈，但佢呢度係餐枱，我可以對着太太坐，負責人同我哋傾偈更加令到我哋心情放鬆，感覺非常好。食個方面佢好詳細咁講解，由頭盤食乜嘢菜，唔單止講解點樣整，仲會話俾你知點解食呢款菜；中間食嘅魚生喺邊度嚟，做咗幾多日熟成，點解要做熟成，點樣去做；牛肉係乜嘢部位，點樣煮，點解咁煮法；甚至乎Wasabi點整等等。你聽完之後，絕對會對嗰份食物多咗幾分敬意，你亦會食到佢嗰份心意。佢亦都好老實咁同我哋講，佢個甜品真係買返嚟。（講真，就係佢呢份心意，令到一向唔寫食評嘅我，用大半個鐘嚟寫呢一篇食評）食完之後，由於包場嘅關係，我哋坐多咗半個鐘同佢傾偈，成件事好開心。唯一有啲尷尬嘅係，我冇買生日蛋糕，所以我老婆都係嬲咗我…一陣咁多（食咗餐咁好嘅，都要嬲我？唔係呀嗎）…Read More

Great deal omakase to bid 2021 farewell and to welcome a whole new chapter in the coming year!It was our third time visiting this place and it is for sure one of the best small Japanese restaurants with great value of money. You can choose a price range of your preference, each with different level and quantity of courses provided.Fresh ingredients used are usually delivered to Hong Kong on the day and thus it's not hard to detect the overwhelming freshness of the ocean from the sashimis and so.  There were countless dishes served during the meal and we almost lost count! The most unforgettable one for me must be the big Taro sashimi as the fat proportion was extremely high and the texture was very tender because of the removal of tendons. The mantis shrimp is another remarkable one as it was so rich in flavour. I wonder if it ever goes out of season as it was served almost every single time! The crab congee acted as a sort of comfort food to me as it is consoling to have something warm after all those cold plates and it goes without saying that it will always be served in the end.One remarkable thing to mention must be the sake-pairing service that shall be provided upon requests. As for our little group, sake is definitely needed on the table every time and we will even bring our very own ones. The waiters and manager will try them out together and give reviews to each accordingly. The manager was especially chatty and informative, which provided us with all the information we needed about the dish we're about to devour and it was actually quite educational if you're interested.3We spent almost 4 hours for all of the courses and it was certainly an enjoyable evening. The price was very affordable compared to other omakase places with better interior renovations and I believe it's absolutely worth an attempt.…Read More

咁快又一年，12月16號，老公牛一大日子，去年慶生飯選了官塘菊月町食Omakase, 今年再接再厲，encore Omakase 。同事推介西營盤神川日本料理，店子唔算大，全店共六張枱，不設吧枱，未能與廚師互動，亦未能一睹廚藝神粹，不過每端上一度又一度嘅食物上來時，店長會好細心介紹及分享泡制過程，所以也可算是另類Omakase新體驗。店內擺滿林林總總的清酒 ，目不暇給，不過今次到訪，適不逢時，因酒牌續領仍在進行中，今次無緣淺嚐眼前美酒。由於座位有限，我一個月前已致電卜枱，到接近用餐前兩天，店長阿Yin聯絡我，問我有無特別想食和唔食嘅食物，是日有否慶祝事宜，預算budget等等，非常貼心。16號當晚準時六點半到達，開始大快朵頤之旅。神川跟之前吃嘅Omakase最大分別是大部分刺身都經過aged處理，吃落份外鮮甜，滿口魚油香，還有大拖羅，中拖羅，火灸銀雪魚壽司，鮮甜無比嘅Hokkaido 象拔蚌刺身，還有約十吋長嘅印尼斑馬瀬尿蝦，灼得剛剛熟而肚裏充滿軟綿綿嘅蝦膏，yummy yummy，還有與別不同嘅手磨Wasabi 加入大根碎，辛辣得泥又帶少少甜，淨食都覺得好好味😁。由頭盤到甜品，近廿道菜，一路慢慢品嚐，細意欣賞，不經不覺，接近用餐四小時，晚上十點半抱著暖暖鮑鮑的身軀回家。最後一提，當晚發生一段小插曲，隔離枱三位姐姐，應該之前也幫襯過此店，在用餐期間跟店長理論了一陣，話說她們今次付回上一次價錢，食唔到象拔蚌刺身，店長亦好有耐心解釋番，因為成本問題，之前付出同一價錢，今日未必吃到同一樣嘅食物，預算budget時，一定要講清楚特別想吃嘅食物，有可能要提高budget 才能享用到心儀嘅食物，店長會按指示採購和keep住新鮮貨品供客人享用，現場若想即時追加，有機會無多餘存貨提供到，呢一點大家要注意啊! 當晚見店長處理得相當得體，解釋安撫完三位姐姐後，送多一道菜式給她們享用，讓她們在開心氣氛下繼續享用晚膳。期待此店酒牌續領完後，再來大吃大喝一餐🥰…Read More

跟太太拍拖22週年紀念，想找一間高質素 Omakase 食，上網 search 了好幾間，最後都係揀番呢間食過又性價比高的。裝修絕不華麗，又沒有 bar 檯睇住師傅表現刀功。但服務一流，每上一道菜，師傅賢都會親自解釋用料選和背後故事。而家 Sake 有超多選擇，總有一款合心意。是日menu 沖繩水雲內良生腐皮岡山河蝦北海道八角魚長崎深海池魚瀨戶內海赤貝佐賀縣竹籤魚北海道秋刀魚象拔蚌北海道獅魚天草縣鯖魚四國鰹魚銀雪魚印尼賴尿蝦高知縣蘿蔔沙律四國雞 7/8成熟最喜愛的是秋刀，少大片切法，非常有口感。賴尿蝦刺身，人生第一次食，應該唔係咁易有得食到。唯獨生雞太熟，雖然真係雞有雞味，但非我在四國食到的味道。…Read More

今次去咗西營盤一間喺區內幾出名嘅日本餐廳～見到佢嘅廚師發板係可以自己定價錢，同埋見到佢都有好多好評，就忍唔住去咗試喇😆 我哋揀咗$800一位呢個range，同埋佢喺我哋去之前會打電話同我哋傾我哋想食啲乜嘢，我就有特別講到我鍾意食海膽同埋生蠔～首先前菜有螢光魷魚，日本海帶，同埋日本豆苗～刺身刺身全部都好新鮮💓呢個熟成南瓜好驚喜！真係好甜！十分推介！主菜反而就普普通痛啦～幾好食不過冇乜特別～呢間性價比好高我一定會再嚟㗎！！…Read More