神山麺屋 (合和中心二期)

神山麵屋係合和商場2期6樓，係麵屋武藏分支品牌。餐具都會印左麵屋武藏嘅名，店舖面積細，台同台間距離肥少少都會碰到人。入座坐底後，職員連水都唔記得咗拎俾我地。嗌左白豚角拉麵同白叉燒拉麵，跟餐免費有汽水/冷泡焙茶。豚角就有3舊，叉燒兩大片，配一隻蛋同荀，麵同餸嘅份量唔多，男士食完都未必夠飽。拉麵來到時夠熱嘅，白湯夠咸，但味道沒咩特別。拉面軟硬剛好，豚角肥瘦分明，但第一啖食落時有一陣腥味，沒豬味。叉燒食落有d似火腿片咁，蛋都係普通熟蛋，荀食落都爽口。計埋加一都差唔多200。店員送左張coupon話係隔離間東京食堂買咖啡飲用。以食物質素及環境黎講，性價比一般。…查看更多

點了一客豚肉生薑燒丼，足足等咗30分鐘，追咗兩次，味道正常，服務一般，但要加一。返工午飯時間只有一小時，所以不建議來食午飯，要匆匆忙忙食，根本無時間去感受味道，如果沒有足夠時間，並不建議到此。…查看更多

星期五去灣仔剪頭髮，剪完去新商場行吓，順便食個飯，做一個孤獨的美食家。神山拉麵係一間連鎖的拉麵店，好耐之前我都有幫襯過另一間位於觀塘APM的分店。感覺上無以前咁出色。………………………………………………神山豚角沾汁麵 ⭐️⭐️⭐️⭐️麵質係偏粗個種，正啱我口味。沾麵汁都唔錯，但係感覺上無以前咁濃郁，溫度都可以熱一點。而豚角煮有兩件，一件就比較肥美，肉質好軟林好入味，用火槍燒一燒有燶邊效果，好味。不過另一件肉質就比較柴，可能係部分問題啦。配菜有荀、蔥同溏心蛋，正常發揮。$90 拉麵嚟講都算性價比高！神山手造餃子 ⭐️⭐️⭐️即叫即做，送到嘅時候熱辣辣，餡料同餃子汁都唔錯，可惜餃子煎得有點燶，但係又唔脆，所以口感麻麻。………………………………………………拉麵店的地方唔算好大，不過商場人流唔算多，所以星期五晚上都唔難搵位。店員有禮貌，同一般日式拉麵店唔同，神山麵屋有收加一服務費。…查看更多

合和嘅神山麵館，我不久就會光顧，食物質數頗佳，大概都試過五六款麵食，水準不錯，主要係煮麵師傅嘅湯底熱辣辣的送出，食完碗麵啲湯仲有微熱溫度，所以係一間值得再次光顧的麵館。最近請來兩位新服務員，午飯時間人流算頻密，但係只見佢兩個有一個絕對專業，以客為先嘅服務態度，有禮貌之餘，還不時面帶笑容，雖然見到佢哋走來走去，尤其係客人離開後清潔枱面都好仔細，一點都不馬虎，同事前嘅服務員比較實在有天淵之別，完全係睇到佢哋敬業嘅精神👍🏼所以今次一定要讚一讚兩位新嘅服務員做得非常稱職，希望老闆聽到我嘅心聲作出嘉許🎖️謝謝！一定會再來的！…查看更多

滿心歡喜試呢間拉麵, 同朋友一齊試。點知, 太失望喇。朋友叫個平日lunch的白湯雞拉麵, 同相不乎, 仲要有兩塊肉疊o係碗麵上面, 有半塊出左黎, 外觀唔討好...已經唔係好想食。我個沾麵黎啦...嘩, 個蘑菇汁, 勁似o係屋企用金寶湯加水加油咁整出黎...仲要個樣勁核突,  又係同相不乎, 一 pat pat咁...我地連相都無心機影, 唔打卡啦!好唔開心, 用左$1xx食左D咁ge野, 無下次。…查看更多

🆕🎉新開幕嘅🈴和商場本身商場大門已經好隱蔽呢間拉麵店仲隱蔽🍜🥟喺6/F兒童天地👶🏻要行一陣先搵到…店舖不算大,應該大約有20多枱, 星期日夜晚6:30pm食人流不算太多, 所以坐得幾舒服😌正常拉麵價~有沾麵同黑🖤白🤍赤❤️湯底但我叫咗一個素食沾麵個人認為個汁麻麻, 因為個汁係蕃茄底🍅有啲甜, 同油咗啲~有啲奇怪但個麵底不錯👍🏻炸嘅素肉都正常發揮埋單$97連加一坐得好好, 都可以有下次下次就食返個正常版沾麵算…查看更多

喜歡吃拉麵和素食的朋友有福了❣️以沾麵為名的「神山麺屋」以品牌「麵屋武藏」聯成「植廚」推出了限定的素食菜式，菜式不僅保留了日式的傳統風味，還融入了植物肉元素，實在令人期待🤩// 吉列素豬扒和素雞是這次的主打，當然要試試！素豬扒炸得外皮金黃酥脆，內裡與真肉有著幾分相似，建議沾上沾麵的蕃茄汁會更可口🍅 蕃茄醬非常濃郁，配上掛湯的自家麵條和像手撕雞的素雞肉格外好吃🐓// 點了素食餐牌的兩份小食：日式手造素餃子和涼拌胡麻山葵素雞沙律。素餃子裏有一些素肉、粟米粒和木耳絲，煎得都幾香脆 🥟素雞配合胡麻醬的香濃和山葵的微辣，很惹味🥗// 點了白神山叉燒拉麵，麵條吸滿了濃郁的豬骨湯底，糖心蛋半熟得恰到好處🍜// 神山炸雞炸得外脆內裏Juicy，啖啖肉吃下來很滿足🥰這次點了:⟡‧₊ 素雞蕃茄沾麵，吉列素豬扒 $88⟡‧₊ 涼拌胡麻山葵素雞沙律 $38⟡‧₊ 日式手造素餃子 $38⟡‧₊白神山叉燒拉麵 $85⟡‧₊神山炸雞 $48⟡‧₊ 提子碳酸 $28…查看更多

經OpenRice 網上訂位，訂好下午1點，我12:50到達向職員表示已訂枱，但他說訂了枱也要排walk-in的隊….還說最多給我排第一張。我實在不明所以…我現在排隊排最後，怎樣給我排第一張枱？我也照排了隊。到1點預訂時間，見有顧客離開，我再上前看看，職員真的只安排walk-in排最頭的人入座…我上前詢問職員，但他只重申訂了枱還是要排Walk-in的隊，他的語氣好像還覺得我在搞事…我只是不明白既然開放網上訂枱，為何實際只接受walk-in，還叫預訂了枱的人去排walk-in? 究竟是什麼操作？ 如果真的只能walk-in，跟客人說一句不好意思，午市其實只接受walk-in，不就可以？而不是只叫訂了枱的人浪費時間去排隊。真的不會再嘗試光顧。…查看更多

#灣仔地膽 今次去灣仔合和二期新開的神山麺屋，2009年於東京神田自創立，餐牌主打濃郁嘅豚骨湯頭加上多種日本魚介同秘制醬油，調出獨特嘅豚骨白湯湯底。當然要來試試！ 神山豚角沾汁麵 $90招牌豚角沾汁麵, 沾汁香濃, 味道香醇十分掛麵; 麵條滑順, 軟硬適中，豚角軟嫩，肥瘦相間, 配上溏心蛋, 口感層次豐富。 黑神山叉焼拉麵 $85黑醬油湯頭清香, 帶有微微嘅甜味, 叉燒甘香, 肉質扎實，拉麵有咬口感。🥗 胡麻棱菜 $42蔬菜脆口，配合胡麻醬，口感非常清新。🥟 日式手造素餃子 (粟米及叻沙味) $38鮮甜嘅粟米與濃郁叻沙結合，餃子皮薄而有彈性，內餡豐富，咬開時湯汁滿滿。🥗 涼拌胡廂山葵素雞沙律 $38山葵味道微辣，素雞滑嫩，搭配沙律菜，很開胃。 洛神花氣泡玫瑰茶 玫瑰香氣帶點酸酸甜甜，氣泡感十足，適合解膩。神山麺屋 灣仔堅尼地道15號合和中心二期6樓6A號舖…查看更多

explore the innovative plant-based tsukemen at Menya Musashi @menyamusashi_hk in collaboration with Plant Sifu @eatplantsifu 🌿 featuring succulent veggie chicken 🫘 crunchy veggie pork cutlet 🌱 tangy tomato broth 🍅 indulge in mushroom tempura and veggie dumplings 🥟麺屋武蔵 @menyamusashi_hk 聯成 植廚 @eatplantsifu推出創新素食沾麵 🌿 幼嫩細膩 素食雞絲 🫘 酥脆柔嫩 吉列素豬扒 🌱 和酸甜惹味 番茄沾汁 🍅 搭配小食 素直茹天婦羅 和 日式素餃子 🥟🍅 素雞辛味蕃茄沾麵 + 吉列素豬扒 HKD$88 🌱spicy veggie chicken tomato tsukemen + deep fried veggie pork cutlet素食雞絲 幼嫩細膩 蕃茄沾汁 酸甜濃稠辛香惹味 自家麵條 彈牙掛湯 配上吉列素食豬扒 金黃酥脆 柔嫩鬆軟 層次豐富🍄 素直茹天婦羅配黑松露沙律醬 HKD$28 🌱king oyster mushroom tempura with black truffle mayonnaise杏鮑菇配 黑松露醬 香脆惹味 嫩滑多汁🥟 日式手做素餃子 HKD$38 🌱japanese veggie dumpling (corn and laksa)粟米兩件 帶有甜味 喇沙兩件 香料濃郁🍜 神山豚角沾汁麵 HKD$90kanzan tsukemen炙燒豚角 秘製醬汁 厚切焦香 柔軟嫩滑沾麵湯汁 豚骨魚介 濃郁鮮香 自家麵條特製坑紋 掛湯十足 配溏心蛋 豐富滋味🌶️ 赤神山豚角拉麵 HKD$90aka kanzan marinated pork ramen厚切豚角 柔軟嫩滑 自家麵條 彈牙掛湯 赤神山湯 辛香濃郁 配溏心蛋 流心滿足🍊檸檬氣泡伯爵茶 加配HKD$29 (單價 $38）sparkling lemon earl grey 與 @mindfulsparksofficial 氣泡茶合作檸檬氣泡 配伯爵茶 清新怡人 酸爽細膩📍灣仔堅尼地道15號合和中心二期6樓6A號舖 (various locations) 🇭🇰*…查看更多

在10月尾，網上得知由1980年，屹立香港至今44年的灣仔鬧市皇后大道東的合和中心，即將開合和中心2 期的合和商場 Hopewell Mall！ 還標榜是灣仔區的大型新商場，令我十分期待呢！ 在灣仔合和中心3樓，麥當勞隔離通道穿過去，就是新商場合和商場嘞！最近，於11月1日正式試業！雷聲大雨點小，平日夜晚，商場人流少，冷氣勁！ 我完全感受到既冷清清又冷冰冰！新商場的新店舖陸續開張，主要是運動用品店、童裝店...唔啱我行，大型家品店要12月開；反而，餐廳比預期少，連新開餐廳數量，至今11月中，依然寥寥可數，一隻手都數得哂！更有餐廳要等到1月才開！如果滿有期待走來，會滿懷失望離開！:(臨離開商場前，問了保安先生，洗手間 10:00 close！商場都幾凍，只得一間日式拉麵店，食碗拉麵最好不過嘞！ 走上6樓，新開日式拉麵店 <神山麺屋>，見到其牙籤套及餐牌先知，跟麵屋武藏有關係嘅！平日夜晚，店內都幾少客，如果想耳根清靜食晚餐的話，這裡絕對是個好地方！入座前，我先問男店員晚市有無最低消費？他答我：一碗拉麵。:)由於 QR code 落單，另一男店員可能見我選擇困難症還要有點餐障礙症啦！主動走來問我點好餐未？！我嚐試自己點餐，不想麻煩店員們！:)不過，食到未夠 8:30，店員走過來問我有無 last order？！轉頭 8:30就直接拿單給我埋單嘞！桌上印有日本武士圖案，正是其特色！ 並放置餐具及紙巾，就算我沒有主動要求，店員亦為我送上一杯水！Menu店方連素食者都兼顧得到，供應素食小食及拉麵等！為了條$2千多元的裙，沾麵是我最好的選擇嘞！神山豚角沾汁麵 $90 (走筍)可選擇：走筍、走蔥、走蛋用上和風圖案碗盛載， 湯底香濃油膩熱辣辣香噴噴， 店方自家製麵條，選用坑紋拉麵，口感富彈性，以少許沾麵來食，拉麵掛湯，別有一番風味！ 亦不會重口味！豚角兩大件，肥瘦相間，輕燒更香口，惹味濃郁，夾雜脂肪，肉質軟腍！糖心蛋輕輕夾開蛋白，軟心蛋黃，火候剛好！自家製叉燒 +$20兩片薄切叉燒，帶有肥豬肉，肉質柔軟和暖！:)素長菇天婦羅 配黑松露沙律醬 $28薄而金黃色、熱辣辣的炸漿，鎖住杏鮑菇水份，本身無調味，連炸漿都無，食出原汁原味，全靠黑松露沙律醬提味！蜜桃焙茶 +$28店方缺乏熱飲，只有熱檸檬生薑特飲！香甜的蜜桃與甘味溫和的焙茶這配搭，兩者口味平衡，一拍即合！ 中和蜜桃香甜度，亦減少焙茶甘澀味！兩者相輔相成，恰到好處！…查看更多

約咗朋友嚟呢度食午餐，見呢度啲拉麵個樣好似唔錯，就入去試吓。睇餐牌價錢都屬正常水平，侍應話叫第二碗拉麵有八折，但後來order嘅時候發現，只可以屬同一款式的拉麵，不過可以揀唔同湯底。拉麵嘅麵質OK，湯底都唔錯，不過肉嘅份量和拉麵嘅份量就比較少，我覺得對於打工仔嚟講，呢個午餐份量可以再豐富啲。我以為加錢叫嘢飲有得平啲，但其實原來冇，我覺得佢應該推出一啲午市套餐，有飲品、小食同埋碗拉麵，優惠下我哋呢啲打工仔。…查看更多

今早想了很久都不知去那裏午餐，看看OpenRice內合和中心新翼有什麼介紹，發現只得一間拉麵店，即管去試吓；Hopewell Mall剛新裝修、11月1號才正式開業，只有幾間舖頭，仲有陣裝修味添！由商場搭𨋢上到4樓便見，小店一間，拉麵種類也不多，我倆點了兩腕拉麵（第二款有八折）和一碟餃子，味道幾好，尤其我嗰碗蕃茄湯义燒拉麵，蕃茄味適中，不似普通醬油湯的濃味，隻雞蛋仲係流心，有兩片叉燒，煎餃也好吃，1️⃣碟5隻，我朋友的白神山拉麵就普通啲，但味道和麵質都不俗，值得1試👍🏻😋…查看更多

新合和上星期五開張，但唔得閒去，星期一晏晝就得閒去睇下有乜好西。舊合和麥當勞🍔轉右入，有市集，係三樓，再逐層上，冇食肆，直至六樓先有唯一一間食肆，拉面🍜店神山，總店喺APM，呢間係分店，前面5個人等，照排，排咗5分鐘就入到，坐厨房bar枱，聽到👂隔離枱話拉面🍜8折，以為真係8折，點知經理🧑‍💼話第二🥈碗拉面🍜先有，即係毒L☠️就貴d啦，明既，咁唯有食經理🧑‍💼推介既沾面$90。等咗10分鐘有得食，沾面汁唔算熱唔算濃，兩舊豚肉大得誇張，成5cm厚，多肥膏，啱我，沾面中間有坑，可掛汁，但少咗煙韌度。埋單過$100大堂可射波攞禮物🎁…查看更多