影片
沙田围开左间放题, 我谂都有大半年至一年, 由见佢好多人食变为无咩人食, 当晚又落雨, 近近地又比出面D放题平, 甘就试下食啦, 行到门口, 见入面都有几张吉枱 (20:00), 最搞笑系门口有2个职员用蚊拍拍飞蚁, 都无所谓啦, 入去食啦。饮品任饮, 自取, 头个转都叫左刺身, 寿司, 串烧, 小食..... 刺身一到, 哗哗声呀, 三文鱼希灵鱼唔够新鲜, 白乌贝碎得惊人, 一开4, 荣螺都算同出面差唔多size, 又无冰垫底, 卷物加州卷软壳蟹卷szie就大, 但唔好食, 串烧都ok, 不过szie都比较孤寒, 1串墨鱼丸得1粒 (半粒半粒串), 天妇罗南瓜蕃薯都系细件, 味道都ok, 反而我觉得炒野好食d, 炒杂菇, 牛柳粒, 猪软骨就唔错, 真系一分钱一分货 (野食都算快到), 埋单每位$150。个度只收csah, 唔收咭。
继续阅读
刚搬嚟沙田不久，见到屋企附近开咗间日本料理，刚好朋友话要嚟参观我嘅新居，老公便提议去试试，未食之前都有嚟 open rice 睇睇食评，发现大部份弹多过赞，而且有啲夸张，而我偏爱日式食品，所以决定姑且一试，本来无谂过写食评，但亲身食过后发觉并唔系食评所讲到咁差，一文不值，所以想同大家分享我嘅经历。 因为大多日式放题都要订位，所以食之前早两晚已经订位，订咗 7：30 ，我哋一行十人准时到，去到时已有大概四五十人食紧，店内环境不错，设有电视，座位之间也不太迫窄，虽然灯光暗暗但大部份日式料理店都系咁，感觉颇舒适，侍应服务也很好，经常过嚟收碟及加茶。因新开张，所以全张单有八五折优惠，另外持有长者咭只系百零蚊，价钱也相当吸引！一开始我们先点了些刺身，种类有三文鱼，八爪鱼，马刀贝，鱿鱼，希灵鱼，甜虾...等等，另外还有军舰，寿司，烧物，炸物，小吃，料理，手卷，特式小炒，沙律，锅物，乌冬拉面，天妇罗...等等，款式应该大概有接近百款选择，而且汽水任饮，曾经听街坊讲过食物选择少，老实讲，这个价钱已算𣎴错了，个人口味唔同，唔啱食唔等如人哋款式少！！喺等候刺身期间，发现午巿套餐餐牌，$ 26 起，有大约十个八个餐选择，喺呢区已经好少有这些经济午餐了！刺身颇新鲜，三文鱼刺身竟然有我至爱嘅鱼腩，另外还点了串烧，小炒，手卷，小吃，天妇罗，军舰等等，味道 ok ，略嫌熟食要稍等。 食了大概个半钟已经饱了，总数折咗平均每人百七蚊，相当抵食！老实讲，呢个价钱，呢度不失为一个不错嘅地方了！
继续阅读
屋企附近新开了日式放题，任饮任食2小时，成人$168，小童$98，看见新张话全单85折，故入去试试。大约晚上七点零钟，两大一细，一入门口waitress问有冇订位，我话唔知要订位，我心谂"真系咁坚，唔订位冇得食 "，最后都安排到一张枱比我地。坐低见到有几张颜色纸，有刺身、寿司、烧物....，同埋见到玻璃窗向内，贴住张纸有十几款沽清既食物，大部份都系原本想点既食物，心谂冇都冇办法啦。开始剔纸仔，点野食，看见纸仔下方话每人限叫三样，第一张单就剔左9件寿司，等左15-20分钟，黎得4-5件小形寿司，我谂可能漏左单者，就开始落多一、两张单，又系剔左8-9件野(寿司+刺身)，又系等左15-20分钟，寿司黎得3、4件，刺身得2-3块，心谂搅咩呀?第三张单叫左4-5款熟食，今次等左10-15分钟，黎左一、两碟BB size既熟食，其他又系冇晒影，食左成个钟，等仲多过食，开始食到庆庆地 。去到余下既1个钟都系一路落单，一路追单，最不知所谓既系谂住追单啦，佢话张单冇左，叫你剔过另一张即刻整比你，但你补剔既野食都系唔会比齐你。食野要食到咁辛苦，埋单约三百七十蚊，当买个教训。返到屋企楼下，同个管理员讲返有咁既经历，原来好多住客都系同样既经历。坦白讲，见到百零蚊一个人，仲要85折，未入去食之前，都系谂住一试既心态，唔求有咩惊喜。剔8、9样野每次黎得2、3样，唔知你系卖晒定系漏单，搅到唔知再落唔落单。任食2个钟，大部份时间都系等，最简单饱肚既感觉都冇。
继续阅读
今天中午途经这沙田日式餐厅，里面环境较黑，心想环境不重要，最紧要食物质数，餐牌内可选择的不多，最贵是日式杂锦刺生鱼生饭，标价HK$46一份，我们一行三人都点选这杂锦刺生鱼生饭，怎料到来的杂锦刺生鱼生饭里头只有一只虾，两片三文鱼，三片类似鱼的东西，十粒粟米，和两件类似加州卷放在颇酸的凉饭上。真是闻名不如见面，杂锦刺生鱼生饭里竟然有两件类似加州卷，真恐怖啊！我食了一半已放弃了，饭很凉，很酸。如果您有朋友想绝交，不妨介绍他们去试试！
继续阅读