碧士文 (Sugar+) (已結業)

最近都多咗買外賣，今日經過銅鑼灣，就去咗Pigsman買埋外賣返屋企。雖然店舖細細，但係食品款式都相當多，有飯、沙律、多士、burger，仲有一系列小食。第一次幫襯，都冇乜特別心水，就揀個排頭位打咗粒星嘅「特務J」招牌威士忌BBQ豬扒飯，飯盒賣相精緻，豬扒厚切得嚟又夠腍，汁夠惹味，撈飯一流，已經係Perfect 。另外揀咗個burger豬榴彈，個名夠晒搞笑，其實係雙層手打豬柳芝士漢堡。佢哋嘅手打豬柳漢堡扒真係好好食，打得夠滑口，搓得又結實，仲帶點彈牙嘅感覺，真係未食過呢種口感，值得一讚！另外都揀咗份碧士文沙律，沙律汁用咗柚子醋，酸酸甜甜幾開胃，沙律菜夠新鮮，仲配有少少果仁，健康得嚟又清新。另外加配咗啲小食，手打豬肉丸係佢哋自家製嘅菜式，中式嘅感覺，又帶點西式食物嘅味道，絕對值得一試。薯條條條都炸得乾身唔油膩，大大份好抵食。最近仲推出咗奶茶，同樣都係自家製，佢嘅茶膽特別香，味道都唔錯。

焗豬扒飯向來深受不少香港人受戴，雖然幾乎每間茶餐廳都有供應但偏偏質素參差不齊，要品嘗到出色的焗豬扒飯絕非易事。憑PIGSMAN門面大概並不會聯想到焗豬扒飯，事實上顧名思義正正是一間主打豬扒的餐廳，由店名以至於裝潢及擺設均是向著名電影《Kingsman》致敬。每款豬扒飯均命名為「特務」，除此之外更有豬扒漢堡、豬扒多士、豬扒薯條等，名副其實是一間豬扒專門店。蔥油豬扒飯配煎蛋 ($63) 厚切豬扒煎至金黃焦香，肥瘦均稱毫不乾韌，肉質結實絕非以鬆肉粉醃製而成的過度軟腍，本身略帶淡淡香茅香氣加上蔥油更加惹味，惟白飯可以更加濕潤，而如果煎蛋能達至燶邊則更臻完美。卡邦尼焗豬扒飯配溫泉蛋 ($73) 飯底改以炒飯更加香口，卡邦尼醬奶香醇厚且芝士味濃，再加上溫泉蛋相輔相成令整體濕潤豐腴，相比之下焗飯亦理所當然較蔥油豬扒飯出色。手打豬肉丸 ($28) 套餐加配只需$25，粒粒豬肉丸有如酒樓山竹牛肉球般大，經半煎炸至外層微微焦脆，鬆軟多汁同時保留彈性，油香四溢，當中亦混有洋蔥粒令層次更加豐富，附上自家製威士忌BBQ醬味道香甜。豬榴彈 ($58) 即雙層手打豬柳芝士漢堡，麵包近似「脆豬」般抹上牛油烘得外酥內軟

位於銅鑼灣糖街地舖，玻璃櫥櫃擺放著件西裝，單看門面以為是一間西裝店，其實是一間主打豬扒食品的新餐廳名叫【Pigsman】。推門入去，餐廳裝修參照了電影《皇家特工》和《007特務占士邦》。店內陳列了特務必備的手槍、長傘、皮具……等配件，如果係占士邦迷一定喜歡，又可以打卡留念。【Pigsman】如名字一樣，以豬扒食品為主題，因此店內亦擺放了三隻金豬及切豬肉用的工具。餐廳主要做外賣，所以室內只有幾個座位。不過座位夠寬敞、又面向馬路，而且只有筆者一個客人，當日坐得舒服。Pigsman除了裝修，餐牌都有心思；菜式名字一律用上不同特務身份。餐廳提供7款「特務」豬扒飯：Agent Jack、Agent Green、Agent Curry、Agent Red.....等。第一次到訪就叫招牌菜 【Agent Jack 招牌威士忌BBQ豬扒飯 $63】。豬扒飯以黑色的長方外賣盒作包裝，非常精美而且又夠型！豬扒整齊地鋪放在飯面上，並淋上橙紅色的威士忌醬汁，賣相似個lunch box。每件豬扒2cm 厚，咬下去肉質厚實，但是豬扒味道一般。威士忌醬汁味道不大特別、又冇乜酒香味，似BBQ 汁而已。份量對小女子剛好

銅鑼灣皇室堡轉到後街，看到一間像kingsman西裝店的地方，近看門外的餐牌才發現原來是一間豬肉專門店，有各式各樣的豬肉料理🐽內裡只有小量位置，應是以外賣為主001 - 特務J（$63）招牌威士忌BBQ 豬扒飯，豬扒軟腍，微微帶點香茅味，威士忌調製的汁帶點紅酒汁加蕃茄的味道，整體不錯 009 - 豬扒漢堡（$55）豬扒同樣帶香茅味，用了非常鬆軟的脆豬包，牛油香重👍🏻 金手指（$35）豬扒薯條非常香脆，加了黑松露醬食到停不了口 薯條 + 汽水（+ $29）即點即炸熱辣辣 特務濃湯 + 汽水（+ $29）胡椒味重的蕃茄蔬菜濃湯🚩 想睇多啲好玩好食推介，即刻follow我既ig page 🔗 soyum_sogood

呢間係PIGSMAN,NOT KINGSMAN,但黎度以為自己係特務,因為好多野都好似特工既場地架!我今次既任務係食野,我叫左個好濃味既蕃茄湯,好味!豬排漢堡好香脆,豬排肥美,有D蔬菜咁,正呀!薯條好香脆金黃!唔錯!跟餐加左杯汽水。整體黎講價錢非常之平,仲有得坐,實在唔錯!如果想加其他小食仲有好多可以加,有金手指,即係豬排薯條,呢個幾特別咁,但我本身叫左個豬排包,所以冇再追加啦!肉丸都唔錯咁!!!

碧士文 Pigsman 📍銅鑼灣糖街31號Sugar +地下2號舖係銅鑼灣發現呢間以特務🧳💣⚔️為裝修主題餐廳🛡️店內裝修型格主打以豬🐖作為食材～連店名叫Pigsman 🐽今次叫左外賣🥡😋裝修、餐牌都以特務做主題叫左2個main mission ～ 007 + 008 007 AGENT C.C.-特務C.C. $73 芝士🧀焗越式水咖哩🥘豬扒🐖飯濃香咖喱汁配上芝士～辛而不辣～好香椰奶味🥥008 HANDMADE DOUBLE PORK CHEESEBURGER ～豬榴彈 $58 雙層手打豬柳芝士漢堡漢堡包🍔大大份～超厚身👍🏻手打豬柳口感好好～食落juicy感覺配上沙律菜食～香而不膩+$29 轉套餐～Combo Mission 可簡小食 同飲品 各一款Homemade Meatballs 手打豬肉丸 一共有3粒～大大粒～好彈牙～French Fries 薯條 🍟即叫即炸～超級熱🤤+$35 THE GOLDEN FINGER- 金手指其係Crispy pork Fries 豬扒薯條🍟用豬扒沾上秘製～ 製成薯條形狀啖啖肉～😋

🔺 碧士文 (銅鑼灣)銅鑼灣lunch time, 行完皇室堡出去就見到呢間專食豬扒飯既餐廳，得一張bra 枱幾個位，途中都見到好多人買外賣同叫外賣😯我諗應該唔錯就坐低試下la~🔻招牌威士忌BBQ豬扒飯（$63)好特別既自製醬汁，酸酸甜甜咁，係未食過既味道，好開胃好餸飯，豬扒厚身唔乾唔鞋，整體唔錯，仲有少少唔同色既配菜點綴。🔻避風塘豬扒飯（$63)超多炸蒜勁惹味，呢個食食下都幾辣下，最岩無辣不歡既朋友仔，豬扒同樣的厚身，而且唔乾唔鞋。🔻特務濃湯（$28)呢個係超足料羅宋湯，真係超濃，調味都岩岩好，而且仲熱辣辣。

放工快快手買嘢食上朋友屋企睇世界杯⚽️，我哋喺外賣App揀咗「Pigsman」，去到舖頭先發現原來餐廳咁型仔，甚至乎行過你唔會聯想到佢係同食有關。雖然食店主打外賣，不過亦設有幾個堂食座位。店內嘅裝修帶點格調，🪟櫥窗內放咗手搶、子彈、酒瓶、刀、工具同西裝等，似乎係向著名電影致敬🎬。顧名思義，小店嘅招牌菜係豬扒🐷，豬，全部都係豬；菜式包括多款豬扒飯、豬扒漢堡包、豬扒多士同豬扒沙律等。我認為價錢都OK嘅，合理水平，唔會嚇怕人、搞到試都唔想試。外賣準時預備好，飯盒包裝以至食物賣相都無得頂👍。第一感覺以為長方形嘅外賣盒容量好少，但其實又唔係喎，餸同飯嘅量都好足。特務Typhoon: 避風塘豬扒飯($63)，避風塘口味充滿港式風情🇭🇰，飯面鋪滿金黃香脆嘅炸蒜粒，另外仲有乾辣椒同蔥，食落具鑊氣，而且辣度顯著🌶️。雖然空間有限，不過都加咗幾條豆角搭拌。但呢款嘅飯底係白飯，就略嫌比較乾身。主角豬扒好出色😋，切件上，一客飯有成十件，而且仲係厚切。豬扒肉質軟腍，保留肉汁，又夠入味，絕非用鬆肉粉醃到過晒火嗰種。特務C.C.: 芝士焗越式水咖喱豬扒飯($73)，焗豬超正，由於係汁焗，所以解決埋飯乾嘅問題。🥘越式咖喱

睇完戲嚟食pigsman!!!! 英倫風真的行正，食物價錢又相宜😚😚 叫得pigsman當然係食靚豬！我哋嗌左個咖哩豬扒飯🤭 唔係講笑舊豬好腍又juicy!! 咖哩夠香辣又好好撈飯🤤🤤另外叫左豬柳堡❤️真係同食開唔一樣，居然可以咁多汁同唔干，絕對唔會差過牛肉堡🥳 小食都加左個肉丸，好香口同肉好彈彈！個汁都幾開胃😆另外亦加左daily soup~ 好香濃嘅番茄湯，一定要加！

銅鑼灣這間pigsman門外看起來是以為裁縫西裝店，但細心一睇原來是一間新式主題快餐店。裝修得製有風格，還帶有大量特工間諜為元素！而餐廳主打豬既食材，menu都幾多選擇。越式咖喱焗豬扒飯，咖喱香濃而不太辣，味道相當惹味。豬扒既份量真係唔講得少，夠多亦夠厚身，食起上黎啖啖肉又夠juicy嫩滑！食到食唔到口舐舐脷。之後可以加錢跟小食，飲品，我就被個粗薯條吸引了，用個方盒裝住，賣相夠討好！粗薯質感好正夠香脆熱辣辣，做得比其他快餐廳好好多，鐘意食粗薯條既不能錯過。餐廳地方細細但乾淨整齊仲帶有元素，呢d在香港比較難有，最重要食材都有質數。

如果大家有睇kingsman行過哩間鋪頭一定目不轉睛。其實一路食都有好多人經過都停低望下，因為裝修太搶眼。重點哩間餐廳唔係淨係食burger架，中西式都有，有多款飯類提供，啱晒唔同口味的人。個飯盒係長條形，好似日式便當超級靚！平時都算食得辣嘅我，食食下愈食愈辣，後勁好強，避風塘好有鑊氣超香口！豬扒有好多塊，一定夠飽。upgrade轉左套餐side揀左質感有啲似牛肉球，咬落好腍好嫩好多肉汁，仲有豬油香味。絕對唔係平時食嘅豬柳漢堡扒。個樣有啲似煎肉餅，外面煎香但食落去係好腍好滑，亦幾彈牙，好juicy仲有少少辣辣地，好高質。side揀左粗薯條炸得好脆。用盒裝好得意，食唔晒好方便拎走。

上次同朋友去左新食廈Sugar+覓食之後，發現附近都幾多正野，今日就試下呢間以特務做主題既豬扒飯專門店，淨係豬扒飯都有多款唔同口味，花多眼亂唔知點揀好，最後揀左個特務G (蔥油豬扒飯配煎蛋)，仲可以用優惠價升級至Combo套餐，有小食同飲品，真係好豐富😌🌟特務G: 蔥油豬扒飯配煎蛋 ($63)即叫即整既蔥油豬扒飯香噴噴，豬扒厚切食落好juicy，上面加左滿滿既蔥油，賣相吸引又好食💯🌟手打豬肉丸 (套餐價$29連飲品)小食方面就揀左佢地既手打豬肉丸，好足料又夠彈牙，建議先食左原味再蘸上BBQ醬試哂兩個口味，飲品就叫左樽裝椰青水同Coke Zero，解膩之餘又透心涼👍🏻👍🏻

由餐廳名,裡面既裝飾到餐牌設計都好容易relate到一套間諜電影香港好似未見過呢個主題既餐廳, 非常特別!餐廳出面有3套西裝好吸精入面除左子彈, 手槍, 手錶一D好有間諜象徵既物品仲有BUTCHER用到既工具除此之外仲有D吊褲帶係真係可以SCAN QR去買餐牌係寫唔同既任務,有d仲要濕身主要都係圍繞住豬扒既主菜的而且確佢既豬扒真係做得好任務J - 招牌威士忌BBQ豬扒飯盒仔細細但份量都夠一個成年男人個SAUCE好好送飯, 同埋真係食得出有淡淡既威士忌味仲有D蔬菜均衡下豬扒鬆軟, 而且有香茅既香氣豬士文沙律豬扒上面有一粒粒炸左既燕麥食起上黎有多層既口感呢到既豬扒應該係近頸位置比起飯上面既豬扒會肥少少特務濃湯超特濃既羅宋湯冬天飲一杯,全身都暖笠笠薯條真係超大盒超抵食餐廳坐位唔多,只有6個但佢地本身既包裝都方便TAKE AWAY如果PICNIC唔想準備咁多呢到會係一個幾好既選擇

呢排去維園經過皇室堡後面嘅時候都會比pigsman嘅門口吸引😍因為裝修真係好有特色✨ 表面似係裁縫店，入邊就係🐷豬扒專門店💓✨🐷招牌威士忌BBQ豬扒飯 $63以長方形黑色膠盒裝住，好似細細兜，估唔到份量都幾大😳 威士忌BBQ🐖豬扒肉質鬆化（唔係比鬆肉粉整過，似人手拍過👍🏼），醬汁酸酸甜甜，幾開胃，比我感覺有啲似叉燒嘅味道～+combo mission $29Side: 🍟薯條超級大兜，係全盒裝滿咗💓啱啱炸起，十分香脆。🥫蕃茄醬份量夠多，足夠可以點曬全份🫶🏼Wet: Coke Zero🐷越式水咖喱豬扒飯 $63有啲似日式咖喱配有少許🥔薯仔，不會太🌶辣～🐖豬扒依然肉質鬆化👍🏼 咖喱汁份量可以足夠撈曬成兜🍚飯❣️+combo mission $6Wet: Coke ✨🍔豬榴彈（雙層手打豬柳芝士漢堡）$58手打🐖豬柳肉質鮮嫩，配上🍅蕃茄、🥬生菜和🧀芝士，口感豐富。🥯麵包微微烘香，包質鬆軟又帶一點甜味，整體配合得好好，十分推介❤️‍🔥環境：4.5/5以kingsman 為主題，配有特務風格裝修，十分型格特別！！服務：4/5喺cashier 落單，食物都算快送到。如果叫咗汽水，落單之後可以喺隔離雪櫃自

呢間餐廳位於銅鑼灣鬧市，非常近地鐵站，很方便。餐廳嘅裝修都好靚好特別，好有中古復古嘅味道。店面係用西裝模特兒做裝修，餐廳外面望入嚟，以為係買西裝嘅復古店舖，但原來內裏係一間餐廳。在餐廳入邊，有很多手槍，刀，等等嘅復古物品。食物都不是很貴，價錢10分抵食，喺銅鑼灣鬧市，呢個價錢係非常抵食。食物嘅選擇都有，有飯，有漢堡包，又有小食。呢個係溫泉蛋豬扒，豬扒很滑，入口即溶，食得出係新鮮嘅豬扒肉質，配上入口即溶嘅溫泉蛋，非常之美味。呢個豬肉丸非常值得推介，外脆內軟，非常可口，好似食緊章魚燒咁。呢個避風塘豬扒都好值得推介，揸得非常香口，蒜蓉都好香，豬扒肉質非常彈牙可口。手指炸豬扒薯條，非常特別，味道都好好食，都值得一試。呢度有烏龍茶飲，非常解渴。窗口位，好有感覺。