影片
相关文章
好日唔出街食饭，朋友介绍下嚟咗呢一间食声称贵州粉面嘅碗碗香。朋友话，呢间个粉好特别㖞，就等我呢个食面多个食饭嘅人试吓啦。·我同佢各自叫左两个粉面。我叫左个酸辣辣鸡面，BB辣。上菜嘅时候吓亲我，原本以为系酸辣粉咁嘅样，点知佢有一层好厚嘅红油系碗面上面，基本上饮一啖汤啲油就喺晒上面。成程喺度流晒鼻水～·个汤底来讲，就系好一般嘅麻辣啰，其实同连锁𠮶啲米线店谭仔、三哥、冇咩分别，不过价钱就贵一倍🥱·好啦，朋友话个面底好食，我一试：其实咪就系厚啲嘅米线？冇咩特别㖞，口感同味道系意料之内🥱·再试埋旧鸡🤔，鸡肉非常之少，应该5旧以内，仲要骨多过鸡肉。而且似系煮咗好耐，肉质干争争又唔好食🙈点解同我幻想中嘅咁大出入嘅。·食晏来讲，舖头都算少人，唔使等位应该系佢最大卖点。但系你问我，呢一碗野值成$70松啲，环境装修又唔算好好，只系啲老街坊店。抵唔抵食答案都好明显啦🥱·题外话，唔知系咪自己身子差。返唔到屋企第二日个肚劲唔舒服，唔食得辣嘅朋友要留意啦😣·只此一次，下不为例。下次再带朋友去食返啲真正好食嘅酸辣粉先！有机会再介绍俾大家😗-酸辣辣鸡面｜$68-碗碗香铜锣湾加路连山道5号地舖
继续阅读
一入到去觉得好热…己经唔系好想食，不过姐姐知道，即刻开返个冷气！呀姐醒目🙈之后姐姐解释左清汤，红油，酸汤，牛丁，牛片既分别！有耐性有礼貌，加分👍🏼叫左一碗红烧牛丁粉，一碗酸汤鸡粉。牛好食，有大约5粒。鸡唔滑，仲要得个4粒…牛同鸡分量太少，汤唔错，够味，好香。粉都ok，个粉有啲似煲淋咗嘅米线，夹起上嚟有啲易断，不过弹牙，食起上黎都唔错。不过老实食两碗粉要$138…好唔值…过旁边食拉面仲好。个人觉得如果佢卖$4x，应该会好受欢迎排长龙。（利申：本人系穷L）
继续阅读
中午同朋友去食，都几多人，呢间主打五香同麻辣面，味道好似内地北方个啲面咁，你几香口嘅，但油有啲多，叫得辣要预咗叫埋嘢饮。我都算系食到辣，但主要系啲油有啲刺激，怕辣嘅可以叫清汤，清汤我试咗朋友个碗，都系比较重口。牛肚几软腍，同入味。啲粉系好似红薯粉咁，口感几独特，但可以硬少少～Overall都ok ge，但个人唔太钟意呢种辣。
继续阅读
朋友食过话好味。今日OT后去试粉好得意，好滑，混合鸟冬和狗仔粉的质感和形状。无影相我见有贵阳甜品-冰粉，试下唔太甜，加入花生，白芝麻，得意!本想试苦丁茶，但惊失眠
继续阅读
好想食辣嘢好想食辣嘢好想食辣嘢，重要的事要讲3次！然后朋友就话见到同事成日叫碗碗香外卖，所以决定大家一齐去试下！由利园二期一路向前行，见到丹麦再往大球场方向向前行一小段路（记得要留意右手边）就见到了！！入到去，店不算大，但坐底都舒服，但闻到个阵辣味成个人精灵晒～坐底店员就即刻埋嚟问系咪第一次食？要唔要介绍番？好贴心呀！我地叫左红油牛肉粉（小辣）、贵味红油鸡丝米皮（小辣）～食物来得算快，唔知系知道我喺咁吞口水～红油鸡丝米皮，店员话同粉皮唔同，米皮系平时食个啲肠粉整的～食落感觉比较滑，加埋呢个辣配搭得十分惹味！个花生劲好食！！不过食到最尾有小小咸～红油牛肉粉，汤底不算太浓，有牛𦟌同牛筋腩，值佢个粉好特别！系贵阳米粉，米粉本身较粗身同”林”啲，但又唔系煮过龙个种”林”，有少少似薯粉，食落去系嗦嗦声～杯冻柠茶个杯系啤酒杯～份量够！因为平时食辣野系要叫两杯饮品，辣野味精较多，会好口渴，呢度一杯满足晒！赞！！
继续阅读