碗屋 (已搬遷) 新店位置

呢個係當日special: 魚生,牛肉,雞叭,同埋好似係smoke左嘅牛,重有蛋呢set $135, 唔係我食嘅人哋話唔錯喎因為魚生好新鮮 我食嘅係燒牛肉包住啲大蒜嘩正到暈好香好冶味,送飯一流:重可以將魚生轉做蒸蛋添但好滑,有晒味, 唔會淡矛矛

嫂嫂返咗嚟，我和姊姊們到呢度食任點任食晚餐,質素唔錯。每人有一只日式燒鮑魚，淋淋哋，好好味。正！刺身 - 帶子、三文魚、鱆紅魚、劍魚、亦貝、甜虾。都算新鮮好味，最喜歡係亦貝、帶子和甜虾，很鮮甜。手卷 - 海胆手卷、蟹子沙律卷。少少飯，紫菜又詭，海胆都幾香，好味，蟹子沙律卷就一般啦。鐵板燒 - 銀鱈魚(脆脆哋又肥美)、牛柳粒(一般)、羊架(冇羊味)、牛脷(唔錯，厚D就更好)、牛仔骨(牛味濃，好味)、帶子和虾(好味)。火鍋 - 牛、豬肉、菜、菇；全部都一般。其他仲有炸蕃薯餅(唔錯，細細粒，外脆內昋)、蒲燒鰻魚(OK)、焗蠔(不錯)最後係雪糕，我楝豆腐雪糕，好香豆味，正！如果可以encore就好勒。Overall我最欣賞刺身和鐵板燒，很滿足的晚餐。 星期一至四喺$328 per head; 星期五、六喺$298per head。下次都喺星期五先嚟啦。

地方幾好，但椅子不舒服，腰板太直。服務快捷、幾好。首先，頭盤3選1，有焗螺、鮑魚及焗帶子。我同老公Mimi都選擇鮑魚，好正好淋！汁甜味美。刺身：漳紅魚、甜蝦、帶子、劍魚腩、赤貝好新鮮，北海道海螺麻麻地，好多醬。海膽小手卷 ： 沒有海膽刺身﹐所以吃海膽小手卷。海膽1 條仔尚算新鮮﹐但袖珍得很。三色豆腐：豆腐上面放了些海膽和三文魚子，豆腐中間再夾了一層薄薄的三文魚，必試及encore，但味道是淡淡的。燒鵝肝多士 ： 細細塊，煎得不夠香，味道不及板前的濃烈。但都Ok，encore 之一。焗蠔： 我不太好蠔，但老公卻吃了起碼半打。燒銀雪魚 ：燒得很香、很惹味，因銀雪魚較肥美，一件都算大件，飽到吃不下。燒油甘魚頭 ：正！外脆內滑。燒蕃薯 ： 這裡的燒蕃薯是我所吃過最出色的。把日本紫皮黃心蕃薯切開一半，塗上薄薄的牛油及蜜糖、燒成賣相一流的金黃色外皮，而咬落有少許脆而甘香的味道。豆腐沙津：豆腐好滑，日本芝麻醬好香、好掂！土佐豆腐 ：即炸豆腐、外脆內滑，熱刺刺！燒雞軟骨：一般蒸蛋：好滑，最好不要放假魚片於蛋中。掂！麵豉湯 - 齋鹹、唔掂。軟殼蟹 - 好腥有D臭、像吃死蟹、又冇日本沙津醬配、最唔掂。雪糕

今次我的朋友為我慶祝 生日，她預先已經同我講依間野好正..!!!仲好full !!! 好難book 位不過好彩後尾後補有位, 不過坐鐵板燒嗰度, 不過兩個女仔都無乜所謂啦....!!! 一去到即刻比左個刺身併盤，d 帶子真係好好味, 好新鮮，甜蝦都好甘甜!!! 見到佢地都好開心!! '跟住叫埋鐵板燒，有鵝肝, 厚牛肉，帶子... 全部都好好味，燒到啱啱好!!!突然間個部長走埋黎問係唔係有人生日呀!! 我話係.. 跟住便拎左個刺身蛋糕黎，好震撼呀, 我從未食過d 蛋糕我係可以食哂(通常d birthday cake 有 cream都唔想食)!! 跟住仲有份gift 送.. (係鎖匙扣黎)。最尾要講雪榚啦.. 芝麻味好濃郁!!! 好正..!!!

睇openrice咁多人讚一於試先,一個人有一款貴野選擇,就係日式燒鮑魚, 焗蠔及焗帶子 ,我同朋友都選擇鮑魚,鮑魚燒得剛剛好,用左日本醬油去整甜甜地,味道唔錯,不過可唔可以大隻D,剌身....帶子,甜蝦 ,三文魚,北海道海螺,一句講哂夠哂新鮮,尤其北海道海螺,十分鮮甜帶子,甜蝦亦相當唔錯鐵板燒... 銀雪魚, 牛柳粒,羊排,大蝦,鹽燒海蝦,日本蕃薯,燒得幾好, 唔會太油,銀雪魚好滑, 大蝦就普通,冇乜蝦味,牛柳粒同羊排燒得剛剛好唔會太熟,鹽燒海蝦,好大隻,又有蝦膏,肉質爽口彈牙必食日本蕃薯,好甜好香鵝肝多士,味道香口,不過真係太細塊la炸蠔,天婦羅蝦,炸軟殼蟹,都唔錯壽司卷物...海膽小手卷,海膽尚算新鮮,手卷尺寸名副其實,真係小手卷辣味拖羅卷,普普通通食唔到乜味,可能太細塊,季節魚盬燒,即是燒三文魚頭,燒得很乾身,唔會油淋淋,夠香口最後選甜品,每人只送一球雪糕,我同朋友都選芝麻雪糕,芝麻好香

尋晚終於食到喇....以$360既價錢會有更好的選擇....至少再服務上....有很多地方會做得俾他們出色.....由打電話book枱到去到拎位....其實已經中裡有數....到我們坐下,那個帶位的服務員不太殷勤的講解我們已知道.....又是那種以為自己有生意就可以一副不在乎的姿態的餐廳....唉....不是說他們很惡劣.....不過進步的空間實在很大....至於食物方面....刺生...很好....特別是赤貝....不過海膽手卷很差....不新鮮.....鐵板燒和火鍋....很一般.....最後我很想說的是....我們坐在壽司枱.....大概9:15....他們開始洗壽司柜和枱....我們對著他們用水清洗著面前的壽司柜....感覺很差....當時我們還在吃著我們的火鍋.....唉.....這裡一定不會是首選...

難得有人請食飯我地就揀左去依日本BUFFET食左咁多野之後 有以下COMMENT:剌身必食: 帶子, 赤貝, 章紅魚, 甜蝦 一句講哂"新鮮" D帶子糸甜鐵板燒必食: 帶子, 大蝦, 饅莆燒, 銀雪魚, 牛舌, 薄燒牛肉, 和牛粒燒得几好, 唔會太油, 係個銀雪魚有少少油, 不過D魚好滑, 和牛粒炒得剛剛好唔會太熟爐端燒必食: 薯餅 依個THEME就麻麻地 唯一只係個炸薯餅好好食.....好甜 好香口特別介紹: 一個人有一款貴野食就係燒鮑魚, 焗螺及焗帶子 唔駛多講 睇相就知道好好食 鮑魚燒得0岩0岩好 用左日本醬油去整 甜甜地 甜點: 日本雪糕: 有雲哩拿, 豆腐, 紅豆, MANGO, 綠茶 紅豆最好食 YEAH !!!

有人升職請食飯，帶我哋來這中環小店。開放式的自助餐吃得多了，但很久未吃過任點任食的放題，果然沒有令我失望．雖然話任點任食，但係鮑魚等每人只限一份．因為同枱人多，沒有影到相．食物太多不能盡錄．我最喜愛的食物如下：魚生壽司：吞拿魚，三文魚，油甘魚，帶子，海膽，三文魚子，甜蝦．．．鮮甜．希望唔會食得太多生蟲鵝肝　－很肥美香口．聽說鵝／鴨肝的肥美就是動物的脂肪肝，對人類身體無益，但美食當前，一於少理．銀雪魚－以前香港曾經鬧過「油魚」疑雲，但這裏很放心吃到一些再三回味的雪魚．連一向不吃魚的人都喜歡鹽燒雞翼- 原來只要點點鹽, 加上炭火烤, 便是一道美食燒羊架, 燒蠔, 薄燒牛肉, 蒸蛋都比很多店味道好雖全院滿座，但侍應上菜快，抵讚在租金高昂的中環, 生存多年的餐館, 是有它的原因.只是自助餐或放題, 有點作賤自己, 又要吃得多, 吃得多又辛苦...

是日下著大雨﹐但半點也沒有影響當晚來這裡享用期待已久的豐富日式放題。進店後﹐被安排坐在壽司吧前,因而被眼前各樣新鮮刺身及師傅放在我們枱旁的刺生船軍隊弄得肚餓得很。是日每人前菜款式有﹕ 鮑魚﹐焗帶子&生蠔。鮑魚當然不是大大隻那種﹐雖然不太大隻﹐但味道鮮美﹐肉質煙韌﹐是頭盆首選。焗帶子質素因與期望有點不同(以為是焗大大帶子)﹐但來到才知道殼內是放著4-5細細粒柱子再蓋上濃厚的芝士汁﹐質素不太好。 刺身有三文魚﹐漳紅魚﹐甜蝦﹐帶子﹐北寄貝﹐希靈魚﹐劍魚腩﹐赤貝﹐北海道海螺。甜蝦 - 不是平時在其他日式放題所吃到那些冇頭兼細細條那種﹐而是中形連頭連尾那種﹐蝦頭內還有很多啡色的蝦糕。帶子 - 算是這麼多種刺身中質素最好的 – 厚厚白白的帶子肉﹐一開為二﹐質地膠膠﹐鮮甜味十足﹐是當晚叫得最多之其中一款。北寄貝 – 肉質爽口﹐內臟亦清理得很乾淨﹐沒有半粒沙。三文魚 – 切成短厚粒壯﹐與平時所吃到長而薄的切法有些不同。味道不過不失﹐但沒有那種濃烈而肥美三文魚油的味道。漳紅魚, 劍魚腩﹐赤貝 – 質素不太好﹐漳紅魚和赤貝味道有點兒’月星’,劍魚腩肉質亦比較韌和多筋。因刺身沒有海膽﹐所以從海膽小手卷才能吃

在前人話不好吃而朋友們滿懷期望的情況下終於到了這間店舖吃日本野食物 - 雖然選擇未必太多, 但質素同價錢成正比, ok!當日我揀了帶子, 賣相一點都不失禮而且出奇地覺得好食(因前人批評這間店不可取)..只可惜有芝士..太滯了....另外，不得不提的是他們的食物出奇的細份量..初初見到時不禁抓頭, 但後來都認為他們做得對的, 反正都是放題, 吃完再叫過就是了..就好似我的朋友們不斷的叫蝦、帶子、凡立貝、鵝肝都是一樣服務 - 可能是我們太黑吧!!我們遇上的全都黑口黑面, 放食物時好似同張枱有仇似的大力放上枱上, 叫他們提供放殼的碗時又好似借左聾耳陳隻耳這樣，我們都覺得他們很FUNNY，中環竟有這種服務態度而又生存到, 勁!總結: 食物OK, 人就麻麻地, 還有的是我未吃雪糕之前已經肚瀉(我想應該是自己受不起而已), 再加上本人對任何自助餐或放題都一般的情況下, 應該沒有下次了吧!

9 號係我既大大大日子!!! (祝我生日快樂..)事前因為同男友仔有D意見分歧, 所以都無諗慶祝既事, 打算普普通通食餐飯就算...點知...當日男友仔同我講, 佢 book 左位, 要帶我去食好野 book 左 7 點鐘, 收左工 (金鐘) 再行左陣街街先過去... (有 D 緊張, 到底目的地係.....!?)黎到一棟商業大廈既前面, 再源電梯上去直望就見到.... 兩隻大字 落返一條小樓梯就到左舖面, 面積唔大但係空間足夠, 唔會有迫既感覺 一坐低, 就先揀頭盤: 生蠔刺身 / 原隻汁燒鮑魚 / 巨型燒帶子為左慶祝下, 仲加錢要左個熱清酒...酒香醇而厚 @@ ($18 / 100ml) 男友仔揀左: 巨型燒帶子 我揀左: 生蠔刺身之後就開始點任食既食物, 包括刺身 / 燒物 / 鐵板 / 壽司 / 手卷...等等食物既種類其實唔算多, 大概有 5 樣 (上面提及既), 仲有火煱添 不過食品就都有 around 10 幾種 (每類) 仲有餐後甜品 (雪糕一客)讚 味道方面, 好味!份量, 足夠! (不太多不太少...因為太多就會易飽, 就會試唔到其他野)店入面周圍都幾乾淨, 坐得

假日喺中環剪完髮，真係都唔知去邊度醫肚好，小公主提議去我公司樓下嘅碗屋，真係咁多年都冇機會試過，好....返正佢地冇因為假日而休息。佢要喺 Office Lobby嘅入口行樓梯級落一層，非常隱蔽，事實上你諗吓一間門面咁細嘅餐廳，竟然可以喺中環生存咁耐，真係自然有佢嘅原因。落到去，當然係即刻有位，裡面真係間咗好多房，啲路九曲十三灣，冇人帶你行，或者你要去搵人真係超高難度。見佢地嘅poster，原來佢地嘅放題亦都感咗價，降至$298，真係搵日要嚟再大吃特吃。Waitress見到我影緊食物相，亦都好熱情咁為我地將啲食物執過位，方便我影相，待應姐姐真係熱情兼細心，值得嘉許。講到食物方面，我地叫咗兩個午市套餐，分別係魚生飯同鰻魚飯定食。1. 魚生飯定食 - 魚生飯用料豐富 - 有蝦、蛋、三文魚、北寄貝、海膽、螺肉........啲魚生都幾新鮮，份量足夠，但飯會稍硬且黏身，感覺會槳住個口 ; 車海老北海道燒嘅蝦可能唔太新鮮，有啲霉霉地，開邊燒，蝦面搽上蛋黃醬，感覺似西式多過日式 ; 海澡沙律嘅蔬菜爽脆啲、個dressing酸酸地，好省胃 ; 最特別要算係個海鮮湯，佢係用一個茶壺盛載，我地初時仲以為

全晚要不停地發輝小宇宙, 同啲美食拼過刺身..壽司..手卷.. 鐵板燒..串燒..甜品...ichiban 呢!!!!汁煮鮑魚 ~ 每人只得一客, 好淋好食喎!!刺生拼盤 ~ 吞拿魚, 帶子, 赤貝, 元貝, 希靈魚, 甜蝦, 劍魚腩...樣樣都掂!!鹽燒雞翼 ~ 外面燒得乾身好脆, 三個good good good!厚燒牛肉 ~ 唔韌, 好好好食!薄燒牛肉 ~ 入面夾住蔥, 味道夾得很!羊扒 ~ 完全係pefer..唔蘇又好好味!!海膽豆腐 ~ 豆腐夾著三文魚粒及蟹子, 買相覺得好得意, 食落都幾特別!!燒蠔 - 一啲腥味都無, 好唔韌!!銀鱈魚 ~ 外面燒得好香脆..好食鯖魚 - 好肥美!明太子秋刀魚 - 秋刀魚就食得多, 夾住明太子都係第一次食, 可能有明太子, 唔覺得秋刀魚腥!!帶子同蝦 - 燒得啱啱好!!煎鵝肝 ~ 煎得香脆!!海膽小手卷 - 細細卷夾住好味海膽, 唔洗浪費!!炸蕃薯餅 - 外面炸到金黃色, 入面蕃薯好味..只可以食少少, 如果唔係就浪費咗啲 quota 啦燒雞骨腸 - 味道好似啲台灣腸!鰻蒲燒 ~ 如果有個珍珠米飯..就perfer!...都係唔好浪費qu

三月三十日(星期一)晚任吃HK$328加一前菜(三選一): 要了汁煮原隻小鮑魚，賣相別緻，肉很軟腍，好吃刺身類: 拼盤 (魷魚、赤貝、希靈魚、甜蝦、帶子等)新鮮肉爽，可惜沒有北寄貝壽司卷物類:鮑魚小手卷 – 鮑魚絲口感不及原隻海膽小手卷 – 由於刺身類沒有海膽，唯有吃這款。海膽尚算新鮮，手卷尺寸名副其實，很袖珍小巧鐵板串燒類(建議叫的份量可少於實際人數)串燒雞軟骨 – 不過不失油甘魚頭 – 給我們的是較多肉的部份，不像魚頭，肉質有點實蒜片一口牛 – 牛肉粒很多，可惜淡而無味，不吃也罷鐵板薄燒牛肉 – 不錯牛舌 – 厚切但腍身羊鞍 – 小型，很腍醬料 – 入席時桌上已備有芝麻醋酸醬及醬油火鍋類多款湯底(豬骨、海鮮、米粥等)供自選濃牛肉清湯底Sukiyaki(以日式大黑鐵鍋盛載) – 實為醬油及糖，已有雜菜(冬菇、韓式粉絲、金菇、豆腐、黃芽白、大蔥段等，已非常入味)，值得推介和牛片 – 很腍，但沒大牛肉味，下鍋時容易散掉極品牛肉片 – 脂肪分佈均勻，有牛肉味，不俗廣島蠔 – 肥大嫩滑，非吃不可黑豚肉 – 很腍，也值一試野菜(皇帝菜)日本菇醬料 – 入席時桌上已備有三款(麻醬、橙色辣醬)雪糕

時隔一段日子…又係同良朋聚聚o既時候…大家想食buffet, 好友就推介”碗屋”…就同好多Openrice食評人一樣…我都要俾個”讚”佢…!!!周五晚“周末任你點”餐牌有40-50款美食任點任食…每客例送(1)鮑魚/蠔/帶子 + (2)飲料一杯 (點了熱柚子蜜,好夠味!) + (3)餐後甜品 – 芝麻/綠茶雪糕一球…如果係剌身迷又腸胃應付得o黎…來數客剌身大併盤都已物有所值…新鮮肥美到不得了…!!!!數至愛有(1)甜蝦剌身…我一人都食了一打以上…隻隻除頭除殼後,肉身都還有食指咁大隻!!!...超級鮮甜味美啊!!!!!!!!!!!!!!!!!...如果吾係仲有咁多款色等緊我…真係…….吾止哩個數…(果晚餐牌上o既都試吾晒!!!)…除此,還推介要一點再點再點o既有(2)天婦羅大蝦…蝦大大隻又爽嫩,個炸漿做得好好!!!... (3)炸軟殼蟹卷 (4)海胆及各式小手卷!!!!都有吾理想o既…….豚肉燒山葵風味…冇肉味冇wasabi味!!!鹿兒島燒豬軟骨…多點豬味but過焾!!!野菜煱…用蕃茄湯底但個味好似金寶ABC字母麵湯!!!!炸蠔…蠔冇問題…炸漿就吾多得!!價錢抵,食物有水準,服務ok,上