影片
食记 (56)
一直都好少黎到中染呢面食晏今日本来想去萨利亚食意粉pizza但临时转軚话试下呢间,都好丫~见佢个名真系几得意又唔知点解同埋又法国又越南咁,真系搞唔明有咩食呢~入到去睇到佢d介绍,原来碌冧系指类似鱼露既调味料㖞忽然谂起唔知越南定泰国果头有一种又系好猛料既调味料,叫做「桂花蝉油」,好似话落一滴落去煮野,就成味野都增鲜不少,听落仲坚过一滴香睇黎果d地方既香料都好出色不过而家都无乜天然既桂花蝉油喇,比人搞到越黎越少,d油就升到几滴一美金咁贵....讲返正题,呢间碌冧个名就好特别但原来d野食呢,就唔算好令人惊喜叫左个猪扒饭，好细块下,又唔系好出色有d似以前公司can果d汁捞饭咁同埋价钱都比较贵啦最大斋就系讲左咁耐都唔记得试下d鱼露添!!!!!不过佢个环境系几好既坐得好松动如果闲时同朋友黎吹下水都唔错见佢晚餐好似正好多下次有机会黎试下先~
继续阅读
匆忙的下午...没时间思考去那儿午饭...路过这间碌冧法式越南料理...唔驶等位, MENU唔错...决定一试~Lunch menu...算是很多选择,虽然餐厅主打法式越南菜, 但另外还有很多其他菜色选择...不错呢~~左选加选, 最后点了海鲜意粉~~卖相不错, 而且十分足料,有鱼柳,青口,虾...~~~如果喜欢很浓芝士味的朋友可能不够满足...但我却有点怕腻, 所以这个刚刚好~~餐饮冻奶茶...不过不失~值得一赞是糖水自己加...可按自己口味决定~!!!
继续阅读
下午茶时间，约左朋友到附近愉景新城行街，商场都几大，但又唔系特别多野行。之后去左附近的餐厅医下肚今次朋友拣左食越南野，我就无乜意见，因为好少食，嘻。入到餐厅，下午茶时间唔算多人，环境都几宁靓舒脚。我地拣左座大卡位，舒服d睇左餐牌都算多野食，自己怕唔够饱，拣左午餐menu。我拣左焗鸡扒饭，朋友就拣左生牛肉汤河。朋友个生牛肉汤河，侍应原来会响客人面前落热汤牛肉算多，仲有粒青柠可以用，不错。我就拣左焗鸡扒饭面头有落芝士，正，岩哂我饭底几干身，系有炒过，份量都几多，岩我大胃王
继续阅读
一次无意之选，去了荃湾的碌冧，入到餐厅只见各有各忙的侍应，没有人在门口安排派位，只好自己找个侍应问，取了票便等位，我同我父亲大概由8:20pm等到8:50pm便有位入坐，由于9:00pm后的任食每位会平$10，而我地都系早左10分钟，所以便问清楚，因入坐后无人同我地讲过个收费系点，谁不知个经理劲串话入坐起计，叫我地一系出返去等到9:00pm先再黎过，仲比埋个餐牌我地话你地叫散，我都系想问清楚姐！其实我地一早已入单叫任食，只系等心里有个数！至于食物方面，都系蔗虾同芝士条最为吸引，因他们出食物会一次过出晒你点的食物所，所有肉类摆耐左便不好吃了仲有每位送的带子要等好耐，因即烧的关系，但太多又不好吃！不会有下次！
继续阅读
之前睇过好多人都话唔好食...特意去试下呢间鸿星旗下既究竟系点..见门口D宣传都好唔错,,但系食晏时间竟然唔需要等位...心感不妙...........餐牌都几多野拣...但系谂住稳阵起见...叫左个扎肉汤檬同埋焗猪扒饭..谂仕应该难食极都有个谱...汤檬好"淋", 要用匙更先食到..个汤好淡..近乎系冇味....突然间觉得...自己煮都会比佢煮得更好....朋友叫既焗猪扒饭就更加惊吓..好硬, 好干, 好酸.....虽然佢地环境同侍应都OKAY...但系佢地既食物质素..我决定以后都唔会再去
继续阅读