影片
招牌菜
2月23𠮶日，因为朋友牛一，于是咪谂住揾个地方大家聚一聚啰。生日𠮶位朋友想食越南菜，咁啱我有次经过将军澳中心，见到间『碌冧』系食越南嘢嘅，同埋好耐之前喺收音机听过呢间咁特别嘅名，咪想试吓啰！由于大家冇异议，于是就订咗七点钟。我哋去到𠮶时，得小猫三两只，以为话闲日（星期四）同时间早啫，点知𠮶间嘢成晚都冇一半系坐满嘅，间嘢唯一好处咪就系够静局啰！死未？大家谂好菜式之后，朋友顺手写咗喺塾枱张纸度，于是叫人落单，埋嚟𠮶个男人，以年纪同服饰睇，应该系经理。因为现时很多食肆都会将菜式编个号数俾佢，方便落单，朋友咪谂住讲『冧把』啰，点知个疑似经理就一句『得』埋嚟，「我哋冇用『冧把』过㖞！」，跟住，佢睇吓写低𠮶啲菜式，因为我哋叫咗个蚬肉炒粉丝，佢睇完就话：「今日冇蚬肉！」朋友想改猪颈肉，佢又话：「冇猪颈肉！」我哋气愤之余，唯有讲：「咁你有乜就俾乜啦！」吹涨！今时今日咁嘅服务态度，仲要系『要乜冇乜』，怪唔得生意咁差啦！以下系我哋点咗嘅食物：1)半只鸡 2) 柚子沙律 3) 炒什菜 4) 蒜蓉包 5) 煎猪扒 6) 春卷 7) 串烧牛肉 8) 炒粉丝 9) 鲜柠梳打、士多啤梨冰、热咖啡 10) 拉爷糕、咖啡糕整体上，食物质素，叫做不过不失，普普通通咁啦 ! 不过，份量就认真少！我哋六个大人，只系得我一个男士，食完哂都好似未饱咁，于是咪谂住叫啲顶肚嘅甜品，好似『黑糯米』吖𠮶啲啰，点知个疑似经理埋嚟话：「今日甜品卖哂，净番『拉爷糕』！」有冇搞错？又冇得拣！因为一客啱啱系六件，我哋咪叫一客啰。转头，个女侍应同我哋讲：「『拉爷糕』净番两件，问我哋要唔要『咖啡糕』。」鬼叫我哋未饱咩，照要啦！最后，令我哋最『庆』嘅事发生咗，隔篱枱竟然有『热辣辣』嘅『黑糯米』食！朋友埋单时，问个女侍应点解经理话冇哂『黑糯米』，但其实系仲有嘅？佢只系无奈咁笑一笑，于是，朋友就一毫子贴士都冇俾，咁做嘢法，睇佢几时执！
继续阅读
星期日，囡囡有朋友在楼上屋苑会所开PARTY，于是一家四口 (两公婆+5岁囡囡+1岁仔仔)来了食LUNCH。叫左两个午餐＋一个小食：1. "火车头汤河粉", $50－－跟餐有大大杯冻饮，赞！－－附洋葱汤，细细碗，味道尚可；－－主食超唔掂！所谓火车头，完全唔系出面那种大大碗好多𩠌的火车头！碗，是一般食肆汤面SIZE，河粉系一人份，𩠌，只有两粒牛丸＋几片薄牛肉＋一两小旧牛腩！味道中规中矩，但份量绝对唔饱！2. "菠萝虾膏炒饭", $52－－一样有大大杯冻饮＋洋葱汤－－份量较合理，炒饭够热又够干身，配料有虾仔几只＋切到好细粒的扎肉＋菠萝等，大致可收货3. "越式粉包", 跟餐加14蚊－－落单前已问过，侍应讲系「两件」。心谂，两件14蚊，合理价吧！－－实物，两件用好细个碟装住，加埋不足5CM乘5CM（两个痴埋一齐放），好少料，粉好薄，只食到内有少少猪肉碎，和鱼露（味精？）的味道！－－唔好话14蚊，7蚊都俾多佢！埋单$116，冇加一，但，唔值啰！
继续阅读
之前食过一次，食物质素普通！但今次经过睇到中午餐牌觉得菜名很吸引 就试下！点知有意外收获首先卖相吸引 比起之前睇得出今次好有心机！味道方面都好食好多！问返侍应原来系厨房有人事变动，价钱亦好合理，好大众化，而且有尼个质素 。直得一试 下次会再尼！
继续阅读
大年初一，团拜过后，到附近商场品越菜，贺新年。晚市自助餐$118+10%一位，任点任食。百余元一位的自助餐，食物质素不要有太高要求，主要都是一些越式小食如越南春卷、香茅鸡翼、肉崧虾片等等。主食有生牛肉汤河、扎肉冻檬...。除越南菜式，亦有少数「法菜」如烧羊扒、烧牛肋条、蒜蓉焗青口等等。云云食品，以香茅鸡翼、烧羊扒及烧牛肋条比较好食，其余食品平平。菠萝冰、木瓜鸡汤、椰汁黑糯米则唔系好得喇！
继续阅读
任食？好抵？就咁入左去食种类唔算多。每次小碟上，非常迷你。食物味道麻麻地，饮品ok。服务速度算ok，服务态度ok。如非必要，可以唔去。任食迷你餐质量，老老实实其实将货就价。
继续阅读