影片
以上资料只供参考，请与餐厅确认详情
位置比较偏僻，住附近既朋友带我去食下午餐先知道呢个地方。下午人唔算多，有位唔洗等。叫左鱼肉碗仔翅，再叫肠粉炸烧卖。都几大碗，有细个喺街边小贩档食既碗仔翅既味道。质感杰杰地，唔会好水。足料。可以再encore。
继续阅读
两个人叫左一碗大粉仔，一碗细鱼翅加鱼肉，一份鱼蛋，炸鸡脾，肠粉，鲜榨椰汁，仲要左一份炸猪油渣，埋单130蚊左右，但已经好饱肚。以下呢三样野，下次一定会再嗌。大粉仔$33。汤头浓郁，饮落去鲜甜亦有好香虾米味道，冬菇同油渣份量都唔会好小。仲有辣同唔辣既菜莆粒任加，其实唔洗加菜莆粒都够味，不过加完又再惹味啲。温提，佢地啲辣菜莆尬真系几叻下。鲜榨椰汁$14。饮落好够椰香，仲会食到碎碎既椰渣，好饮。炸鸡脾$22。即叫即炸，大概等左10-15分钟左右，黎到热辣辣都算大只，腌得够味。
继续阅读
香港｜葵涌｜石篱粉仔粉仔鱼肉 $24有鱼肉、粉仔、猪油渣、冬菇，猪油渣好香，仲要大大旧，正。鱼肉好多，弹牙。粉仔滑嘟嘟。枱上仲放左去菜脯，辣菜脯够辣，加埋落碗粉仔度，增加左口感同味道👍煎酿三宝 $13 一份有五件红肠炸到好脆，香口，个鱼肉同红肠痴到实一实，唔会散开炸鱼旦好弹牙，好足料。茄子超大旧茄子，如果鱼肉酿系中间会更好。云吞呢件云吞既皮炸到超脆，不过就食唔到个鱼肉饀。豆腐呢个必食，豆腐炸到成旧金黄色，超正。鲜榨椰汁 $14🫶🏻好好饮，好浓椰子味，饮落仲有啲椰子肉碎。石篱粉仔 (葵涌)葵涌石篱大陇街143号葵都大厦地下5号舖#香港美食 #葵涌美食 #煎酿三宝 #粉仔 #猪油渣 #椰汁 #石篱粉仔 #石篱
继续阅读
又想食粉仔，又想食碗仔翅又两沟做粉仔翅🤣🤣🤣🤣外卖加一蚊$25细碗仲附送一辣一唔辣菜甫😘😘😘😘 好贴心好足料👍👍👍👍粉仔又好滑猪油渣好香口
继续阅读
今日喺呢边睇完电影，忽然之间觉得好耐都冇食碗仔翅呢类街边嘅小食，同朋友讲起，朋友即刻安利咗呢间位于葵涌石篱大陇街143号葵都大厦地下5号舖噶石篱粉仔，环境都几怀旧，地方座位都几阔落。煎酿三宝，酿茄子，酿豆腐，鱼蛋，同埋酿青椒，即叫即整，茄子胀卜卜，豆腐角都几大旧，配埋豉油，回忆返晒嚟。生菜鱼肉汤，麻油味香，小小胡椒粉冚咗鱼肉嘅腥，令个汤更鲜甜，鱼肉弹牙。鱼肉翅，鱼肉份量都几多，碗仔翅材料丰富，呢个组合冇得输。今日呢个晚餐组合，平靓正又饱。
继续阅读