影片
港铁马鞍山站 B 出口, 步行约1分钟
继续阅读
电话号码
94838974
附加资料
用心提供新鲜生滚粥及各种小食的小店
营业时间
今日营业
10:00 - 22:00
星期一至五
10:00 - 22:00
星期六至日
08:30 - 22:00
公众假期
08:30 - 22:00
以上资料只供参考，请与餐厅确认详情
今日同孕妇友人揾野食，最后决定系马鞍山食粥！除左粥之外，发现入面都几多款式，有香港地道小食、糯米饭同肠粉等等。友人话超级饿，样样都想叫啲，真系放题咁食。🍠皮蛋艇仔粥 $28粥底唔算绵，但都几足料，依个价钱我觉得都算抵食，但个碎牛唔够浓味！🍠红油抄手 $26一共有5粒抄手，但个皮唔够薄身同埋酱汁唔够红油冇辣味🍠蛋黄咸肉粽 $26入面绿豆料正常份量，但都几入味，如果里面个绿豆可以再软绵啲会更好。🍠脆皮鲜虾红米肠粉 $32依个比我想像中又几出色！肠粉皮唔厚，入面馅料又几足，个炸粉唔厚同埋真系脆！真系要趁热辣辣食呀，同埋依个价钱几抵食。对粥底唔太高要求既话，又想咩都有得食下，都系一个选择。📍知粥乐马鞍山鞍禄街新港城中心五期地下G29号铺
继续阅读
原本唔系住个区，但系揾人经过就入左去试，唔试唔知，呢个就系屋企味个日食左个滑牛粥加个红米肠，一食落口就系以前细个屋企人带去食粥个个味，突然谂翻好多以前啲嘢。个老板娘见我食得好滋味就走过嚟倾左阵，闲谈之间觉得个老板娘好好人，会尽量配合唔同客人嘅要求，感觉佢哋好似一家人咁好和谐其实宜家咁多连锁店大集团，都已经冇咗细个时候个个人情味，仲见到呢啲小店真系要好好珍惜
继续阅读
呢间野，一年多前新开张试过一次，当时只做外卖，皮蛋瘦肉粥落漏左皮蛋，之后就无再帮衬。今晚忽然又想食粥，其实商场入面有连锁嘅，不过我谂住可以的话就支持小店啦。牛肉球，10蚊有两件，上到枱咁嘅样，我唔洗评了吧。艇仔粥，热辣辣嘅，厨房哥哥落花生前会问我要唔要花生，几细心，之前有食评话佢绵，其实佢系稀。食左几啖，我已经出晒汗，我问老板，外卖兜几钱？我要拎走食，呢度无冷气真系食唔到，老板即时黑面：「我呢度唔系无冷气，系唔够冷气啫，30几度唔开冷气仲得了嘅！」我同老板讲：你可以当系客人意见，个冷气真系要搅搅佢，出面30几度你入面都有30度㖞。老板：唔系唔搅，系无得搅，呢度个冷气就系咁嘅。我：咁嘅温度真系无乜人愿意堂食。老板：我洗_你教我做生意呀，你系咪玩野呀？你唔帮衬你就唔好帮衬，「娘亲问候语」。最后不欢而散。我亦攞住兜粥返屋企开冷气食埋佢。「无人堂食」，所谓真野唔好攞黎讲，我谂，老板都好清楚自己间舖咩状况了。住附近嘅经过留意下都唔难理解佢点解会有压力。同埋，老板你唔应该捽完鼻然后去将餐具放入餐具盒。
继续阅读
第一次帮衬，呢区粥品选择是有的，但是水准如何呢各人味觉判断有差别。于是就外卖回家慢慢叹，叫齐我想试的，一个鱼腩粥，这是最稳阵兼试到功夫的，一个虾肠，一个白灼猪润。鱼腩粥放了二小时仍微暖，当然二话不说隔水翻热，如果用微波炉翻热就只能说句少年你太年轻了。。入口绵滑，虽然不是潮洲系的粒粒白粥，现时己很难要求。总之是粥就OK接受，鱼是脘鱼。有骨当然，味道也实在。虾肠的米肠滑，米香尚欠一点，虾就是预期的那种一般雪虾养虾你懂的，如果比新鲜海虾你就要惊，大大只算足料，合符价钱。白灼猪润，份量很足，猪润口感味道可以OK，姜葱青瓜配倒是不错尝到有一些食材味道。调味方面没有多余或过量的，很本真味，吃得舒服。食材质素也跟价钱相符而且算抵食，相比楼上的靠得住很一般般的水准味道价钱偏高，我当然会选择这家小店。
继续阅读
粥绵滑，食完唔口喝，粟米及皮蛋足料，牛肉肠足料，软滑，不会‘鞋’口，番叮都不会差，又抵食，价钱合理，会再帮衬系马鞍山好难揾到粥同肠粉都同样好食，期望保持水准。。
继续阅读