知味屋 (已結業)

灣仔道購物後已經過了十二時，剛巧下雨，便趁早找間食店入內午飯兼避雨。見到門面可以，便入內坐下來。叫了一份帆立貝磨菇忌廉意大利飯及多利亞芝士焗魚柳飯。先來了帆立貝磨菇忌廉意大利飯，有兩件帆立貝及汁在一碟飯的上面，好似已經沒有東西可以送飯吃了；不過帆立貝的裙邊不清潔不可以吃，更少了東西送飯。多利亞芝士焗魚柳飯隨後到，厚芝之汁舖面，見不到魚柳的大少，有芝士味，吃到諗身的魚柳，分不出是否龍脷。不過試吃意大利飯的時候便發覺有大問題：為何意大利飯的【飯】和焗魚柳飯的【飯】是一模一樣的？？？叫了意大利飯吃不到意大利飯，抑或【這裡的意大利飯】是有啲忌廉汁便叫做【意大利飯】？？？在這兩客飯裡，同樣的忌廉汁，同樣的一些香草！咁另外一份芝士焗魚柳飯便可以叫做【芝士意大利飯】，的確好方便，只要一樣飯，我叫它是什麼它便是什麼！服務性行業不單要用心賺錢！更係要用心服務！

這間位於灣仔的知味屋之前新開張時推出$99任食牛扒，吸引大量訂座因而將優惠期延長了～而我地都係早兩星期去了挑戰試一試～佢哋晚食有三個時段，每個時段75分鐘，可任點牛扒薯條沙律同忌廉湯同蒜蓉包。頭一輪會上齊晒湯、沙律、蒜蓉包同牛扒薯條，之後就只上牛扒，如要其他的話亦可隨時向店員點單。雖然是$98任食，但牛扒都唔會好薄好細塊，件頭都唔錯但質素就有點參差，並非每塊一樣厚。味道方面，牛扒可點七成、五成或三成，但我覺得點幾成都差不多，其實都係撞手神的，有時七成仲pink過五成，塊牛扒腍唔腍ju唔juicy完全睇你彩數。我地每人大約各食了三四塊，有試過好厚身好juicy的亦試過好薄又多筋又乾的⋯另外薯條都係一時時，撞正剛炸起就熱辣辣脆卜卜，有時就唔熱又無脆⋯但overall以這個價錢的任食牛扒薯條來講，味道質素都可以接受，適合大食仔或食肉獸來試試，不過唔sure個優惠去到幾時完，有興趣的話就去佢地fb page或者打去問問預早book定位啦～