睿日韓料理 (已搬遷)

去咗一间日韩料理店，简直系食界既新星，料理水准出乎我啲预期！虽然唔系高级餐厅，但食物份量同味道都几有惊喜。香煎松露带子沙律够香，松露味略重，好夹带子呢种海鲜嘅鲜甜。韩式鸡肉又脆又嫩，我嗌得够晒啦！🍗 而鱿鱼酥真系即叫即炸，口感满分，啖啖肉嘅感觉就系咁过瘾！日式一人前𠮶豆腐同味增汤真系做得好入味，每一啖都令人想再嚟一口。🍲 最正系佢哋嘅雪浓汤，汤底厚而唔腻，牛肉嘅份量又足，萝卜同洋葱都吸满咗汤汁，太正喇！幸好最后有杯蜂蜜柚子茶，清新果香，正好平衡咗成餐嘅滋味。🍯成餐落嚟，我真系觉得食得开心又满足，特别系同三五知己一齐分享呢啲味道，真系令晚饭时间更加温馨。下次会再嚟探索其他菜色，诚意推介比想揾抵食美味嘅食客！👌🏻…查看更多

叫左个刺身饭 一黎已望到刺身麻麻 好似唔多新鲜 仲有根咁跟住一食劲硬 唔知咩鱼 咬唔开咁三文鱼一般比较起黎 虾还好最重要既重点黎喇一食个饭 热既？哗 人生第一次食刺身饭 而个饭系热既真心想讲粗口之后都废事投诉 一来换番都可能一样佢比得热饭 即佢无冻饭啦朋友赞伴饭好食但对我黎讲 真心blacklist呢间野$98个刺身饭 唔新鲜之余 饭仲要热既食完劲失望唔肚痛都算偷笑:(我影得佢太靓 就咁望可能真系好好食但当你食到热饭真系会想讲粗口低级错误黎…查看更多

本身见食评几好，见系屋企附近就嚟试下，但等出餐真系太耐啦🥹嗌左石锅饭同寿喜烧，味道系几好食的，但希望可以改善下出餐时间。。。。😅😅😅😅😅😅😅😅…查看更多

落雨天，唔知去边到食好，行下行下见呢间餐厅嘅餐牌啲相好吸引，就决定试下🥢韩式烤五花腩 ($118+$15转套餐)睇餐牌，见佢张相好吸引，就谂住当送咁食点知一黎就连埋饭黎，先至知原来系帮我地加左15蚊转套餐都冇问过我地要唔要套餐，就自动帮我加钱转套餐，感觉比人呃左BTW，讲返味道偏咸，我觉得似用盐腌左好耐嘅烧肉咁，所以要送好多饭食好多肥膏，所以揾菜包住食就可以中和返个油腻咁🥢日式一人前，送炸虾 ($108)好普通，冇乜特别，唔算新鲜，呢个价钱唔值🥢韩式部队锅 ($72)谂住算平，就试下，佢同韩国部队锅一样，有泡菜、豆腐、肠仔、午餐肉、猪肉片、鱼糕、芝士片、韩式年糕、辛辣面，几得意，有两片东菇，但好可惜，我未食过咁难食嘅午餐肉，即刻影响晒成个部队锅嘅质素🥢韩式泡菜煎饼 ($58)个泡菜煎饼，我就觉得太厚粉，同埋唔够香口，佢可以整薄返啲，咁煎起上黎个边都易脆啲，香口好多餐厅系家族式经营，放工时间去，见女女都会帮手落下单，送下餐，收下钱，妈妈就似负责厨房，出餐，落单，婆婆就似负责招呼客人，传话等等，睇住佢地全部都系女仕做，都觉得佢地好劲，同埋个女好乖…查看更多

今日约咗朋友食饭，当中有一个系长者，一个年轻人，于是嚟咗呢间餐厅，贪佢有寿司，又有熟食，满足所有人嘅要求。我叫咗一份寿司定食，估唔到有咁多件寿司定食，有12件寿司之余，仲有一个小乌冬，食到咁饱，竟然都$100有找👍🏻…查看更多