真‧章魚無雙

营业中

休息中

本身食開西灣河太安樓分店同埋葵涌廣場分店，一直都覺得好好食同埋質素好好，一直都keep到水準。係中環翻工，最近知道中環街市開咗新分店就走去試下，嗌左蟹子味章魚燒，雖然面頭嘅餡料遮住晒，但係我一咬落去就知道粒章魚燒係燶嘅，每一粒都係，個皮係燶到硬脆！你以為用啲材料冚住晒啲章魚燒，啲客就食唔出粒章魚燒係燶㗎啦咩？真係好失望，專登唔食晏留個quota嚟食我最鍾意食嘅章魚燒，係專登行過嚟食，但係點知食到咁嘅質素，完全係冇用心機亂咁Hea整。。。建議大家都係去返其他分店唔好呢間分店😰

炎炎夏日唔想食飯，見到章魚燒可以過下口癮喎✨明太子章魚燒六粒$38: 好多明太子，口感滿滿；章魚燒香噴噴，一口咬落熱辣辣、皮又脆康，爆曬啲章魚🐙出來，合格😋！

食過其他分店係ok好食嘅但係今次呢間完全大失所望😹永遠都唔會再嚟1. 食物本身：章魚燒個皮係又脆又燶嘅，要準確形容嘅話佢就層皮係好似豬柳漢堡嗰層包一樣咁硬蟹籽又凍又腥，食完即刻要買嘢飲漱口2. 店員態度兩個淺髮妹妹仔店員動作姐下姐下，好似都唔想做生意咁最得人驚嘅係其中一個貼住退熱貼🤧‼️‼️‼️真心唔舒服就唔好返工啦，佢仲要係負責遞嘢食嗰個🫨病菌落晒啲嘢食到最後想講嘅係 無論menu定店內紙箱都好多簡體字….「乌」冬🫨

難得出開省城，搵搵中環街市有咩食先，有新嘢就試新嘢啦，新店章魚燒，反而去旅行唔會食嘅街頭小食，港版章魚燒好多口味，最後揀咗會𡁻到「啵啵」聲嘅雙色蟹子，就地立食，粉唔算多，外層都食到有少少脆口嘅，滿滿蟹子(正式佢個名係飛魚子至啱)，裡面確係有章魚腳，而且唔止一舊，木魚絲同醬蓋過一切味道，章魚粒好有咬口，好味嘅小食。

路過中環街市食街，偶爾發現此店就是曾經特意乘車往葵涌廣場吃的章魚燒。以往吃章魚燒都要去附近的Donki。現在有另一個選擇真好。店員友善，亦只等5分鐘便可。跟葵涌廣場大排長龍情形非常不同。挑選了黑松露拼蜜糖芥辣。味道是好的，但是那章魚燒燒得不脆，跟以往吃的感覺，大有不同，有些失望。我每天都會經過這個街市，希望下次嘗試會有改進。咬開章魚燒那條章魚淡然無味，但面醬太多。如果比較章魚燒的質素，反而DONKI更好。餐牌上多種選擇是比其他同類型的店舖更勝一籌。